ARYNews.tv | Urdu – Har Lamha Bakhabar

Tag: guinness world records

  • سمندر کی تہہ میں سب سے زیادہ وقت گزارنے کا نیا عالمی ریکارڈ

    سمندر کی تہہ میں سب سے زیادہ وقت گزارنے کا نیا عالمی ریکارڈ

    پاناما : جرمنی کے ایک ایروسپیس انجینیئر نے سمندر کی تہہ میں سب سے زیادہ وقت گزار کر نیا عالمی ریکارڈ بنا دیا۔

    جرمنی کے ایک ایروسپیس انجینیئر نے 120 دن تک پاناما کے ساحل پر سمندر کی تہہ میں ایک زیرِ آب کیپسول میں رہنے کا عالمی ریکارڈ بنا لیا۔

    بین الاقوامی میڈیا کے مطابق 59 سالہ روڈیگر کُوچ گنیز ورلڈ ریکارڈ کی جج سوزانا رئیس کی موجودگی میں سمندر کے نیچے اپنے 30 مربع میٹر کے گھر سے نکلے۔

    جرمن انجینئر

    سوزانا رئیس نے تصدیق کی کہ کُوچ نے فلوریڈا کی ایک جھیل میں زیرِآب لاج میں 100 دن گزارنے والے امریکی جوزف ڈٹوری کا ریکارڈ توڑ دیا ہے۔

    میڈیا رپورٹس کے مطابق جرمن انجینئر نے وشین بلڈرز کے شریک بانی ہیں اور انہوں نے 4 ماہ تک سمندر کی تہہ میں رہ کر مچھلیوں کا مشاہدہ کیا۔

    روڈیگر کوچ کے کیپسول میں بستر، بیت الخلا، ٹی وی، کمپیوٹر، انٹرنیٹ اور ایک ایکسرسائز بائیک سمیت جدید لوازمات موجود تھے جب کہ انہیں کھانے پینے کی اشیاء ایک چھوٹی کشتی کے ہمراہ مہیا کی جاتی تھیں۔

    اس حوالے سے روڈیگر کا کہنا تھا کہ یہ ایک بہت بڑا ایڈونچر تھا اور جو یہ ختم ہو گیا ہے۔ اسے بیان کرنا ناممکن ہے، میں نے یہاں اپنے وقت کا بہت لطف اٹھایا۔

  • ویڈیو : زبان سے 57 پنکھے روکنے کا عالمی ریکارڈ

    ویڈیو : زبان سے 57 پنکھے روکنے کا عالمی ریکارڈ

    بھارت میں ایک شخص نے پنی زبان سے 57پنکھے روک کر ورلڈ ریکارڈ بنا دیا جس کے بعد اس کا نام گنیز بک آف ورلڈ ریکارڈ میں شامل کرلیا گیا۔

    دنیا میں چھوٹی عمر سے لے کر بڑھاپے کو پہنچنے والے افراد اپنے دلچسپ کارناموں کی بدولت اپنے نام گنیز بک آف ورلڈ ریکارڈ میں درج کروا لیتے ہیں جو خود سے کوئی نہ کوئی کام کرنے کی صلاحیت رکھتے ہیں۔

    کچھ ایسا ہی کارنامہ ایک بھارتی اسٹنٹ مین کرنیتی کمار پینیکرا نے انجام دیا جس نے ایک منٹ میں اپنی زبان سے 57 برقی پنکھوں کو روک کرعالمی اعزاز اپنے نام کر لیا۔

    کرنیتی کمار پینیکرا، جنہیں “ڈرل مین” کے نام سے بھی جانا جاتا ہے، نے یہ چیلنج اٹلی کی ٹی وی سیریز “لو شو ڈی ریکارڈ” کے سیٹ پر میلان میں پورا کیا۔ ویہ اس سے قبل بھی کئی گینز ورلڈ ریکارڈ اپنے نام کرچکے ہیں۔

  • ننھے ابراہیم کا بڑا کارنامہ، گنیز ورلڈ ریکارڈز میں نام درج کرا دیا

    ننھے ابراہیم کا بڑا کارنامہ، گنیز ورلڈ ریکارڈز میں نام درج کرا دیا

    پاکستان کے لیے فخر کا ایک لمحہ تخلیق کرتے ہوئے ہونہار اور باصلاحیت ننھے محمد ابراہیم نے بڑا کارنامہ انجام دیا ہے، ابراہیم نے گنیز ورلڈ ریکارڈز میں اپنا نام درج کرانے میں کامیابی حاصل کر لی ہے۔

    محمد ابراہیم انفرادی طور پر گنیز ورلڈ ریکارڈ بنانے والے دنیا کے سب کم عمر مارشل آرٹس کھلاڑی بن گئے ہیں، کیوں کہ انھوں نے 6 سال کی عمر میں ورلڈ ریکارڈ اپنے نام کر لیا ہے۔

    محمد ابراہیم نے کارنامہ انجام دینے کے بعد گفتگو میں اپنی خواہش کا یوں اظہار کیا ’’میری خواہش ہے کہ گورنر سندھ اور وزیر اعظم پاکستان اور صدر پاکستان مجھے مدعو کریں۔‘‘

    واضح رہے کہ گنیز ورلڈ ریکارڈز نے ای میل کے ذریعے انھیں مطلع کر دیا ہے اور تفصیلات بھی اپنی ویب سائٹ پر اپ ڈیٹ کر دی ہے، جس کے مطابق محمد ابراہیم نے ایک منٹ میں ماشل آرٹس ککس کے ذریعے 45 بوتلوں کے ڈھکن (bottle caps unscrewed with kick) کامیابی کے ساتھ کھولے۔

    اس سے پہلے یہ ریکارڈ 40 بوتلوں کو ککس کے ساتھ کھولنے کا تھا، گنیز ورلڈ ریکارڈز نے ابراہیم کا ریکارڈ ’نیو کیٹیگری‘ میں منظور کیا ہے۔

  • رونالڈو کا یوٹیوب چینل گینیز ورلڈ ریکارڈ میں شامل

    رونالڈو کا یوٹیوب چینل گینیز ورلڈ ریکارڈ میں شامل

    دنیا کے نامور فٹ بالر کرسٹیانو رونالڈو کے یوٹیوب چینل کو گینیز ورلڈ ریکارڈ میں شامل کر لیا گیا۔

    غیر ملکی میڈیا رپورٹس کے مطابق دنیا کے نامور فٹ بالر کرسٹیانو رونالڈو نے 21 اگست کو اپنا یوٹیوب پر چینل لانچ کیا جس نے لانچ کے بعد اب تک کئی ریکارڈز توڑ دیے۔

    تاہم اب رونالڈو کے یوٹیوب چینل ’یور کرسٹیانو‘ نے عالمی ریکارڈ بُک ’گینیز ورلڈ ریکارڈ‘ میں جگہ بنا لی ہے، گینیز ورلڈ ریکارڈ نے اسٹار فٹبالر کے یوٹیوب چینل کو 24 گھنٹوں میں سب سے زیادہ سبسکرائبرز حاصل کرنے والے چینل کے طور پر تسلیم کر لیا ہے۔

    رپورٹ کے مطابق کرسٹیانو رونالڈو کے چینل نے صرف 22 منٹ میں 1 لاکھ سبسکرائبرز، 47 منٹ میں 10 لاکھ سبسکرائبرز اور 11 گھنٹے 31 منٹ میں 10 ملین سبسکرائبرز حاصل کر لیے تھے جبکہ 1 ہفتے میں 50 ملین افراد سبسکرائب کر چکے ہیں۔

    واضح رہے کہ رونالڈو کو فیس بک پر 17 کروڑ صارفین، انسٹاگرام پر 63 کروڑ 60 لاکھ افراد اور ایکس (سابقہ ٹوئٹر) پر 11 کروڑ 26 لاکھ لوگ فالو کرتے ہیں، ان کے نام سے مختلف میڈیا اداروں نے واٹس ایپ پر بھی چینل بنائے ہوئے ہیں جہاں لاکھوں افراد موجود ہیں۔

    کرسٹیانو رونالڈو جنوبی یورپ کے ملک پرتگال سے تعلق رکھتے ہیں اور وہ قومی ٹیم کے اسٹار ہیں، وہ اسپین کے فٹ بال کلب ریال میڈرڈ اور برطانیہ کے فٹ بال کلب مانچسٹر یونائیٹڈ کے لیے بھی کھیلتے رہے ہیں۔ اس وقت وہ سعودی فٹ بال کلب النصر سے وابستہ ہیں جسے انہوں نے دسمبر 2022 میں جوائن کیا تھا۔

    النصر فٹ بال کلب نے پرتگال کے کپتان اور پانچ مرتبہ بیلن ڈی اور ایوارڈ جیتنے والے کھلاڑی سے ڈھائی سال کے لیے معاہدہ کیا تھا جس کی مد میں رونالڈو کو ایک اندازے کے مطابق سالانہ 17 کروڑ 50 لاکھ یوروز ادا کیے جائیں گے جو کسی بھی اسپورٹس میں کسی بھی کھلاڑی کا سب سے بڑا معاہدہ قرار دیا جاتا ہے۔

  • ویڈیو: دانتوں سے متعدد گاڑیاں کھینچ کر نوجوان نے عالمی ریکارڈ بنا ڈالا

    ویڈیو: دانتوں سے متعدد گاڑیاں کھینچ کر نوجوان نے عالمی ریکارڈ بنا ڈالا

    مضبوط دانت انسانوں کے لیے کتنے فائدہ مند ہوتے ہیں اس کا اندازہ اس بات سے لگا لیں کہ نوجوان نے اپنے دانتوں کے ذریعے متعدد گاڑیاں کھینچ کر دو عالمی ریکارڈ اپنے نام کرلیا۔

    یوکرین سے تعلق رکھنے والے دمیترو ہرونسکی نامی شخص نے لوگوں کے سامنے اپنی دانتوں کی مضبوطی کا خوب مظاہرہ کی اور بیک وقت چھ گاڑیوں کو کھینچ کر گینیز بُک آف ورلڈ ریکارڈز میں دو بار اپنا نام دج کروالیا۔

    سوشل میڈیا شیئرنگ ایپ انسٹا گرام پر گینیز بُک آف ورلڈ ریکارڈز کی جانب سے اپنے آفیشل پیج پر اس سلسلے میں ایک ویڈیو شیئر کی ہے جس میں نوجوان اپنی مہارت کا مظاہرہ کرتا نظر آرہا ہے۔

    شیئر کی گئی ویڈیو کے کیپشن میں بتایا گیا ہے کہ دمیترو ہرونسکی نے پہلا ریکارڈ اپنے نام کرنے کے لیے دانتوں سے 6 گاڑیاں ڈرائیورز سمیت کھینچیں، ان گاڑیوں کا مجموعی وزن تقریباً 7603 کلو گرام تھا۔

    گاڑیوں میں اسٹیئرنگ وِیل ڈرائیورز کو بٹھانے کی وجہ یہ بتائی گئی تاکہ ڈرائیورز نیوٹرل گاڑیوں کی سیدھ کو برقرار رکھیں۔

    دوسرا ریکارڈ اپنے نام کرنے کے لیے دمیترو ہرونسکی نے کم وقت میں دانتوں سے گاڑی کھینچ کر 30 میٹر کا فاصلہ طے کرنے کی کامیاب کوشش کی

    یوکرینی شخص نے 15.63 سیکنڈ میں 1040 کلو وزنی ٹیکسی کو مطلوبہ فاصلے تک کھینچا اور ورلڈ ریکارڈ اپنے نام کیا۔

    واضح رہے کہ پہلا ورلڈ ریکارڈ آسٹریلیا کے ٹرائے کونلے میگنسن کے پاس تھا جنھوں نے 2021 میں اپنے دانتوں سے 5 کاریں کھینچیں تھیں۔ دوسرا ریکارڈ شام کے صالح یزان کے پاس تھا، 2022 میں انھوں نے 18.13 سیکنڈ میں 30 میٹر تک کار کو دانتوں سے کھینچا تھا۔

  • پیر کے دن کے حوالے سے گنیز بک نے ایسا کیا کیا، جس نے لوگوں کو خوش کر دیا؟

    پیر کے دن کے حوالے سے گنیز بک نے ایسا کیا کیا، جس نے لوگوں کو خوش کر دیا؟

    پیر کے دن کے حوالے سے گنیز بک آف ورلڈ ریکارڈز نے حیرت انگیز قدم اٹھاتے ہوئے اسے بد ترین دن قرار دے دیا ہے۔

    تفصیلات کے مطابق گنیز ورلڈ ریکارڈز نے باضابطہ طور پر پیر کو ہفتے کا بدترین دن قرار دیا ہے، ٹوئٹر اکاؤنٹ پر گنیز بک نے لکھا ’’ہم باضابطہ طور پر پیر کو ہفتے کا بدترین دن ہونے کا اعزاز دے رہے ہیں۔‘‘

    پیر کے دن کو اسکول، کالج اور دفاتر جانے والے لوگ ایک خوف ناک دن سمجھتے ہیں، یہ اتوار کے دن کو چھٹی سے ملنے والے پرلطف احساس کا بھی خاتمہ کر دیتا ہے۔

    ہفتے کا دن وہ ہوتا ہے جب آپ الارم کی پریشان کن آواز کے ساتھ بیدار ہوتے ہیں، لیکن آپ کا دیر تک بستر پر لیٹنے کا من کرتا ہے، لیکن یہ دن آپ کو جلدی جلدی ناشتہ کرنے پر بھی مجبور کر دیتا ہے۔

    مشہور کامک کارٹون بلی ’گارفیلڈ‘ برسوں سے یہ کہہ رہی ہے کہ ’’مجھے پیر سے نفرت ہے‘‘ لیکن آخر کار اب گنیز ورلڈ ریکارڈز نے اس حقیقت کو قبول کر لیا ہے اور ’سرکاری طور پر‘ اسے ’ہفتے کا بدترین دن‘ قرار دے دیا ہے۔

    اگرچہ یہ ریکارڈ گنیز بک کی آفیشل ویب سائٹ سے غائب ہے، تاہم ٹوئٹر پر کیے گئے اعلان کو صارفین کی جانب سے بہت سراہا گیا ہے۔ اس ٹویٹ کو ساڑھے 4 لاکھ لائکس اور 82,000 سے زیادہ ری ٹویٹس مل چکے ہیں۔

  • عراقی باشندہ دنیا کا سب سے پست قامت بس ڈرائیور بن گیا

    عراقی باشندہ دنیا کا سب سے پست قامت بس ڈرائیور بن گیا

    لندن: گنیز بک آف ورلڈ ریکارڈز نے سابق عراقی باشندے کو دنیا کے پست قامت ترین بس ڈرائیور کا اعزاز دے دیا، فرینک فائق ہاشم کا قد صرف 4 فٹ 5.6 انچ ہے اور وہ ڈبل ڈیکر بس چلاتے ہیں۔

    تفصیلات کے مطابق 55 سالہ فرینک فائق ہاشم کو گنیز بک آف ورلڈ ریکارڈز نے ’پست قامت ترین بس ڈرائیور‘ کا سرٹیفیکیٹ دے دیا، فرینک بیس سال قبل عراق سے برطانیہ منتقل ہوئے تھے۔

    1.36 میٹر قد والے کوڈو میاں ڈیڑھ سال سے برطانیہ کی دیہی کاؤنٹی ویسٹ سَسِِکس کے شہر چیچسٹر میں ڈبل ڈیکر بس چلا رہے ہیں، وہ ایک پروفیشنل بس ڈرائیور  ہیں۔

    136.2 سینٹی میٹر کے حامل پست ترین قد کے پُرعزم ڈرائیور نے عالمی ریکارڈ کا سرٹیفیکیٹ حاصل کرنے کے بعد کہا ’میں دوسروں کے لیے مثال بنوں گا اور انھیں بتاؤں گا کہ کبھی مایوس نہ ہوں اور دوسروں کو ان کے عزائم پورے کرنے میں مدد کریں۔‘

    ماسٹر راشد نسیم نے بھارت سے گنیز بک کا ایک اورعالمی ریکارڈ چھین لیا

    فرینک فائق ہاشم کو پیدائشی طور پر achondroplasia (اکونڈرو پلیزیا) نامی بیماری لاحق ہے جو بونے پَن کی ایک عام قسم ہے، یہ ہڈیوں کی افزائش سے متعلق بیماری ہے، اس میں اوپری دھڑ نارمل جب کہ ہاتھ اور پیر چھوٹے رہ جاتے ہیں۔

    خود کو عالمی ریکارڈز میں شامل کروانے والے بونے کا کہنا ہے کہ انھوں نے کبھی آگے بڑھنے میں اپنے پستہ قد کو رکاوٹ نہیں بننے دیا، ثابت کیا کہ وہ بھی وہی کام کرسکتا ہے جسے دوسرے انجام دے سکتے ہیں۔

    بارہ سالہ فلسطینی اسپائڈربوائے کا نام گنیز بک میں شامل

    فرینک ہاشم نے کہا ’میں دوسروں کے لیے ایک مثال ہوں کہ وہ خود پر یقین رکھیں۔‘ ان کا کہنا تھا کہ بس ڈرائیونگ ایک چیلنج تھا جسے انھوں نے تمام تربیتی امتحانات بہترین رزلٹ کے ساتھ پاس کر کے پورا کیا۔

    واضح رہے کہ فرینک فائق ہاشم اب ہر قسم کی بس چلا سکتا ہے، ان کا کہنا ہے کہ وہ اپنے کام کو انجوائے کرتا ہے اور اپنے دوستوں اور پسنجزز کے ساتھ بہت اچھا وقت گزارتا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • نوجوان نے مشکل ترین عالمی ریکارڈ بنا ڈالا۔۔ ویڈیو وائرل

    نوجوان نے مشکل ترین عالمی ریکارڈ بنا ڈالا۔۔ ویڈیو وائرل

    برلن: دنیا میں ایسے افراد کی کمی نہیں جو اپنی حیرت انگیز صلاحیتوں سے نہ صرف سب کو حیران کردیتے ہیں بلکہ عالمی ریکارڈ بھی بنا لیتے ہیں۔

    جرمنی کے نوجوان نے ایسا ہی انوکھا کارنامہ سرانجام دے کر گنیز بک آف ورلڈ ریکارڈ میں اپنا نام درج کرالیا، بینی ڈکٹ نے حیران کن طور پر سر کے بل کھڑے ہوکر پنکھے کی طرح گھومنے کا ریکارڈ بنایا مگر بات یہاں ختم نہیں ہوئی۔

    جوشیلا نوجوان 56 سیکنڈ تک مسلسل سر کے بل تیزی سے گھومتا رہا اور اُس نے نہایت ہی مہارت کے ساتھ موبائل پر مسیج ٹائپ کر کے سب کو ورطہ حیرت میں ڈال دیا۔

    نوجوان کی مہارت اور وقت کو دیکھتے ہوئے گنیز بک آف ورلڈ ریکارڈ کی ٹیم نے بینی ڈکٹ کا نام عالمی بک میں درج کیا کیونکہ اس سے قبل یہ ریکارڈ امریکی شہری کے پاس تھا جس نے 2015 میں 54 سیکنڈ تک سر کے بل گھومنے کا ریکارڈ بنایا تھا۔

    گنیز بک آف ورلڈ ریکارڈ کی جانب سے اس کی ویڈیو بھی جاری کی گئی جس میں دیکھا جاسکتا ہے کہ نوجوان نے کس رفتاری کے ساتھ بغیر لھڑکھڑائے مسیج ٹائپ کیے اور 90 کے زوایے میں گھومتا رہا۔

    بینی ڈکٹ کا کہنا ہے کہ اُسے کم عمری سے ہی بریک ڈانس کا شوق ہے، وقت کے ساتھ ساتھ اُس نے مہارت حاصل کی اور پریکٹس کے دوران جب فون آتے تھے تو وہ اپنی تربیت کو نہیں روکتا تھا بلکہ ساتھ میں بات بھی کرتا رہتا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔