گوجرانوالہ: غیرت کے نام پر بھائی نے سسرالیوں کیساتھ ملکر بہن کو زہر دیدیا ، لڑکی کو تشویشناک حالت میں ڈی ایچ کیو ہسپتال منتقل کر دیا گیا ،لڑکی کی پانچ روز قبل شادی ہوئی تھی۔
تفصیلات کے مطابق تھانہ سول لائن کے علاقہ فتومنڈ میں غیرت کے نام پر بھائی نے سسرالیوں کے ساتھ مل کر بہن کو زیلی گولیاں کھلادیں، جس سے ثمینہ بی بی کی حالت تشویشناک ہوگئی، لڑکی کو طبی امداد کے لیے سول ہسپتال منتقل کر دیا گیا ہے، جہاں اسے طبی امداددی جارہی ہے۔
پولیس کے مطابق ثمینہ بی بی کی پانچ روز قبل ثاقب سے شادی ہوئی تھی لیکن اس کے بھائی کو اس پر شک تھا، جس کی رنجش پر ثمینہ کے بھائی سجاول نے اپنی بہن کو زہر دے دیا۔
مزید پڑھیں : گوجرانوالہ:باپ نےغیرت کےنام پر بیٹی کوموت کےگھاٹ اتار دیا
پولیس نے ملزم سجاول کو حراست میں لیکر تحقیقات شروع کردی ہیں جبکہ ثمینہ بی بی کے بھائی سجاول نے اعتراف جرم کرتے ہوئے کہا کہ اس کو اپنی بہن کے کردار پر شک تھا، جس وجہ سے اس نے اپنی بہن کو زہریلی گولیاں کھلادیں۔
