Tag: gujranwala

شوہر کے وطن واپس نہ آنے سے مایوس نو بیاہتا دلہن نے زہر پی لیا

گوجرانوالہ: شوہر کے بیرون ملک سے نہ آنے پر مایوس ہوکر بیوی نے موت کا گلے لگا لیا۔

تفصیلات کے مطابق بیرون ملک مقیم خاوند کے واپسی سے انکار کرنے پر چھ ماہ قبل بیاہی جانے والی لڑکی نے زہریلی گولیاں نگل کر خود کشی کرلی۔

نوشہر ہ روڈ کی رہائشی بیس سالہ مناہل کی شادی چھ ماہ قبل نوشہرہ روڈ کے ہی رہائشی حبیب سے ہوئی تھی جو روزگار کمانے کی غرض سے سعودی عرب میں مقیم تھا۔

جب مناہل نے اپنے شوہر حبیب سے فوری واپس آنے کا مطالبہ کیاتو حبیب نے فوری طور پر وطن واپسی سے انکار کردیا جس سے دلبرداشتہ ہو کر مناہل نے زہریلی گولیاں کھالیں۔

جسے کھا کر اس کی حالت غیر ہوگئی، واقعے کے بعد ریسکیو1122نے فوری طبی امداد کے لئے مذکورہ خاتون کو سول ہسپتال منتقل کیا جہاں ڈاکٹروں نے اس کی ہلاکت کی تصدیق کردی۔

قانونی کارروائی کے بعد لاش ورثاء کے حوالے کردی گئی۔ دوسری طرف تھانہ باغبانپورہ پولیس نے واقعے کی تحقیقات شروع کردی ہیں۔

اکتوبر 6, 2015
پنجاب میں سزائے موت کے 2مجرموں کو پھانسی دیدی گئی

لاہور:‌ گوجرنوالہ اور سرگودھا میں سزائے موت کے دو قیدیوں کو پھانسی دے دی گئی.

پنجاب میں سزائے موت کے دو مجرموں کو تختہ دار پر لٹکایا گیا، گوجرنوالہ سینٹرل جیل میں سزائے موت کے قیدی انور کو پھانسی دیدی گئی، مجرم انور نے تیرہ سالہ قبل اپنی بیوی اوربیٹی کو گھریلو تنازعہ پر قتل کیا تھا، بیٹی کے شرعی وارثان نے مجرم کو معاف کر دیا تاہم بیوی کے شرعی وارثان کے معاف نہ کیا ۔

ڈسٹرکٹ اینڈ سیشن جج حافظ آباد نے عید کی چھٹیوں سے قبل مجرم کے بلیک وارنٹ جاری کر کے سپرنٹنڈنٹ جیل کو عمل درآمد کرنے کا حکم دیا تھا ۔ تھانہ سٹی حافظ آباد میں 28مئی 2002کو درج کروائی گئی ایف آئی آر کے مطابق مجرم نے گھریلو تنازعہ پر بیوی کنیز بی بی اور بیٹی توقیر فاطمہ کو قتل کیا تھا.

مقدمہ کی سماعت کے بعد ایڈیشنل سیشن جج حافظ آباد غلام حسین اعوان نے مجرم محمد انور کو دو دفعہ سزائے موت اور دیگر جرمانہ کا حکم دیا تھا ۔ مجرم کی اپیلیں لاہور ہائیکورٹ اور سپریم کورٹ سے خارج ہونے کے بعد اسکی رحم کی اپیل بھی ایوان صدر سے مسترد ہو گئی تھی ۔ مجرم کے پہلے بھی بلیک وارنٹ جاری کئے گئے تاہم وہ ایوان صدر سے جاری کردہ حکم امتناعی کی وجہ سے یقینی موت سے بچ جاتا ۔

سرگودھا ڈسٹرکٹ جیل میں قتل کے مجرم انصر اقبال کو پھانسی پر لٹکایا گیا، مجرم نے نو جون انیس سو چورانوے میں بھلوال میں صفدر نامی شخص کو دیرینہ دشمنی پرقتل کیا تھا.

خیال رہے کہ پاکستان میں سزائے موت کے قیدیوں کی سزا پر عمل درآمد پر سات سال سے غیر اعلانیہ پابندی عائد تھی، گذشتہ برس دسمبر میں پشاور میں آرمی پبلک اسکول پر طالبان کے حملے کے بعد ختم کر دی گئی تھی، پابندی کے خاتمے کے بعد سے اب تک 240 سے زائد مجرموں کو پھانسی دی جاچکی ہے۔

ستمبر 29, 2015
اورنگزیب فاروقی فرقہ وارانہ تقریر کرنے کے مقدمے سے بری

گوجرانوالہ : اہلسنت والجماعت کے مرکزی صدر اورنگزیب فاروقی کو انسداد دہشت گردی کی عدالت نےفرقہ وارانہ تقریر کرنے کے مقدمے میں بری کردیا۔

تفصیلات کے مطابق اورنگزیب فاروقی کو انسداد دہشت گردی کی عدالت نے فرقہ وارانہ تقریر کرنے کے مقدمے میں بری کردیا، اورنگزیب فاروقی کے خلاف تھانہ صدر لالہ موسی میں نومبر 2014 میں فرقہ وارانہ تقریر کرنے کا مقدمہ درج کیا گیا تھا۔

مقدمے کی سماعت انسداد دہشت گردی کی خصوصی عدالت کی جج بشریٰ زمان کی عدالت میں کی گئی۔ عدالت نے اپنے فیصلہ میں قرار دیا کہ استغاثہ جرم ثابت کرنے میں ناکام رہا۔

واضح رہے کہ اس مقدمے کے 2 ملزمان پہلے ہی بری ہوچکے ہیں۔ اورنگزیب فاروقی نے بریت کے بعد میڈیا سے گفتگو کرتے ہوئے کہا کہ انہیں عدالتوں پر اعتماد ہے.

امید ہے کہ دوسرے مقدمات میں بھی جلد بری ہوجاؤں گا، اورنگزیب فاروقی نے کہا کہ اڈیالہ جیل راولپنڈی سے لاتے یا لے جاتے وقت میری جان کو خطرہ ہے، اگر مجھے کچھ ہوا تو اس کے ذمہ دار وزیراعلیٰ پنجاب شہبا ز شریف ہوں گے۔

ستمبر 19, 2015
قومی ایکشن پلان: تین مجرم تختۂ دار کے حوالے

لاہور/پنجاب: لاہوراورگجرانوالہ میں سزائے موت کے منتظر3قیدیوں کو تختۂ دارپرلٹکا دیا گیا۔

تفصیلات کے مطابق قومی ایکشن پلان کے تحت سزائے موت کے قیدیوں کو منطقی انجام تک پہنچانے کا سلسلہ جاری ہے۔

آج بھی لاہورکی کوٹ لکھپت جیل میں سزائے موت کے دوقیدیوں شفاقت اورانعام اللہ کو تختہ دارپرلٹکادیاگیا۔

مجرم انعام اللہ نے معمولی تنازعے پرایک شخص کو قتل کیا تھا جبکہ مجرم شفاقت کو 2005 میں موت کی سزا سنائی گئی تھی۔

گجرانوالہ میں سزائے موت کے قیدی طارق کو پھانسی دیدی گئی مجرم طارق نے اپنی بھتیجی کو قتل کیا تھا۔

اگست 6, 2015
گوجرنوالہ میں صوبائی اسمبلی کے حلقے پی پی 100 میں ضمنی انتخاب شروع

گوجرانوالہ: صوبائی اسمبلی کی نشست پی پی 100 کامونکی میں ضمنی انتخاب کے لئے پولنگ کا آغاز ہوگیا ہے جہاں مسلم لیگ ن اورتحریکِ انصاف کےدرمیان آج سخت مقابلہ متوقع ہے۔

تفصیلات کے مطابق گوجرانوالہ میں پنجاب اسمبلی کے حلقے پی پی 100 کامونکی میں ضمنی انتخاب کے لئے ووٹنگ کا عمل صبح 8 بجے شروع ہوا جو بلا تعطل شام 5 بجے تک جاری رہے گا۔

حلقے میں رجسٹرڈ ووٹرز کی تعداد ایک لاکھ 62 ہزار 444 ہے جب کہ حلقے میں 113 پولنگ اسٹیشنز اور 344 پولنگ بوتھز قائم کئے گئے ہیں۔ کامونکی میں شدید بارش کے باعث شہریوں کو ووٹ ڈالنے کے لئے شدید مشکلات کا سامنا ہے۔

ووٹنگ کے دوران کسی بھی ناخوشگوار واقعہ سے نمٹنے کے لئے 3 ہزار 300 پولیس اور رینجرز اہلکار تعنیات کئے گئے ہیں جب کہ حلقے کے 22 پولنگ اسٹیشنز کو حساس قرار دیا گیا ہے۔ ضمنی انتخاب میں مسلم لیگ (ن) کے رانا اخترعلی اور تحریک انصاف کے احسان اللہ ورک میں سخت مقابلے کی توقع ہے۔

واضح رہے کہ پنجاب اسمبلی کی یہ نشست مسلم لیگ (ن) کے رانا شمشاد کے قتل پر خالی ہوئی تھی، جنھیں رواں برس مئی میں نامعلوم افراد نے قتل کردیا تھا۔

جولائی 26, 2015
گوجرانوالہ : سوشل میڈیا پر چلنے والی دوستی ، امریکی حسینہ نے اسلام قبول کرلیا

گوجرانوالہ: گوجرانوالہ میں سوشل میڈیا پر چلنے والی دوستی پیار کے رنگ میں بدل گئی، امریکن حسینہ اسلام قبول کرنے کے بعد اپنے خوابوں کے شہزادے کے ساتھ رشتہ ازدواج میں منسلک ہوگئی ۔

ڈی سی کالونی کے رہائشی اڑ تیس سالہ انجم ریاض کی سوشل میڈیا (فیس بک) پر فلوریڈا کی رہائشی انتالیس سالہ امریکن خاتون لیا سموکس کے ساتھ دوستی ہو گئی جو کئی سال چلی، جس کے بعد امریکن عیسائی حسینہ لیا سموکس اپنے خوابوں کے شہزادے انجم ریاض سے ملنے کے لیے پاکستان پہنچ گئی۔

جہاں لیا سموکس نے اسلام قبول کرنے کے بعد شادی کرنے کا فیصلہ کر لیا، اسی مقصد کے لیے دونوں پیار کے پنچھی گوجرانوالہ کچہری میں پہنچے، جہاں پر نکاح خواں قاری اسد اللہ نے امریکن خاتون لیا سموکس کو کلمہ پڑھوایا اور بعد ازاں دونوں کا نکاح بھی کروا دیا۔

اس موقع پر انجم ریاض تو میڈیا سے چھپتے ہوئے روپوش رہا جبکہ لیا سموکس خوشی خوشی ضلع کچہری میں ٹہلتی ہوئی اپنی گاڑی میں بیٹھ کر گھر کو رخصت ہوگئی۔

جولائی 24, 2015
لیگی کارکن کی چھٹی کے دن بھی ضمانت منظور

گوجرانوالہ : نواز لیگ کے کارکن تماں بٹ کو چند گھنٹے بھی حوالات کی ہوا نہ کھانے دی گئی۔ چھٹی کے روزمجسٹریٹ کے گھر پہنچ کر ضمانت کرالی۔

رسی جل گئی پر بل نہ گیا اور جائے بھی کیوں؟ جب حکمراں جماعت کے بڑوں کا سر پر ہاتھ ہو۔ گوجرانوالہ کا ن لیگی کارکن تماں بٹ سلاخوں کے پیچھے وکٹری کا نشان بنائے کھڑا تھا۔

ضمنی انتخاب کے دوران تماں بٹ نے پولیس کو اپنی ٹوردکھائی اوراس سےالجھ پڑا، پولیس اہلکار نےہمت دکھائی اور تماں بٹ کوپکڑکرحوالات لےآیا۔

تماں بٹ سلاخوں کے پیچھےمسکراتا رہا اور بے گناہی کادعوٰی کرتا رہا اس کی مسکراہٹ اس وقت گہری ہوگئی جب چند گھنٹےبعد ضمانت منظورکرلی گئی۔

چھٹی کےدن تماں بٹ کاوکیل مجسٹریٹ کےگھرجاپہنچا۔ مجسٹریٹ نےپہلےوقت ختم ہونےکاعذرتراشا لیکن پھرکوئی جادو ہوا اورتماں بٹ کی ضمانت منظورکرلی گئی۔

تماں بٹ کوفروری میں شادی کی تقریب میں اندھا دھند فائرنگ کےالزام میں بھی گرفتارکیا گیا تھا۔ لیکن رسی جل گئی پر بل نہ گیا۔

جون 21, 2015
لیگی رہنما رانا شمشاد قاتلانہ حملے میں بیٹے اور ساتھی سمیت جاں بحق

گوجرانوالہ : کامونکی میں مسلم لیگ ن کے ایم پی اے رانا شمشاد قاتلانہ حملے میں بیٹا اور ساتھی جاں بحق ہوگئے۔

تفصیلات کے مطابق ٹارگٹ کلنگ کا سوئچ آن ہوگیا، گوجرانوالہ کے علاقے کامونکی میں مسلم لیگ ن کے ایم پی اے پر قاتلانہ حملہ کیا گیا۔

دہشت گردوں نے راناشمشاد کے گھرکے سامنےان کی گاڑی پراندھا دھند فائرنگ کردی۔جس کی زد میں آکر رانا شمشاد اور ان کا بیٹا اور ساتھی جاں بحق ہوگئے۔

سابق صوبائی وزیر قانون رانا ثنا اللہ نے بھی رانا شمشاد اور ان کے بیٹے کے قتل کی مذمت کرتے ہوئے کہا ہے کہ رانا شمشاد کی کسی سے دشمنی نہیں تھی۔

سابق گورنر پنجاب چوہدری سرور نے واقعے کی شدید مذمت کرتے ہوئے رانا شمشاد اور ان کے بیٹے کے قتل کو حکومت کی ناکامی قرار دے دیا۔

ایم پی اے کے قتل پر مختلف سیاسی جماعتوں کے رہنماؤں کی جانب سے مذمتوں کا سلسلہ جاری ہے۔

جون 1, 2015
گوجرانوالہ : ایک اور حوا کی بیٹی تیزاب گردی کا شکار

گوجرانوالہ: حوا کی بیٹی شوہر کے ہاتھوں تیزاب گردی کا شکار ہوگئی جبکہ چکوال میں دوست نے دوست کی آنکھوں میں ایلفی ڈال کر زندگی بھر کے لئے بینائی سے محروم کردیا۔

گوجرانوالہ میں حوا کی ایک اور بیٹی تیزاب گردی کا شکار ہوگئی، عاصمہ نامی خاتون پر کسی اور نے نہیں بلکہ اس کے اپنے نشی شوہر قیصر نے تیزاب پھینکا اور فرار ہوگیا۔

تیزاب کی زد میں آکر ماں بیٹا دونوں جھلس گئے۔

اسپتال انتظامیہ کے مطابق دونوں زخمیوں کو تشویشناک حالات میں لاہور ریفر کردیا گیا۔

دوسری جانب چکوال میں توصیف کے اپنے دوست نے ایلفی ڈال کر آنکھیں ضائع کردیں، قصبہ کھودے کے مدرسے میں زیرِتعلیم سات سالہ توصیف کے والدین کا کہنا ہے کہ مدرسے کے طالبعلم عدنان نے ان کے بیٹے کی آنکھوں میں ایلفی ڈالی۔

ادھر مدرسہ کی انتظامیہ نے تمام الزامات رد کردئیے ہیں۔

مئی 28, 2015
ملتان ، فیصل آباد اور گوجرانوالہ میں3 مجرمان کو پھانسی دیدی گئی

پنجاب : فیصل آباد ،گجرانوالہ اور ملتان میں سزائے موت کے تین قیدیوں کو تختہ دار پر لٹکا دیا گیا جبکہ دو مجرموں کی پھانسی مؤخر کردی گئی۔

گوجرانوالہ سینٹرل جیل میں سزائے موت کے قیدی اعجاز کو علی الصبح پھانسی دیدی گئی ،مجرم اعجاز نے انیس سو اٹھانوے میں ادھار کی رقم واپس مانگنے پر ایک شخص کو قتل کیا تھا جبکہ سزائے موت کے دوسرے قیدی امجد علی کی پھانسی لواحقین میں صلح کے باعث مؤخر کردی گئی۔

فیصل آباد سینٹرل جیل میں بھی سزائےموت کے دوقیدیوں میں سے ایک کو پھانسی پر لٹکادیا گیا جبکہ دوسرے قیدی کو ہائیکورٹ میں نظر ثانی درخواست کے باعث ایک دن کی مہلت مل گئی۔

ملتان سینٹرل جیل میں قتل کے جرم میں سزا یافتہ قیدی محمد عباس کو پھانسی دیدی گئی۔

اضح رہے کہ گزشتہ برس دسمبر میں حکومت کی جانب سے سزائے موت پر عمل درآمد شروع ہونے کے بعد سے اب تک ملک کی مختلف جیلوں میں تقریبا 100 سے زائد افراد کو سزائے موت دی جاچکی ہے۔

مئی 21, 2015