اسلام آباد: وطن عزیز کے لیے جان کا نذرانہ پیش کرنے والے شہدا کے خاندانوں کو قوم خراجِ عقیدت پیش کرتی ہے، سپاہی گلزار احمد بھی اُنہی نڈر سپاہیوں میں سے ہے جنھوں نے وطن عزیز کی خاطر شہادت کو گلے لگایا۔
سپاہی گلزار احمد کا تعلق سندھ کے ضلع گھوٹکی سے تھا، انھوں نے 15 اپریل 2018 کو کُرم ایجنسی میں دفاع وطن میں جام شہادت نوش کیا۔
والد نے بتایا کہ گلزار احمد شہید بہت شفیق، نیک اور دلیر انسان تھے، والدہ کا کہنا تھا کہ گلزار شہید کو بچپن سے ہی شوق تھا آرمی میں جائے اور اپنی بہادری کے جوہر دکھائے۔
اہلیہ نے کہا کہ گلزار احمد ہمارا بہت خیال رکھتے تھے، گلزار احمد جب بھی گھر آتے بچوں کے ساتھ بہت پیار کرتے تھے۔
سپاہی گلزار احمد شہید نے سوگواران میں والدین، 3 بیٹے اور بیوہ چھوڑے، وہ جوانی میں ہی اپنی جان وطن عزیز پر قربان کر کے آنے والی نسلوں کے لیے مشعل راہ بن گیا۔
