Tag: Hafeez Sheikh

اسلام آباد : مشیرخزانہ خفیظ شیخ کی زیرصدارت اقتصادی رابطہ کمیٹی کے اجلاس میں موبائل ڈیوائس مینوفیکچرنگ پالیسی اور زرعی شعبے کیلئے 56.60 ارب کے پیکج کی منظوری دے دی گئی۔

تفصیلات کے مطابق مشیرخزانہ حفیظ شیخ کی زیرصدارت کابینہ کی اقتصادی رابطہ کمیٹی کے اجلاس کا اعلامیہ جاری کردیا گیا ہے، ای سی سی نے زرعی شعبے کیلئے 56.60 ارب کے پیکج کی منظوری دے دی ، جس کے تحت کسانوں کوکھادکی خریداری پر37 ارب روپے کی سبسڈی دی جائے گی، زرعی پیکج 100 ارب کے ایس ایم ای وزرا ریلیف فنڈ کا حصہ ہے۔

اقتصادی رابطہ کمیٹی نے مقامی تیارٹریکٹرزپرسیلزٹیکس پرسبسڈی ، پاکستان مشین ٹول فیکٹری کےملازمین کی تنخواہوں کیلئےگرانٹ اور جوڈیشل اکیڈمی ملازمین سےمتعلقہ اخراجات کیلئے4 کروڑکی گرانٹ کی بھی منظوری دی۔

اجلاس میں اسٹیل ملزکے8ہزار ملازمین کیلئے18.74ارب کی فراہمی کی سمری پرغور مؤخر کردیا گیا جبکہ ای سی سی نےموبائل ڈیوائس مینوفیکچرنگ پالیسی کی منظوری دے دی۔

اعلامیہ کے مطابق ای سی سی نے آزادکشمیرکوپاسکو سے1.52 ارب کی اضافی گندم کی فراہمی ، ڈیفنس سروسز سمیت مختلف اداروں کیلئے16.6ارب کی گرانٹس منظوری بھی دی۔

اقتصادی رابطہ کمیٹی نے کنٹرول لائن پرمقیم آبادی کیلئےریلیف پیکج کی بھی منظوری دی ، جس کے تحت ایل اوسی کے شہریوں کو جنوری سےجون تک کیلئے 12 ہزار یکمشت دیں گے۔

مزید پڑھیں :  اسمارٹ فون مینوفیکچرنگ پرسمری اقتصادی رابطہ کمیٹی کوارسال

یاد رہے وفاقی وزیر برائے آئی ٹی و ٹیلی کمیونیکیشن سید امین الحق کی ہدایت پر اسمارٹ فون مینوفیکچرنگ پر سمری اقتصادی رابطہ کمیٹی کوبھجوا دی گئی ، امین الحق کا کہنا ہے ملک میں کم قیمت پر سمارٹ فون کی دستیابی وزارت آئی ٹی کی ترجیح ہے۔

وفاقی وزیر امین الحق نے کہا تھا کہ ملکی سطح پر اسمارٹ فون مینوفیکچر نگ کی صلاحیت کوبڑھاناناگزیرہے، اقدام موبائل ایکسپورٹ سے زرمبادلہ اور نوکریاں بڑھانے میں معاون ہوگا۔

یاد رہے رواں سال فروری میں انجینیئرنگ ڈیولپمنٹ بورڈ (ای ڈی بی) نے موبائل ڈیوائس کی مینوفیکچرنگ پالیسی کی منظوری دی تھی تاکہ مقامی سرمایہ کاروں کی حوصلہ افزائی ہوسکے۔

خیال رہے کہ پاکستان موبائل فون کے لیے دنیا کی تیسری بڑی مارکیٹ ہے جہاں سالانہ 3 کروڑ 40 لاکھ موبائل فونز فروخت ہوتے ہیں۔

مقامی سطح پر موبائل کی مینوفیکچرنگ سے ملک میں تقریباً 2 لاکھ روزگار پیدا ہوں گے اور ملک عالمی سطح پر سپلائی چین کا حصہ بن سکے گا۔

اسلام آباد : مشیرخزانہ ڈاکٹر عبدالحفیظ شیخ کی زیر صدارت اقتصادی رابطہ کمیٹی کا اجلاس جاری ہے، جس میں غربت کے خاتمے کیلئے 1کروڑ 21 لاکھ روپے سے زائد کی ضمنی گرانٹ کی  منظوری کا امکان  ہے۔

تفصیلات کے مطابق اقتصادی رابطہ کمیٹی کا اجلاس شروع ہوگیا ، مشیرخزانہ ڈاکٹر عبدالحفیظ شیخ اجلاس کی صدارت کررہے ہیں ، اجلاس میں15 نکاتی ایجنڈا منظوری کیلئے پیش ہوگا۔

اجلاس میں رواں مالی سال حکومت کی جانب سےخریدی گئی گندم کی رپورٹ پیش ہوگی اور ای سی سی مالی سال 21- 2020 کیلئے کپاس کی قیمت کا تعین کرے گی جبکہ کپاس کی فصل کی امدادی قیمت سے متعلق سمری اجلاس میں پیش کی جائے گی۔

ای سی سی اجلاس میں 100اور200ارب روپےکےاسلامی سکوک سہولت کےاجراکافیصلہ ہوگا جبکہ غربت کے خاتمے کیلئے 1کروڑ 21 لاکھ روپے سے زائد کی ضمنی گرانٹ منظوری کا امکان ہے۔

کنٹرولرجنرل آف اکاؤنٹس کیلئے 30کروڑ 66لاکھ روپےاضافی فنڈز ، اسپیشل ایجوکیشن اسکول کیلئے فنڈز مختص کرنے اور اسپیشل ٹیلی کام مانیٹرنگ منصوبے کے لئے فنڈز کی فراہمی کا امکان ہے۔

ایجںڈے کے مطابق پاورہولڈنگ کمپنی کیلئے40ارب کی سوورن گارنٹی سمری پیش کی جائے گی جبکہ نیشنل الیکٹرک وہیکل پالیسی کیلئے مراعاتی پیکج کی منظوری بھی اجلاس کے ایجنڈے میں شامل ہیں۔

اجلاس میں متعدد اداروں کی ٹیکنیکل سپلیمنٹری گرانٹس بھی منظوری کیلئے پیش کی جائیں گی۔

اسلام آباد : مشیرخزانہ عبدالحفیظ شیخ کی زیرصدارت اقتصادی رابطہ کمیٹی کے اجلاس میں چھوٹے کاروبار کےلیے50 ارب کے امدادی پیکج کی منظوری دے دی ۔

تفصیلات کے مطابق مشیرخزانہ عبدالحفیظ شیخ کی زیرصدارت اقتصادی رابطہ کمیٹی کا اجلاس ہوا ، جس کا اعلامیہ جاری کردیا گیا، اعلامیے میں کہا گیا کہ چھوٹے کاروبار کےلیے50 ارب کے امدادی پیکج کی منظوری دے دی گئی ہے ، پیکج کے تحت ایس ایم ایز کو پری پیڈ بجلی کی فراہمی ہوسکے گی۔

اعلامیے کے مطابق 50 ارب کے پیکیج کو چھوٹا کاروبار و صنعت امدادی پیکج کا نام دیا گیا ہے، پروگرام سے5 کے وی بجلی استعمال کرنے والے72 فیصدافرادکوفائدہ ہوگا جبکہ 70 کےوی تک بجلی استعمال کرنے والےایس ایم ایزکو بھی فائدہ ہوسکے گا۔

ای سی سی کے اعلامیئے میں کہا گیا کہ پیکیج سے کمرشل صارفین کو 3ماہ کیلئے ایک لاکھ تک اور صنعتی صارفین کو ساڑھے 4 لاکھ تک سہولت ملے گی جبکہ 5 کلوسے70کلو واٹ والے کاروبار کو 3ماہ کیلئے بل ادا نہ کرنے کی سہولت حاصل ہوگی۔

اعلامیے کے مطابق مئی کے مہینے سے یہ رقم بلوں میں ایڈجسٹ کی جائے گی، بلا ضمانت قرض فراہمی کیلئے اسکیموں پر کام کیا جا رہا ہے۔

ای سی سی نے ملازمین کی برطرفی روکنےاورروزگارفراہمی کےلیے30ارب سبسڈی اور پاک ایران بارڈر پر باڑ کےلیے3 ارب کی ضمنی گرانٹ کی منظوری بھی دی، منصوبے سے 2 ارب سیل تک کاروبار کرنے والے مستفید ہوں گے۔

گذشتہ روز وفاقی وزیر صنعت حماد اظہر نے اپنے پیغام میں کہا تھا کہ وزارت صنعت کل ’’چھوٹا کاروبار امدادی پیکج‘‘ کا پہلا فیزپیش کرے گی، ای سی سی اور کابینہ سے منظوری کے بعدچھوٹے کاروبار اور صنعتیں مستفید ہوں گی۔

حماداظہر کا کہنا تھا کہ ریلیف پیکج کےدوسرےمرحلےمیں آسان قرضوں کی فراہمی بھی زیرغور ہے، اگلے مرحلے میں کورونا سے شدید متاثر شعبہ جات کیلئےریلیف اقدامات کریں گے۔

اسلام آباد : مشیر خزانہ ڈاکٹر عبدالحفیظ شیخ کی زیر صدارت اقتصادی رابطہ کمیٹی کااجلاس آج ہوگا، جس میں وزیراعظم کی جانب سے مزدوروں کو 200 ارب روپے کیش گرانٹ کی سمری پرغور کیا جائے گا۔

تفصیلات کے مطابق مشیر خزانہ ڈاکٹر عبدالحفیظ شیخ کی زیر صدارت اقتصادی رابطہ کمیٹی کااجلاس آج ہوگا، اجلاس کا 9 نکاتی ایجنڈا مختلف وفاقی وزارتوں کو جاری کردیا گیا ہے۔

اجلاس میں وزیراعظم کی طرف سےمزدوروں کو200ارب کیش گرانٹ کی سمری پرغورکیاجائےگا، کیش گرانٹ کی سمری وزارت صنعت وپیداوارکی جانب سےدی گئی ہے۔

اس کے علاوہ مسابقتی کمیشن کومکمل خود مختار اورفعال بنانے کیلئے سفارشات کی منظوری ، حکومت بلوچستان کو19 منصوبوں کے لیے 60 کروڑ کی گرانٹ کی منظوری ایجنڈے کا حصہ ہیں۔

ای سی سی اجلاس میں جنوبی افریقہ میں پی این ایس سی کےجہازوں کی ضبطی کے معاملے پرغورکیاجائے گا جہازوں کو پاکستان اسٹیل کے واجبات کی عدم ادائیگی پر ضبط کیا گیا ہے جبکہ ماحولیاتی نظام کی بحالی کے منصوبے کے لیے نرم شرائط پرقرض دینے پربھی غور ہوگا۔

فرنٹیئرکانسٹیبلری بلوچستان کےہیلی کاپٹر کی مرمت کےلیے70 لاکھ کی منظوری ، اسلام آباد ہیلتھ کیئرریگولیٹری اتھارٹی کے قیام کےلیےڈیڑھ کروڑکی منظوری اور ای او بی آئی کے نظرثانی شدہ بجٹ کی منظوری دی جائے گی ۔

اسلام آباد : مشیر خزانہ عبدالحفیظ شیخ کی زیر صدارت اقتصادی رابطہ کمیٹی کے اجلاس میں کورونا سے متعلق آلات،دواؤں کی خریداری کیلئے 5ارب کی منظوری اور الیکٹرک صارفین کےلیے بجلی کی قیمت بڑھانے کی منظوری دے دی گئی۔

تفصیلات کے مطابق مشیر خزانہ عبدالحفیظ شیخ کی زیر صدارت اقتصادی رابطہ کمیٹی کا اجلاس ہوا ، جس میں نو نکاتی ایجنڈے پر غور کیا گیا۔

اجلاس میں کورونا سےمتعلق آلات،دواؤں کی خریداری کیلئے5ارب کی منظوری دی گئی، 5 ارب کی منظوری این ڈی ایم اے کے لیے دی گئی جبکہ کے الیکٹرک صارفین کےلیے بجلی کی قیمت فی یونٹ 2روپے89پیسے تک بڑھانے کی منظوری بھی دی گئی، بجلی ٹیرف میں اضافے کا نوٹیفکیشن 3ماہ بعدجاری ہوگا۔

ای سی سی نے نیشنل الیکٹرک وہیکلزپالیسی کے مراعاتی پیکیج پرکمیٹی قائم کردی ، کمیٹی ایک ماہ کے عرصے میں جامع سفارشات مرتب کرے گی، کمیٹی میں ڈی سی پلاننگ کمیشن، پیٹرولیم حکام اور دیگر وزارتوں کے نمائندے شامل ہیں۔

ذرائع کا کہنا ہے کہ روپےکی قدرمیں کمی،پی ایس او،تیل کمپنیوں کوخسارہ معاملےپرمہلت طلب کرلی گئی ہے جبکہ ایل پی جی ایئر مکس کے منصوبوں پربلوچستان حکومت سے مشاورت کی ہدایت کی گئی ہے۔

اجلاس میں فاٹا میں نادرامنصوبےکے لئے ضمنی گرانٹ ، پائیدارترقی کےاہداف کے پروگرام کیلئے ساڑھے 5ارب کی ضمنی گرانٹ اور وزارت ہاؤسنگ اینڈور کس کیلئے27کروڑ50 لاکھ روپے کی ضمنی گرانٹ منظور کرلی گئی۔

خیال رہے نیپرا نے جولائی 2016 سےمارچ 2019 تک کے الیکٹرک کو فیول ایڈجسٹمنٹ بجلی کے بلوں میں شامل کرنے کی منظوری دی تھی، سرچارج چار روپے اٹھاسی پیسے فی یونٹ کے حساب سے لگے گا، جس کے تحت کے الیکٹرک جولائی 2016 سےمارچ 2019 تک کے سابقہ بلوں میں فیول ایڈجسٹمنٹ سر چارج وصول کرے گی۔

اسلام آباد :مشیر خزانہ حفیظ شیخ کی زیرصدارت اقتصادی رابطہ کمیٹی کا اجلاس آج ہوگا ، جس میں اوورسیز پاکستانیوں کی بیرون ملک ملازمتوں پرٹاسک فورس رپورٹ پیش کرے گی۔

تفصیلات کے مطابق مشیر خزانہ حفیظ شیخ کی زیرصدارت اقتصادی رابطہ کمیٹی کا اجلاس آج ہوگا، جس میں 5نکاتی ایجنڈےپرغورکیاجائے گا ، وزارت صنعت وپیداوارچینی برآمدسےمتعلق وضاحتی سمری پیش کرے گی۔

ذرائع کا کہنا ہے کہ اوورسیز پاکستانیوں کی بیرون ملک ملازمتوں پرٹاسک فورس رپورٹ پیش کرے گی جبکہ ایل این جی کی درآمد پر1ارب69کروڑ روپے کے واجبات کی سمری بھی پیش کی جائے گی۔

اجلاس میں ایف بی آر کی ضمنی گرانٹس کی سمریزپیش کی جائیں گی اور اسلام آباد انتظامیہ کو ضمنی گرانٹس جاری کرنےکی سمری بھی ایجنڈے کاحصہ ہے۔

مزید پڑھیں : گندم کی امدادی قیمت 1400 روپے فی من مقرر

گذشتہ ای سی سی کےخصوصی اجلاس میں گندم کی امدادی قیمت 1400روپے فی من مقرر کرنے کا فیصلہ کیا گیا تھا۔

اعلامیہ میں بتایا گیا تھا کہ گندم کی خریداری سے متعلق اعلیٰ سطح مانیٹرنگ گروپ تشکیل دیدیاگیا ہے جس میں وزیر فوڈسیکیورٹی، وزیر ریلوے، وزیراقتصادی امور اور مشیر پٹرولیم حصہ ہوں گے۔

اجلاس میں تیل کی قیمتوں میں کمی کا فائدہ عوام کو جلد دینے کا فیصلہ کیا گیا، انٹرا بورڈ کمیٹی آف چیئرمین کیلئے 1.28 کروڑ کی گرانٹ کی منظوری دی گئی تاہم مسابقتی کمیشن کے 2015سے 2017 کے بجٹ پر آئندہ اجلاس میں غور ہوگا۔

اسلام آباد : مشیر خزانہ عبدالحفیظ شیخ کی زیر صدارت اقتصادی رابطہ کمیٹی کے اجلاس میں گندم کی امدادی قیمت 1400 روپے فی من مقرر کرنے کا معاملہ کل تک مؤخر کردیا گیا۔

تفصیلات کے مطابق مشیر خزانہ عبدالحفیظ شیخ کی زیر صدارت اقتصادی رابطہ کمیٹی کا اجلاس ہوا، اجلاس میں چار نکاتی ایجنڈے پر غور کیا گیا اور گندم کی امدادی قیمت1400روپےفی من مقررکرنے کا معاملہ کل تک مؤخر کردیا گیا۔

گندم کی امدادی قیمت کے تعین کیلئے ای سی سی کاخصوصی سیشن کل دوپہرکوہوگا، خصوصی سیشن میں آٹےکی قیمت کم سےکم سطح تک رکھنےکیلئےقابل عمل تجاویززیرغورآئیں گی۔

ای سی سی نے پاورڈویژن کیلئے 20ارب روپے کا خصوصی ریلیف پیکج منظورکرلیا اورکہا پاور ڈویژن جون تک 5برآمدی سیکٹرز کو سستی بجلی فراہم کرتا رہےگا۔

ذرائع کا کہنا ہے اجلاس میں پیٹرولیم شعبے سےمتعلق تجاویز کاجائزہ لیا گیا اور نیشنل ٹیلی کمیونیکشن کارپوریشن کے آئندہ مالی سال کے بجٹ تخمینے پر بھی غور کیاگیا۔

گذشتہ اقتصادی رابطہ کمیٹی کے اجلاس میں ایچ ای سی کےلیے5 ارب روپے کی ضمنی تکنیکی گرانٹ ، اسٹریٹجک ڈیویلپمنٹ پلاننگ سیل کےلیےڈیڑھ کروڑ کی گرانٹ اور ایئر فورس کیلئے انٹرنل سیکیورٹی ڈیوٹی الاونس کیلئے کی منظوری دی گئی تھی۔

مزید پڑھیں : اقتصادی رابطہ کمیٹی کااجلاس ، ایچ ای سی کیلئے5 ارب روپے کی گرانٹ منظور

کمیٹی کےاجلاس میں کے الیکٹرک کے سہ ماہی ٹیرف ایڈجسٹمنٹ کے معاملہ بھی زیر غور آیا تھا ، جس پر ای سی سی نے معاملے پر کمیٹی قائم کرتے ہوئے کہا تھا کہ آئندہ ہفتے دوبارہ غور ہوگا۔

کمیٹی نے قانونی چینلز کے زریعے ترسیلات زر بڑھانے سے متعلق تجاویز کی بھی منظوری دی تھی جبکہ اجلاس میں سعودی عرب کے نجی شعبہ کی طوارقی اسٹیل مل کی بحالی اور بلوچستان کے زرعی ٹیوب ویل کےلئے سبسڈی پرغور کیا گیا تھا۔