ARYNews.tv | Urdu – Har Lamha Bakhabar

Tag: Hajj

حج اسلام کا ایک بنیادی رکن ہے، جو ہر بالغ اور جسمانی طور پر صحت مند مسلمان پر فرض ہے، جس کے پاس اس کی ادائیگی کے لیے ضروری مالی وسائل موجود ہوں۔ حج مکہ مکرمہ میں انجام دیا جاتا ہے، جو مسلمانوں کے لیے مقدس ترین شہر ہے۔

  • سرکاری حج اسکیم : درخواستوں کی وصولی کا عمل مکمل

    سرکاری حج اسکیم : درخواستوں کی وصولی کا عمل مکمل

    اسلام آباد : سرکاری حج اسکیم کے تحت ملک بھر سے ایک لاکھ 18 ہزار 60 درخواستیں موصول ہوئیں، درخواستوں کی وصولی کا عمل مکمل ہوگیا۔

    اے آر وائی نیوز کی رپورٹ کے مطابق سرکاری حج اسکیم کے تحت درخواستوں کی وصولی کا عمل مکمل ہوگیا ہے، مزید حج درخواستوں کی وصولی روک دی گئی ہے، ملک بھر سے ٹوٹل ایک لاکھ 18 ہزار 60 درخواستیں موصول ہوئیں۔

    اس حوالے سے ذرائع کا کہنا ہے کہ عازمین نے طویل اور مختصر دورانیے کے حج کے لئے درخواستیں جمع کرائیں۔

    وزارت مذہبی امور نے نصف حج اخراجات پہلی قسط کے طور پر وصول کیے، حج کے باقی اخراجات دوسری قسط میں وصول کئے جائیں گے۔

    ذرائع کے مطابق حج و اجبات کی دوسری قسط کی وصولی یکم نومبر سے شروع کی جائے گی، سرکاری اسکیم کے تحت حج اخراجات کا تخمینہ ساڑھے 11 سے ساڑھے 12 لاکھ روپے ہے۔

    مزید پڑھیں : سرکاری حج پیکیج کے تحت جانے والے عازمین کے لیے بڑی خوشخبری آگئی

    ذرائع کے مطابق سرکاری حج پیکیج کے حوالے سے رواں سال جانے والے عازمین کو گزشتہ سال کی نسبت کم خرچ پر زیادہ سہولیات ملیں گی، ذرائع نے بتایا کہ سرکاری اسکیم کے تحت حج اخراجات کا حتمی تخمینہ تیار کرلیا گیا ہے۔

    ذرائع نے بتایا کہ 40 روز کے سرکاری حج پیکیج کی قیمت ساڑھے 10 لاکھ روپے مقرر کردی گئی ہے، ابتدائی طور پر 10لاکھ 75 ہزار سے 11 لاکھ 75 ہزار کا تخمینہ لگایا گیا تھا۔

  • حج سے محروم رہ جانے والے عازمین کیلئے بڑی خوشخبری

    حج سے محروم رہ جانے والے عازمین کیلئے بڑی خوشخبری

    اسلام آباد(2 اگست 2025): پیسے جمع کرانے کے باوجود رواں برس حج سے محروم رہ جانے والے عازمین کے لیے خوشخبری سامنے آئی ہے۔

    ذرائع کے مطابق حج سے محروم رہ جانے والے عازمین انہی پیسوں میں آئندہ برس حج کرسکیں گے، پرائیویٹ حج آپریٹرز ہوپ نے وزارت مذہبی امور کو یقین دہانی کرا دی ہے۔

    ذرائع کا کہنا ہے کہ پرائیویٹ آپریٹرز عازمین سے کوئی اضافی رقم وصول نہیں کریں گے، ہوپ نے وزارت مذہبی امور کو یقین دہانی کرائی ہے کہ  آئندہ برس 25 سے 26 ہزار عازمین کو حج پر بھجوائے گی اس کی تصدیق وزیر مذہبی امور نے بھی کر دی ہے۔

    ذرائع کا کہنا ہے کہ روان سال رہ جانے والے عازمین کے 36 ارب روپے سعودی عرب میں ہیں، سعودی بینکوں میں پاکستانی عازمین کے 490 ملین ریال موجود ہیں، پرائیویٹ حج آپریٹرز عازمین سے کوئی اضافی رقم نہیں لیں گے۔

    گزشتہ سال پرائیویٹ حج  آپریٹرز 63  کے کوٹے پر مکمل بکنگ نہیں کر سکے تھے جس کی وجہ سے 26 ہزار عازمین پیسے جمع کروانے کے باوجود حج نہیں کرسکے تھے اس معاملے پر سینیٹ کمیٹی نے وزارت مذہبی امور اور پرائیویٹ آپریٹرز کو ذمہ دار ٹھہرایا تھا۔

  • وزیر اعظم نے سرکاری حج کوٹہ کم رکھنے کی تجویز مسترد کر دی تھی

    وزیر اعظم نے سرکاری حج کوٹہ کم رکھنے کی تجویز مسترد کر دی تھی

    اسلام آباد (31 جولائی 2025): ذرائع نے کہا ہے کہ وزیر اعظم میاں شہباز شریف نے سرکاری حج کوٹہ کم رکھنے کی تجویز مسترد کر دی تھی۔

    تفصیلات کے مطابق وفاقی کابینہ میں حج پالیسی منظور کر لی گئی ہے، تاہم اجلاس میں تجویز آئی تھی کہ سرکاری کوٹہ 40 فی صد رکھا جائے، لیکن وزیر اعظم نے اسے مسترد کر کے 70 فی صد کیا۔

    کابینہ اجلاس میں فیصلہ ہوا کہ آئندہ سال پرائیویٹ حج کوٹہ صرف 30 فی صد ہوگا، وزیر اعظم نے کہا کہ حجاج کرام کو ہر قسم کی سہولتوں کی فراہمی یقینی بنائی جائے گی۔

    وزیر مذہبی امور نے بتایا کہ تخمینہ ساڑھے 11 سے ساڑھے 12 لاکھ روپے ہوگا، 2026 میں ایک لاکھ 79 ہزار سے زائد پاکستانی فریضہ حج پر جا سکیں گے۔

    حج پالیسی 2026 کی منظوری، سرکاری اور نجی کوٹہ سے متعلق بڑا فیصلہ

    دوسری طرف وزیر اعظم کے زیر صدارت اجلاس میں فیصلہ ہوا ہے کہ مہنگی چینی بیچنے والوں کے خلاف سخت کارروائی ہوگی، وزیر اعظم نے چینی کے سرکاری نرخ پر عمل درآمد یقینی بنانے کا حکم بھی دیا، شہباز شریف نے کہا چینی کی ایکس مل قیمت 165 روپے اور ریٹیل قیمت 173 روپے پر عمل درآمد کرایا جائے۔

    انھوں نے کہا کسی کو بھی عوام کے معاشی استحصال کی ہرگز اجازت نہیں دی جائے گی، وزیر اعظم کو بریفنگ میں بتایا گیا کہ چینی کی مصنوعی قلت پیدا کرنے والوں کے خلاف کارروائیاں جاری ہیں۔

  • سعودی عرب: 65 ہزار ایرانی حجاج کی بحفاظت اپنے وطن واپسی

    سعودی عرب: 65 ہزار ایرانی حجاج کی بحفاظت اپنے وطن واپسی

    سعودی عرب میں وزارت حج و عمرہ نے کہا ہے کہ اب تک 65 ہزار ایرانی حجاج واپس اپنے وطن روانہ ہو چکے ہیں جبکہ 11 ہزار کے قریب آئندہ چند دنوں میں روانہ ہوجائیں گے۔

    سعودی خبر رساں ادارے کی رپورٹ کے مطابق سعودی ولی عہد کی ہدایات پر عمل کرتے ہوئے وزارت حج و عمرہ کی جانب سے ایرانی حجاج کی بحفاظت واپسی کو یقینی بنانے کے لیے تمام تروسائل کو بروئے کار لایا جارہا ہے۔

    وزارت نے عرعر چیک پوسٹ کے ذریعے ایرانی حجاج کو عراق منتقل کرنے کے لیے 200 بسوں کو کرائے پر حاصل کیا جبکہ عرعرایئرپورٹ سے بری چوکی تک منتقل کرنے کیلیے یومیہ 2 ہزار شٹل سروس کا انتظام کیا گیا۔

    رپورٹس کے مطابق سعودی عرب میں وزارت حج و عمرہ نے ایرانی حجاج کی سہولت کیلیے ان کے قیام وطعام کے بہترین انتظامات کیے جن کے تحت 2 لاکھ 50 ہزار فوڈ پیکٹس فراہم کیے گئے جبکہ ڈھائی لاکھ سے زائد پانی کی بوتلیں اور 90 ہزار گلدستے ان میں تقسیم کیے گئے۔

    وزارت داخلہ کی جانب سے امیگریشن کی تیز ترکارروائی کو مکمل کرنے کیلیے اضافی عملے کو تعینات کیا گیا۔ دیگر سرکاری اداروں کی ٹیمیں بھی حجاج کی خدمت میں مستعد رہیں۔

    اگلے سال حج پر جانے کے خواہشمند افراد کے لئے بڑی خبر:

    اسلام آباد: اگلے سال حج پر جانے کے خواہشمند افراد کے لئے اہم شرائط سامنے آگئیں تاہم ابھی حج رجسٹریشن کے لیے کوئی فیس ادا نہیں کرنی ہوگی۔

    تفصیلات کے مطابق حج 2026 کے لیے عازمین کی لازمی رجسٹریشن شروع کر دی گئی، رجسٹریشن 9 جولائی تک جاری رہے گی۔

    وزارت مذہبی امور نے بتایا کہ حج 2026 رجسٹریشن کے لیے کوئی فیس ادا نہیں کرنی ہوگی تاہم 2026 کے لیے قبل از وقت رجسٹریشن کرانالازمی ہے۔

    سرکاری،نجی اسکیموں کے لیے عازمین حج کی رجسٹریشن کرانالازمی ہے جبکہ بیرون ملک مقیم پاکستانیوں کے لیے بھی رجسٹریشن کرانا لازمی ہے۔

    رجسٹریشن کروانے والے درخواست گزار ہی حج 2026 کے اہل تصور ہوں گے، حج رجسٹریشن ملک بھرمیں منظور شدہ 15 بینکوں سے کرائی جا سکتی ہے۔

    وزیراعظم نے آئندہ برس حج آپریشن کی تیاری ابھی سے شروع کرنیکی ہدایت کردی

    وزارت مذہبی امور کا کہنا تھا کہ حج رجسٹریشن کے بعد عازمین سرکاری یانجی حج اسکیم منتخب کر سکیں گے تاہم رواں برس پرائیویٹ اسکیم سے رہ جانے والے عازمین کے لیے بھی رجسٹریشن لازمی ہوگی۔

    وزارت کے مطابق حج 2026 کے اخراجات ودیگر شرائط و ضوابط الگ سے جاری کیے جائیں گے، رجسٹریشن حکومت سعودی عرب کی ہدایت پر کی جا رہی ہے، رجسٹریشن کے اعداد و شمار سے سعودی حکومت کو آگاہ کیا جائے گا۔

  • اہم خبر: حج 2026 کے لیے قبل از وقت رجسٹریشن کرانا لازمی قرار

    اہم خبر: حج 2026 کے لیے قبل از وقت رجسٹریشن کرانا لازمی قرار

    اسلام آباد: وزارت مذہبی امور نے حج 2026 کے لیے قبل از وقت رجسٹریشن کرانا لازمی قرار دے دیا ہے۔

    تفصیلات کے مطابق آئندہ حج کے لیے عازمین کی رجسٹریشن 5،4 روز میں شروع کرنے کی تیاریاں ہو رہی ہیں، ذرائع وزارت مذہبی امور کا کہنا ہے کہ حج 2026 کے لیے قبل از وقت رجسٹریشن کرانا لازمی ہوگا۔

    اس سلسلے میں چند دنوں میں باقاعدہ اشتہار جاری کر دیا جائے گا، سرکاری و نجی دونوں اسکیموں کے لیے عازمین حج کو لازمی رجسٹریشن کرانا ہوگی، رجسٹریشن کی درخواستوں کے ہمراہ مخصوص رقم (ٹوکن منی) جمع کرانی ہوگی، جو کہ مجموعی حج اخراجات میں شامل (ایڈجسٹ) کر لی جائے گی۔

    حج رجسٹریشن ملک بھر میں منظور شدہ بینکوں سے کرائی جا سکے گی، جس کے بعد عازمین سرکاری یا نجی حج اسکیم منتخب کر سکیں گے، رواں برس پرائیویٹ اسکیم سے رہ جانے والے عازمین کے لیے بھی رجسٹریشن لازمی ہوگی۔

    ذرائع وزارت مذہبی امور کے مطابق حج رجسٹریشن حکومت سعودی عرب کی ہدایت پر کی جا رہی ہے، رجسٹریشن کی بنیاد پر حکومت سعودی عرب حج کوٹہ مقرر کرے گی۔

  • حجاج کرام آج بڑے شیطان کی رمی کر رہے ہیں

    حجاج کرام آج بڑے شیطان کی رمی کر رہے ہیں

    مزدلفہ میں رات کھلے آسمان تلے گزارنے کے بعد حجاج کرام بڑے شیطان کو کنکریاں مارنے منیٰ پہنچ گئے ہیں اور رمی کا آغاز ہوگیا ہے۔

    حج کا رکن اعظم وقوف عرفات گزشتہ روز ادا کر دیا گیا۔ حجاج کرام نے کل میدان عرفات میں رکن اعظم کی ادائیگی کے بعد مزدلفہ کا رخ کیا جہاں رات کھلے آسمان تلے اللہ تعالیٰ کی عبادات اور مناجات کرتے ہوئے گزاری۔

    آج حجاج کرام بڑے شیطان کو کنکریاں (رمی) ماریں گے جس کے لیے وہ منیٰ پہنچنا شروع ہوگئے ہیں اور رمی کا آغاز ہوگیا ہے۔

    بڑے شیطان کو کنکریاں مارنے کے بعد حجاج جانوروں کی قربانی کر کے سر منڈوائیں گے اور احرام کھول دیں گے۔

    حجاج کرام طواف زیارت اور سعی کرنے کے بعد منیٰ لوٹ آئیں گے، جہاں وہ مزید دو دن قیام کے دوران رمی بھی کریں گے، حجاج کرام 12 ذی الحج کو مغرب سے قبل وادی منیٰ سے نکل جائیں گے اور یوں ان کا حج کے فریضے کا عمل مکمل ہو جائے گا۔

  • سعودی عرب نے پاکستانی حجاج کے کھانے کا ٹھیکہ کسے دیا؟ افواہیں مسترد

    سعودی عرب نے پاکستانی حجاج کے کھانے کا ٹھیکہ کسے دیا؟ افواہیں مسترد

    ریاض: سعودی عرب نے پاکستانی حجاج کے کھانے کا ٹھیکہ کسے دیا؟ وزارت مذہبی امور نے اس حوالے سے سوشل میڈیا پر پھیلی ہوئی افواہیں مسترد کر دیں۔

    تفصیلات کے مطابق سعودی وزارتِ مذہبی امور نے حج انتظامات سے متعلق افواہوں کو مسترد کر دیا، اور کہا ہے کہ پاکستانی حجاج کے کھانے کا ٹھیکہ کسی بھارتی کمپنی کو نہیں دیا گیا۔

    ترجمان وزاررت مذہبی امور سعودی عرب نے سوشل میڈیا پر پھیلائی گئی معلومات کو بے بنیاد اور تحقیق سے عاری قرار دے دیا، ترجمان نے کہا ’’بہارات ایشیا‘‘ سعودی خاتون فاطمہ الکعبی کی ملکیت ہے، اس کمپنی کا بھارت سے کوئی تعلق نہیں ہے۔

    ترجمان کے مطابق کیٹرنگ کمپنی بہارات ایشیا سے متعلق پراپیگنڈا منفی اور بے بنیاد ہے، عوام ایسے بے بنیاد پراپیگنڈے کا حصہ نہ بنیں۔ ترجمان نے سرکاری ریکارڈ کا حوالہ دیتے ہوئے واضح کیا کہ کمپنی کا مالک سعودی شہری ہے اور کمپنی کا قانونی نمائندہ اور منیجر بھی مملکت کا شہری ہے۔

    حج 2025، مفتی اعظم سعودی عرب کا اہم بیان

    ترجمان نے مزید کہا کہ عربی میں ’’بہارات ایشیا‘‘ کی اصطلاح کا سیدھا مطلب ہے ’’ایشیا کے مصالحے‘‘ اس نام سے متعلق پھیلنے والے مفروضے مکمل طور پر قیاس پر مبنی ہیں۔

    واضح رہے کہ پاکستانی زائرین کو پاکستانی ذائقے اور ترجیحات کی بنیاد پر روزانہ 3 وقت کا کھانا دیا جا رہا ہے۔

  • خادمِ حرمین شریفین کا ایک ہزار فلسطینی شہداء کے اہل خانہ کو حج کروانے کا اعلان

    خادمِ حرمین شریفین کا ایک ہزار فلسطینی شہداء کے اہل خانہ کو حج کروانے کا اعلان

    خادمِ حرمین شریفین نے ایک ہزار فلسطینی شہداء کے اہل خانہ کو ذاتی خرچ پر حج کروانے کا اعلان کیا ہے۔

    ترجمان سعودی سفارتخانہ اسلام آباد کے مطابق خادمِ حرمین شریفین نے سال 1446 ہجری کے حج کے لیے فلسطینی شہداء، قیدیوں اور زخمیوں کے اہلِ خانہ میں سے ایک ہزار افراد کو اپنے ذاتی خرچ پر حج کرانے کی ہدایت جاری کردی ہیں۔

    سعودی سفارتخانے کے ترجمان نے کہا کہ یہ اقدام نہ صرف مظلوم فلسطینی عوام کے ساتھ دلی ہمدردی کا ثبوت ہے بلکہ امتِ مسلمہ کے اتحاد و اخوت کی روشن مثال بھی ہے۔

    واضح رہے کہ سعودی حکومت کی جانب سے ہر سال مختلف ممالک کے شہداء اور متاثرہ خاندانوں کے لیے خصوصی حج پروگرام ترتیب دیا جاتا ہے، جبکہ رواں برس فلسطینی عوام کے لیے یہ قدم اس وقت اٹھایا گیا ہے جب غزہ اور مغربی کنارے میں ظلم و ستم کی شدت بڑھتی جا رہی ہے۔

  • عازمین حج کی سہولت کیلیے مسجد الحرام کی لائبریری میں اقدامات

    عازمین حج کی سہولت کیلیے مسجد الحرام کی لائبریری میں اقدامات

    حج سیزن میں عازمین حج کی علمی آگاہی کے لیے حرمین شریفین میں دینی امور کے ادارے کی جانب سے مسجد الحرام کی لائبریری میں خاص سہولت فراہم کی گئی ہے۔

    سعودی خبر رساں ادارے کی رپورٹ کے مطابق حرمین میں دینی امور کے سربراہ شیخ ڈاکٹرعبدالرحمن السدیس کا اس حوالے سے کہنا ہے کہ مسجد الحرام کی لائبریری مذہبی علم پھیلانے اورعالمی سطح ہر اعتدال پسند سوع کو فروغ دینے کیلیے ایک ثقافتی تعلیمی پلیٹ فارم کی حیثیت رکھتی ہے۔

    مسجد الحرام کی لائبریری سے نہ صرف عام طلبا بلکہ حرمین شریفین کے زائرین بھی مستفیض ہوتے اورعلم حاصل کرتے ہیں۔

    شیخ السدیس کے مطابق رواں برس لائبریری میں مختلف زبانوں پرمبنی اہم علمی و فکری کتب کی فراہمی کا اہتمام کیا گیا ہے تاکہ دنیا بھر سے آنے والے عازمین اس نایاب خزانے سے مستفید ہوسکیں۔

    اُنہوں نے کہا کہ یہ لائبریری اسلامی دنیا کی سب سے اہم لائبریوں میں سے ایک ہے جس میں مختلف شعبوں اور زبانوں میں کتب کا ایک وسیع ذخیرہ موجود ہے۔

    دوسری جانب سعودی ریلوے ’سار‘ نے رواں برس حج سیزن کے منصوبے کا اعلان کر دیا ہے۔ گزشتہ برس کے مقابلے میں حج 2025 کے لیے نشستوں میں 25 فیصد اضافہ کردیا گیا ہے۔

    سعودی ریلوے ’سار‘ کا کہنا ہے کہ رواں برس حرمین ریلوے کے ذریعے 20 لاکھ عازمین حج کو سروس فراہم کی جائے گی جس کے لیے رواں برس 4 لاکھ نشستوں کا اضافہ ہو سکے گا۔

    حج منصوبے کے تحت سعودی ریلوے کی جانب سے حرمین ریلوے مدینہ منورہ سے مکہ مکرمہ کے درمیان 20 ذوالحجہ 1446 تک ٹرینوں کے 4 ہزار 768 ٹرپس کی سہولت فراہم کی جائے گی جس سے مستفید ہونے والے مسافروں کی تعداد میں اضافہ ہو گا۔

    حرمین ریلوے کا شمار دنیا کی دس تیز ترین ریلوے سروس میں کیا جاتا ہے، جس کی انتہائی رفتار 300 کلو میٹر فی گھنٹہ ہے۔

    عازمین حج خبردار! سخت سزائیں اور جرمانے

    حرمین ریلوے کے بیٹرے میں 35 گاڑیاں شامل ہیں، جن میں سے ہر ٹرین میں 417 نشستیں ہیں۔ ہائی سپیڈ ریلوے سروس کی خصوصیت یہ ہے کہ یہ کابن مونو فری اور ماحول دوست ہے۔

  • عازمین حج کیلیے ضروری ہدایات جاری

    عازمین حج کیلیے ضروری ہدایات جاری

    اسلام آباد: وزارت مذہبی امور نے عازمین حج کیلیے ضروری ہدایات جاری کرتے ہوئے کہا ہے کہ سعودی عرب روانگی سے قبل لازمی ویکسین لگانی ضروری ہیں۔

    وزارت مذہبی امور نے ہدایت کی کہ عازمین حج گردن توڑ بخار، فلو اور پولیو کی ویکسین نزدیکی حاجی کیمپ سے مفت لگوائیں، ویکسینیشن کے بعد حاجی کیمپ سے پیلا کارڈ لازمی حاصل کریں کیونکہ سرٹیفیکیٹ کے بغیر سعودی عرب میں داخلہ ممکن نہیں۔

    ہدایت کی گئی کہ 65 سال سے زائد عمر کے عازمین حج اپنا پرانا کورونا ویکسین کارڈ لازمی ہمراہ رکھیں، کارڈ نہ ہونے کی صورت میں صرف وہی افراد نزدیکی حاجی کیمپ سے کورونا ویکسین لگوا کر کارڈ حاصل کریں۔

    یہ بھی پڑھیں: ’حج ویزے‘ کے علاوہ مکہ مکرمہ میں ہوٹل بکنگ نہ کرنے کی ہدایت

    دوسری جانب سعودی عرب میں وزارت حج و عمرہ نے عازمین حج کیلیے نسک کارڈز کی تقسیم شروع کر دی ہے جہاں اب تک ایک لاکھ 50 ہزار کارڈز جاری کیے جا چکے ہیں۔

    وزارت حج و عمرہ کی جانب سے نسک کارڈ انتہائی اعلیٰ معیار کے پرنٹنگ کمپنی میں تیار کیے جا رہے ہیں جس میں بہترین سکیورٹی فیچرز کو شامل کیا گیا ہے۔

    رواں برس کیلیے تیار کیے جانے والے نسک کارڈز کی خاص بات یہ ہے کہ گراؤنڈ پر موجود سکیورٹی اہلکار اس کی جانچ آسانی سے کر لیں گے۔

    کارڈ میں عازم حج کی تمام معلومات موجود ہیں جن میں مکہ مکرمہ، مدینہ منورہ اور مشاعرمقدسہ (منیٰ، عرفات اور مزدلفہ) کے ایڈریس اور کمپنی کے بارے میں مکمل معلومات و اہم ٹیلی فون نمبر کو بھی شامل کیا گیا ہے تاکہ عازمین حج کو کوئی مشکل پیش نہ آئے۔