اسلام آباد: وزارت مذہبی امور پاکستان نے عازمین حج کو کرونا ویکسینز کے حوالے سے ایک اہم بات کی طرف توجہ دلائی ہے، اور بتایا ہے کہ کون سی کرونا ویکسینز لگوانے والے حج درخواست جمع کرانے کے اہل نہیں ہیں۔
تفصیلات کے مطابق وزارت مذہبی امور اور بین المذاہب ہم آہنگی نے سوشل میڈیا اکاؤنٹ پر ایک پوسٹ میں عازمینِ حج کو متوجہ کرتے ہوئے کہا ہے کہ صرف سعودی منظور شدہ 10 ویکسینز کے حامل افراد ہی حج درخواست جمع کرانے کے اہل ہیں۔
وزارت نے خاص طور سے 2 ویکسینز مذکور کر کے کہا ہے کہ ‘کین سائنو’ اور ‘پاک ویک’ کرونا ویکسینز سعودی عرب سے منظور شدہ نہیں ہیں، اس لیے یہ ویکسینز لگوانے والے حج درخواست جمع کرانے کے اہل نہیں ہیں۔
لازمی حج اخراجات کی تفصیل کا اعلان کب ہوگا؟
وزارت نے اپنے ٹویٹر اکاؤنٹ پر کہا ہے کہ بینکوں کے ذریعے سرکاری حج اسکیم میں درخواستیں جمع کرانے کا عمل جاری ہے، اور دو دن میں 14،247 حج درخواستیں موصول ہو چکی ہیں۔
بینکوں کے ذریعے سرکاری حج سکیم میں درخواستیں جمع کرانے کا عمل جاری، دو دن میں 14،247 حج درخواستیں موصول، پاسپورٹ، ہیلتھ سرٹیفیکٹ، سعودی منظور شدہ ویکسین سرٹیفیکیٹ، ٹوکن رقم جمع کرانا لازمی، 🇸🇦 سے لازمی حج اخراجات کی تفصیل نہیں ملی: جوائنٹ سیکرٹری حج
— Ministry of Religious Affairs & Interfaith Harmony (@MORAisbOfficial) May 10, 2022
وزارت کے مطابق پاسپورٹ، ہیلتھ سرٹیفیکیٹ، سعودی منظور شدہ ویکسین سرٹیفیکیٹ، ٹوکن رقم جمع کرانا لازمی ہے، تاحال سعودی عرب سے لازمی حج اخراجات کی تفصیل نہیں ملی۔
