ARYNews.tv | Urdu – Har Lamha Bakhabar

Tag: Hajj Operation

  • کراچی سے حج آپریشن کا آغاز، پہلی دو پروازیں مدینہ روانہ

    کراچی سے حج آپریشن کا آغاز، پہلی دو پروازیں مدینہ روانہ

    کراچی: روٹ ٹومکہ کے تحت کراچی سے حج آپریشن کا آغاز ہوگیا، دو حج پروازیں 330 عازمین کو لیکر مدینہ منورہ روانہ ہوگئیں۔

    اے آر وائی نیوز کے مطابق پہلی حج پرواز 150 عازمین کو لیکر مدینہ منورہ روانہ ہوئی جبکہ دوسری پرواز رات 2 بجکر 45 منٹ پر 180 عازمین کو لیکر روانہ ہوئی، کراچی سے آج مجموعی طور پر 330 عازمین سعودی عرب روانہ ہوئے۔

    ایئرپورٹ انتظامیہ کی جانب سے حج آپریشن کے لئے بہترین انتظامات کئے گئے ہیں، کراچی سے مجموعی طور پر 16 ہزار 281 عازمین حج پر جائیں گے۔

    پاکستانی عازمین حج کو مکہ اور مدینہ کے کن علاقوں میں رہائش فراہم کی جائیگی، اس حوالے سے ڈی جی حج نے آگاہ کردیا۔

    ڈی جی حج عبدالوہاب سومرو نے بتایا کہ سرکاری حجاج کو مکہ میں عزیزیہ، بطحا قریش اور حئی نسیم میں رہائش دی جائیگی۔ مدینہ منورہ میں تمام پاکستانی عازمین حج کو مرکزیہ میں رہائش دی جائے گی۔

    سیکریٹری مذہبی امور ذوالفقار حیدر نے کہا کہ عازمین کے لیے ہرممکن سہولت کی فراہمی کو یقینی بنایا جائے، حج آپریشن کے دوران حجاج کے فیڈ بیک کو خصوصی اہمیت دی جائے۔

    انھوں نے کہا کہ حج آپریشن سے متعلق حجاج کے سروے کے بعد ڈیٹا مرتب کیا جائے، حج آپریشن کے دوران کسی اہلکارکی غفلت اور سستی برداشت نہیں کی جائیگی۔

    پاسپورٹ بنوانے والوں کی بڑی پریشانی حل ہوگئی

    ڈی جی حج عبدالوہاب سومرو کا کہنا تھا کہ تین طوافہ کمپنیوں کو ایام حج میں منیٰ عرفات کی سہولت کیلئے ہائر کیا گیا ہے۔

  • دنیا بھر سے 7700 پروازیں عازمین حج کو سعودی عرب پہنچائیں گی

    دنیا بھر سے 7700 پروازیں عازمین حج کو سعودی عرب پہنچائیں گی

    سعودی وزارت ٹرانسپورٹ کا حج آپریشن سے متعلق اہم بیان سامنے آیا، جس میں انہوں نے حج سیزن کی تیاریوں کے حوالے سے آگاہ کیا ہے۔

    سعودی خبررساں ادارے ’ایس پی اے‘ کی رپورٹ کے مطابق سعودی وزارت ٹرانسپورٹ کا کہنا ہے کہ حج سیزن 2024 کے لیے تمام تیاریاں مکمل کی جاچکی ہیں، عازمین حج بری، بحری اور فضائی راستے سے مملکت پہنچیں گے۔

    سعودی سول ایوی ایشن جنرل اتھارٹی کے مطابق اس سال مملکت کے چھ ایئرپورٹس پر عازمین کے استقبال کی تیاریاں مکمل کی جاچکی ہیں۔

    بیان میں مزید کہا گیا ہے کہ عازمین حج کے لیے جدہ کا کنگ عبدالعزیز انٹرنیشنل ایئرپورٹ، مدینہ منورہ کا امیر محمد بن عبدالعزیز انٹرنیشنل ایئرپورٹ، شہزادہ عبدالمحسن انٹرنیشنل ایئرپورٹ ینبع،طائف انٹرنیشنل ایئرپورٹ، ریاض کا کنگ خالد انٹرنیشنل ایئرپورٹ اور شاہ فہد انٹرنیشنل ایئرپورٹ دمام کو مختص کیا گیا ہے۔

    سعودی ریلوے ’سار‘ کے مطابق 9 ٹرین سٹیشن جن میں منی، مزدلفہ اور عرفات شامل ہیں حجاج کی نقل و حرکت کو آسان بنایا گیا ہے۔ تقریبا 2 ہزار ٹرپس کے لیے 17 ٹرینوں کو تیار کیا جاچکا ہے۔ حرمین ٹرین پانچ سٹیشنوں کے ذریعے حج سیزن میں 3800 سے زیادہ ٹرپس کے لیے تیار ہے۔

    سعودی ریلوے ’سار‘ کے مطابق ٹرینوں کی آمد ورفت اور سفر کے اوقات کے حوالے سے سمارٹ فون پرعازمین کو الرٹ بھی جاری کیا جائے گا، جنرل پورٹس اتھارٹی کے مطابق جدہ اسلامی بندرگاہ پر حج سیزن کے دوران 10 ہزار عازمین کی آمد متوقع ہے۔

    سعودی عرب: حج موسم کے دوران غیر ملکیوں کیلئے خوشخبری

    سات ہزار 700 پروازوں کے ذریعے عازمین حج حجاز مقدس پہنچیں گے، 3.4 ملین نشستیں موجود ہیں۔ سعودی ایئرلائن 150 پروازوں پر 1.2 ملین سے زائد نشستیں عازمین حج کے لیے مختص کیے ہوئے ہے۔

  • حج آپریشن : پاکستان سے 3 دن میں 3919 عازمینِ حج سعودی عرب پہنچ گئے

    حج آپریشن : پاکستان سے 3 دن میں 3919 عازمینِ حج سعودی عرب پہنچ گئے

    اسلام آباد : پاکستان سے 3 دن میں 3919 عازمینِ حج سعودی عرب پہنچ گئے ، حج فلائٹ آپریشن 30 جون تک لگاتار جاری رہے گا۔

    تفصیلات کے مطابق مذہبی امور کے ترجمان کی جانب سے بیان میں کہا گیا ہے کہ حج فلائٹ آپریشن میں تین دن کے دوران 3 ہزار 919 عازمینِ حج کو سعودی عرب پہنچا دیا گیا ہے۔

    ترجمان نے بتایا کہ آج بدھ کے روز مزید 8 حج پروازوں سے 1710 عازمینِ حج مدینہ منورہ پہنچائے جائیں گے ، اسلام آباد سے چار جبکہ کراچی، لاہور، کوئٹہ اور ملتان سے ایک ایک پرواز روانہ ہو گی۔

    ترجمان مذہبی امور کا کہنا تھا کہ جمعرات کو 5 حج پروازوں کے ذریعے مزید 1330 حجاج حجازِ مقدس روانہ ہوں گے اور 106 پروازوں پر مشتمل حج فلائٹ آپریشن 30 جون تک لگاتار جاری رہے گا۔

    ترجمان کے مطابق دور دراز علاقوں سے آنے والے عازمین کیلئے حاجی کیمپوں میں رہائش کا بندوبست کیا گیا ہے اور حاجی کیمپوں سے ویکسین، ٹکٹ، ویزہ ، شناختی لاکٹ اور پاسپورٹ کی فراہمی جاری ہے۔

    مذہبی امور نے بتایا کہ مکہ ، مدینہ اور سعودی ایئرپورٹس پر معاونین ِ حج پر مشتمل فلاحی عملہ سعودی عرب تعینات کر دیا گیا اور پاکستانی حج میڈیکل مشن کے تحت مکہ مدینہ اور جدہ میں ہسپتال اور ڈسپنسریاں قائم کر دی گئیں ہیں۔

    ترجمان نے بتایا کہ پولیس ، 1122اور سول اداروں کے ملازمین بطور معاونین رہائش، خوراک اور ٹرانسپورٹ کا انتظام سنبھال رہے ہیں اور شعبہ گمشدگی ، ہیلپ لائن، حرم گائڈز، مانیٹرنگ اور مدینہ آمد و روانگی کا انتظام مذہبی امور کے ویلفیئر سٹاف کے ذمہ ہے ، وزارتِ مذہبی امور کے تحت روانہ کیا گیا تمام تر ویلفیئر سٹاف سرکاری ملازمین پر مشتمل ہے۔

  • حجا جِ کرام کی واپسی‘ پی آئی اے کی پہلی پرواز کراچی پہنچ گئی

    حجا جِ کرام کی واپسی‘ پی آئی اے کی پہلی پرواز کراچی پہنچ گئی

    کراچی: پی آئی اےنے حجاجِ کرام کی واپسی کے لیے آپریشن کا آغاز کردیا۔پی آئی اے کی پہلی حج پرواز 400 کے قریب حجاج کرام کو لے کر کراچی پہنچ گئی‘ گورنر سندھ محمد زبیر بھی اسی پرواز سے واپس پہنچے۔

    تفصیلات کے مطابق کراچی ایئرپورٹ پر پی آئی اے کے چیف ایگزیکٹو آفیسر مشرف رسول نے پہلی پرواز سے آنے والے حاجیوں اور گورنر سندھ کا استقبال کیا‘ پی آئی اے کی پرواز پی کے 731 سعودی عرب سے 384 حجاجِ کرام کو لے کر وطن واپس آئی۔

    پی آئی اے کی نجف کے لیے نئی پروازیں*

    گورنر سندھ نے پی آئی اے کی خدمات کو سراہتے ہوئے کہا کہ پی آئی اے اپنے حج آپریشن کے دوران حجاج کرام کی وطن واپسی کے حوالے سے مزید انتظامات کرے‘ ، ان کا کہنا تھا کہ جدہ کے حج ٹرمینل پر حجاج کرام کی رہنمائی کیلئے پی آئی اے کے اسکاوٴٹس اور دیگر عملہ بھی اپنے فرائض احسن طریقے سے انجام دے رہا ہے۔

    پی آئی اے کے سی ای او مشرف رسول کا کہنا تھا کہ پی آئی اے حج آپریشن کے دوران 105پروازوں کے ذریعے ستاون ہزار سے زائد حجاج کرام کو وطن واپس پہنچائے گی۔ حجاج کرام کی وطن واپسی کا عمل پانچ اکتوبر تک جاری رہے گا۔

    حج آپریشن مکمل‘ ایک لاکھ سےزائد عازمینِ حج پہنچ گئے*

    دوسری جانب نجی ایئر لائن شاہین ایئرنے بھی اپنا حج آپریشن کا آغاز کردیا ہے پہلی حج آپریشن300سے زائد حجاج کرام کو لے کر لاہور پہنچی،شاہین ائیر اپنی 29پروازوں کے ذریعے49ہزار سے زائد حجاج کرام کو وطن واپس پہنچائے گی ۔

    یاد رہے کہ پی آئی اے نے کراچی سے17600سے زائد عازمین کو حجاج مقدس پہنچایا۔ اسلام آباد سے10882،لاہور سے10610،پشاور سے7000سے زائد ملتان سے6000سیالکوٹ سے3900سے زائد اور فیصل آباد سے445عازمین کو حجاج مقدس پہنچایاگیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • حج آپریشن مکمل‘ ایک لاکھ سےزائد عازمینِ حج پہنچ گئے

    حج آپریشن مکمل‘ ایک لاکھ سےزائد عازمینِ حج پہنچ گئے

    کراچی: پی آئی اے اور نجی ایئرلائن نے قبل از وقت حج آپریشن مکمل کرلیا‘ پی آئی اے نے کل 230 خصوصی پروازوں کے ذریعے آپریشن مکمل کیا۔

    تفصیلات کے مطابق رواں برس پی آئی اے نے اپنے حج آپریشن کے دوران230خصوصی اور شیڈول پروازوں کے ذریعے 57پروازوں کے ذریعے عازمین کوجدہ اور مدینہ پہنچایا‘ حج آپریشن کے دوران پی آئی اے کی پروازوں کی بروقت روانگی کی شرح92فیصد رہی۔

    پی آئی اے نے کراچی سے17600سے زائد عازمین کو حجاج مقدس پہنچایا۔ اسلام آباد سے10882،لاہور سے10610،پشاور سے7000سے زائد ملتان سے6000سیالکوٹ سے3900سے زائد اور فیصل آباد سے445عازمین کو حجاج مقدس پہنچایاگیا۔

    وزیر اعظم کے مشیر ہوا بازی مہتاب احمد خان نے کامیاب حج آپریشن مکمل ہونے پر پی آئی اے کے عملے کو مبارکباد دی اور کہا کہ بعد از حج آپریشن میں حجاج کرام کی وطن واپسی کے حوالے سے بھی خصوصی اقدامات کئے جائیں۔

    وزیر اعظم کے مشیر ہوا بازی مہتاب احمد خان کا کہنا تھا کہ جدہ اور مدینہ کے حج ٹرمینل پر پی آئی اے انتظامیہ اپنی خصوصی ٹیم تعینات کرے۔یاد رہے کہ پی آئی اے کا بعد از حج آپریشن6ستمبر سے شروع ہوگا اور 5اکتوبر تک جاری رہے گا۔

    hajj operation
    آخری پرواز سے جانے والے عازمینِ حج

    دوسری جانب نجی ایئرلائن شاہین ایئر نے بھی اپنا قبل از وقت حج آپریشن مکمل کرلیا۔ حج آپریشن کے لیے نے 217خصوصی پروازوں کے ذریعے 49000سے زائد عازمین کو جدہ اور مدینہ منورہ پہنچایا گیا۔

    نجی ایئر لائن کے ذریعے کراچی سے 64،لاہورسے29،اسلام آباد30،پشاور30،فیصل آباد سے30پروازیں،کوئٹہ سے32اور ملتان سے2پروازیں آپریٹ کی گئیں۔

    قومی ایئر لائن سے 56،437 نفو س حج کی سعادت عدا کرنے کے لیے سعودی عرب پہنچے جبکہ نجی ایئر لائن کے ذریعے 49000 افراد نے سفر کیا مجموعی طور پر کل 1،05،437 افراد فریضہ حج کی ادائیگی کے لیے سعودی عرب گئے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • حج آپریشن میں بے قاعدگیاں، سینئر اسٹاف انتظامیہ کے خلاف عدالت پہنچ گیا

    حج آپریشن میں بے قاعدگیاں، سینئر اسٹاف انتظامیہ کے خلاف عدالت پہنچ گیا

    کراچی: پی آئی اے حج آپریشن میں عارضی تعیناتیوں کے معاملے میں مبینہ بے قاعدگیوں کے خلاف افسران کی تنظیم نے سندھ ہائی کورٹ میں درخواست دائر کردی۔

    تفصیلات کے مطابق پی آئی اے کے حج آپریشن میں کی گئی عارضی تعیناتیوں میں قواعد و ضوابط کی بے قاعدگیوں کے خلاف افسران کی تنظیم ساسا نے سندھ ہائی کورٹ میں درخواست دائر کردی۔

    سینئر اسٹاف ایسوسی ایشن (ساسا) کی جانب سے دائر درخواست میں موقف اختیار کیا گیا ہے کہ 16 افسران اور اسٹاف کے لوگوں کی تعیناتی کے لیے عارضی حج پوسٹنگ اور فارن پوسٹنگ کے لیے کمپنی پالیسی کو مدنظر نہیں رکھا گیا ہے اور میرٹ کو یکسر نظر انداز کیا گیا ہے۔

    درخواست میں موقف اختیار کیا گیا ہے کہ انتظامیہ کو حج آپریشن میں کی جانے والی تعیناتیوں سے متعلق جولائی میں خط تحریر کردیا گیا تھا مگر پھر بھی پوسٹنگ کے وقت کمپنی پالیسی کو مدنظر نہیں رکھا گیا۔

    ساسا نے درخواست میں کہا کہ 15 اگست کو بھی انتظامیہ کو یاد دہانی خط انتظامیہ نے وصول کیا مگر اعلیٰ حکومتی شخصیات کی مبینہ سفارش اور مداخلت پر 16 من پسند افسران اور اسٹاف کو خصوصی تعیناتی دی گئی جن کے بارے میں کہا جاتا ہے کہ ان ناموں کی فہرست بھی اعلیٰ سیاسی شخصیات نے پی آئی اے انتظامیہ کو بھیجی تھیں۔

    سینئر اسٹاف ایسوسی ایشن کی درخواست پرعدالت عالیہ سندھ نے 25 اگست کو انتظامیہ سے جواب طلب کر لیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سرکاری اسکیم کے تحت حج آپریشن کاآغاز

    سرکاری اسکیم کے تحت حج آپریشن کاآغاز

    اسلام آباد : سرکاری حج اسکیم کےتحت فلائٹ آپریشن کاآغاز ہوگیا، ایئرپورٹس پر لبیک اللٰہم لبیک کی صدائیں گونجنے لگیں۔

    تفصیلات کے مطابق لبیک اللھمہ لبیک کی صداؤں میں عازمین حج کی حجاز مقدس روانگی کا عمل شروع ہو گیا، فضائی سفر کی سہولیات پی آئی اے اور نجی ایئرلائنز فراہم کر رہی ہیں، اللہ کے مہمانوں کی میزبانی میں کوئی کمی نہ رہ جائے، اس کے لئے وفاقی وزیر مذہبی امورسردارمحمد یوسف تمام انتظامات کا جائزہ لینے اسلام آباد ائیرپورٹ پہنچے۔

    اس موقع پر وزیرمذہبی امور کا کہنا تھا کہ حجاج کیلئے سفر کو پُرآسائش بنا رہےہیں، حجاج سعودی عرب میں پاکستان کے سفیر ہیں، حجاج کرام سعودی عرب میں نظم وضبط کاخیال رکھیں،عازمین کرام کوئی بھی ممنوعہ چیزنہ لے کر جائیں جبکہ عازمین مدینہ منورہ میں شکایات سیل سےرابطہ کرسکتے۔

    پہلی حج پرواز اسلام آباد سے مدینہ روانہ ہوئی، وفاقی وزیر مذہبی امورسردار محمد یوسف نے عازمین حج کو رخصت کیا ، دوسری حج پرواز کراچی سے صبح چھ بجے جدہ روانہ ہوئی، سول ایوی ایشن اتھارٹی کےاعلیٰ حکام نےعازمین کو الوداع کیا۔

    پہلےروز8 پروازوں سے 1954عازمین سعودی عرب روانہ ہوں گے، پی آئی اے سمیت نجی ایئر لائنوں کے ذریعے مجموعی طور پر ایک لاکھ سے زائد عازمین کو 300 سے زائد پروازوں کے ذریعے حجاز مقدس پہنچایا جائے گا۔

    ملک بھر سےحج پروازوں کا سلسلہ چھبیس اگست تک جاری رہے گا، رواں سال ایک لاکھ 85 ہزار سے زائد پاکستانی حج کا سعادت حاصل کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پی آئی اے: طیاروں کی کمی، حج آپریشن متاثر ہونے کا خدشہ

    پی آئی اے: طیاروں کی کمی، حج آپریشن متاثر ہونے کا خدشہ

    کراچی:پی آئی اے کی حج آپریشن کی تیاریاں نامکمل ہیں، حج آپریشن کے لیے طیاروں کی کمی کا سامنا ہے جس کے سبب آپریشن متاثر ہونے کا خدشہ ہے۔

    اطلاعات کے مطابق پی آئی اے طیاروں کی کمی کے باعث تاحال حج شیڈول تیار نہ کرسکی، پی آئی اے نے سعودی ایوی ایشن کو طیاروں کا شیڈول فراہم نہ کیا اور شیڈول نہ ملنے کی وجہ سے ایس جی ایس نے ویزوں کا اجرا نہیں کیا۔

    پی آئی اے نے حج آپریشن 24 جولائی سے شروع کرنے کا دعویٰ کیا تھا تاہم اب حج آپریشن بری طرح متاثر ہونے کا خدشہ ہے۔

    اطلاعات ہیں کہ پی آئی اے کو لیز پر بوئنگ 777 طیارہ تاحال نہیں مل سکا جس کے بعد اب امکان ہے کہ حج آپریشن کے لیے یورپ جانے والی پروازوں کا شیڈول متاثر کیا جائے گا۔

    مزید اطلاعات آئی ہیں کہ طیاروں کی کمی سے پی آئی اے کا اندرون ملک فلائٹ کا شیڈول بھی متاثر ہوا ہے، اندرون ملک کے لیے پروازوں کی روانگی اور آمد میں 2 سے 4 گھنٹے تاخیر ہورہی ہے۔

    کراچی سے اسلام آباد جانے والی پرواز پی کے 372 میں 3 گھنٹے تاخیر ہوئی، کراچی سے فیصل آباد کے لیے پرواز پی کے 342 تین گھنٹے سے زائد لیٹ ہوئی۔

    اسی طرح لاہور سے آنے والی پرواز پی کے 307 میں 2 گھنٹے سے زائد تاخیر ہوئی جس پر کراچی ائیرپورٹ پر مسافروں نے پی آئی اے انتظامیہ کے خلاف احتجاج بھی کیا ہے۔

    پی آئی اے میں پائلٹس کی بھی قلت، ایک کپتان کے ساتھ پرواز پیرس روانہ

    دریں اثنا پی آئی اے میں پائلٹس کی شدید قلت ہوگئی ہے، اسلام آباد سے پیرس (میلان) پرواز نے سی اے اے قوانین نظر انداز کردیے، 2 کپتان کے بجائے ایک کپتان اور 2 فرسٹ آفیسر کے ساتھ پرواز روانہ ہوئی۔

    طویل پروازوں پر ایئر نیوی گیشن حکم نامے کی خلاف ورزی کی گئی، قانون کے مطابق 2 کپتان اور ایک فرسٹ آفیسر کو جانا چاہیے۔

  • حج آپریشن: پہلی فلائٹ 24 جولائی کو روانہ ہوگی

    حج آپریشن: پہلی فلائٹ 24 جولائی کو روانہ ہوگی

    کراچی: رواں سال حج کے لیے پہلی حج فلائٹ 24 جولائی کو اسلام آباد سے روانہ ہو گی جسے وفاقی وزیر سردار یوسف رخصت کریں گے۔

    تفصیلات کے مطابق رواں سال حج کے لیے وزارت مذہبی امور نے فلائٹ آپریشن کا شیڈول جاری کردیا جس کے تحت پہلی حج فلائٹ 24 جولائی کو اسلام آباد سے مدینہ کے لیے روانہ ہو گی۔

    وزارت مذہبی امور کے مطابق پہلی حج فلائٹ کو سردار یوسف رخصت کریں گے، حج آپریشن 24 جولائی سے 26 اگست تک جاری رہے گا، حج آپریشن میں 4 ایئر لائنز حصہ لیں گی۔

    اطلاعات کے مطابق حجاج کی واپسی کے لیے آپریشن 6 ستمبر سے 6 اکتوبر تک جاری رہے گا۔

    خیال رہے کہ سرکاری اسکیم کے تحت 1لاکھ 7 ہزار سے زائد عازمین حج ادا کریں گے

  • پی آئی اے حج آپریشن کی تیاریوں میں ناکام

    پی آئی اے حج آپریشن کی تیاریوں میں ناکام

    کراچی: قومی ایئرلائن حج آپریشن کے سلسلے میں مطلوبہ تعداد میں ویزے حاصل نہ کرسکی‘ جس کے سبب حج آپریشن متاثر ہونے کا خدشہ پیدا ہوگیا ہے۔

    تفصیلات کے مطابق پی آئی اے 24 جولائی سے شروع ہونے والے حج آپریشن کے لیےدرکار 345 ویزے حاصل کرنے میں ناکام رہی ہے جس کے سبب آزمینِ حج کو مشکلات پیش آنے کا اندیشہ ہے۔

    معاملے کی نزاکت کے پیشِ نظر وزیراعظم کے مشیر برائے ہوا بازی سردار مہتاب کراچی پہنچ گئے ہیں اور پی آئی اے انتظامیہ ان کے ساتھ سر جوڑ کر بیٹھ گئی ہے۔

    ذرائع کا کہنا ہے کہ پی آئی اے نے سعودی ایوی ایشن کو حج آپریشن میں استعمال ہونے والے پروازوں کا شیڈول نہیں دیا تھا جس کے سبب سعودی گراونڈ سروسز نے پی آئی اے کو ویزے بھی جاری نہیں کیے۔

    پی آئی اے کے حج آپریشن کو حتمی شکل دے دی گئی

    خیال رہے کہ پی آئی اے کا حج آپریشن 24 جولائی سے شروع ہو کر 26 اگست تک عازمین کو حجاز مقدس تک پہنچانے کے لیے جاری رہے گا جس کی لیے تیاریاں مکمل ہونے کی نوید سنائی گئی تھی۔

    پی آئی اے اس سال 133 سے زائد پروازوں کے ذریعے 75 ہزار سے زائد عازمین کو حجاز مقدس پہنچائے گی۔ 56 ہزار سے زائد سرکاری اسکیم کے تحت جبکہ 25 ہزار سے زائد عازمین پرائیوٹ اسکیم کے تحت سعودی عرب جائیں گے۔

    حج آپریشن کے دوسرے مرحلے میں حجاج کرام کی واپسی کا عمل 6 ستمبر سے شروع ہوگا اور 5 اکتوبر تک جاری رہے گا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔