ARYNews.tv | Urdu – Har Lamha Bakhabar

Tag: Hajj Pilgrims

  • سعودی حکومت کا رواں سال حج کے خواہشمند افراد کیلئے بڑا اعلان

    سعودی حکومت کا رواں سال حج کے خواہشمند افراد کیلئے بڑا اعلان

    کراچی: کورونا وبا کے بعد پہلی بار اس سال دس لاکھ افراد حج کی سعادت حاصل کرسکیں گے ، حج کے لیے زیادہ سے زیادہ عمر پینسٹھ سال مقرر کی گئی ہے۔

    تفصیلات کے مطابق حج کے خواہشمند افراد کے لیے بڑی خوشخبری آگئی ، سعودی وزارت حج و عمرہ نے حج پالیسی کا اعلان کردیا۔

    کورونا وبا کے بعد پہلی بار اس سال دس لاکھ افراد حج کی سعادت حاصل کرسکیں گے ، کرونا وائرس احتیاطی تدابیر کے تحت مخصوص ممالک کے باشندوں کو حج کی اجازت دی جائے گی۔

    ہر ملک کے لیے عازمین حجاز کا کوٹہ مختص کیا جائے گا جبکہ حج کے لیے زیادہ سے زیادہ عمر پینسٹھ سال رکھی گئی ہے۔

    سعودی وزارت صحت کی جانب سے منظور شدہ کرونا ویکسین سرٹیفیکیٹ لازمی اور سعودی عرب پہنچنے سے 72 گھنٹے پہلے کرونا منفی پی سی آر ٹیسٹ رپورٹ رکھنا لازمی ہو گا۔

    یاد رہے گذشتہ ماہ سعودی حکومت نے حج 2022 تیاریوں کیلئے گرین سگنل دیا تھا، اس سلسلے میں پاکستانی حکام نے سعودی متعلقہ حکام سے ملاقات کی تھی ، جس میں سعودی حکام نے کہا تمام ممالک حج کی تیاریاں شروع کر دیں ، حج ایس او پیز اور کوٹہ کے بارے میں جلد آگاہ کیا جائے گا۔

    ذرائع وزارت مذہبی امور نے بتایا تھا کہ سعودی حکام کیساتھ حج اخراجات،روڈ ٹومکہ ودیگر امورپر بھی گفتگو ہوئی ، معاہدہ کی تکمیل کے بعد حج پالیسی جاری کی جائے گی۔

  • ’طواف قدوم‘ کا آغاز ، مسجد الحرام ‘لیبک اللھم لیبک’ کی صداؤں سے گونج اٹھا

    ’طواف قدوم‘ کا آغاز ، مسجد الحرام ‘لیبک اللھم لیبک’ کی صداؤں سے گونج اٹھا

    مکہ مکرمہ : عازمین حج کی جانب سے مسجد الحرام میں ’طواف قدوم‘ کے موقع پر ہر طرف لیبک اللھم لیبک کی صدائیں بلند ہوگئیں ، طواف قدوم کے بعد آٹھ ذی الحج کو عازمین منیٰ میں قیام کریں گے۔

    تفصیلات کے مطابق عازمین حج مکہ پہنچ گئے اور طواف قدوم‘ کاآغاز ہوگیا، سماجی فاصلے کیساتھ عازمین مسجد الحرام میں طواف قدوم کر رہےہیں ، چھ ہزار عازمین پر مشتمل گروپ ہر تین گھنٹے بعد طواف قدوم کرے گا۔

    عازمین طواف قدوم کے بعد عازمین آٹھ ذی الحج کو منٰی جائیں گے ، جہاں قیام کرینگے اور پیر کو وقوفہ عرفہ ادا کریں گے۔

    منٰی میں عازمین کیلئے خصوصی انتظامات کیے گئے ہیں ، کیمپوں میں بستر لگا دئیے گئے اور سینیٹائزیشن کا خاص اہتمام کیا جارہا ہے جبکہ فریضہ مقدسہ کی ادائیگی کے لیے خصوصی طور پر حج اسمارٹ کارڈ(شعائر) کا اجرا کیا گیا ہے۔

    اس بارمنی سے میدان عرفات اور مزدلفہ کے لیے پیدل جانے کی اجازت نہیں ہے، خصوصی بس سروس کے ذریعے عازمین کو لے جایا جائے گا ۔

    خیال رہے کورونا کے باعث رواں برس صرف ساٹھ ہزارافراد حج کی سعادت حاصل کررہے ہیں ، اس موقع پر کورونا وائرس سے بچاؤ کےپیش نظر خصوصی انتظامات کئے گئے ہیں۔

    یاد رہے رواں سال میدان عرفات سے حج کا خطبہ شیخ عبداللہ المنیع دیں گے جبکہ خطبہ حج کا ترجمہ اردو سمیت دس زبانوں میں نشر کیا جائے گا۔

  • سعودی حکومت نے رواں سال حج کے خواہش مند افراد پر بڑی شرط عائد کردی

    سعودی حکومت نے رواں سال حج کے خواہش مند افراد پر بڑی شرط عائد کردی

    ریاض : سعودی حکومت نے حج کیلئے آنے والوں پر منظورشدہ کورونا ویکسین کی شرط عائد کرتے ہوئے کوروناویکسی نیشن کاکورس مکمل کرنے کی ہدایت کردی۔

    تفصیلات کے مطابق سعودی وزارت صحت کی جانب سے بیان میں کہا ہے کہ رواں سال حج کےخواہش مند افراد پر منظورشدہ کورونا ویکسین کی شرط عائد کردی اور ہدایت کی کہ کورونا ویکسی نیشن کاکورس مکمل کریں۔

    سعودی حکام کا کہنا ہے کہ بیرون مملکت سےآنےوالےعازمین منظورشدہ ویکسین کی رپورٹ پیش کریں، مملکت پہنچنے والے عازمین کو 72 گھنٹے کیلئے قرنطینہ کیاجائےگا۔

    حکام نے کہا ہے کہ مملکت آمد سے کم ازکم 2 ہفتے قبل ویکسین کاکورس مکمل کرلیں اور مملکت آنےسے72گھنٹےقبل پی سی آرٹیسٹ کرانالازمی ہوگا۔

    سعودی وزارت صحت کے مطابق سماجی فاصلے کااصول اورماسک کی پابندی لازمی ہوگی، ہجوم کوکنٹرول کرنےکیلئےعازمین کے گروپس مرتب کیے جائیں گے، ہرگروپ میں100افرادسےزیادہ شامل نہیں ہوں گے۔

    اس سے قبل  سعودی عرب کے وزیر برائے صحت ڈاکٹر توفیق الربیعہ نے کہا  تھا کہ رواں سال حج ادائیگی کے لیے آنے والے عازمین کو کرونا ویکسین لازمی لگوانا ہوگی۔

    مقامی میڈیا سے گفتگو کرتے ہوئے وزیر صحت کا کہنا تھا کہ ’حج سیزن سے قبل مکہ مکرمہ اور مدینہ منورہ میں کرونا کی روک تھام کے حوالے سے اقدامات کیے جائیں گے‘۔

  • حکومت نے ایک لاکھ 5 ہزار میں سے 95 ہزار عازمین حج کو رقوم واپس کردی

    حکومت نے ایک لاکھ 5 ہزار میں سے 95 ہزار عازمین حج کو رقوم واپس کردی

    اسلام آباد : وزارت مذہبی امور کے ترجمان نے کہا ہے کہ ایک لاکھ 5 ہزار میں سے 95 ہزار عازمین حج  کو رقم واپس کردی  ہے جبکہ 10 ہزارافراد کو رواں ہفتے رقوم واپسی کی یقینی دہانی کرادی۔

    تفصیلات کے مطابق وزارت مذہبی امور ترجمان نے اپنے بیان میں کہا کہ 90 فیصد سے زائد عازمین حج کو رقوم واپسی کا عمل مکمل کرلیا اور ایک لاکھ 5ہزار میں سے95 ہزار عازمین کو رقوم واپس کردیئے۔

    وزارت مذہبی امور نے 10 ہزارافراد کورواں ہفتےرقوم واپسی کی یقینی دہانی کراتے ہوئے کہا کہ صوبائی حج ڈائریکٹرزرواں ہفتے عازمین کورقوم واپسی یقینی بنائیں، عازمین حج کوبذریعہ ایس ایم ایس،کالز رقوم واپسی کا بتایا جائے۔

    یاد رہے وزارت مذہبی امور کے ترجمان نے حج درخواست گزاروں کو واجبات واپس لینے کی ہدایات دوبارہ جاری کرتے ہوئے کہا تھا درخواست گزارجلد اپنے واجبات بینکوں سے واپس نکلوالیں۔

    ترجمان نے تمام نامزدبینکوں کو28جولائی تک رقوم کی واپسی کا عمل مکمل کرنےکی ہدایت کرتے  ہوئے کہا وزارت نے بینکوں میں پیسے رکھنے یا نیا اکاؤنٹ کھلوانے کی ہدایت نہیں کی، نامزد بینک بلاکٹوتی تمام واجبات ادا کرنے کے پابند ہیں۔

    خیال  رہے سعودی عرب کی جانب سے حتمی اعلان کیا گیا تھا کہ رواں سال محدود پیمانے پر صرف مقامیوں کو حج کی اجازت ہوگی جس کے بعد تمام رجسٹرڈ حج امیدواروں کو رقوم واپس کی جارہی ہے۔

    ترجمان وزارت مذہبی امور کا کہنا تھا کہ تمام درخواست گزاروں کو بذریعہ ایس ایم ایس اطلاع دی جارہی ہے، واجبات کی نقد واپسی کے لیے درخواست گزار کا بینک آنا ضروری ہے۔

  • پاکستانی عازمین حج کو واجبات کی واپسی، اہم خبر آگئی

    پاکستانی عازمین حج کو واجبات کی واپسی، اہم خبر آگئی

    اسلام آباد : وزارت مذہبی امور کے ترجمان نے عازمین حج کو جلد اپنے واجبات بینکوں سے واپس نکلوالنے کی ہدایت کرتے ہوئے کہا تمام نامزد بینک 28 جولائی تک رقوم کی واپسی کا عمل مکمل کریں۔

    تفصیلات کے مطابق وزارت مذہبی امور کے ترجمان نے حج درخواست گزاروں کو واجبات واپس لینے کی ہدایات دوبارہ جاری کرتے ہوئے کہا درخواست گزارجلد اپنے واجبات بینکوں سے واپس نکلوالیں۔

    ترجمان نے تمام نامزدبینکوں کو28جولائی تک رقوم کی واپسی کا عمل مکمل کرنےکی ہدایت کردی اور کہا وزارت نے بینکوں میں پیسے رکھنے یا نیا اکاؤنٹ کھلوانے کی ہدایت نہیں کی، نامزد بینک بلاکٹوتی تمام واجبات ادا کرنے کے پابند ہیں۔

    وزارت مذہبی امور کا مزید کہنا تھا کہ مشکل یاپریشانی کی صورت میں صارفین مذہبی امورکے شکایات نمبرپررابطہ کریں۔

    یاد رہے سعودی عرب کی جانب سے حتمی اعلان کیا گیا تھا کہ رواں سال محدود پیمانے پر صرف مقامیوں کو حج کی اجازت ہوگی جس کے بعد تمام رجسٹرڈ حج امیدواروں کو رقوم واپس کی جارہی ہے۔

    ترجمان وزارت مذہبی امور کا کہنا تھا کہ تمام درخواست گزاروں کو بذریعہ ایس ایم ایس اطلاع دی جارہی ہے، واجبات کی نقد واپسی کے لیے درخواست گزار کا بینک آنا ضروری ہے۔

    بعد ازاں وفاقی وزیر برائے مذہبی امور نور الحق قادری کا کہنا تھا کہ حج کی محدود پیمانے پر ادائیگی کے سعودی فیصلےکا خیر مقدم کرتے ہیں، یہ فیصلہ شریعت کےحکم اور موجودہ حالات کےعین مطابق ہے۔

  • حج 2020: کامیاب عازمین کو رقوم کی واپسی کب سے شروع ہوگی؟ تاریخ کا اعلان ہوگیا

    حج 2020: کامیاب عازمین کو رقوم کی واپسی کب سے شروع ہوگی؟ تاریخ کا اعلان ہوگیا

    اسلام آباد : وزارت مذہبی امور نے اعلان کیا ہے کہ حج 2020 کے تمام کامیاب عازمین کو رقوم واپسی کاسلسلہ 2جولائی سے شروع ہوگا، واجبات کی نقد واپسی کیلئے درخواست گزار کا بینک آناضروری ہے۔

    تفصیلات کے مطابق وزارت مذہبی امور نے حج2020کےدرخواست گزاروں کو واجبات کی ادائیگی کا فیصلہ کرلیا، سعودی حکومت کےفیصلےکی روشنی میں تمام کامیاب عازمین کورقوم واپس کی جائیں گی۔

    ترجمان مذہبی امور نے کہا ہے کہ حج واجبات کی واپسی کاسلسلہ2جولائی سے ملک بھرکےنامزدبینکوں سےشروع ہوگا، تمام درخواست گزاروں کوایس ایم ایس بھیجنا شروع کردیے گئے ہیں۔

    مزیدپڑھیں : محدود حج کے بعد عازمین کو رقوم کی واپسی، حکومت کا اہم فیصلہ

    ترجمان کا کہنا تھا کہ حج واجبات کی نقد واپسی کیلئے درخواست گزار کا بینک آناضروری ہے جبکہ واجبات بذریعہ چیک لینےکیلئےگروپ لیڈرکوتمام افرادکی دستاویز کے ہمراہ بینک آنا ہوگا۔

    متعلقہ بینک برانچ کی بندش کی صورت میں دوسری نامزدبرانچ سےرقوم ادائیگی ممکن ہو گی ، رقوم واپسی میں مشکل پروزارت کےاکاؤنٹس افسر ریفنڈ 0519208465سے رابطہ کریں۔

    یاد رہے وفاقی وزیر برائے مذہبی امور نور الحق قادری کا کہنا تھا کہ حج کی محدود پیمانے پر ادائیگی کے سعودی فیصلےکا خیر مقدم کرتےہیں، یہ فیصلہ شریعت کےحکم اورموجودہ حالات کےعین مطابق ہے، سعودی وزیرحج نےاعلان سےپہلےاعتمادمیں لیا جس کے شکر گزار ہیں، حجاج کرام کو کورونا سے بچانے کیلئے ایک مشکل مگر دانشمندانہ اقدام ہے۔

    نور الحق قادری کا کہنا تھا کہ وزارتِ مذہبی امورنے پاکستانی حجاجِ کرام کو رقوم واپسی کا فیصلہ کرلیا ہے، ضروری امور طےکر کےحجاج کوبذریعہ ایس ایم ایس اطلاع دی جائے گی، پاکستانی حجاج کو رقوم کی واپسی کیلئے طریقہ کار کا اعلان جلد کیا جائے گا۔

  • کرونا وائرس ، عازمین حج کے لیے بڑی خبر آگئی

    کرونا وائرس ، عازمین حج کے لیے بڑی خبر آگئی

    اسلام آباد : وفاقی وزیر مذہبی امور پیر نور الحق قادری کا کہنا ہے کہ عازمین حج کیلئےتربیتی پروگرام عارضی طور پر معطل کر دیا ہے اور اس سلسلے میں تمام حاجی کیمپوں کو بھی ٓاگاہ کر دیا گیا ہے۔

    تفصیلات کے مطابق وفاقی وزیر مذہبی امور پیر نور الحق قادری نے اپنے بیان میں کہا ہے کہ حج2020کیلئےانتظامات معمول کے مطابق جاری ہیں ، عازمین حج کیلئےتربیتی پروگرام عارضی طور پر معطل کردیا ہے۔

    وزیر مذہبی امور کا کہنا تھا کہ کرونا وائرس کے پھیلاؤ کی وجہ سے اجتماعات پر پابندی ہے، عازمین حج کی صحت کی حفاظت کے پیش نظر فیصلہ کیا گیا ، اس سلسلے میں تمام حاجی کیمپوں کو ٓاگاہ کر دیا گیا ہے۔

    نور الحق قادری نے کہا ہے کہ عازمین حج کو مناسک کی آگاہی سوشل میڈیاپر دی جارہی ہے، حج 2020کے انتظامات پر سعودی عرب سے مسلسل رابطےمیں ہیں۔

    یاد رہے وفاقی وزیر مذہبی امور نور الحق القادری نے میڈیا سے گفتگو کرتے ہوئے کہا تھا کہ کرونا وائرس کے پیش نظر احتیاطی تدابیر پرعمل کرنا عین توکل کا حصہ ہے، دینی مدارس کی چھٹیاں اور امتحانات موخر کیے ہیں، وزیراعظم کو کچھ تجاویز صوبائی حکومتوں نے دی ہیں۔

    نور الحق قادری کا کہنا تھا کہ کرونا سے متاثرہ شخص لوگوں میں گھلنے ملنے سے گریز کریں، علما سے گزارش ہے کہ جمعے کے خطبات کو مختصر کیا جائے، درباروں، زیارت گاہوں میں تقاریب کو موخر کیا جائے، شادی بیاہ کی تقریبات موخر یا کم لوگوں کا مجمع کیا جائے۔

    انہوں نے کہا تھا کہ حرمین شریفین سے متعلق مختلف افواہیں ہیں، حرمین شریفین کی رونقیں جلد لوٹ آئیں گی، سعودی حکام سے رابطے میں ہیں۔

  • عازمین حج کیلئے متعدد لیبارٹریز اور بلڈ بنک قائم

    عازمین حج کیلئے متعدد لیبارٹریز اور بلڈ بنک قائم

    ریاض : سعودی وزارت صحت نے نے واضح کیا ہے کہ تعینات کیے گئے ماہر ڈاکٹرز پیشہ وارانہ مہارت کے ساتھ اللہ کے مہمانوں کی خدمت کے جذبے سے سرشارہیں۔

    تفصیلات کے مطابق سعودی عرب کی وزارت صحت کی طرف سے عازمین حج کی ہرممکن طبی امداد کو یقینی بنانے کے لیے مشاعر مقدسہ بالخصوص منیٰ اور عرفات میں بلڈ بنک قائم کیے گئے ہیں،اس کے علاوہ تمام نوعیت کے ٹیسٹوں کی سہولت کے لیے 16 لیبارٹریز قائم کی گئی ہیں جہاں پر دن رات طبی عملہ حجاج کرام کی خدمت پرمامور ہوگا۔

    عرب خبر رساں ادارے کا کہنا تھا کہ عازمین حج کی خدمت کے لیے سعودی وزارت صحت کی طرف سے قائم کردہ 8تجربہ گاہوں کو آپریشنل حالت میں لانے کے تمام انتظامات مکمل کرلیے ۔

    اس کے علاوہ سعودی شہریوں کے تعاون سے 8 بلڈ بنک قائم کیے گئے ہیں۔ ان تجربہ گاہوں پر سعودی عرب کے ماہر ڈاکٹر تعینات کیے گئے ہیں جو پیشہ وارانہ مہارت کے ساتھ اللہ کے مہمانوں کی خدت کے جذبے سے بھی سرشارہیں۔

    عرب میڈیا کا کہنا تھا کہ مشاعر مقدسہ میں ہنگامی بنیادوں پرقائم کی گئی لیبارٹریزمیں کم سے کم وقت میں حجاج کرام کو ٹیسٹوں کی سہولت فراہم کی جائے گی، طبی نوعیت کے ٹیسٹوں اور معائنہ کاری کے عمل میں بین الاقوامی شہرت یافتہ ماہرین کی خدمات بھی حاصل کی گئی ہیں۔

    غیر ملکی خبر رساں ادارے کا کہنا تھا کہ مشرقی عرفات میں بیمار ہونے والے حجاج کرام کی جزوی معائنہ کیا جاتا ہے جہاں پر کورونا، انفلوئنزا اور دیگر متعدد بیماریوں کے ٹیسٹ کیے جاتے ہیں۔

    سعوی وزارت صحت کی طرف سے جاری بیان میں کہا گیا کہ عازمین حج کی ہنگامی ضرورت کے لیے قائم کی گئی لیبارٹریز اور بلڈ بنک کی سرپرستی کے لیے ایک کمیٹی تشکیل دی گئی ہے۔ اس کمیٹی میں موجود افراد عازمین حج کے طبی ٹیسٹوں کی تیاری اور ان کے نتائج کے بعد ان کی رپورٹس مرتب کرنے میں بھی مدد فراہم کرتے ہیں۔

  • حجاج کرام کے استقبال کے لیے ننھے منھے بچے بھی آگے آگے

    حجاج کرام کے استقبال کے لیے ننھے منھے بچے بھی آگے آگے

    ریاض : سعودی عرب میں حجاج کرام کی خدمت اوراستقبال کے لیے ننھے منھے بچے بھی پیش پیش ہیں ، زمزمی صغیر مہم کو سوشل میڈیا اور عوام الناس میں غیر معمولی پذیرائی ملی اور اسے سراہا گیا۔

    تفصیلات کے مطابق سعودی عرب میں عازمین حج کی خدمت اور ان کے استقبال کے لیے کام کرنے والے زمازمہ کنسولی ڈیڈٹ مرکز کی طرف سے عازمین حج کے استقبال کی ایک نئی مہم شروع کی گئی ہے۔

    میڈیارپورٹس کے مطابق زمزمی صغیر کے عنوان سے جاری اس مہم میں مکہ اور مدینہ منورہ کوملانے والی مرکزی شاہراہ پر بچے پھول اور زمزم کی بوتلیں لیے عازمین حج کا استقبال کرتے ہیں، بچے یہ پھول اور زمزم اللہ کے مہمانوں میں تقسیم کرکے ان سے داد تحسین وصول کرتے ہیں۔

    زما زمہ مرکز کے چیئرمین کے ڈپٹی ڈائریکٹرامیر عبید نے کہا کہ مہم کی سرپرستی رابطہ واطلاعات شعبے کی جانب سے کی جا رہی ہے۔ اس مہم کا مقصد عازمین حج اور ان کے اہل وعیال کی خوشیاں دوبالا کرنا اور انہیں یہ احساس دلانا کہ ان میں اپنائیت کا احساس پیدا کرنا ہے۔

    عبید کا کہنا تھا کہ اس مہم کا ایک دوسرا مقصد عوام میں اللہ کے مہمانوں کی خدمت کا جذبہ پیدا کرتے ہوئے عازمین حج کے لیے ہرطرح کی سہولت اور خدمت کے جذبے کوآگے بڑھانا ہے۔

    انہوں نے کہا کہ زمزمی صغیر مہم کو سوشل میڈیا اور عوام الناس میں غیرمعمولی پذیرائی ملی اور اسے سراہا گیا ہے۔

  • عازمین حج فرضی اور جعلی حج کمپنیوں کے جھانسے میں نہ آئیں، سعودی عرب

    عازمین حج فرضی اور جعلی حج کمپنیوں کے جھانسے میں نہ آئیں، سعودی عرب

    ریاض : سعودی وزارت حج نے جاری بیان میں کہا ہے کہ حج کی رجسٹریشن کے لیے صرف حکومت سعودی عرب کی فراہم کردہ سرکارہ آن لائن سروس استعمال کریں۔

    تفصیلات کے مطابق سعودی عرب کی وزارت حج وعمرہ نےاندرون ملک مقیم غیرملکی مسلمان شہریوں اور مقامی عازمین حج پر زور دیا ہے کہ وہ حج کی رجسٹریشن کرتے ہوئے احتیاط سے کام لیں، جعلی حج کمپنیوں کے جھانسے میں نہ آئیں بلکہ حج کی رجسٹریشن کے لیے فراہم کردہ سرکارہ آن لائن سروس استعمال کریں اور مجاز حج ٹور آپریٹرز کے ذریعے حج کے لیے رجسٹریشن کرائیں۔

    غیر ملکی خبر رساں ادارے سعودی وزارت حج کی طرف سے مقامی عازمین حج کی رجسٹریشن کے لیے آن لائن رجسٹریشن سروس فراہم کی گئی ہے، اس کے علاوہ شہری قابل بھروسہ اور مجاز حج فرموں کے ذریعے بھی اپنی رجسٹریشن کراس کر اسکتے ہیں۔

    وزارتِ حج نے ایک بیان میں کہا کہ بہت سے دھوکہ باز عناصر جعلی حج کمپنیوں کے ذریعے شہریوں سے حج کی آڑ میں رقوم اینٹھ کر انہیں نقصان پہنچا سکتے ہیں،ایسے افراد جو جنہوں نے فرضی اور جعلی حج کمپنیوں کے ذریعے رجسٹریشن کرائی ہو وہ سرکاری سطح پر حج کے لیے اہل انہیں ہوں گے۔

    سعودی عرب کے نائب وزیر حج وعمرہ ڈاکٹر عبدالفتاح بن سلیمان مشاط نے کہا کہ عازمین حج کی رجسٹریشن کی نگرانی کمیٹیاں غیرمجاز حج کی مہمات، سوشل میڈیا پران کی سرگرمیوں اور جعلی حج ٹور آپریٹرکے نام پر لوگوں کو دھوکہ دینے والوں پر گہری نظر رکھے ہوئے ہیں۔

    غیر ملکی میڈیا کا کہنا تھا کہ اس حوالے سے سعودی شہریوں اور غیرملکی باشندوں کو کسی فرضی اور جعلی نیٹ ورک کی فوری متعلقہ حکام کو اطلاع دینا چاہیے۔

    انہوں نے کہا کہ حج درخواستوں کی آن لائن رجسٹریشن کے لیے صرف ایک رابط لنک بنایا گیا ہے، تمام مجاز کمپنیاں اپنے ہاں آنے والے عازمین حج کی اسی لنک پر رجسٹریشن کرا رہی ہیں۔

    انہوں نے کہا کہ مقامی سطحپر عازمین حج کی رجسٹریشن حج کے عمل کو شفاف بنانے کی کوششوں کا حصہ ہے تاکہ حج کے موقع پر غیرمتعلقہ لوگوں کو حجاج میں شامل ہونے سے روکا جاسکے۔