اسلام آباد: حج کی سعادت حاصل کرنے خوش نصیب عازمین کے ناموں کا اعلان کردیا گیا، اس سال ایک لاکھ تینتالیس ہزار عازمین حج کی سعادت حاصل کریں گے۔
اس سال حج کرنے کی سعادت حاصل کرنے والے خوش نصیبوں کے ناموں کا اعلان کردیا گیا، اسلام آباد میں سرکاری حج اسکیم کا اعلان وزیرمذہبی امور سردار یوسف نے کیا،اس بار دولاکھ ستر ہزار ر افراد نے حج کی ادائیگی کیلئے درخواستیں جمع کرائیں،ان میں سے ایک لاکھ تینتالیس ہزار تین سو اڑسٹھ افراد فریضہ حج ادا کرینگے۔۔حج آپریشن سولہ اگست سےشروع کیا جائے گا۔
وزیرمذہبی امور سردار یوسف کا کہنا تھا اس بار پہلے سے زیادہ بہتر انتظامات کئے جائینگے،گزشتہ سال حج انتظامات کوتمام مکتبہ فکرنےسراہا ہے۔
خوش نصیب عازمین حج کی فہرست وزارت کی ویب سائٹ پر جاری کر دی جائے گی، درخواست گزار درخواست نمبر کے ذریعے اپنے نام دیکھ سکیں گے۔
