Tag: Hajj Umrah pilgrims

  • حج اور عمرہ زائرین کے لئے بڑی خوشخبری

    حج اور عمرہ زائرین کے لئے بڑی خوشخبری

    سعودی عرب میں حج اور عمرے کی خصوصی عبادت کے لیے آنے والوں کو ہنگامی طبی امداد کی فراہمی کے لیے اسکوٹر سروس کا آغاز کردیا گیا ہے۔

    سعودی خبر رساں ادارے کی رپورٹ کے مطابق مملکت میں عمرہ اور حج کے لیے آنے والوں کے لیے خصوصی انتظامات کا اعلان کیا گیا ہے۔

    ہنگامی طبی امداد کے لیے اب اسکوٹر سروس کا مدینہ منورہ میں بھی آغاز کردیا گیا ہے۔

    رپورٹس کے مطابق اسکوٹر سواروں پر مشتمل یہ عملہ عمرہ اور حج ادا کرنے والوں کو ہنگامی طبی امداد مہیا کرے گا، اب تک 91 افراد کو ان ٹیموں نے رش والے مقامات سے اسپتال منتقل کیا ہے۔

    واضح رہے کہ سعودی عرب میں مسجد نبویؐ صلی اللہ علیہ وآلہ وسلم کی انتظامیہ نے زائرین کو بڑی سہولت فراہم کردی ہے۔

    انتظامیہ نے سہولت کے لیے اردو، انگلش اور عربی زبانوں میں ڈیجیٹل نقشے جاری کردیئے ہیں، جس کے ذریعے نماز کے اوقات میں مسجد میں گنجائش کے بارے میں معلومات حاصل کی جا سکتی ہیں۔

    رپورٹس کے مطابق انتظامیہ کی جانب سے جاری کیے جانے والے ڈیجیٹل نقشے کے ذریعے مسجد نبویؐ کی اندرونی و بیرونی براہ راست صورتحال معلوم کرنے کے لیے کیوآر کوڈ سکین کیا جاتا ہے۔

    اس طرح زائرین کو یہ معلوم کرنے میں سہولت حاصل ہوجاتی ہے کہ کہاں جگہ خالی ہے اور کون سے مقامات پر رش موجود ہے۔

    مسجد نبویؐ میں نمازیوں کو بڑی سہولت فراہم کردی گئی

    ڈیجیٹل نقشے کے ذریعے مسجد نبوی صلی اللہ علیہ وآلہ وسلم کے 12 مقامات کی نشاندہی کرتے ہوئے وہاں افراد کی تعداد کے مطابق گنجائش کا تعین کرسکتے ہیں۔

    جس مقام پر لوگ زیادہ ہوتے ہیں اور وہاں مزید گنجائش نہیں ہوتی تو نقشے میں وہ مقام ’فل‘ ظاہر ہوتے ہیں۔

  • سعودی عرب : حج عمرہ زائرین کیلئے اہم وضاحت

    سعودی عرب : حج عمرہ زائرین کیلئے اہم وضاحت

    مکہ مکرمہ : سعودی وزارت حج و عمرہ نے کہا ہے کہ احرام کے دوران چھ چیزوں کی ممانعت نہیں ان کے استعمال سے احرام کی حالت پرکوئی فرق نہیں پڑتا۔

    سعودی خبر رساں ادارے کے مطابق وزارت حج وعمرہ نے ایکس اکاؤنٹ پر احرام کی حالت میں ان اشیاء کے حوالے سے وضاحت کی کہ چشمہ، انگوٹھی اور گھڑی پہننا، چھوٹا بیگ، کرنسی رکھنے کا پرس یا جسم کے ساتھ باندھا ہوا چھوٹا بیگ شامل ہے۔

    umrah

    وزارت حج کا مزید کہا کہ احرام میں نہانے، چھتری اٹھانے، چپل پہننے اور زخم پر پٹی باندھنے کی بھی ممانعت نہیں ہے۔ وزارت حج وعمرہ کی جانب سے احرام کے لیے جائز شرائط کو واضح کیا گیا ہے تاکہ زائرین کو دشواری کا سامنا نہ کرنا پڑے۔

  • حج وعمرہ زائرین کی مشکل آسان، بڑی سہولت مل گئی

    حج وعمرہ زائرین کی مشکل آسان، بڑی سہولت مل گئی

    لندن : دنیا کے مختلف مالک سے سفر کرکے حج و عمرہ کیلئے سعودی عرب آنے والے زائرین کو مختلف نوعیت کے مسائل کا سامنا رہتا ہے، ان تمام مسائل کو مدنظر رکھتے ہوئے سعودی حکومت نے ایک اہم اقدام کیا ہے۔

    برطانیہ میں سعودی حکام نے حج اور عمرہ زائرین کے لیے نئی اسمارٹ فون ایپ "سعودی ویزا بائیو” کا افتتاح کیا ہے، یہ ایپ زائرین کے لیے ویزا درخواست دینے کا عمل آسان بناتی ہے۔

    سعودی ویزا بائیو ایپ کی افتتاحی تقریب میں برطانیہ میں متعین سعودی عرب کے نائب سفیر حسن الجمیع اور سفارت خانے میں قونصلیٹ سیکشن کے سربراہ عمار العمار اور داخلہ، حج و عمرہ اور سیاحت کی وزارتوں کے متعدد عہدیدار موجود تھے۔

    سرکاری خبر رساں ایجنسی ایس پی اے کے مطابق اس سے قبل دو ملکوں کے لیے ویزا ایپ کا افتتاح کیا جاچکا ہے۔

    سعودی بائیو ایپ کی بدولت برطانیہ سے حج وعمرہ زائرین موبائل کے ذریعے اپنے بائیو میڑک ڈیٹا کا اندراج کراسکیں گے، انہیں ویزا سینٹر نہیں جانا ہوگا۔

    اس ایپ سے پوری دنیا فائدہ اٹھا سکے گی۔ حج و عمرہ زائرین مشکلات سے بچ جائیں گے۔ یہ ایپ عصر حاضر کے ساتھ چلنے والے کے لیے بہترین ہے۔

    واضح رہے کہ ویزا ایپ سعودی وژن 2030 کے تحت تیار کی گئی ہے۔ سعودی عرب پہلا ملک ہے جس نے الیکڑانک ویزے کے اجرا کے لیے سمارٹ فونز کے ذریعے بائیو میڑکس رجسٹریشن کی اجازت دی ہے۔

    حج و عمرہ زائرین کو مملکت پہنچنے پر فنگر پرنٹس اورآنکھوں کا عکس دینے کی ضرورت نہیں ہوگی۔ وہ آسانی سے ایئرپورٹس، بندرگاہوں اور بری سرحدی چوکی کے راستے مملکت میں داخل ہوسکیں گے۔