اسلام آباد: ترک وزیر خارجہ حکان فدان دورہ پاکستان پر اسلام آباد پہنچ گئے ہیں۔
ترجمان دفتر خارجہ کے مطابق ترکیہ کے وزیر خارجہ اسلام آباد پہنچ گئے ہیں، جہاں ایڈیشنل سیکریٹری ویسٹ ایشیا سید علی اسد گیلانی نے ان کا استقبال کیا۔
ترجمان دفتر خارجہ نے کہا کہ حکان فدان دو طرفہ امور پر اہم ملاقاتیں کریں گے، ان کا دورہ دونوں ممالک کے درمیان برادرانہ تعلقات کا عکاس ہے، پاکستان ترکیہ تعلقات مشترکہ تاریخ، ثقافت اور اعتماد پر مبنی ہیں
دوسری طرف ترک وزیر خارجہ حکان فدان نے غزہ پر گفتگو کرتے ہوئے کہا ہے کہ غزہ میں نسل کشی کی حمایت اب کسی کے لیے باعث فخر نہیں رہی، اسرائیل کے روایتی حامی بھی اب اس سے فاصلہ اختیار کر رہے ہیں۔
چینی فضائیہ کے سربراہ کی پاکستانی ایئرچیف سے ملاقات
انھوں نے کہا اسرائیل کی حمایت کرنے والے ممالک گنے چنے رہ گئے ہیں، امریکا اسرائیل کی نسل کشی پر خاموش رہنے والوں میں سب سے آگے ہے، ان کا کہنا تھا کہ 2 ریاستی حل کی عالمی حمایت کے باوجود کوئی عملی پیش رفت نہیں ہو رہی، عالمی نظام کی ناکامی کو تسلیم کر کے اس کی اصلاح ضروری ہے۔