Tag: haleem adil sheikh

کراچی : اپوزیشن لیڈرسندھ اسمبلی حلیم عادل شیخ نے سندھ حکومت کوٹف ٹائم دینےکافیصلہ کرلیا اور کہا سندھ حکومت کی کرپشن پر عدالت،عوام اورمیڈیامیں جائیں گے۔

تفصیلات کے مطابق اپوزیشن لیڈرسندھ اسمبلی حلیم عادل شیخ نے سندھ حکومت کوٹف ٹائم دینےکافیصلہ کرتے ہوئے سندھ حکومت کےخلاف چارج شیٹ تیار کرلی۔

حلیم عادل شیخ کا کہنا تھا کہ سندھ حکومت کی کرپشن پر عدالت،عوام اورمیڈیامیں جائیں گے اور سندھ کےتمام محکموں کی کرپشن عوام کےسامنےلائیں گے۔

اپوزیشن لیڈرسندھ اسمبلی نے مزید کہا کہ اتوار کے روزپہلی بجٹ چارج شیٹ عوام کے سامنے لائی جائے گی، پیر کووزیراعلیٰ سندھ کی نااہلی کے لیےعدالت میں درخواست جمع کرائیں گے، سندھ حکومت کی کرپشن اورنااہلی پرعدالتوں سےمسلسل رجوع کریں گے۔

ان کا کہنا تھا کہ سندھ حکومت اپوزیشن کی آوازبندکرنےکےسب طریقےآزمائے، اب فیصلے انصاف اورعوام کی عدالت میں ہوں گے۔

یاد رہے گذشتہ روز اپوزیشن کے شور شرابے اور ہلڑبازی کے باوجود وزیر اعلیٰ سندھ مراد علی شاہ نے بجٹ تجاویز منظوری کیلئے پیش کیں ، جن کو ایوان نے کثرت رائے سے منظور کیا۔

کراچی : اپوزیشن لیڈر سندھ حلیم عادل شیخ کا کہنا ہے کہ وزیراعظم فلسطین کے ساتھ ڈٹ کر کھڑے ہوئے ہیں، انھوں نے فلسطینی صدرکوفون کرکے انہیں ساتھ کایقین دلایا کہ فلسطین کے مسئلے پر عالم اسلام کو اکٹھا کیا جارہا ہے۔

تفصیلات کے مطابق اپوزیشن لیڈر سندھ حلیم عادل شیخ نے اپنے بیان میں کہا ہے کہ اسرائیل کے ہمارے فلسطینی مسلمانوں پرمظالم جاری ہیں، وزیراعظم نے صورتحال پر عالمی لیڈر کا کردار ادا کیا، نواز شریف کے دور میں وفود اسرائيل جایا کرتے تھے۔

حلیم عادل شیخ کا کہنا تھا کہ وزیراعظم نے فلسطینی صدرکوفون کرکے انہیں ساتھ کایقین دلایا کہ فلسطین کے مسئلے پر عالم اسلام کو اکٹھا کیا جارہا ہے، وزیراعظم تمام مسلمانوں کیلئے ایک لیڈر بن کر ابھرے ہیں،جلد پاکستان بھی مدینہ کی طرح فلاحی ریاست بنےگی۔

انھوں نے مزید کہا کہ بڑے بڑے بھگوڑوں کےچہرے سامنے آرہے ہیں، جن لوگوں نے اس ملک کو لوٹا وہ لندن بھاگ رہےہیں، وزیراعظم فلسطین کے ساتھ ڈٹ کر کھڑے ہوئے ہیں۔

گذشتہ روز وزیراعظم عمران خان نے فلسطینی صدر محمود عباس سے ٹیلی فونک رابطہ کرکے فلسطین کے عوام کی جائز حقوق کے لیے جاری جدوجہد کی مستقل حمایت کا اعلان کیا تھا۔

وزیراعظم عمران خان نے اسرائیلی فوج کے حملوں سے بچوں سمیت فلسطینی شہریوں کی اموات پر افسوس کا اظہار کرتے ہوئے کہا تھا کہ ’ ’مسجداقصیٰ میں بے گناہ نمازیوں پر اسرائیلی فورسز کے حملے شرمناک ہیں‘

کراچی: انسداد دہشتگردی کی عدالت نے تفتیشی افسر کی جانب سے جسمانی ریمانڈ کی استدعا مسترد کرتے ہوئے حلیم عادل شیخ کو ساتھیوں سمیت جوڈیشل ریمانڈ پر جیل بھیج دیا۔

تفصیلات کے مطابق کراچی کی انسداد دہشر گردی کی عدالت میں حلیم عادل شیخ اوردیگر کے خلاف مقدمات پر سماعت ہوئی ، حلىم عادل شیخ اورساتھىوں کو غیر قانونی فارم ہاؤسز گرانے کے خلاف احتجاج پر عدالت مىں پیش کیا گیا۔

حلیم عادل شیخ اورسمیرشیخ کےوکیل نے کہا سندھ گورمنٹ کے ساتھ ملکر کىس مىں چالاکى کى گئى ، دو دن کا رىمانڈ تھا ،پھربھی دہشت گردی کی نئی دفعات لگائی گئیں، ،یہ پہلےدن سےغلط بیانى کررہے ہیں۔

جج نے تفتیشی افسر سے استفسار کیا کہ میرے پاس کیوں لائے،جس پرافسر نےبتایاکہ مزید تفتیش کرنى ہےساتھیوں کى معلومات درکارہیں، ہمارےدوپولیس اہلکارزخمى ہیں،ان پرتشدد ہوا جس کا ریکارڈ پیش کیا گیا۔

جج نے حلیم عادل شیخ کے وکیل سے استفسار کیا کہ سانپ کے سرپر رکھ کر ماردیتے،جس پر وکیل نے جواب دیا کہ وہى کیا،سانپ کوماردیا ، عدالت نے تفتیشی افسر سے سوال کیا مقدمے مىں شامل لوگو ں کے نام کس نے بتائے ؟ جس پر تفتیشی افسر کا کہنا تھا کہ ہمارے 2پولیس اہلکار زخمى ہىں ،ان پرتشدد ہوا ، اقبال اور رفیع نامى اہلکار ڈنڈے اورپتھر لگنے سے زخمى ہوئے۔

وکیل حلیم عادل شیخ نے کہا جو مقدمات بنائے گئے ہىں وه قابل ضمانت ہىں ، دوران سماعت گرفتار کارکنوں مىں میکنک ، ڈرائیور ،مزدور شامل ہیں ،سب نے اپنے پیشےعدالت کو بتائے، جس پر تفتیشی افسر نے عدالت میں مؤقف میں کہا حلیم عادل شیخ اور سب ساتھىوں کا ریمانڈ چاہیے۔

عدالت نے تفتیشی افسر کی استدعا مسترد کرتے ہوئے حلىم عادل شیخ کو ساتھىوں سمیت جىل بھیجنے کا حکم دے دیا اور کیس کی سماعت ملتوی کردی۔

کراچی : اپوزیشن لیڈر سندھ حلیم عادل شیخ نے دعویٰ کیا ہے کہ میرےکمرے میں کوبرا سانپ چھوڑا گیا، جس کو میں نے مارا، بلاول کےکہنے پر  مجھے مارنے کی سازش کی گئی۔

تفصیلات کے مطابق پولیس کی جانب سے اپوزیشن لیڈر سندھ حلیم عادل شیخ کو اے ٹی سی پہنچایا گیا ، اس موقع پر میڈیا سے گفتگو میں حلیم عادل شیخ نے دعویٰ کیا کہ میرےکمرےمیں کوبرا سانپ چھوڑا گیا اور اس سانپ کو میں نے ماراہے۔

اپوزیشن لیڈر سندھ نے الزام عائد کیا کہ بلاول کےکہنے پر مرادعلی شاہ نے مجھے مارنے کی سازش کی۔

اس سے قبل پی ٹی آئی رکن سندھ اسمبلی خرم شیرزمان نے میڈیا سے گفتگو کرتے ہوئے کہا تھا کہ حلیم عادل شیخ کی جان کو خطرہ ہے، ان سےفیملی، ایم این ایز،ایم پی ایزکوملنے نہیں دیا جارہا، عدالت سے درخواست کی اہلخانہ اور ایم پی ایز کو ملنے دیا جائے ، ایسا سلوک کیاجارہاہے جیسے دہشت گرد سے کیا جاتا ہے۔

یاد رہے ترجمان محمد علی بلوچ نے بیان میں کہا تھا کہ قائدحزب اختلاف حلیم عادل شیخ کے کمرے میں سانپ نکل آیا، ناشتہ دینے کے لئے جانے والے ملازم نے سانپ دیکھ کر اطلاع دی تاہم بعد میں کمرے میں موجودسانپ کو مار دیا گیا۔

بعد ازاں ایڈیشنل آئی جی کراچی غلام نبی میمن نے حلیم عادل شیخ کے کمرے سے زہریلے سانپ کے نکلنے کے معاملے کا نوٹس لیتے ہوئے تحقیقات کا حکم دیا۔