ARYNews.tv | Urdu – Har Lamha Bakhabar

Tag: Halloween party

  • آریان خان کی ہیلووین پارٹی میں شرکت کی ویڈیو وائرل

    آریان خان کی ہیلووین پارٹی میں شرکت کی ویڈیو وائرل

    بالی ووڈ کنگ شاہ رخ خان کے بیٹے آریان خان کی ہیلوین پارٹی میں شرکت کی ویڈیو سوشل میڈیا پر وائرل ہوگئی، منشیات کیس میں گرفتاری و رہائی کے بعد میڈیا آریان خان کی ہر سرگرمی پر نظر رکھے ہوئے ہے۔

    آریان خان ممبئی کروز شپ منشیات کیس میں گرفتار ہونے کے بعد سے اکثر ہی کسی نہ کسی وجہ سے بھارتی میڈیا کی خصوصی توجہ کا مزکر بنے رہتے ہیں۔

    حال ہی میں سوشل میڈیا پر آریان خان کی ایک ویڈیو وائرل ہو رہی ہے جو ان کی ہیلوین پارٹی میں شرکت کی ہے۔

     

    View this post on Instagram

     

    A post shared by Instant Bollywood (@instantbollywood)

    اس وائرل ویڈیو پر سوشل میڈیا صارفین کی جانب سے دلچسپ تبصروں کا سلسلہ بھی شروع ہو گیا ہے۔

    کچھ صارفین آریان خان کے رویے اور انداز کا موازنہ ان کے والد، اداکار شاہ رخ خان سے کر رہے ہیں جبکہ کچھ صارفین نے آریان خان کے ہمیشہ سنجیدہ نظر آنے پر اعتراض کیا ہے۔

    چند سوشل میڈیا صارفین نے آریان خان کو حد سے زیادہ میڈیا کوریج دینے پر بھارتی میڈیا کو تنقید کا نشانہ بھی بنایا ہے۔

  • وائٹ ہاؤس میں ہیلووین پارٹی

    وائٹ ہاؤس میں ہیلووین پارٹی

    واشنگٹن: امریکی صدارتی محل وائٹ ہاؤس نے بھی مغربی تہوار ہیلوین پر رنگ بدل لیے۔ امریکی صدر ڈونلڈ ٹرمپ اور ان کی اہلیہ میلانیا ٹرمپ نے صدارتی محل میں ہیلوین پارٹی کی میزبانی کی۔

    خوف سے منسوب مغربی تہوار ہیلووین کی تقریبات دنیا بھر میں جاری ہیں۔ امریکی صدارتی محل کو بھی تہوار کی مناسبت سے خوفناک مقام میں تبدیل کردیا گیا جہاں جابجا مکڑی کے جالے لٹکتے دکھائی دیے۔

    ہیلوین کے موقع پر خاتون اول اور امریکی صدر نے بچوں میں تحائف تقسیم کیے اور تصویریں بھی بنوائیں۔ اس موقع پر ڈائنو سار کے روپ میں آیا ایک مہمان خاتون اول کو ڈرانے میں بھی کامیاب رہا۔

    وائٹ ہاؤس کی ہیلووین پارٹی میں بچوں نے بھی منفرد روپ دھارے۔ کوئی اسپائڈر مین بن کر آیا اور کوئی مردے کے روپ میں آیا۔

    وائٹ ہاؤس میں ہونے والی اس ہیلووین پارٹی میں امریکی صدارتی جوڑے نے تو بچوں کے ساتھ خوب لطف اٹھایا، تاہم ٹرمپ خاندان کے دیگر افراد جیسے ایوانکا ٹرمپ وغیرہ اس محفل میں نظر نہیں آئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اداکارہ ماہرہ خان نے شیو سینک کے ساتھ تصویر بنوانے پر معذرت کرلی

    اداکارہ ماہرہ خان نے شیو سینک کے ساتھ تصویر بنوانے پر معذرت کرلی

    ممبئی: پاکستانی اداکارہ ماہرہ خان نے ہالووین ڈے پر شیو سینا کے شیو سینک کے لباس میں دوست کے ساتھ بنوائی تصویر پر معذرت کرلی ہے۔

    اداکارہ ماہرہ خان نے ہالووین ڈے کے موقع پر منعقد کی جانے والی تقریب کی تصاویر میں کیٹ وومن کا روپ دھارا ہوا تھا جبکہ انکے دوست عاصم رضا نارنجی رنگ چوغے میں ملبوس گلے میں مالائیں اور سیاہ چشمہ پہنے بالکل شیوسینا کے رہنما بال ٹھاکرے کے بھیس میں تھے، عاصم رضا نے ہاتھ میں ایک پلے کارڈ بھی اٹھا رکھا تھا، جس پر ”ماہرہ خان کو باہر نکالو “ لکھا تھا.

    ماہرہ خان نے ٹویٹر پر اپنے رویے کی معذرت کرتے ہوئے کہا ہے کہ فنکار تخلیقی لوگ ہوتے ہیں، انھیں کسی قسم کی سیاست کا حصہ نہیں بننا چاہیے۔

    انکا مزید کہنا تھاکہ انھوں ہالوین ڈے پر جان بوجھ کر کسی کے جذبات کو ٹھیس پہنچانے کی کو شش نہیں کی، اگر انکے اس رویے سے کسی کے جذبات کو ٹھیس پہنچی ہے تو وہ اس کیلئے تہہ دل سے معذرت خواہ ہیں.

    واضح رہے اداکارہ ماہرہ خان اپنی پہلی بولی ووڈ فلم ”رئیس “ میں سپر ہیرو شاہ رخ خان کے ساتھ اداکاری کر رہی ہیں، جو 2016 میں ریلیز ہوگی.

    یاد رہے کہ بھارتی انتہا پسند تنظیم شیو سینا کی طرف سے پاکستانی فنکاروں کو متعدد بار دھمکیاں دی گئی ہیں۔