Tag: hamas

خبر رساں ادارے روئٹرز نے کہا ہے کہ ٹرمپ کے غزہ منصوبے ’’غزہ ریویرا‘‘ کے متبادل کے طور پر مصر نے جو منصوبہ بنایا ہے اس کا مقصد حماس کو سائیڈ لائن کرنا ہے۔

تفصیلات کے مطابق روئٹرز مصر کی جانب سے تیار کیے گئے ایک ڈرافٹ کا حوالہ دیتے ہوئے کہا ہے کہ غزہ کی تعمیر نو کے لیے مصر کی زیر قیادت منصوبہ حماس کو سائیڈ لائن کر دے گا، اور اس کی جگہ عرب، مسلم اور مغربی ریاستوں کے زیر کنٹرول عبوری انتظامیہ تشکیل دی جائے گی۔

قاہرہ کا یہ منصوبہ آج مصر کے دارالحکومت میں عرب لیگ کے سربراہی اجلاس میں پیش کیا جانا ہے، اور اسے ٹرمپ کی طرف سے ’غزہ کو خریدنے اور اسے نسلی طور پر پاک کرنے‘ کی تجویز کا متبادل بتایا جا رہا ہے۔

یہ منصوبہ اس شرط پر مبنی ہے کہ ایک ’’گورننس اسسٹنس مشن‘‘ غیر متعینہ عبوری مدت کے لیے غزہ میں حماس کی حکومت کی جگہ لے گا، اور یہ ادارہ انسانی امداد اور غزہ کی تعمیر نو کے لیے ذمہ دار ہوگا۔ روئٹرز کے مطابق اس تجویز میں یہ نہیں بتایا گیا کہ غزہ کی تعمیر نو کے لیے فنڈز کون دے گا، اور نہ ہی دیگر اہم تفصیلات جیسا کہ حماس کو کس طرح ایک طرف کیا جائے گا۔

اسرائیلی جارحیت رکنے والی نہیں، جنگ بندی کے پہلے مرحلے میں 116 فلسطینی شہید

اس مسودے میں یہ کہا گیا ہے کہ ’’اگر غزہ میں حکومت حماس کے ہاتھوں میں ہوگی اور مسلح سیاسی عنصر بنی رہے گی، تو غزہ کی بحالی اور تعمیر نو کے لیے کوئی بڑی بین الاقوامی فنڈنگ ​​نہیں ہوگی۔‘‘ یہ تجویز یہ بتانے میں بھی ناکام ہے کہ آیا یہ غزہ میں اسرائیلی جارحیت کو ختم کرنے کے لیے کسی مستقل امن معاہدے سے پہلے یا بعد میں نافذ کیا جائے گا۔

غزہ: حماس نے مزید 3 اسرائیلی یرغمالی رہا کر دیے، آج صبح 6 میں سے 2 یرغمالیوں کو پہلے ہی رہا کیا جا چکا ہے۔

الجزیرہ کے مطابق حماس نے تین اسرائیلی قیدی ریڈ کراس کے حوالے کر دیے ہیں، غزہ کے علاقے نصیرات کیمپ پر یرغمالیوں کا تبادلہ ہوا، آج ہفتے کو معاہدے کے مطابق 6 یرغمالیوں میں سے آخری کو وسطی غزہ سے کو رہا کیا جائے گا، جب کہ بدلے میں اسرائیل 602 فلسطینی قیدی آج شام میں رہا کرے گا۔

سامنے آنے والی ویڈیوز اور تصاویر میں دیکھا جا سکتا ہے کہ نصیرات میں تین اسرائیلی یرغمالی اسٹیج پر نمودار ہوئے، جن میں 27 سالہ ایلیا کوہن، 22 سالہ عمر شیمتوف اور 23 سالہ عمر وینکرٹ شامل ہیں۔

View this post on Instagram

A post shared by Eye On Palestine (@eye.on.palestine)

رہائی کے وقت اسٹیج پر یرغمالی مسکرا رہے تھے اور فلسطینیوں کے خوش گوار ہجوم کی طرف اشارہ کر رہے تھے، یرغمالیوں میں سے ایک نے اپنے ساتھ کھڑے فلسطینی جنگجو کی پیشانی کو بوسہ بھی دیا۔

ریڈ کراس کے نمائندے اور حماس کے ایک کمانڈر نے وسطی غزہ کے نصیرات کیمپ میں اسرائیلی یرغمالیوں کی حوالگی کے لیے ایک دستاویز پر دستخط کیے۔

حماس نے آج رہا ہونے والے 6 یرغمالیوں کے نام بتا دیے، 2 رہا

دوسری طرف تل ابیب میں اسرائیلیوں کی ایک بڑی تعداد نے نصیرات کے مناظر اسکرین پر دیکھے، جب کہ اسرائیلی میڈیا اداروں نے رہائی پانے والے یرغمالیوں کے اہل خانہ اور حامیوں کی لائیو فوٹیج نشر کی، جو رہائی کا منظر دیکھنے کے لیے ایک کمرے میں جمع ہوئے تھے، لوگوں کو تالیاں بجاتے اور نعرے لگاتے دیکھا گیا۔

چھٹے یرغمالی ہشام السید کو غزہ شہر میں بغیر کسی تقریب کے ریڈ کراس کے حوالے کیا جائے گا۔ فلسطینی ذرائع نے الجزیرہ کو تصدیق کی ہے کہ ہشام السید کو بغیر کسی تقریب کے اسرائیلی حکام کے حوالے کر دیا جائے گا۔

37 سالہ اسرائیلی شہری ہشام کو اس وقت حماس نے روک کر یرغمال بنا لیا تھا جب اپریل 2015 میں وہ غزہ کی پٹی میں داخل ہوا تھا، توقع ہے کہ غزہ کے شمالی حصے میں کسی مقام پر اسے حوالے کیا جائے گا۔