Tag: hammad-azhar

‘کورونا وبا کے دوران موڈیز کی پاکستان کے لیے بی 3ریٹنگ حوصلہ افزا ہے’

اسلام آباد : وفاقی وزیر صنعت و پیداوار حماد اظہر کا کہنا ہے کہ وباکے دوران موڈیزکی پاکستان کے لیے بی 3ریٹنگ حوصلہ افزا ہے جبکہ ن لیگ کی پالیسیوں کی وجہ سےریٹنگ منفی بی تھری کردی گئی تھی۔

تفصیلات کے مطابق وفاقی وزیر صنعت و پیداوار حماد اظہر نے سماجی رابطے کی ویب سائٹ ٹوئٹر پر اپنے بیان میں کہا ہے کہ موڈیزنےوباکےدوران پاکستان کاآؤٹ لک مستحکم رکھاہے، وباکےدوران موڈیزکی پاکستان کے لیے بی 3ریٹنگ حوصلہ افزاہے۔

حماداظہر کا کہنا تھا کہ ن لیگ کی پالیسیوں کی وجہ سےریٹنگ منفی بی تھری کردی گئی تھی، پی ٹی آئی حکومت نے معیشت کواستحکام دیا، دسمبر2019میں پاکستان کی ریٹنگ بڑھا کربی 3مستحکم کردی گئی۔

Moody's confirmation of Pak's B3 rating with stable outlook during pandemic is encouraging sign.
Pak's rating was downgraded to B3 negative in June 2018 based on data/policies of pmln's term. In Dec 2019, after econ stabilsation by PTI govt, rating was upgraded to B3 Stable.

— Hammad Azhar (@Hammad_Azhar) August 8, 2020

خیال رہے موڈیز نے پاکستان کا ریٹنگ آؤٹ لُک بڑھا کر مستحکم کر دیا اور پاکستان کی کریڈٹ ریٹنگ بھی بی تھری پر برقرار رکھی گئی ہے۔

پا کستان نے موڈیز کی جانب سے ریٹنگ مستحکم کرنے کا خیر مقدم کرتے ہوئے کہا ہے کہ موڈیز کا یہ اقدام پاکستان کی مالیاتی پالیسیوں پر اعتماد کا مظہر ہے، یہ اقدام دراصل ہماری مالیاتی پالیسیوں پر اعتماد کو ظاہر کرتا ہے، موجودہ مشکل حالات میں موڈیز کا پاکستان پر اعتماد خوش آئند ہے۔

اگست 8, 2020
ایف اے ٹی ایف سے متعلق قانون سازی بہت اہم جزو ہے: حماد اظہر

اسلام آباد: وفاقی وزیر برائے صنعت و پیداوار حماد اظہر کا کہنا ہے کہ ایک سال میں پاکستان نے ایف اے ٹی ایف ایکشن پلان پر واضح بہتری دکھائی، پاکستان کی کوششوں کو عالمی سطح پر سراہتے ہوئے اعتراف کیا گیا۔

تفصیلات کے مطابق وفاقی وزیر برائے صنعت و پیداوار حماد اظہر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ 1 سال میں پاکستان نے ایف اے ٹی ایف ایکشن پلان پر واضح بہتری دکھائی۔

حماد اظہر کا کہنا تھا کہ پاکستان کی کوششوں کو عالمی سطح پر سراہتے ہوئے اعتراف کیا گیا، ہمیں بہتری کا یہ سلسلہ جاری رکھنا ہوگا۔

انہوں نے کہا کہ ایف اے ٹی ایف سے متعلقہ قانون سازی بہت اہم جزو ہے، امید ہے اپوزیشن قومی سلامتی کے معاملے کو مقدم رکھے گی۔

During past one year, Pak made signifcant progress on FATF action plan. Our efforts are widely acknowledged & appreciated by intl comm.
We need to sustain this momemtum. FATF related legislations are an integral part of it. Im hopeful that opp will keep national interest supreme.

— Hammad Azhar (@Hammad_Azhar) July 30, 2020

خیال رہے کہ چند روز قبل وزیر اعظم کے مشیر احتساب شہزاد اکبر نے کہا تھا ہے کہ گرے لسٹ سے نکلنے کے لیے ایف اے ٹی ایف قوانین ضروری ہیں، ایف اے ٹی ایف سے متعلق قوانین قومی مفاد کے لیے ہیں۔

انہوں نے کہا تھا کہ بل جمع ہو چکے ہیں، رابطے کر رہے ہیں انشااللہ ایف اے ٹی ایف سے متعلق بل پاس ہوں گے۔ ایف اے ٹی ایف سے متعلق پاکستان کو کچھ سیکٹرز میں کام کرنا تھا اور ایف اے ٹی ایف سے متعلق کچھ اصلاحات کی ہدایت کی گئی ہے۔

جولائی 30, 2020
پچھلے 35 سال سے 2 خاندان ملک پر حکمرانی کر رہے تھے: حماد اظہر

اسلام آباد: وفاقی وزیر حماد اظہر کا کہنا ہے کہ 2 خاندان پچھلے 35 سال سے زائد ملک پر حکمرانی کر رہے تھے، 2 سال قبل آج کے دن عوام نے ان دونوں کو مسترد کر کے تبدیلی کو ووٹ دیا۔

تفصیلات کے مطابق وفاقی وزیر برائے صنعت و پیداوار حماد اظہر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ 2 خاندان پچھلے 35 سال سے زائد ملک پر حکمرانی کر رہے تھے۔

حماد اظہر نے کہا کہ 35 سال میں دونوں خاندانوں کے پاس دکھانے کو کچھ نہیں، دونوں خاندانوں نے ذاتی محل، آف شور دولت اور کرپشن اسکینڈل بنائے۔

انہوں نے کہا کہ 2 سال پہلے آج کے دن عوام نے ان دونوں کو مسترد کر کے تبدیلی کو ووٹ دیا۔

Pakistan was ruled by 2 dynastic parties for more than 35 years.

These family owned parties had nothing to show for those 35 years except personal palaces, offshore wealth and corruption scandals.

2 years ago today, ppl of pak rejected these parties and voted for Change.

— Hammad Azhar (@Hammad_Azhar) July 25, 2020

اس سے قبل پاکستان تحریک انصاف کی حکومت کو 2 سال مکمل ہونے پر وفاقی وزیر اسد عمر نے ٹویٹ کرتے ہوئے کہا تھا کہ 2 سال پہلے عوام نے عمران خان کی 22 سالہ بہتری کی جدوجہد کو نئے مرحلے میں داخل کیا۔

انہوں نے کہا تھا کہ انشا اللہ نئے پاکستان کا سفر نہ صرف جاری رہے گا بلکہ مزید تیز ہوگا، اسی عزم سے کام کرنا ہے کہ: تیز ہو تیز ہو، جدوجہد تیز ہو۔

جولائی 25, 2020
بجٹ میں صحت کے لیے مختص رقم مزید بڑھائی گئی ہے: حماد اظہر

اسلام آباد: وفاقی وزیر برائے صنعت و پیداوار حماد اظہر کا کہنا ہے کہ ہماری 90 فیصد سپلیمنٹری گرانٹس کا تعلق کرونا وائرس سے ہے، بجٹ میں صحت کے لیے مختص رقم مزید بڑھائی گئی ہے۔

تفصیلات کے مطابق وفاقی وزیر برائے صنعت و پیداوار حماد اظہر نے قومی اسمبلی کے اجلاس میں اظہار خیال کرتے ہوئے کہا کہ مسلم لیگ ن نے سوا 400 ارب سے ریگولر سپلیمنٹری بجٹ دیا تھا۔

حماد اظہر کا کہنا تھا کہ بجٹ میں ہیلتھ سیکٹر کی ایلوکیشن مزید بڑھائی گئی ہے، وزیر اعظم آفس اخراجات میں این ڈی ایم اے کے اخراجات بھی شامل ہیں، ہماری 90 فیصد سپلیمنٹری گرانٹس کا تعلق کرونا وائرس سے ہے، ایف بی آر کے اپنے ریونیو میں کرونا کی وجہ سے کمی آئی۔

انہوں نے کہا کہ ایف بی آر کو اسی لیے پیسوں کا اجرا سپلیمنٹری کے ذریعے کیا گیا، این ایف سی کے پیسے روکنے کا اختیار ہمارے پاس نہیں ہے۔ صوبے ضلعی سطح پر رقم کے اجرا پر بھی غور کریں۔

حماد اظہر کا کہنا تھا کہ ایف بی آر جتنا ٹیکس جمع کرتی ہے اور جتنا ایف بی آر پر خرچ ہوتا ہے وہ کم ہے، ایف بی آر میں مزید بہتری کی گنجائش ہے اس میں کوئی شک نہیں۔

انہوں نے کہا کہ احساس پروگرام کے ذریعے کروڑوں لوگ مستفید ہو رہے ہیں، پورے سال میں ہم نے کوئی ریگولر سپلیمنٹری گرانٹ دی ہی نہیں۔

جون 30, 2020
حکومت اور کمپنیوں میں بلاتعطل آکسیجن کی سپلائی کی فراہمی پر اتفاق

اسلام آباد : وفاقی وزیرصنعت و پیداوار حماد اظہر کا کہنا ہے کہ حکومت اور کمپنیوں کے درمیان بلاتعطل آکسیجن کی سپلائی کی فراہمی پر اتفاق ہوگیا ہے، آئندہ 2ہفتے میں3نجی شعبے کے آکسیجن پلانٹ بھی کام شروع کردیں گے۔

تفصیلات کے مطابق وفاقی وزیرصنعت و پیداوار حماد اظہر نے سماجی رابطے کی ویب سائٹ ٹوئٹر پر اپنے بیان میں کہا حکومت اور کمپنیوں کابلاتعطل آکسیجن کی سپلائی کی فراہمی پر اتفاق ہوگیا ہے ، کمپنیوں نے اعلان کیا ہے کہ پہلی ترجیح کے طورپر ہیلتھ کئیر کیلئے آکسیجن فراہم کرتےرہیں گے، آئندہ 2ہفتے میں3نجی شعبے کے آکسیجن پلانٹ بھی کام شروع کردیں گے۔

The Ministry of Industries has held a meeting with major oxygen producers and reached a decision with them to supply/redirect oxygen to HealthCare on a first priority basis.

3 additional oxygen plants in the private sector will also be coming in production within next 2 weeks.

— Hammad Azhar (@Hammad_Azhar) June 25, 2020

یاد رہے پنجاب نے وفاقی حکومت سے 15 ہزار آکسیجن سلنڈرز کے لیے رابطے کا فیصلہ کیا ہے، نیز صوبہ پنجاب میں آکسیجن فراہم کرنے والی گاڑیوں کو 24 گھنٹے چلنے کی اجازت دے دی گئی۔

آکسیجن بنانے والی کمپنیوں کو بجلی کی بندش سے استثنیٰ دینے کا بھی فیصلہ کیا گیا ہے اور کہا گیا سرکاری و نجی اسپتال وینٹی لیٹرز کے چارجز ہیلتھ کیئر کمیشن کے مطابق لیں گے، اور 10 سے 15 ہزار آکسیجن سلنڈر منگوانے کے لیے وفاق سے رابطہ کیا جائے گا۔

بعد ازاں پنجاب حکومت نے آکسیجن کی مصنوعی قلت پیدا کرنے والے ذخیرہ اندوزوں کے خلاف گھیرا تنگ کرنے کا اعلان کرتے ہوئے صوبے بھر میں دو ماہ کے لیے دفعہ 144 نافذ کردی۔

خیال رہے کرونا کے کیسز میں اضافے کے بعد آکسیجن سلنڈرز نایاب ہو گئے ہیں، مریض آکسیجن سلنڈرز کے حصول کے لیے در در کی ٹھوکریں کھانے لگے ہیں اگر کہیں دستیاب بھی ہے تو اس کی قیمت آسمان سے باتیں کر رہی ہے۔

ڈاکٹرز کے مطابق آکسیجن سلنڈرز کی ضرورت دل کے مریضوں اور دیگر نازک حالات میں اسپتالوں میں موجود مریضوں کو بھی بہت ہے لیکن آکسیجن سلنڈرز نہ ہونے کی وجہ سے ان کی جانوں کو خطرہ لاحق ہو گیا ہے۔

جون 25, 2020
اسٹیل ملز سے نکالے جانے والے ملازمین کو کتنے لاکھ روپے دیئے جائیں گے؟

اسلام آباد : وفاقی وزیر حماداظہر نے بتایا کہ حکومت ساڑھے 5سال سے اسٹیل ملز ملازمین کو تنخواہ دے رہی ہے، فارغ ہونے والے ملازمین کو اوسط 23 لاکھ دیے جائیں گے جبکہ بعض کو70لاکھ ملیں گے۔

تفصیلات کے مطابق چیئرمین سینیٹ صادق سنجرانی کی زیر صدارت سینیٹ کا اجلاس ہوا، اسٹیل ملز کی نجکاری کا معاملہ سینیٹ میں پہنچ گیا ، نے اس حوالے سے بتایا کہ پاکستان اسٹیل مل نے1985میں پروڈکشن شروع کی، 2008 سے 2009 میں اسٹیل خسارے میں چلا گیا اور 2015 میں پاکستان اسٹیل کو بند کردیا گیا۔

حماد اظہر کا کہنا تھا کہ اس کے بعد حکومت ساڑھے 5سال سے ملازمین کو تنخواہ دے رہی ہے، پاکستان اسٹیل مل پر 230ارب کا قرضہ ہے اور 25 کروڑ روپے ماہانہ خرچہ ہے جبکہ ملزکاقرضہ211ارب اور176 ارب کا نقصان ہے۔

انھوں نے بتایا کہ اسٹیل ملزملازمین کو اوسط23 لاکھ دیے جائیں گے جبکہ بعض کو70لاکھ ملیں گے، چاہتےہیں اسٹیل ملزکونجی پارٹنرشپ کے ساتھ چلائیں ، اسٹیل ملز کی قرض ری اسٹرکچرنگ کے بعد نجکاری کی جانب جائیں گے۔

گذشتہ روز بھی وفاقی وزیرحماداظہر نے کہا تھا کہ پاکستان اسٹیل پیپلزپارٹی کےدورمیں منافع سےخسارےمیں گئی اور گزشتہ 5سال سے پاکستان اسٹیل ملزکی پیداوارصفرہے، بنداسٹیل ملزکےملازمین کو35ارب روپےتنخواہوں کی مدمیں ادائیگی کی گئی۔

حماداظہر کا کہنا تھا کہ ماضی میں پاکستان اسٹیل کو 90ارب کابیل آؤٹ پیکج دیامگرچل نہ سکی، پاکستان اسٹیل کے 9ہزارکے قریب ملازمین فارغ ہوں گے، جس سے حکومت کوتنخواہوں اورسودکی مدمیں70کروڑروپےماہانہ کی بچت ہوگی۔

جون 5, 2020
رمضان پیکج : یوٹیلیٹی اسٹورز میں19اشیاء پر سبسڈی، تاجروں کے لیے اسکیم کا اعلان

اسلام آباد : وفاقی وزیر حماد اظہر نے کہا ہے کہ ماہ رمضان ریلیف پیکج کیلئے تیس ارب روپے سیل کا ٹارگٹ رکھا گیا ہے، انیس اشیاء پر سبسڈی اور تاجروں کے لیے جلد اسکیم لارہے ہیں۔

تفصیلات کے مطابق وفاقی وزیر صنعت و پیداوار حماد اظہر نے رمضان ریلیف پیکج کا افتتاح کردیا، ان کا کہنا ہے کہ ماہ رمضان کیلئے تیس ارب روپے سیل کا ٹارگٹ رکھا گیا ہے۔

اسلام آباد میں صحافیوں سے گفتگو کرتے ہوئے وفاقی وزیر نے کہا کہ یوٹیلیٹی اسٹورز کو50ارب روپے اضافی دیئے گئے، اس سال یوٹیلیٹی اسٹورزمیں19اشیاء پر سبسڈی دی گئی ہے۔

انہوں نے بتایا کہ پچھلے سال رمضان میں ساڑھے 3ارب کی سیل ہوئی تھی، اس سال 30ارب سیل کا ٹارگٹ رکھا، اسٹاک کا بندوبست بھی کیا ہے، پہلے 5چیزوں پر سبسڈی تھی اب 19پر ہے، دوسو موبائل یوٹیلیٹی اسٹورز بنائے ہیں، کھانے پینے کی اشیا کی ترسیل میں کوئی بندش نہیں آئی۔

حماد اظہر نے کہا کہ یوٹیلٹی اسٹورزسے رمضان میں80لاکھ سے1کروڑ گھرانے مستفید ہونگے، یوٹیلٹی اسٹورز پرروز مرہ کا سامان مناسب قیمتوں پر مل رہا ہے، پاکستان میں کھانے پینے کے سامان کی ترسیل جاری ہے، اس صورتحال میں روزمرہ کی اشیا پر کسی قسم کی پابندی نہیں لگائی گئی۔

ایک سوال کے جواب میں ان کا کہنا تھا کہ حکومت چھوٹے اور درمیانے درجے کے تاجروں اور صنعت کیلئے اسکیم لارہی ہے، ذخیرہ اندوزوں کیخلاف سخت ایکشن کیلئے آرڈیننس جلد آجائے گا۔

ان کا کہنا تھا کہ ملک میں اس وقت ایمرجنسی ہے کسی کو ذخیرہ اندوزی کی اجازت نہیں دیں گے، ذخیرہ اندوزوں کےخلاف قانون سازی کررہے ہیں،جس کے تحت کمپنی کا ملازم نہیں بلکہ مالک گرفتار ہوگا۔

وفاقی وزیر کا مزید کہنا تھا کہ جی20ممالک کی جانب سے قرضوں کو ری شیڈیول کرناخوش آئند ہے، آئی ایم ایف کی جانب سے بھی1.3ارب ڈالر رعایتی پیکیج ملے گا جس سے معیشت کو بڑا سہارا ملے گا۔

اپریل 17, 2020
کوشش ہے کہ پسماندہ علاقوں میں فنڈز لگائے جائیں: حماد اظہر

اسلام آباد: وفاقی وزیر برائے اقتصادی امور حماد اظہر کا کہنا ہے کہ حکومت سنبھالی تو ہمارے لیے مسائل بہت زیادہ تھے، ہمیں سخت فیصلے کرنا پڑے جو نہیں کرنا نہیں تھے، کوشش کی جاتی ہے جب بھی فنڈز ریلیز ہوں پسماندہ علاقوں میں لگائے جائیں۔

تفصیلات کے مطابق وفاقی وزیر برائے اقتصادی امور حماد اظہر کا کہنا تھا کہ اربوں کھربوں روپے امیروں کے علاقوں میں لگا دیے گئے، غریب لوگوں کے علاقوں کو ترقیاتی کاموں سے محروم رکھا گیا، کوشش کی جاتی ہے جب بھی فنڈز ریلیز ہوں پسماندہ علاقوں میں لگائے جائیں۔

حماد اظہر کا کہنا تھا کہ ہمارے محنتی ورکرز دن رات محنت کر کے ان علاقوں کا نقشہ بدل رہے ہیں، کل حکومت نے 5 روپے پیٹرول اور ڈیزل کی قیمتوں میں کمی کی ہے۔ ٹماٹر، پیاز، آٹا یہ تمام چیزیں اپنی اصل قیمتوں سے بھی نیچے چلی گئیں ہیں۔ جو چیزیں صنعت و زراعت سے منسلک ہیں ان کی قیمتوں میں بھی کمی ہوگی۔

انہوں نے کہا کہ جب حکومت سنبھالی تو ہمارے لیے مسائل بہت زیادہ تھے، ہمیں سخت فیصلے کرنا پڑے جو کرنا نہیں چاہتے تھے۔ آئی ایم ایف رپورٹ کے مطابق معیشت کے تمام کرائیٹیریا کو شکست دی۔ آنے والے دنوں میں اس کے ثمرات عام لوگوں تک پہنچائے جائیں گے۔

حماد اظہر کا کہنا تھا کہ پہلے اسٹیٹ بینک آف پاکستان اپنے فیصلے کرنے میں آزاد نہیں تھا، آج اسٹیٹ بینک آزاد ہے جس کے باعث مثبت نتائج ملے۔ مہنگائی کی شرح اب نیچے آنا شروع ہوئی ہے، یہی رجحان رہا تو شرح سود بھی نیچے آئے گا۔ ن لیگ ہمیشہ سے کہتی رہی کہ یہ حکومت نہیں چل سکتی۔ یہ 2 خاندانوں کا دور اب ختم ہوچکا اب دہائیوں تک ہماری حکومت چلے گی۔

انہوں نے کہا کہ دنیا دیکھ رہی ہے بھارت مسلمانوں پر ظلم ڈھا رہا ہے، دوسری طرف ہم نے کرتار پور راہداری کھولی ہے۔ ایک عالمی رہنما بھارت میں بیٹھ کر پاکستان کی تعریف کرتا ہے۔ یہ تعریف بھی ہماری خارجہ پالیسی کا نتیجہ ہے۔

مارچ 1, 2020
شفاف اور جواب دہ پاکستان کے لیے شہریوں کی آواز اٹھنا ضروری ہے: حماد اظہر

اسلام آباد: وفاقی وزیر برائے اقتصادی امور حماد اظہر کا کہنا ہے کہ شفاف اور جواب دہ پاکستان کے لیے شہریوں کی آواز اٹھنا ضروری ہے۔

تفصیلات کے مطابق وفاقی وزیر برائے اقتصادی امور حماد اظہر نے تقریب سے خطاب کرتے ہوئے کہا کہ پاکستان میں جمہوریت کے فروغ اور گڈ گورننس کے حل کا حصہ بننے کے لیے ڈیمو کریٹک ایجوکیشن اینڈ اکاؤنٹبلٹی کا شکریہ ادا کرتا ہوں۔

حماد اظہر کا کہنا تھا کہ شفاف اور جواب دہ پاکستان کے لیے شہریوں کی آواز اٹھنا ضروری ہے، خوشی ہے اس پراجیکٹ نے شہریوں کو آواز بلند کرنے کے لیے بااختیار بنایا۔

اس سے قبل ایک موقع پر حماد اظہر کا کہنا تھا کہ معیشت کی مکمل بحالی و ترقی کے لیے یکسوئی اور پالیسیوں کا تسلسل ناگزیر ہے۔ آئی ایم ایف کا ریویو معاشی اصلاحات کی کامیابی کی خبر دے رہا ہے۔

انہوں نے کہا تھا کہ گزشتہ ادوار کی بدترین معاشی مینجمنٹ قوم کے لیے کئی تکالیف کا سبب بنی، موڈیز نے پاکستان کو مستحکم سے نکال کر منفی درجے میں شامل کرلیا، حکومت کی 15 ماہ کی انتھک محنت کے بعد موڈیز نے منفی کا لیبل ہٹا کرمستحکم کیا۔

حماد اظہر کا مزید کہنا تھا کہ کرنٹ اکاؤنٹ خسارے میں 73 فیصد کمی قوم کے لیے بڑی خوشخبری سے کم نہیں ہے۔ نومبر 2018 میں خسارہ 1166 ملین ڈالرز تھا۔ نومبر 2019 میں خسارہ 319 ملین ڈالرز کی سطح تک کم ہوچکا ہے۔

دسمبر 23, 2019
اسلامی ترقیاتی بینک نے پولیو کے خاتمے کے لیے بڑے پیمانے پر اعانت کی: حماد اظہر

اسلام آباد: وفاقی وزیر برائے اقتصادی امور حماد اظہر کا کہنا ہے کہ اسلامی ترقیاتی بینک نے پولیو خاتمہ پروگرام کے لیے بڑے پیمانے پر مالی اعانت کی، پروگرام نے ایک مذہبی عنصر لانے میں بھی کردار ادا کیا ہے۔

تفصیلات کے مطابق وفاقی وزیر برائے اقتصادی امور حماد اظہر نے پولیو کے خاتمے سے متعلق تقریب سے خطاب کرتے ہوئے کہا کہ پولیو خاتمہ پروگرام کی حمایت کے لیے اس کا حصہ بننے پر فخر ہے۔

حماد اظہر کا کہنا تھا کہ پروگرام میں شریک اسٹیک ہولڈرز کا تہہ دل سے شکر گزار ہوں۔

حماد اظہر نے حکومت پاکستان کی جانب سے ایل ایل ایف ڈونر سرٹیفکیٹ پر بھی دستخط کیے۔ انہوں نے بتایا کہ اسلامک ڈویلپمنٹ بینک نے 12.43 بلین ڈالر کے پورٹ فولیو کی منظوری دی۔

انہوں نے کہا کہ پروگرام سے پولیو وائرس کے خاتمے میں مدد ملے گی۔ سنہ 1988 میں پروگرام کے آغاز پر پولیو 125 سے زائد ممالک میں موجود تھا، روزانہ تقریباً 1 ہزار سے زائد بچے پولیو سے مفلوج ہوتے تھے۔

وفاقی وزیر کا کہنا تھا کہ حفاظتی ٹیکے 3 ارب بچوں تک پہنچائے گئے، پولیو میں 99 فیصد کمی ہوئی۔ آئی ایس ڈی بی نے پولیو خاتمہ پروگرام کے لیے بڑے پیمانے پر مالی اعانت کی۔ پروگرام نے ایک مذہبی عنصر لانے میں بھی کردار ادا کیا ہے۔

دسمبر 18, 2019