Tag: hammad-azhar

اسلام آباد : وفاقی وزیرحماداظہر کا کہنا ہے کہ ایس ایم ایز ملکی معیشت میں ریڑھ کی ہڈی کی حیثیت رکھتی ہیں، اس سیکٹر کیلئے فنانسنگ کی سہولت بہتر بنا رہے ہیں، دوہزارتیس تک فنانسنگ کو سات فیصد سےبڑھا کرسترہ فیصد تک لایا جائے گا۔

تفصیلات کے مطابق ایشیائی ترقیاتی بینک کے زیر اہتمام انوویٹو فنانس فورم سےخطاب میں وزیر مملکت اقتصادی امور حماد اظہر نے کہا ہے کہ ایس ایم ایز کا معیشت میں حصہ 30 فی صد جبکہ نجی قرضوں میں چھوٹے کاروبار کاحصہ صرف 7.5 فی صدہے، 4 سال تک چھوٹے کاروبار کی تعداد 2 سے بڑھا کر 7 لاکھ کریں گے۔

حماد اظہر کا کہنا تھا کہ ہمیں انوویٹو فنانس فورم جیسے پلیٹ فارم کی ضرورت ہے ،عالمی سطح پرسیکھنے، طریقوں اور معیار کے مطابق حل کی متلاشی ہیں، کانفرنس سے خطے کی بہترین مثالوں سے سیکھنے میں مدد ملے گی

وزیرمملکت اقتصادی امور نے کہا کہ ایس ایم ایز ملکی معیشت میں ریڑھ کی ہڈی کی حیثیت رکھتی ہیں، ملازمت کی فراہمی، برآمدات اور ملکی جی ڈی پی میں ایس ایم ایز کا حصہ خاطر خواہ ہے، اس سیکٹر کیلئے فنانسنگ کی سہولت بہتر بنا رہے ہیں، 2030 تک فنانسنگ کو سات فیصد سے بڑھا کر سترہ فیصد تک لایا جائے گا۔

مزید پڑھیں : اب ترقی کی منازل طے کرنے کا وقت آگیا ہے، حماد اظہر

ان کا کہنا تھا کہ بیروزگاری کے خاتمے کے لئے کامیاب جوان پروگرام شروع کیا جارہا ہے، وزیراعظم کو روز کی بنیاد پر معاشی صورت حال سے آگاہی دی جارہی ہے۔

یاد رہے چند روز قبل وفاقی وزیر حماد اظہر نے خطاب میں کہا تھا کہ حکومت پائیدار اور مستحکم اقتصادی ترقی کی بنیاد رکھ رہی ہے، بنیادی ڈھانچے اور سماجی ترقی میں سرمایہ کاری کی ضرورت ہے، منصوبوں کی تکمیل یقینی بنانے پر متحرک مانیٹرنگ نظام بنایا جا رہا ہے۔

حماد اظہر کا کہنا تھا 4 ماہ کا پرائمری بجٹ 280 ملین سرپلس ہے، 4 سال بعد پہلی مرتبہ جاری کھاتا سرپلس میں ہے، ریونیو 15فیصد سے بڑھ رہا ہے، ٹیکس فائلرز بڑھے ہیں ، اسٹاک مارکیٹ میں 10 ہزار پوانٹس کا اضافہ ہوا ہے، اب ترقی کی منازل طے کرنے کا وقت آگیا ہے۔

اسلام آباد: وفاقی وزیر برائے اقتصادی امور حماد اظہر کا کہنا ہے کہ گزشتہ حکومت کی غلط پالیسیوں کے باعث اقتصادی شعبے کو بڑا خسارہ برداشت کرنا پڑا۔

تفصیلات کے مطابق وفاقی وزیر برائے اقتصادی امور حماد اظہر نے کہا کہ پاکستان تحریک انصاف کی حکومت معیشت کو مضبوط بنانے کے لیے اقدامات کررہی ہے۔

انہوں نے کہا کہ اگلے مالی سال میں قومی معیشت میں بہتری کا رجحان نظر آنا شروع ہوجائے گا۔

وفاقی وزیر نے کہا کہ مسلم لیگ ن کی حکومت نے معیشت کو مصنوعی طریقے سے برقرار رکھا ہوا تھا، گزشتہ حکومت کی غلط پالیسیوں کے باعث اقتصادی شعبے کو بڑا خسارہ برداشت کرنا پڑا۔

حماد اظہر نے کہا کہ حکومت معیشت کی بحالی کے لیے ٹھوس اقدامات کررہی ہے اور ملک کے اقتصادی مسائل کے حل کے لیے ہرممکن کوشش کی جا رہی ہے۔

تاجربرادری کی بڑی تعداد نے ہڑتال رد کرکے حب الوطنی کا ثبوت دیا‘ حماد اظہر

یاد رہے کہ دو روز قبل حماد اظہر کا کہنا تھا کہ کاروبار کی ڈاکو منٹیشن کے لیے حکومت تاجر تنظیموں سے رابطے میں ہے، بات چیت سے تمام خدشات دور کریں گے۔

وفاقی وزیر حماد اظہر کا کہنا تھا کہ سسلین مافیا جسے منی لانڈرنگ ، جعلی کاغذات، رشوت اور ججز کو دباﺅمیں لانا ورثے میں ملا ہے۔ انہوں نے فیصلہ کیا ہے کہ وہ پاکستان میں ٹیکس چوری اور بلیک اکانومی کی حمایت جاری رکھیں گے۔

لاہور: وفاقی وزیر برائے اقتصادی امور حماد اظہر کا کہنا ہے کہ حکومت تاجروں سے رابطے میں ہے، بات چیت سے تمام خدشات دور کریں گے۔

تفصیلات کے مطابق وفاقی وزیر حماد اظہر نے پاکستان بھر میں کی جانے والی تاجروں کی ہڑتال کا بائیکاٹ کرنے اور پاکستان کا ٹیکس کلچر تبدیل کرنے میں حکومت کا ساتھ دینے والے تاجروں کو سراہا۔

حماد اظہر نے کہا کہ کاروبار کی ڈاکو منٹیشن کیلئے حکومت تاجر تنظیموں سے رابطے میں ہے۔تاجر برادری کی بڑی تعداد نے ہڑتال کی کال کو رد کر کے محب وطنی کا ثبوت دیا۔

انہوں نے کہا کہ بتایا کہ کاروبار کی ڈاکو منٹیشن کے لیے حکومت تاجر تنظیموں سے رابطے میں ہے، بات چیت سے تمام خدشات دور کریں گے۔

وفاقی وزیر حماد اظہر نے کہا کہ سسلین مافیا جسے منی لانڈرنگ ، جعلی کاغذات، رشوت اور ججز کو دباﺅمیں لانا ورثے میں ملا ہے۔ انہوں نے فیصلہ کیا ہے کہ وہ پاکستان میں ٹیکس چوری اور بلیک اکانومی کی حمایت جاری رکھیں گے۔

یاد رہے کہ گزشتہ روز فردوس عاشق اعوان کا کہنا تھا کہ ہمیں تاجروں کی مشکلات کو دیکھنا ہے اور حکومت اصلی تاجروں کو اپنا شراکت دار سمجھتی ہے ان کے لیے مذاکرات کے دروازے کھلے ہیں۔

فردوس عاشق اعوان کا کہنا تھا کہ ایک تاجر پیشہ جماعت سیاست میں آئی ہی اس لیے تھی کہ وہ تجارت کرسکیں۔