ہم میں سے کئی افراد ایسے ہیں جو عمر کے کسی نہ کسی حصے میں دیوار میں کیل ٹھونکتے ہوئے اپنی انگلیاں زخمی کر بیٹھتے ہیں، ایسے لوگوں کے لیے ایک حیران کن ویڈیو سامنے آئی ہے۔
ویڈیو شیئرنگ ایپ ٹک ٹاک پر ایک شخص نے ایک ویڈیو شیئر کی ہے۔
ویڈیو میں وہ شخص کہتا ہے کہ آج میں آپ کو ایسی چیز بتانے جارہا ہوں جو مجھے اپنی زندگی کے 30 سال تک معلوم نہیں تھی۔
انہوں نے کہا کہ کیل ٹھونکتے ہوئے ہتھوڑی کے پچھلے حصہ میں کیل کو پھنسایا جاسکتا ہے۔
اس کے بعد انہوں نے ہتھوڑی کے خمیدہ حصے میں کیل اٹکائی، اس کے بعد ہتھوڑی سے دیوار پر ضرب ماری تو کیل آسانی سے دیوار میں گڑ گئی۔
Did you know this? 😌
Via: TikTok/sidneyraz pic.twitter.com/6ARhEKTUE3
— Pulse Nigeria (@PulseNigeria247) February 15, 2023
ان کی یہ ویڈیو دیکھ کر سوشل میڈیا صارفین حیران رہ گئے۔
ایک صارف نے لکھا، کیا تمہارا مطلب ہے کہ اتنے سال تک میں بلاوجہ اپنی انگلیاں زخمی کرتا رہا؟
ایک اور صارف نے لکھا کہ میں 40 سال کا ہوگیا ہوں اور اب تک یہ نہیں جانتا تھا، میں اپنے زخمی انگوٹھے سے معذرت خواہ ہوں۔
ایک اور شخص نے اپنی تکلیف کا اظہار کرتے ہوئے کہا کہ ہر دفعہ ہتھوڑی کیل کا نشانہ چوک کر میری انگلی پر ضرب دے مارتی ہے۔
کیا آپ اس ٹرک کے بارے میں جانتے تھے؟
