ARYNews.tv | Urdu – Har Lamha Bakhabar

Tag: hamza shehbaz

  • نیب نے حمزہ شہباز اور سلمان شہباز کو آج طلب کر لیا

    نیب نے حمزہ شہباز اور سلمان شہباز کو آج طلب کر لیا

    لاہور: قومی احتساب بیورو(نیب) نے سابق وزیراعلیٰ پنجاب شہبازشریف کے بیٹوں حمزہ شہباز اور سلمان شہباز کو آج طلب کرلیا۔

    تفصیلات کے مطابق آمدن سے زائد اثاثوں‌ کے کیس میں‌ نیب نے حمزہ شہباز اور سلمان شہباز دونوں کو آج طلب کیا ہے، تفتیشی ٹیم ان سے سوالات کرے گی۔

    جسٹس باقر علی نجفی کی سربراہی میں گزشتہ روز لاہور ہائی کورٹ کے 2 رکنی بینچ نے حمزہ شہباز کی ضمانت قبل ازگرفتاری کی درخواست پرسماعت کی۔

    حمزہ شہبازنے درخواست میں موقف اختیار کیا تھا کہ سیاسی نوعیت کے مقدمے میں نیب کی جانب سے گرفتار کیے جانے کا خدشہ ہے، اس لیے ضمانت کی منظوری دی جائے۔

    درخواست گزار کا کہنا تھا کہ کسی قسم کے کرپشن کے الزامات ثابت نہیں ہوئے جبکہ نیب کی جانب سے بلائے جانے پرپیش ہوتا رہا ہوں۔

    لاہور ہائی کورٹ نے حمزہ شہباز کی 13 نومبر تک حفاظتی ضمانت منظور کرتے ہوئے نیب کو انہیں آئندہ سماعت تک گرفتار نہ کرنے کا حکم دیا تھا۔

    دوسری جانب شہازشریف کے صاحبزادے سلمان شہباز 28 اکتوبر کو لاہور ایئرپورٹ سے غیرملکی ایئرلائن کی پرواز کے ذریعے لندن روانہ ہوگئے تھے۔

    حمزہ اور سلمان شہبازنے نیب احکامات کی دھجیاں اڑا دیں

    واضح رہے کہ نیب کی جانب سے حمزہ شہباز اور سلمان شہباز کو 30 اکتوبر کو بھی طلب کیا گیا تھا، مگر حمزہ شہباز، سلمان شہباز نیب ٹیم کے سامنے پیش نہیں ہوئے تھے۔

  • رمضان شوگر مل کیس: حمزہ اور سلمان شہباز 30 اکتوبر کو نیب میں‌ طلب

    رمضان شوگر مل کیس: حمزہ اور سلمان شہباز 30 اکتوبر کو نیب میں‌ طلب

    اسلام آباد: رمضان شوگر مل کیس میں حکومتی خزانے سے ادائیگیوں کے معاملے پر اہم پیش رفت ہوئی ہے، جس کے بعد شریف خاندان کی مشکلات میں مزید اضافہ ہوگیا۔

    تفصیلات کے مطابق ملز کے ڈائریکٹرز حمزہ شہباز اور سلمان شہباز کو نیب نے 30 اکتوبرکوطلب کر لیا.

    [bs-quote quote=”نیب ذرائع کے مطابق رمضان ملز کے لئے مبینہ طورپر سرکاری خزانےسے چنیوٹ میں پل تعمیرکرایا ” style=”style-7″ align=”left”][/bs-quote]

    نیب ذرائع کے مطابق رمضان ملز کے لئے مبینہ طورپر سرکاری خزانےسے چنیوٹ میں پل تعمیرکرایا گیا.

    موصولہ اطلاعات کے مطابق پل تعمیر کرنے پر 20 کروڑ سے زائد اخراجات سرکاری فنڈز سے کئے گئے، شہبازشریف نے پل کی تعمیر کے لیے غیرقانونی طور پر احکامات جاری کیے۔

    تجزیہ کاروں کے مطابق رمضان شوگر ملز کیس میں ہونے والی اس پیش رفت کے بعد شریف خاندان کے گرد نیب کا گھیرا تنگ ہوگیا ہے۔ 

    مزید پڑھیں: شہباز شریف خواجہ آصف کے خلاف گواہی دے چکے ہیں: پرویز الہیٰ کا دعویٰ

    یاد رہے کہ اسپیکر  پنجاب اسمبلی چوہدری پرویزالہیٰ نے گذشتہ دونوں‌ دعویٰ‌ کیا تھا کہ شہباز شریف خواجہ آصف کے خلاف گواہی دے چکے ہیں.

    واضح رہے کہ شہباز شریف اس وقت نیب کے زیر حراست ہیں، انھیں اسپیکر کی جانب سے پرڈوکشن آرڈرز کے بعد قومی اسمبلی لیا گیا تھا، جہاں انھوں نے نیب پر سنگین الزامات لگائے تھے.

  • بھاشا ڈیم قومی معاملہ ہے، کالا باغ کی طرح سیاست کی نذر نہیں ہونا چاہیے، حمزہ شہباز

    بھاشا ڈیم قومی معاملہ ہے، کالا باغ کی طرح سیاست کی نذر نہیں ہونا چاہیے، حمزہ شہباز

    اسلام آباد : مسلم لیگ ن کے رہنما حمزہ شہباز شریف نے کہا ہے کہ دیامر بھاشا ڈیم قومی معاملہ ہے، کالا باغ کی طرح سیاست کی نذر نہیں ہونا چاہیے، پاکستان اور ڈیمز کے معاملے پر ہم سب اکٹھے ہیں۔

    یہ بات انہوں نے اسلام آباد میں سپریم کورٹ کے واٹر سمپوزیم میں شرکت کے موقع پر میڈیا سے گفتگو کرتے ہوئے کہی، حمزہ شہباز شریف نے کہا کہ سابق وزیر اعظم نوازشریف نے دیامربھاشا ڈیم کی48ہزار ایکڑ زمین خریدی، بھاشاڈیم سے16ہزار میگاواٹ بجلی بنے گی، یہ ڈیم 12ارب ڈالر کا منصوبہ ہے۔

    ان کا مزید کہنا تھا کہ کالا باغ ڈیم سیاست کی نذر ہوگیا، کالاباغ بن جاتا تو سستی بجلی پیدا ہوتی، دشمن ملک کہتا ہے کہ پاکستان کو پیاسا ماریں گے، دشمن جان لے کہ پاکستان اور ڈیمز کے معاملے پر ہم سب اکٹھے ہیں، سپریم کورٹ کا ڈیمز کی تعمیر کا اقدام خوش آئند ہے۔

    دیامربھاشا اور مہمند ڈیم کیلئے فنڈ کی تعمیر ضروری ہے، پانی کا مسئلہ اہم ہے، آئندہ نسلوں کیلئے پانی کے ذخائر بہت ضروری ہیں۔ پانی ایک انمول تحفہ ہے اس کی قدر کرنی ہے، ہم سب نے مل کر پانی کو ضائع ہونے سے بچانا ہے اور ڈیم بنانا ہے۔

    ان کا مزید کہنا تھا کہ میرے والد شہباز شریف کی کمر میں تکلیف تھی جس کی وجہ سے انہوں نے مجھے بھیجا، مجھے بطور قائد حزب اختلاف پنجاب اسمبلی شرکت کی دعوت بھی دی گئی تھی۔

    ایک سوال کے جواب میں ان کا کہنا تھا کہ دیامر بھاشا ڈیم قومی معاملہ ہے، سیاست کی نذرنہیں ہونا چاہیے، ن لیگ کے دور میں ملک سے اندھیرے دور ہوئے، نواز شریف نے اپنے دور میں ہزاروں ایکڑ زمین ڈیم کی تعمیر کیلئے خریدی۔

  • صاف پانی کرپشن اسکینڈل ، حمزہ شہباز کو دوبارہ طلب کرنے کا فیصلہ

    صاف پانی کرپشن اسکینڈل ، حمزہ شہباز کو دوبارہ طلب کرنے کا فیصلہ

    لاہور : نیب لاہور نے رکن پنجاب اسمبلی حمزہ شہباز کو دوبارہ طلب کرنے کا فیصلہ کر لیا، حمزہ شہباز پر الزام ہے کہ انہوں بغیر کسی عہدے کے صاف پانی کمپنی کی میٹنگ کی صدارت کی۔

    تفصیلات کے مطابق صاف پانی کرپشن اسکینڈل میں مزید پیش رفت سامنے آئی ہے، جس کے بعد نیب لاہور نے رکن پنجاب اسمبلی حمزہ شہباز کو دوبارہ طلب کرنے کا فیصلہ کیا ہے۔

    حمزہ شہباز پر الزام ہے کہ انہوں بغیر کسی عہدے کے صاف پانی کمپنی کی میٹنگ کی صدارت کی، حمزہ شہباز کی میٹنگ میں موجودگی سے منصوبے کے ٹھیکوں پر اثر انداز ہونے کے شواہد ملے ہیں۔

    ذرائع کے مطابق وسیم اجمل، قمر الاسلام اور دیگر گرفتار ملزمان کے بیانات سے بھی شواہد ملتے ہیں کہ حمزہ شہباز پلانٹ لگانے کے منصوبے پر اثر انداز ہوئے۔

    حمزہ شہباز اس سے قبل 18 مئی کو نیب لاہور میں صاف پانی کرپشن کیس کے حوالے سے پیش ہو چکے ہیں، جس کے بعد نیب نے حمزہ شہباز سے 13 مختلف سوالات کے جواب مانگتے ہوئے 24 مئی کو دوبارہ طلب کیا تھا۔

    یاد رہے گذشتہ ماہ کے آغاز میں صاف پانی کیس میں سابق چیف ایگزیکٹیوآفسر وسیم اجمل وعدہ معاف گواہ بننے کو تیار ہوگئے تھے اور مہنگے ٹھیکے دینے کا ذمہ دار شہباز شریف کو قرار دیا تھا۔

    خیال رہے کہ 25 جون کو نیب لاہور نے قمرالاسلام کو نیب لاہور نے راولپنڈی سے گرفتار کیا تھا ، ترجمان نیب کا کہنا تھا قمرالاسلام پر ایک ارب روپے سے زائد کرپشن کا الزام ہے جبکہ خوردبرد کے الزام میں صاف پانی کمپنی کے سابق سی ای او وسیم اجمل کو بھی گرفتار کرلیا گیا تھا۔

    واضح رہے صاف پانی کیس میں 4 ماہ قبل چیف جسٹس آف پاکستان میاں ثاقب نثار نے از خود نوٹس لے کر شہباز شریف کو عدالت میں پیش ہونے کا حکم دے دیا تھا اور انھوں نے عدالت کو تین ہفتوں میں صاف پانی کی فراہمی اور واٹر ٹریٹمنٹ کا منصوبہ پیش کرنے کی یقین دہانی کرائی تھی۔

  • آج افسوس سےکہتا ہوں کہ اس مینڈیٹ میں دھاندلی کی ملاوٹ ہے‘ حمزہ شہباز

    آج افسوس سےکہتا ہوں کہ اس مینڈیٹ میں دھاندلی کی ملاوٹ ہے‘ حمزہ شہباز

    لاہور: مسلم لیگ ن کے رہنما حمزہ شہبازشریف کا کہنا ہے کہ اقتدارآنی جانی چیزہے، ہمیں اقتدارکی کوئی خواہش نہیں ہے، ہماری خواہش ہے کہ پاکستان قائداعظم کا خوشحال پاکستان بنے۔

    تفصیلات کے مطابق پنجاب اسمبلی میں وزیراعلیٰ کا انتخاب ہارنے والے مسلم لیگ ن کے نامزد امیدوار حمزہ شہباز نے ایوان میں اظہار خیال کرتے ہوئے کہا کہ تیسری حکومت ہے جوجمہوری نظام کے تحت وجود میں آئی۔

    حمزہ شہبازکا کہنا تھا کہ آج افسوس سے کہتا ہوں کہ اس مینڈیٹ میں دھاندلی کی ملاوٹ ہے، جیت کسی اورکی نہیں بلکہ پاکستانی عوام کی ہونی چاہیے تھی۔

    مسلم لیگ ن کے رہنما کا کہنا تھا کہ الیکشن کمیشن کے پاس بہت زیادہ اختیارات ہیں، آرٹی ایس سسٹم نہیں بیٹھا تھا پاکستان کی جمہوریت پرشب خون مارا گیا تھا۔

    مسلم لیگ ن کے رہنما کا کہنا تھا کہ الیکشن کی رات ایک دم سے آرٹی ایس سسٹم بیٹھنے کی خبرآئی، لیکشن کمیشن نے21 ارب خرچ کیے، یہ عوامی پیسہ تھا میرا نہیں۔

    حمزہ شہباز کا کہنا تھا کہ دھاندلی کے شور میں جیت کی خوشی بہت ماند پڑگئی ہے، بہت سے ایسے حلقے ہیں جہاں جیت کا مارجن مسترد ووٹوں سے کم ہے۔

    پنجاب اسمبلی میں تقریر کے دوران حمزہ شہباز کا کہنا تھا کہ الیکشن نتائج دینے میں تاخیرہوئی، پاکستان کی تاریخ میں کبھی ایسا نہیں دیکھا۔

    مسلم لیگ ن کے رہنما کا کہنا تھا کہ پاکستان بھرسے تمام جماعتوں نے الیکشن میں دھاندلی کی بات کی، بیلٹ پیپر پولنگ بوتھ سے نہیں، نالوں اوراسکولزکی ڈیسکوں سے ملے۔

    حمزہ شہباز کا کہنا تھا کہ پاکستان کی تاریخ میں دھاندلی کی کبھی ایسی مثال نہیں دیکھی، آج پاکستان کوبہت سے چیلنجزکا سامناہے، ہمیں مل کربیٹھنا ہوگا۔

    تحریک انصاف کےعثمان بزدار وزیراعلیٰ پنجاب منتخب

    واضح رہے کہ پاکستان تحریک انصاف کے نامزد امیدوار عثمان بزدار پنجاب کے نئے وزیراعلیٰ منتخب ہوگئے۔

  • یہ ایسےالیکشن تھےجس میں جیت کا شورکم دھاندلی کا زیادہ ہے‘ حمزہ شہباز

    یہ ایسےالیکشن تھےجس میں جیت کا شورکم دھاندلی کا زیادہ ہے‘ حمزہ شہباز

    لاہور: مسلم لیگ ن کے رہنما حمزہ شہبازشریف کا کہنا ہے کہ صرف ن لیگ نہیں دیگرجماعتیں بھی دھاندلی کا کہہ رہی ہیں، دھاندلی کی تحقیقات کے لیے پارلیمانی کمیشن بننا چاہیے۔

    تفصیلات کے مطابق لاہور میں پنجاب اسمبلی کے باہرمیڈیا سے گفتگو کرتے ہوئے مسلم لیگ ن کے رہنما حمزہ شہبازنے کہا کہ ملک کوترقی کرنی ہے توالیکشن دھاندلی کی تحقیقات کرنا ہوگی۔

    انہوں نے سوال کیا کہ سوال اٹھتا ہےکہ آرٹی ایس نظام کیوں ٹھپ ہوگیا؟ صرف ن لیگ نہیں دیگر جماعتیں بھی دھاندلی کا کہہ رہی ہیں۔

    حمزہ شہباز کا کہنا تھا کہ صرف ن لیگ نہیں دیگرجماعتیں بھی دھاندلی کا کہہ رہی ہیں، دھاندلی کی تحقیقات کے لیے پارلیمانی کمیشن بننا چاہیے۔

    مسلم لیگ ن کے رہنما کا کہنا تھا کہ بہت سے حلقوں میں جیت کا مارجن کم ہے، مستردووٹ زیادہ ہیں، یہ ایسے الیکشن تھے جس میں جیت کا شورکم دھاندلی کا زیادہ ہے۔

    حمزہ شہباز کا یہ بھی کہنا تھا کہ انتخابات سے پہلے دھاندلی شروع ہوگئی، ہارس ٹریڈنگ پنجاب حکومت بننے سے پہلے شروع کی گئی۔

    مسلم لیگ ن کے رہنما کا کہنا تھا کہ کالی پٹیاں باندھ کراسمبلی میں جائیں گے، ہم کالی پٹیاں باندھ رہے ہیں لیکن چوڑیاں نہیں پہنیں۔

    ہمارے ووٹ پر گھات لگائی گئی تو اسمبلی نہیں چلنے دیں گے، حمزہ شہباز

    واضح رہے کہ تین روزقبل مسلم لیگ (ن) کے رہنما حمزہ شہبازکا کہنا تھا کہ اسمبلی کےاندر اور باہر اپنے ووٹ کی حفاظت کریں گے، اگر ہمارے ووٹ پر گھات لگائی گئی تو اسمبلی نہیں چلنے دیں گے۔

  • شہباز شریف اور حمزہ شہباز کاغذات نامزدگی میں کروڑ پتی نکلے

    شہباز شریف اور حمزہ شہباز کاغذات نامزدگی میں کروڑ پتی نکلے

    اسلام آباد : مریم نواز کے بعد مسلم لیگ ن کے صدر شہبازشریف اور ان کے بیٹے حمزہ شہباز کروڑں کے مالک نکلے، شہباز شریف 172 کنال اراضی کے مالک ہے۔

    تفصیلات کے مطابق الیکشن کمیشن میں جمع کروائے گئے دستاویزات نے بھانڈا پھوڑ دیا، مسلم لیگ ن کے صدر شہبازشریف کی نامزدگی فارم میں ظاہر اثاثوں کی تفصیلات سامنے آگئیں۔

    شہبازشریف ایک سو باہترکنال اراضی کےمالک جبکہ حمزہ اسپننگ ملز، حدیبیہ پیپر ملز سمیت پانچ ملز کے شیئر ہولڈر بھی ہیں جبکہ ان کے نام پر ایک لینڈ کروزر گاڑی بھی ہے۔

    مسلم لیگ ن کے صدر کی ایک اہلیہ کا نام تہمینہ جبکہ دوسری کا نصرت درانی ہے، شہباز شریف کا ایک کروڑ 14لاکھ 2 ہزار 694 کا بینک بیلنس ہے جبکہ وہ بینک کے 38 لاکھ 94 ہزار518 کے مقروض بھی ہیں۔

    دوسری جانب کاغذات نامزدگی میں چھوٹے میاں کروڑ پتی نکلے،حمزہ شہباز کے اثاثوں کی فہرست بھی طویل ہے، اثاثوں میں ایک سو پچپن کنال اور سولہ لاکھ اٹھاسی ہزار کے پرائزبانڈ ہیں۔

    حمزہ شہبازکا بینک بلینس تینتالیس لاکھ سترہ ہزار ہے جبکہ وہ اکیس ملز میں شیئر ہولڈر ہیں تاہم ان کے پاس کوئی گاڑی نہیں ہے۔

    گوشواروں میں حمزہ شہباز نے رابعہ اور مہرالنسا2 بیویاں ظاہر کیں ۔

    یاد رہے گزشتہ روز  سابق وزیر اعظم نواز شریف کی صاحبزادی مریم نواز کے کاغذات نامزدگی میں ان کی جائیداد کا ریکارڈ منظر عام پر آیا تھا، جس کے مطابق مریم نواز پاکستان میں 15 سو 6 کنال، ایک مرلہ زرعی زمین، چوہدری شوگر ملز، حدیبیہ پیپر ملز، حدیبیہ انجینیئرنگ اور حمزہ اسپننگ ملز کی مالک ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • چیف جسٹس نے حمزہ شہباز اور عائشہ احد میں صلح کرادی

    چیف جسٹس نے حمزہ شہباز اور عائشہ احد میں صلح کرادی

    لاہور : چیف جسٹس آف پاکستان نے حمزہ شہبازاورعائشہ احد میں صلح کرادی اور ان چیمبرسماعت میں فریقین میں راضی نامہ طے پاگیا،جس کے مطابق احمزہ شہباز اور عائشہ احدمقدمات واپس لےلیں گے،میڈیاپربیانات نہیں دیں گے۔

    تفصیلات کے مطابق سپریم کورٹ لاہور رجسٹری میں چیف جسٹس کی سربراہی میں عائشہ احدپرمبینہ تشدد کیس کی سماعت ہوئی ، حمزہ شہباز اور عائشہ احد عدالت میں ہیش ہوئے۔

    دوران سماعت چیف جسٹس نے کہا کہ آپ دونوں کا بزرگ بن کے تصفیہ کرانا چاہتا ہوں ، دونوں فریقین تصفیہ چاہتے ہیں توٹھیک ہے، تصفیہ نہیں چاہتے تو انکوائری کیلئے جے آئی ٹی تشکیل دیں گے، جے آئی ٹی میں آئی ایس آئی سمیت دیگر ایجنسیاں شامل ہوں گی۔

    جسٹس ثاقب نثار نے ریمارکس میں کہا کہ آپ پنجاب کے بااثرلوگ ہیں، اس لیے ایسے افسران شامل کریں گے، جے آئی ٹی رپورٹ میں جو حقائق سامنے آئے، اس پر فیصلہ کریں گے۔

    حمزہ شہباز نے عدالت کو بتایا کہ عائشہ احد سے شادی نہیں ہوئی،آٹھ سال سے جھوٹ بول رہی ہے، فیملی کورٹ میں کیس چلتا رہا مگرعائشہ احد کیس ثابت نہ کرسکیں۔

    جس پر عائشہ احد نے کہا کہ میری شادی حمزہ شہباز سے 2010میں ہوئی جس کے ثبوت ہیں، حمزہ شہباز نے مجھ پر اور بیٹی پر تشدد کرایا اور اب ہراساں کیا جارہا ہے۔

    حمزہ شہباز کے وکیل کے بلااجازت بولنے پر چیف جسٹس نے اظہار برہمی کرتے ہوئے کہا کہ آپ ابھی دونوں کے معاملے میں مت بولیں، آ پ کو ہر صورت عدالتوں کا احترام کرنا ہوگا، ہمیں عدلیہ کا احترام کرانا بھی آتا ہے۔

    چیف جسٹس نے دونوں فریقین کو چیمبر میں طلب کرلیا، جس کے بعد چیف جسٹس کے چیمبرمیں دونوں فریقین نے صلح کرلی اور حمزہ شہباز اور عائشہ احد کے درمیان راضی نامہ طے ہوگیا۔

    چیف جسٹس نے کہا کہ حمزہ شہباز اور عائشہ احد ایک دوسرے کے خلاف مقدمات واپس لے لیں گے، دونوں ایک دوسرے کے خلاف میڈیا پر بیانات بھی نہیں دیں گے جبکہ عدالت نے سختی کے ساتھ پابند کیا کہ جن شرائط پر راضی نامہ ہوا اسے ہرگزمنظرعام پر نہیں لایا جائے گا۔

    یاد رہے گذشتہ روز چیف جسٹس نثار نے مسلم لیگ ن کے رہنما و سابق ایم این اے حمزہ شہباز اور اُن کی اہلیہ کو سپریم کورٹ لاہور رجسٹری طلب کیا تھا ، اپنے ریمارکس میں اُن کا کہنا تھا کہ حمزہ شہباز اگر لاہور میں ہیں تو کل عدالت میں پیش ہوں۔

    اس سے قبل عائشہ احد کو دھمکیاں دینے سے متعلق کیس میں چیف جسٹس نے درخواست میں نامزد ملزمان کے خلاف آج ہی مقدمہ درج کرنے کا حکم دیا تھا اور آئی جی پنجاب کو تحفظ فراہم کرنے کی ہدایت کی تھی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں

  • عائشہ احد کی حمزہ شہبازکےخلاف ایک اورمقدمےکی درخواست

    عائشہ احد کی حمزہ شہبازکےخلاف ایک اورمقدمےکی درخواست

    لاہور: عائشہ احد نے شہبازشریف کے صاحبزادے حمزہ شہباز اور داماد علی عمران کے خلاف جنوبی چھاؤنی تھانے میں درخواست جمع کرا دی۔

    تفصیلات کے مطابق عائشہ احد نے حمزہ شہباز کے خلاف ایک اوراغوا کے مقدمے کے لیے درخواست تھانہ جنوبی چھاؤنی میں جمع کروا دی۔

    عائشہ احد کی جانب سے اغوا کے مقدمے کی درخواست میں شہباز شریف کے بیٹے حمزہ شہباز اور داماد علی عمران کو بھی نامزد کیا گیا ہے۔

    درخواست کے متن کے مطابق حمزہ شہبازنے دھوکے سے عزیزآباد کے ایک مکان میں بلوایا اور علی عمران کے ساتھ مل کر سادہ کاغذات پردستخط کے لیے مجبورکیا۔

    عائشہ احد کے مطابق حمزہ شہبازنے انہیں حبس بے جامیں رکھا اورجان سے مارنے کی کوشش کی اور دستخط سے انکار پر زدوکوب کیا گیا۔

    درخواست میں عائشہ احد نے کہا ہے کہ حمزہ شہباز کی جانب سے میری بیٹی کوجان سے مارنےکی دھمکی دی گئی اور مجھ سے موبائل فون اورجیولری بھی چھین لی گئی۔

    درخواست کے متن کے مطابق سرورنامی ڈرائیورحمزہ شہبازسے ملا ہوا تھا، رات بھر حمزہ شہباز اورعلی عمران تشدد کرتے رہے، اگلے روز مشکل سے جان بچا کر مکان سے نکلنے میں کامیاب ہوئی۔

    چیف جسٹس کےحکم پرحمزہ شہباز کےخلاف مقدمہ درج

    یاد رہے کہ دو روز قبل چیف جسٹس میاں ثاقب نثار کے حکم پر7 سال بعد حمزہ شہبازشریف سمیت 6 افراد کے خلاف عاشہ احد پرتشدد کا مقدمہ تھانہ اسلام پورہ میں درج کیا گیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • نیب نے حمزہ شہباز کو 24 مئی کو دوبارہ طلب کرلیا

    نیب نے حمزہ شہباز کو 24 مئی کو دوبارہ طلب کرلیا

    لاہور: وزیر اعلیٰ پنجاب شہباز شریف کے صاحبزادے حمزہ شہباز صاف پانی کرپشن اسکینڈل میں آج نیب میں پیش ہوئے تھے، ذرائع کے مطابق نیب نے حمزہ شہباز کو 24 مئی کو دوبارہ طلب کرلیا ہے۔

    تفصیلات کے مطابق مسلم لیگ ن کے رہنما حمزہ شہباز صاف پانی کرپشن اسکینڈؒل آج پیش ہوئے تھے، نیب نے حمزہ شہباز سے 13 مختلف سوالات کے جواب مانگتے ہوئے 24 مئی کو دوبارہ طلب کرلیا ہے۔

    نیب کی تین رکنی ٹیم میں ڈپٹی ڈائریکٹر انویسٹی گیشن، ڈپٹی ڈائریکٹر پراسیکیوشن اور ڈپٹی ڈائریکٹر انٹلی جنس نے حمزہ شہباز سے پوچھ گچھ کی۔

    جن کا دامن صاف ہوتا ہے وہ کسی چیز سے گھبراتے نہیں ہیں، حمزہ شہباز

    نیب کو بیان ریکاڈ کرانے کے بعد میڈیا سے گفتگو کرتے ہوئے حمزہ شہباز کا کہنا تھا کہ کوئی قانون سے بالاتر نہیں اور ہمارا دامن صاف ہے۔

    انہوں نے کہا کہ بے نظیر بھٹو کے دور میں جب 18 سال کا تھا تب 6 ماہ جیل کاٹنا پڑی، مشرف دور میں دس سال نیب کے دفتر کے سامنے بیٹھتا رہا، ہم قانون کا احترام کریں گے اس وقت بھی سرخرو ہوئے تھے آج بھی ہوں گے، نیب کی ٹیم نے سوال کئے قانون کی پاسداری میں جواب دئیے.

    حمزہ شہباز نے کہا کہ پاکستان نے آگے جانا ہے، بروقت انتخابات کا انعقاد بڑی کامیابی ہے، اورنج لائن ٹرین شروع ہوگئی ہے، پشاور میں دھول اڑ ہی ہے، عمران خان کے دائیں بائیں قرضہ معاف کرانے والے لوگ ہیں، عام انتخابات میں اصل احتساب پاکستان کے عوام کریں گے، جن کا دامن صاف ہوتا ہے وہ کسی چیز سے گھبراتے نہیں ہیں۔

    یہ پڑھیں: صاف پانی کمپنی اسکینڈل، نیب نے حمزہ شہباز کو طلب کرلیا

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں