ARYNews.tv | Urdu – Har Lamha Bakhabar

Tag: Hania Aamir

  • ہانیہ عامر دنیا کی 10 خوبصورت ترین اداکاراؤں کی فہرست میں شامل

    ہانیہ عامر دنیا کی 10 خوبصورت ترین اداکاراؤں کی فہرست میں شامل

    (15 اگست 2025): پاکستان کی معروف اداکارہ ہانیہ عامر 2025 کے لیے دنیا کی دس خوبصورت ترین اداکاروں کی فہرست میں شامل ہیں۔

    انٹرنیٹ مووی ڈیٹا بیس(آئی ایم ڈی بی) نے دنیا کی خوبصورت ترین اداکاراؤں کی 2025 کی فہرست جاری ہے  جس میں پاکستان کی ڈمپل گرل ہانیہ عامر کا نام بھی شامل ہے۔

    اس فہرست میں بھارت، چین اور پاکستان کی ایک ایک اداکارہ کے ساتھ ساتھ کئی دیگر مقبول ترین اداکارہ بھی شامل ہیں، یہ اداکارائیں نہ صرف خوبصورتی بلکہ اپنی اداکاری کی وجہ سے بھی پسند کی جاتی ہیں۔

    آئی ایم ڈی بی کی ورلڈ 2025 کی سب سے خوبصورت اداکاراؤں کی فہرست میں میک کینا گریس کا نام سرفہرست ہے، وہ ایک امریکی اداکارہ ہے جس نے گفٹڈ اور گھوسٹ بسٹرز: آفٹر لائف جیسی فلموں میں اپنی اداکاری سے سامعین کو متاثر کیا۔

    اس لسٹ میں دوسرے نمبر پر امریکی اداکارہ شیلنی وڈلے ہے، تیسرے نمبر پر چینی اداکارہ دلرابا دلمورت اور چوتھے نمبر پر جنوبی کوریا کی اداکارہ نینسی مکڈونی کو رکھا گیا ہے۔

    دنیا کی 10 خوبصورت ترین اداکاراؤں کی فہرست میں پانچویں نمبر پر بالی ووڈ اداکارہ کرتی سنن ہیں جو اس فہرست میں واحد بھارتی اداکارہ ہیں، اس فہرست میں ہانیہ عامر کو دنیا کی چھٹی خوبصورت اداکارہ قرار دیا۔

    پاکستان کی ڈمپل گرل ہانیہ عامر نے اس فہرست میں بالی ووڈ کی مقبول ترین اداکارہ امبر ہرڈ اور ایما واٹسن جیسی اداکاراؤں کو حسن میں پیچھے چھوڑ دیا۔

    اس فہرست میں ساتویں نمبر پر آنا دی آرمس، آٹھویں نمبر پر اداکارہ و پروڈیوسر ایما واٹسن، نویں نمبر پر ہالی ووڈ اداکارہ امبر ہرڈ جبکہ دسویں نمبر پر ترک اداکارہ و ماڈل ہاندے آرچل ہے جو اپنی فلموں کی وجہ سے کافی مقبول ہیں۔

  • ہانیہ اور دلجیت کی فلم ’سردار جی 3‘ پاکستان سمیت دنیا بھر میں ریلیز

    ہانیہ اور دلجیت کی فلم ’سردار جی 3‘ پاکستان سمیت دنیا بھر میں ریلیز

    پاکستان کی ڈمپل گرل ہانیہ عامر اور بھارتی اداکار دلجیت دوسانجھ کی نئی فلم سردار جی 3 کو آج پاکستان سمیت دنیا بھر میں ریلیز کردیا گیا ہے۔

    پاکستانی اداکارہ ہانیہ عامر اور دلجیت دوسانجھ کو ایک ساتھ دیکھنے کے لیے شائقین کا انتظار ختم ہوگیا، کامیڈی، فینٹسی اور ہارر سے بھرپور بھارتی پنجابی فلم سردار جی 3 پاکستان سمیت دنیا بھر میں آج ریلیز کی جائے گی۔

    فلم آج برطانیہ، امریکا، کینیڈا، مڈل ایسٹ اور دیگر ممالک میں سنیما گھروں کی زینت بنے گی تاہم حالیہ پاک بھارت کشیدگی اور پاکستانی فنکاروں کی موجودگی کے باعث بھارت میں فلم کی نمائش پر پابندی ہے۔

    کچھ دن قبل فلم کا ٹریلر ریلیز ہوا تو بھارتی میڈیا اور سوشل میڈیا پر بھارتی صارفین نے دلجیت دوسانجھ کو خوب تنقید کا نشانہ بنایا۔

    گزشتہ روز سندھ، پنجاب اور وفاق، تینوں پاکستانی سنسر بورڈز نے فلم کو پاکستانی سینماؤں میں نمائش کی اجازت دے دی، فلم کو ملک بھر کے سنیما گھروں میں ریلیز کرنے کا سینسر سرٹیفکیٹ مل گیا۔

    اداکارہ ہانیہ عامر نے بھی اپنی انسٹاگرام اسٹوری پر فلم کا ایک پوسٹر شیئر کیا، جس میں بتایا گیا کہ ’سردار جی 3‘، ملک بھر کے سینماؤں میں ریلیز کی جائے گی۔

    ہانیہ عامر کی جانب سے شیئر کیے گئے پوسٹر میں پاکستان کے کئی بڑے سینماؤں جن میں سینی پیکس، نیوپلیکس سینماز (کراچی)، کیو سینماز (لاہور)، سینٹورس سینی پلیکس (اسلام آباد) سمیت دیگر شامل ہیں۔

    سردار جی 3 ایک کامیڈی، فینٹسی اور ہارر سے بھرپور فلم ہے، اس میں دلجیت دوسانجھ کو ایک ایسے کردار میں دکھایا گیا ہے جو بھوتوں کا پیچھا کرتا ہے۔

    فلم کی کہانی برطانیہ میں ایک آسیب زدہ حویلی کے گرد گھومتی ہے، جہاں دلجیت، ہانیہ عامر، نیرو، گلشن گروور، جسمین اور دیگر فنکار ناصر چنیوٹی، سلیم البیلا اور دانیل خاور کے ہمراہ ایک مہم پر نکلتے ہیں۔

    https://urdu.arynews.tv/sardaar-ji-3-cleared-for-release-in-pakistan/

  • ’میں بالی ووڈ میں کام کرنا بھی نہیں چاہتا‘ دلجیت دوسانجھ کی ویڈیو وائرل

    ’میں بالی ووڈ میں کام کرنا بھی نہیں چاہتا‘ دلجیت دوسانجھ کی ویڈیو وائرل

    پاکستانی اداکارہ ہانیہ عامر کے ساتھ فلم میں کام کرنے پر جہاں بھارتی گلوکار اور اداکار دلجیت دوسانجھ کو سخت مخالفت کا سامنا ہے۔

    معروف پنجابی اداکار و گلوکار دلجیت دوسانجھ اپنی نئی فلم سردار جی 3 کے ٹریلر کی ریلیز کے بعد فلم انڈسٹری میں موجود ہندوانتہا پسندوں کے نشانے پر آگئے ہیں، بھارت اور پاکستان کے بیچ تنائو کی صورتحال میں ان پر پاکستانی نوازی کا الزام عائد کیا گیا ہے۔

    پاکستانی اسٹار ہانیہ عامر اور دلجیت کی فلم سردار جی 3 کا ٹریلر ریلیز ہونے کے بعد فلم بھارت کی آل انڈیا سینی ورکرز ایسوسی ایشن (اے آئی سی ڈبلیو اے) اور فیڈریشن آف ویسٹرن انڈیا سینی ایمپلائز (ایف ڈبلیو آئی سی ای) نے دلجیت دوسانجھ اور فلم کے پروڈیوسرز کا بائیکاٹ کرنے کی دھمکی دی ہے اور بھارت میں فلم کی آئندہ ریلیز کے تمام منصوبے روکنے کے عزم کا اظہار بھی کیا ہے۔

    تاہم اسی دوران پنجابی اداکار گلوکار کا ایک پرانا انٹرویو انٹرنیٹ پر دوبارہ منظر عام پر آیا ہے وائرل ہونے والی ویڈیو میں دلجیت نے موسیقی سے اپنی محبت کا اظہار کیا اور کہا کہ وہ خود کو بالی ووڈ اسٹار کے طور پر قائم کرنے کے بجائے گلوکاری جاری رکھیں گے اور اس کے لیے انہیں کسی کی منظوری کی ضرورت نہیں۔

     

    View this post on Instagram

     

    A post shared by BritAsia TV (@britasiatv)

    دوسانجھ کو انٹرویو میں یہ کہتے ہوئے سنا جا سکتا ہے "میں بالی ووڈ میں کام کرنا بھی نہیں چاہتا، مجھے ایک عظیم بالی ووڈ اسٹار بننے کی کوئی خواہش نہیں ہے”۔

    انہوں نے کہا کہ "مجھے موسیقی پسند ہے، اور میں کسی کی اجازت یا کسی بڑے اسٹار کی منظوری یا نام منسلک کیے بغیر موسیقی بنانا جاری رکھ سکتا ہوں۔ مجھے یہ سوچنے کی ضرورت نہیں ہے کہ، اوہ اس شخص کا کام بک جائے گا، اس کو گانا ملے گا، وہ نہیں ملے گا”۔

    دلجیت دوسانجھ اور ہانیہ عامر کی ’سردار جی 3‘ کا ٹریلر بھارت میں یوٹیوب پر بلاک

    ہانیہ عامر اور دلجیت کی فلم ’سردار جی تھری‘ کا گانا ریلیز

    دلجیت نے مزید کہا کہ "مجھے موسیقی بنانے سے کوئی نہیں روک سکتا۔ جب تک مجھے ایسا لگتا ہے کہ میں کام کرسکتا ہوں تو، میں موسیقی تخلیق کرتا رہوں گا۔ اور جب تک خدا چاہے گا، میں گانے بناؤں گا، چاہے مجھے بالی ووڈ میں کام ملے یا نہ ملے”۔

    واضح رہے کہ فلم کی ٹیم نے اعلان کیا کہ ’سردار جی تھری‘ کو بھارت کے علاوہ بیرونِ ممالک میں 27 جون کو ریلیز کیا جائے گا۔

  • بھارت میں’سردار جی 3‘ پر تنازع، دلجیت دوسانجھ کا بیان سامنے آگیا

    بھارت میں’سردار جی 3‘ پر تنازع، دلجیت دوسانجھ کا بیان سامنے آگیا

    بھارتی پنجابی فلم ’سردار جی 3‘ پر بھارتی فلم سازوں کے شدید ردعمل کے بعد دلجیت دوسانجھ کا مؤقف بھی سامنے آگیا ہے۔

    معروف پنجابی اداکار و گلوکار دلجیت دوسانجھ اپنی نئی فلم سردار جی 3 کے ٹریلر کی ریلیز کے بعد فلم انڈسٹری میں موجود ہندوانتہا پسندوں کے نشانے پر آگئے ہیں، بھارت اور پاکستان کے بیچ تنائو کی صورتحال میں ان پر پاکستانی نوازی کا الزام عائد کیا گیا ہے۔

    پاکستانی اسٹار ہانیہ عامر اور دلجیت کی فلم سردار جی 3 کا ٹریلر ریلیز ہونے کے بعد فلم میکر اشوک پنڈت نے کہا کہ دلجیت ہمیشہ پاکستانی اسٹارز کو بڑھاوا دیتے ہیں۔

    بھارت کی آل انڈیا سینی ورکرز ایسوسی ایشن (اے آئی سی ڈبلیو اے) اور فیڈریشن آف ویسٹرن انڈیا سینی ایمپلائز (ایف ڈبلیو آئی سی ای) نے دلجیت دوسانجھ اور فلم کے پروڈیوسرز کا بائیکاٹ کرنے کی دھمکی دی ہے اور بھارت میں فلم کی آئندہ ریلیز کے تمام منصوبے روکنے کے عزم کا اظہار بھی کیا ہے۔

    تاہم حال ہی میں دلجیت دوسانجھ نے بی بی سی ایشیا کو انٹرویو دیا، جس میں انہوں نے فلم کو بیرونِ ملک ریلیز کرنے کے فیصلے پر ردعمل دیتے ہوئے کہا کہ جب میں نے یہ فلم سائن کی، اُس وقت بھارت اور پاکستان کے تعلقات بہت بہتر تھے۔

     

    View this post on Instagram

     

    A post shared by Galaxy Lollywood (@galaxylollywood)

    بھارتی پنجابی گلوکار کا کہنا تھا کہ فلم کی شوٹنگ فروری میں ہوئی تھی، اُس وقت بھی حالات ٹھیک تھے، مگر فروری کے بعد کچھ ایسے واقعات پیش آئے جو ہمارےکنٹرول میں نہیں تھے۔

    دلجیت دوسانجھ کا کہنا تھا کہ فلم کے پروڈیوسرز نے فیصلہ کیا ہے کہ اس فلم  کو بیرونِ ملک ریلیز کریں گے، کیونکہ اس پر بہت پیسہ لگ چکا ہے، پروڈیوسرز اگر یہ فلم اوورسیز ریلیز کرنا چاہتے ہیں تو میں ان کے ساتھ ہوں۔

    دلجیت کا کہنا تھا کہ پروڈیوسر کے دماغ میں ہے اور انہیں پہلے ہی پتا ہے کہ فلم سردار جی 3 کے بھارت میں ریلیز نہ ہونے کی وجہ سے نقصان ہوگا کیوں کہ بھارت میں

  • ہانیہ عامر اور دلجیت کی فلم ’سردار جی تھری‘ کا گانا ریلیز

    ہانیہ عامر اور دلجیت کی فلم ’سردار جی تھری‘ کا گانا ریلیز

    پاکستان شوبز انڈسٹری کی معروف اداکارہ ہانیہ عامر کی آنے والی بھارتی پنجابی فلم ’سردار جی تھری‘ کا گانا ’سوہنی لگدی‘ ریلیز کردیا گیا۔

    سردار جی 3 ایک بھارتی پنجابی فلم ہے اس فلم میں پاکستان کی اداکارہ ہانیہ مرکزی کردار ادا کررہی ہیں، اس فلم میں دلجیت دوسانجھ، نیرو باجوہ، ناصر چنیوٹی، اور دیگر مشہور پنجابی اداکاروں سمیت شاندار کاسٹ شامل ہیں۔

    اس فلم کی شوٹنگ برطانیہ میں ہوئی، پاک بھارت کشیدگی کے بعد مداحوں کو خدشہ تھا کہ فلم سے ہانیہ عامر کا حصہ ہٹا دیا گیا ہے لیکن سردار جی 3 کے آفیشل ٹریلر نے اس خدشے کو ختم کردیا، فلم 27 جون کو بیرون ملک ریلیز کے لیے تیار ہے۔

    تاہم اب اس فلم کے  گانے ’سوہنی لگدی‘ کو ریلیز  کیا گیا ہے، گانے میں ہانیہ عامر اور دلجیت دوسانجھ کو رومانوی انداز میں دکھایا گیا ہے اور مداحوں کو دونوں کی جوڑی بے حد پسند آرہی ہے۔

    گانے کی شاعری ظفر سندھو نے لکھی ہے جب کہ اس کی موسیقی مکس سنگھ نے ترتیب دی ہے، ’سوہنی لگدی‘ کو دلجیت دوسانجھ نے گایا ہے، گانے میں ہانیہ عامر کو ساڑھی جب کہ دلجیت دوسانجھ کو روایتی پنجابی لباس میں دیکھا جاسکتا ہے۔

    گانے کی ویڈیو 23 جون کو ریلیز کی گئی اور شائقین نے ہانیہ اور دلجیت دوسانجھ کی جوڑی کو خوب سراہا جارہا ہے، گزشتہ دنوں فلم کا ٹریلر ریلیز کیا گیا جس میں پاکستانی اداکارہ کی موجودگی نے ان کے مداحوں میں خوشی کی لہر دوڑا دی۔

    دلجیت دوسانجھ اور ہانیہ عامر کی ’سردار جی 3‘ کا ٹریلر بھارت میں یوٹیوب پر بلاک

    ٹریلر کے ساتھ فلم کی ٹیم نے اعلان کیا کہ ’سردار جی تھری‘ کو بھارت کے علاوہ بیرونِ ممالک میں 27 جون کو ریلیز کیا جائے گا۔

  • ہانیہ اور یشما کی وائرل ویڈیو نے تہلکہ مچادیا

    ہانیہ اور یشما کی وائرل ویڈیو نے تہلکہ مچادیا

    پاکستان شوبز انڈسٹری کی معروف اداکارہ ہانیہ عامر اور یشما گل کی ایک دوسرے کو انگوٹھی پہنانے کی ویڈیو سوشل میڈیا پر وائرل ہوگئی۔

    اداکارہ ہانیہ عامر اور یشما گِل پاکستان شوبز انڈسٹری کی معروف دوستیں ہیں جنہیں اکثر اوقات ایک دوسرے کے ساتھ ملتے جلتے اور ہلہ گلہ کرتے دیکھا جاتا ہے جبکہ دونوں نے اپنے کیریئر کا آغاز ایک ہی وقت میں کیا تھا۔

    اداکارہ یشما گل اور ہانیہ عامر دونوں سوشل میڈیا پر کافی متحرک رہتی ہیں، وہ اکثر اپنی ذاتی زندگی کے حسین لمحات اپنے مداحوں کے ساتھ شیئر کرتی رہتی ہیں۔

    تاہم حال ہی میں ان کی ایک ویڈیو منظر عام پر آئی جس میں دونوں ایک دوسرے کو مذاق میں انگوٹھی پہناتی نظر آرہی ہیں جبکہ یشما یہ کہتی ہوئی سنائی دیتی ہیں کہ اب ہانیہ میری ہیں۔

    یہ ویڈیو جیولری شاپ کی ہے جہاں دونوں شاپنگ کے لیے آئی تھی، ویڈیو جیسے ہی سوشل میڈیا پر وائرل ہوئی تو صارفین نے انہیں خوب تنقید کا نشانہ بنایا۔

    ایک صارف نے کمنٹ میں لکھا کہ یشما ہانیہ کے ساتھ رہنے کی بہت کوشش کر رہی ہے ایک اور صارف کا کہنا تھا کہ ہر جگہ شروع ہوجاتی ہیں۔

    https://urdu.arynews.tv/hania-aamir-gifts-yashma-gill/

  • ہانیہ عامر اور آفیسر شبانہ کی ملاقات کی ویڈیو وائرل

    ہانیہ عامر اور آفیسر شبانہ کی ملاقات کی ویڈیو وائرل

    پاکستان شوبز انڈسٹری کی معروف اداکارہ ہانیہ عامر کی آفیسر شبانہ سے ملاقات کی ویڈیو سوشل میڈیا پر وائرل ہوگئی۔

    ہانیہ عامر پاکستان کی سب سے مشہور اداکاراؤں میں سے ایک ہیں، جو کہ کبھی میں کبھی تم سمیت متعدد کامیاب ڈراموں میں اپنے کام کے لیے جانی جاتی ہیں۔

    سوشل میڈیا پر ان کی بہت بڑی فین فولوونگ ہے، انسٹاگرام کے 18.1 ملین مداحوں کے ساتھ سب سے زیادہ فولو کی جانے والی اداکارہ میں شامل ہیں مداح اداکارہ  کی خوبصورت شخصیت اور غیر معمولی اداکاری کی مہارت کو پسند کرتے ہیں۔

    حال ہی میں امریکی خاتون اونیجا روبنسن کی حفاظت پر مامور آفیسر شبانہ نے اداکارہ ہانیہ عامر سے ملاقات کی ہے جس کی ویڈیو سوشل میڈیا پر تیزی سے وائرل ہورہی ہے۔

     

    View this post on Instagram

     

    A post shared by Galaxy Lollywood (@galaxylollywood)

    ویڈیو میں دیکھا جاسکتا ہے کہ ہانیہ پہلے شبانہ کو گلے لگاتی ہیں اور پھر پوچھتی ہیں کہ آپ وہ شبانہ ہیں، آپ بہت اچھی ہیں، ساتھ ہی آفیسر شبانہ نے بھی کہا کہ مجھے آپ سب سے ملاقات کرکے اچھا لگا۔

    واضح رہے کہ اونیجا اینڈریو رابنسن 2024 کے اختتام پر ایک پاکستانی لڑکے کی مبینہ محبت میں پاکستان آئی تھیں، جہاں وہ چند ماہ قیام کے بعد فروری کے اختتام پر واپس امریکا روانہ ہوگئی تھیں۔

    امریکا پہنچنے کے بعد انہوں نے ایک انٹرویو میں سندھ پولیس کی خاتون افسر شبانہ جیلانی کے لیے نیک خواہشات کا اظہار کرتے ہوئے ان کی دل کھول کر تعریف کی۔

    اونیجا کا کہنا تھا کہ شبانہ نہایت اچھی پولیس افسر تھیں، جنہوں نے ان کی خدمت اور دیکھ بھال میں کوئی کسر نہ چھوڑی۔

    انٹرویو کے دوران اونیجا نے اپنا وائرل ہونے والا ڈائلاگ ’آئی لو شبانہ‘ بھی دہرایا، یہ ڈائلاگ سوشل میڈیا پر بے حد وائرل ہوا، جس پر ٹک ٹاکرز کی جانب سے درجنوں ویڈیوز بھی بنائی گئیں۔

  • فیکٹ چیک: ہانیہ عامر کے نام سے منسوب پہلگام واقعے سے متعلق پوسٹ کی حقیقت سامنے آگئی

    فیکٹ چیک: ہانیہ عامر کے نام سے منسوب پہلگام واقعے سے متعلق پوسٹ کی حقیقت سامنے آگئی

    پاکستان شوبز انڈسٹری کی معروف اداکارہ ہانیہ عامر کے نام سے منسوب پہلگام واقعے سے متعلق پوسٹ کی حقیقت سامنے آگئی۔

    گزشتہ دنوں اداکارہ ہانیہ عامر کے نام سے انسٹاگرام پوسٹ کا اسکرین شاٹ وائرل ہوا تھا، جس میں بتایا گیا تھا کہ بھارت پہلگام میں ہونے والے واقعے کی سزا عام پاکستانیوں کو نہ دے۔

    پوسٹ کے الفاظ اور جملوں سے ہی اندازہ ہوجاتا ہے کہ وہ اداکارہ الفاظ اور خیالات نہیں، علاوہ ازیں ہانیہ کے نام سے وائرل پوسٹ کے اسکرین شاٹ میں نظر آنے والی پروفائل تصویر سے بھی واضح ہوتا ہے کہ وہ ان کی جانب سے کی گئی پوسٹ نہیں۔

    لیکن اس کے باوجود سوشل میڈیا بالخصوص بھارتی سوشل میڈیا پر اداکارہ کی پوسٹ وائرل ہورہی تھی جس سے اداکارہ کے مداحوں میں غم و غصے کی لہر دوڑ گئی تاہم اب ہانیہ عامر نے وائرل پوسٹ کی حقیقت بیان کردی ہے۔

    اداکارہ ہانیہ عامر نے آفیشل اکاؤنٹ سے جاری ایک اسٹوری میں لکھا کہ حال ہی میں میرے نام سے ایک بیان منسوب کیا گیا جو سوشل میڈیا پر تیزی سے پھیل رہا ہے۔

    "میں واضح طور پر کہتی ہوں کہ یہ بیان جھوٹا ہے، میرا اس سے کوئی تعلق نہیں، نہ میں ایسی باتوں کی تائید کرتی ہوں اور نہ یہ میرے نظریات کی نمائندگی کرتا ہے، یہ ایک نہایت حساس اور دکھ بھرا وقت ہے، اس کو سیاسی رنگ دینا اور الزامات کی سیاست کرنا صرف نفرت کو بڑھاتا ہے”

    اداکارہ نے مزید لکھا کہ مداحوں کو مخاطب کرتے ہوئے اداکارہ نے مزید کہا کہ آپ کی محبت میرے لیے بہت اہم ہے، میں آپ سب سے بہت پیار سے کہہ رہی ہوں کہ کسی بھی پوسٹ کو شیئر کرنے سے پہلے ایک بار سچائی کو جانچ لیں۔

  • ہانیہ عامر ’سردار جی 3‘ میں کس کردار میں نظر آئیں گی؟ ناصر چنیوٹی نے بتا دیا

    ہانیہ عامر ’سردار جی 3‘ میں کس کردار میں نظر آئیں گی؟ ناصر چنیوٹی نے بتا دیا

    پاکستانی شوبز انڈسٹری کی معروف اداکارہ ہانیہ عامر کی دلجیت کے ہمراہ بالی ووڈ فلم میں کردار سے متعلق تفصیلات سامنے آگئی۔

    ہانیہ عامر اور دلجیت دوسانجھ پاکستان اور بھارت کی دو بڑی مشہور شخصیات میں سے ہیں، پاکستانی اداکارہ کی بھارت میں زبردست فین فالوونگ ہے، جب کہ دلجیت دوسانجھ کو پاکستان میں پسند کیا جاتا ہے۔

    دونوں اس وقت سرخیوں میں آئے جب ہانیہ نے برطانیہ میں دلجیت دوسانجھ کے کنسرٹ میں شرکت کی جہاں گلوکار نے اداکارہ کو اسٹیج پر مدعو کیا، یہ لمحہ تمام سوشل میڈیا پلیٹ فارمز پر وائرل ہو گیا، اور شائقین مستقبل میں ان کے تعاون کی خواہش کرنے لگے۔

    تاہم اب شائقین کی یہ خواہش بھی پوری ہوگئی کیوں کہ گزشتہ چند ماہ سے خبریں ہیں کہ ہانیہ عامر بھارتی پنجابی فلم ’سردار جی تھری‘ میں دلجیت دوسانجھ کے ہمراہ نظر آئیں گی۔

    اب حال ہی میں تجربے کار پاکستانی اداکار ناصر چنیوٹی نے اس بات کی تصدیق کرتے ہوئے بتایا ہے کہ سردار جی 3 میں میرے ساتھ پاکستان کی سُپر اسٹار ہانیہ عامر بھی ہیں۔

    انہوں نے بتایا ہے کہ ہانیہ کسی سائیڈ رول میں نہیں بلکہ فلم کے اہم کردار میں نظر آئیں گی، ہیرؤئن کا بھی کبھی کوئی سائیڈ رول ہوتا ہے؟ میں اس بارے میں زیادہ نہیں بتا سکتا لیکن ہانیہ عامر باکمال اداکارہ ہیں، انہوں نے بہت اچھا کام کیا ہے۔

    ناصر چنیوٹی کا کہنا تھا کہ فلم دیکھنے والوں کے لیے یہ سرپرائز ہو گا کہ ہانیہ پنجابی بولیں گی، سب یہی کہیں گے کہ اتنی اچھی پنجابی بولتی ہیں، انہوں نے پنجابی میں اداکاری کر کے سب کو حیران کر دیا ہے۔

     

    View this post on Instagram

     

    A post shared by Galaxy Lollywood (@galaxylollywood)

  • ہانیہ عامر بھارت میں کام کرکے اپنا وقت ضائع کر رہی ہیں، نادیہ خان

    ہانیہ عامر بھارت میں کام کرکے اپنا وقت ضائع کر رہی ہیں، نادیہ خان

    پاکستان سمیت بھارت میں مقبول پاکستانی اداکارہ ہانیہ عامر سے متعلق ٹی وی شو میزبان نادیہ خان نے اپنی رائے کا اظہار کیا ہے۔

    ہانیہ عامر کی اگر بات کی جائے تو انہیں پاکستان میں انسٹاگرام پر سب سے زیادہ فالو کیا جاتا ہے، جبکہ بھارت میں بھی ان کے چاہنے والوں کی بڑی تعداد موجود ہے۔

    ہانیہ سے متعلق خبریں سامنے آرہی ہیں کہ وہ جلد بین الاقوامی شہرت یافتہ بھارتی اداکار و گلوکار دلجیت دوسانجھ اور اداکارہ سونم باجوہ کے ہمراہ پنجابی فلم میں کام کریں گی۔

    نادیہ خان نے ہانیہ کے بھارت میں کام کرنے پر اپنی رائے کا اظہار کرتے ہوئے کہا کہ ہانیہ بھارت میں پی آر کے ذریعے فلمیں کرکے اپنا وقت ضائع کر رہی ہیں۔

    نادیہ خان نے ہانیہ کو مشورہ دیتے ہوئے کہا کہ انہیں بھارت میں محنت اور وقت ضائع کرنے کے بجائے کہیں اور لگانا چاہیے، انہیں پاکستان میں کام کرنا چاہئے، جہاں انہیں بے حد پسند کیا جاتا ہے اور پاکستان میں ہی ان کے اصل چاہنے والے موجود ہیں۔

    نادیہ نے مزید کہا کہ آپ سب کو معلوم ہے کہ ماضی میں پاکستانی فنکاروں کے ساتھ بھارت میں کیا ہوتا رہا ہے، اب بھارت میں ہانیہ کی فلم مکمل ہونے سے قبل ہی اس پر پابندی لگانے جیسے مطالبات آنا شروع ہوگئے ہیں۔

    عالیہ بھٹ نے شادی کی تیسری سالگرہ پر خوبصورت تصویر شیئر کردی

    نادیہ کا مزید کہنا تھا کہ سجل علی بھی صرف ایک فلم کرکے واپس پاکستان لوٹ گئی تھیں، میرا کہنا ہے کہ ہانیہ عامر بھی وہاں اتنا وقت نہ لگائیں تو اچھا ہے۔