ممبئی: بالی ووڈ اداکار شاہ رخ خان نے کہا ہے کہ میری نئی فلم ہیپی نیو ایئر کامیابی سے ہمکنار ہوگی ، مردوں کے معاشرے میں ایک عورت ذہانت اور ہنر کے ساتھ ہی کامیاب ہو سکتی ہے۔
اداکار شاہ رخ خان نے اپنے حالیہ انٹرویو میں کہا کہ وہ فلمساز فرح خان کے ساتھ متعدد فلمیں کر سکے ہیں ، جن میں میں ہوں نا اور اوم شانتی اوم شامل ہیں، حال میں انہوں نے انکے ساتھ فلم ہیپی نیو ایئر کی ہے۔
انہوں نے کہا کہ فلموں کی کامیابی کیلئے اچھی کہانی اور اچھی کاسٹنگ ضروری ہے تاکہ فلم کامیابی حاصل کر سکے ، یہ ضروری نہیں کہ کسی سٹار کی وجہ سے فلم کامیاب ہو اس میں تمام اداکاروں کی محنت شامل ہوتی ہے ۔