ہری پور: ضمنی انتخاب میں شیر بلے پر بازی لے گیا، نون لیگ کے بابر نواز پی ٹی آئی کے راجہ عامر کو پچھاڑنے میں کامیاب ہوگئے۔
این اے انیس کے ضمنی انتخاب کےغیر حتمی غیر سرکاری نتائج کے مطابق پی ٹی آئی کے راجہ عامر زمان کو نون لیگ کے بابر نواز کے ہاتھوں شکست ہوگئی، راجہ عامر زمان ستاسی ہزارسات سو تیس ووٹ حاصل کرکے دوسرے نمبر پررہے۔
ضمنی انتخاب کیلئے حلقے میں پانچ سو تیرہ پولنگ اسٹیشنز قائم کیے گئے تھے، ہری پور میں ضمنی انتخاب کے موقع پر سیکورٹی کے سخت ترین انتظامات کیے گئے تھے، دن بھر پولیس اور قانون نافذ کرنے والے ادارے کسی بھی ناخوشگوار واقعہ سے نمٹنے کیلئے ہائی الرٹ رہے۔
ہری پور ضمنی انتخاب میں پاکستان میں پہلی مرتبہ بائیو میڑک سسٹم کے تحت ووٹنگ کا تجربہ کیا گیا۔
یاد رہے کہ این اے 19 پرپی ٹی آئی کے راجہعامر زمان نے مسلم لیگ ن کے امیدوارعمرایوب کی فتح کو چیلنج کیا تھا جس پرسپریم کورٹ نے عمرایوب کو ڈی سیٹ کرکے دوبارہ الیکشن کے انعقاد کا حکم دیا تھا۔
