Tag: Harvard University

واشنگٹن: امریکا کے صدر ڈونلڈ ٹرمپ نے ہارورڈ یونیورسٹی کے ساتھ اپنے تنازعے کو اور تیز کر دیا ہے، اور کہا ہے کہ اسے غیر ملکی طلبہ کے اندراج کو محدود کرنا ہوگا، اور حکومت کے ساتھ اپنے بین الاقوامی طلبہ کے بارے میں معلومات کا تبادلہ کرنا ہوگا۔

ڈونلڈ ٹرمپ نے بدھ کے روز وائٹ ہاؤس میں صحافیوں سے کہا ہارورڈ یونیورسٹی ہمیں اپنی فہرستیں دکھائے، کہ ان کے پاس کتنے غیر ملکی طلبہ ہیں، یہ ان کے طلبہ کا تقریباً 31 فی صد ہیں، ہم جاننا چاہتے ہیں کہ وہ طلبہ کہاں سے آتے ہیں، کیا وہ پریشانی پیدا کرنے والے ہیں؟ وہ کن ممالک سے آئے ہیں؟

واضح رہے کہ یونیورسٹی کے اندراج کے اعداد و شمار کے مطابق غیر ملکی طلبہ ہارورڈ کے ٹوٹل طلبہ کا 27 فی صد بنتے ہیں۔ تاہم ٹرمپ نے کہا ’’میرے خیال میں ان کے پاس 15 فی صد کی حد ہونی چاہیے، نہ کہ 31 فی صد۔‘‘

امریکی کمپنیاں چین کو مصنوعات فروخت نہ کریں، ٹرمپ انتظامیہ کا حکم

انھوں نے مزید کہا کہ وہ چاہتے ہیں کہ یونیورسٹیاں ایسے لوگوں کو قبول کریں جو ہمارے ملک سے محبت کرنے والے ہیں۔ ہارورڈ ہمارے ملک کے ساتھ انتہائی بے عزتی کے ساتھ برتاؤ کر رہا ہے، اور وہ اپنا طرز عمل درست کرنے کی بجائے مزید گہرائی میں اتر رہے ہیں۔

امریکی میڈیا کے مطابق اسٹیٹ ڈپارٹمنٹ ہارورڈ سے وابستہ تمام ویزا ہولڈرز کا جائزہ لے رہا ہے، امریکی وزیر خارجہ مارکو روبیو نے اعلان کیا ہے کہ امریکا پر تنقید کرنے والوں کو ویزا نہیں دیا جائے گا۔ انھوں نے کہا آج نئی ویزا پابندیوں کا اعلان کر رہے ہیں، امریکیوں کے حقوق کو نقصان پہنچانے والوں کو اپنے ملک میں نہیں آنے دیں گے۔

واشنگٹن: ٹرمپ انتظامیہ نے ہارورڈ یونیورسٹی کا ٹیکس استثنیٰ ختم کرنے کا حکم دے دیا۔

غیر ملکی میڈیا رپورٹس کے مطابق ٹرمپ انتظامیہ نے آئی آر ایس (انٹرنل ریونیو سروس) کو ہارورڈ یونیورسٹی کا ٹیکس استثنیٰ ختم کرنے کا حکم دے دیا ہے۔

سی این این نے بدھ کو اس معاملے سے واقف دو ذرائع کا حوالہ دیتے ہوئے رپورٹ کیا کہ یو ایس انٹرنل ریونیو سروس یونیورسٹی کی ٹیکس سے مستثنیٰ حیثیت کو منسوخ کرنے کا منصوبہ بنا رہی ہے۔

صدر ڈونلڈ ٹرمپ پہلے ہی ہارورڈ یونیورسٹی کی 2 ارب ڈالر سے زائد وفاقی گرانٹ منجمد کر چکے ہیں، یونیورسٹی نے انتظامی امور میں ٹرمپ انتظامیہ کے احکامات ماننے سے انکار کیا ہے۔

ہارورڈ یونیورسٹی یہود دشمنی پر معافی مانگے، ترجمان وائٹ ہاؤس

صدر ٹرمپ نے گزشتہ رور ٹروتھ سوشل پر اپنی ایک پوسٹ میں دھکمی دی تھی کہ، اگر ہارورڈ یونیورسٹی کی انتظامیہ ادارہ چلانے کے انداز کو تبدیل کرنے اور مطالبات کو نہیں مانتی اور معافی نہیں مانگتی، تو یونیورسٹی کی ٹیکس سے مستثنیٰ حیثیت ختم کر دی جائے گی۔

واضح رہے کہ وائٹ ہاؤس نے امریکا کی قدیم ترین یونیورسٹی سے مطالبہ کیا ہے کہ وہ ملازمتوں، داخلوں اور تدریسی طریقوں میں تبدیلیاں لائے تاکہ کیمپس میں یہود دشمنی سے لڑنے میں مدد ملے، ٹرمپ نے آتے ہی وفاقی فنڈز روکنے کی دھمکی دے کر اعلیٰ یونیورسٹیوں کو نئی شکل دینے پر زور دیا ہے، یہ یونیورسٹیاں زیادہ تر تحقیق کے لیے مختص ہیں۔