ARYNews.tv | Urdu – Har Lamha Bakhabar

Tag: Hawaii

  • امریکی جزیرے میں لگی آگ سے مرنے والوں کی تعداد 89 ہو گئی، لوگوں کی بے خبری کی وجہ بھی سامنے آ گئی

    امریکی جزیرے میں لگی آگ سے مرنے والوں کی تعداد 89 ہو گئی، لوگوں کی بے خبری کی وجہ بھی سامنے آ گئی

    ہوائی: امریکی ریاست ہوائی کے جزیرے ماوی میں لگی آگ نے تباہی مچا دی، مرنے والوں کی تعداد 89 تک پہنچ گئی۔

    امریکی میڈیا کے مطابق ہوائی کے جزیرے ماوی میں جنگل کی تباہ کن آگ سے مرنے والوں کی تعداد 89 تک پہنچ گئی ہے، حکام کا خیال ہے کہ یہ ریاست کی تاریخ کی سب سے مہلک آفت ہے۔

    جمعہ کی صبح ہوائی کے گورنر جوش گرین نے کہا کہ تقریباً 1,000 افراد کی تلاش اور بازیابی کی کوششیں جاری ہیں جن کا ابھی تک کوئی پتا نہیں ہے۔

    اب تک آگ سے سیکڑوں مکانات اور عمارتیں مکمل طور پر جل کر تباہ ہو چکی ہیں، جزیرے کا تاریخی سیاحتی مرکز لہینہ بھی 80 فی صد تک جل گیا ہے، جہاں آگ سے ہونے والی تباہی بدستور جاری ہے اور 1,700 سے زیادہ عمارتیں اور اربوں ڈالر کی املاک تباہ ہو گئی ہیں۔

    رپورٹس میں کہا جا رہا ہے کہ اب تک صرف عمارتوں کے باہر لوگوں کی تلاش کا کام ممکن ہو سکا ہے، اور عمارتوں کے اندرونی حصوں کی تلاش کے لیے امدادی ٹیموں کا انتظار ہے، جن میں مردہ افراد کی تلاش کرنے والے کتے بھی شامل ہیں۔

    بتایا جا رہاہے کہ شاید بجلی اور سیل فون سروس کی عدم دستیابی کی وجہ سے لوگوں کو بروقت خطرے سے آگاہی کے پیغامات موصول نہ ہوئے ہوں، جس کی وجہ سے وہ بے خبر رہے۔

  • امریکا میں طویل عرصے سے مقیم میاں بیوی روسی جاسوس نکلے

    امریکا میں طویل عرصے سے مقیم میاں بیوی روسی جاسوس نکلے

    واشنگٹن: امریکا میں کئی سالوں سے جعلی ناموں سے مقیم ایک جوڑے کے بارے میں انکشاف ہوا ہے کہ وہ روسی خفیہ ایجنسی کے جی بی کا ملازم ہے، پولیس نے دونوں کو گرفتار کرلیا۔

    بین الاقوامی میڈیا رپورٹ کے مطابق امریکا میں کئی دہائیوں سے جعلی ناموں کے ساتھ رہنے والے ایک جوڑے کو گرفتار کیا گیا ہے۔

    جمعے کو گرفتار ہونے والا یہ جوڑا فوت ہو جانے والے بچوں کے چوری کیے گئے ناموں کے ساتھ امریکہ میں مقیم تھا، اس جوڑے پر شناخت کی چوری اور حکومت کے خلاف سازش کرنے کا الزام عائد کیا گیا ہے۔

    والٹر پرائمروز اور ان کی اہلیہ گیوین موریسن دونوں 1955 میں پیدا ہوئے تھے، دستاویزات کے مطابق جوڑے کے گھر کی تلاشی کے دوران روس کی خفیہ ایجنسی کے بی جی کی وردی میں ملبوس جوڑے کی ایک پرانی تصویر سامنے آئی۔

    ایک فیڈرل جج نے جمعرات کو شوہر کے فرار ہو جانے کا خطرے کے پیش نظر اسے مسلسل حراست میں رکھنے کا حکم دیا جبکہ اہلیہ اگلے ہفتے جج کے سامنے پیش ہوں گی۔

    فرد جرم کے مطابق اس جوڑے نے 1970 کی دہائی میں ٹیکسس میں ایک ساتھ تعلیم حاصل کی اور 1980 میں وہیں شادی کی، نامعلوم وجوہات کی بنا پر 1987 میں انہوں نے بابی فورٹ اور جولی مونٹیگ کی شناخت اختیار کی۔

    یہ برسوں پہلے انتقال کر جانے والے بچوں کے نام تھے جو وہاں قریبی قبرستان میں دفن ہیں۔

    اس جوڑے نے 1988 میں فرضی شناخت کے تحت دوبارہ شادی کی، 1994 میں بابی فورٹ کوسٹ گارڈ میں شامل ہوا جہاں اس نے 20 سال تک خدمات انجام دیں، بعد ازاں اس نے محکمہ دفاع کے کنٹریکٹر کے طور پر کام شروع کر دیا۔

    ان برسوں کے دوران اس جوڑے نے اپنی غلط شناخت کے تحت متعدد سرکاری دستاویزات حاصل کیں جن میں ڈرائیونگ لائسنس اور کئی پاسپورٹ شامل ہیں۔

    اگرچہ فرد جرم میں ان پر جاسوسی کا الزام نہیں ہے لیکن ان کی ضمانت کی مخالفت میں دائر کی گئی دستاویز ایک پیچیدہ کیس کی نشاندہی کرتی ہے۔

    وفاقی پراسیکیوٹر کلیئر کونرز نے کہا کہ ایف بی آئی نے جوڑے کے نام خطوط ضبط کیے ہیں جو بوبی، جولی، والٹر یا گیوین کے علاوہ بھی کئی ناموں سے حوالہ دیتے ہیں، وہ متعدد عرفی نام استعمال کر رہے ہیں۔

    کونرز نے کہا کہ موریسن کے ایک رشتہ دار نے ایف بی آئی کے اہلکاروں کو بتایا کہ وہ رومانیہ میں اس وقت مقیم تھی جب وہ کمیونسٹ بلاک کا حصہ تھا۔

    پراسیکیوٹر نے بتایا کہ والٹر پرائمروز کو اپنے تمام غیر ملکی سفروں کی اطلاع دینی تھی لیکن وہ کینیڈا کے اپنے کئی دوروں کے بارے میں بتانے میں ناکام رہا تھا۔

    موریسن کے وکیل میگن کاؤ کا کہنا ہے کہ ان کے مؤکل نے الزامات کی تردید کی ہے۔

  • ساحل پر شادی کی تقریب کا دل دہلا دینے والا انجام، ویڈیو وائرل

    ساحل پر شادی کی تقریب کا دل دہلا دینے والا انجام، ویڈیو وائرل

    ہوائی: امریکا میں ایک ساحل پر کھلے میں شادی کی تقریب کا دل دہلا دینے والا انجام ہوا، جب بلند و بالا لہروں نے سب کچھ تہس نہس کر دیا، واقعے کی ویڈیو بھی وائرل ہو گئی ہے۔

    تفصیلات کے مطابق امریکی ریاست ہوائی میں سمندر کی لہریں اچانک اتنی بلند ہو گئیں کہ 2 منزلہ مکان کو بھی ڈھانپ لیا، اتنی بلند لہروں نے لوگوں کو حیران کر دیا۔

    بلند لہروں کی دو حیران کر دینے والی ویڈیوز سوشل میڈیا پر وائرل ہوئی ہیں، جن میں سے ایک شادی کی تقریب کی ہے اور دوسری ساحل پر بنے مکانوں کی ہے۔

    ہفتے کو ہوائی کے بگ آئی لینڈ پر ساحل پر دلہن ریلے کارسن مرفی اور دلہے ڈیلن مرفی مہمانوں کے ساتھ اپنی شادی کی تقریب میں موجود تھے کہ اچانک سمندر کی لہریں بپھرگئیں۔

    طوفانی لہروں نے تقریب کے انتظامات کو تہس نہس کر کے رکھ دیا، دلہن نے بعد ازاں انسٹاگرام پر کہا کہ ان کی شادی کا کیک خوش قسمتی سے بچ گیا تھا، اور لہروں نے تقریباً آدھی ریسپشن برباد کر دی تھی۔

    دوسری طرف انھی خوف ناک لہروں نے ایک دو منزلہ مکان کو بھی ڈھانپ لیا جسے دیکھ کر لوگ دہشت زدہ ہو گئے، اتنی بلند لہریں دیکھ کر ان کے اوسان خطا ہو گئے تھے۔

    بلند لہروں کی وجہ سے مکینوں کو وہاں سے نقل مکانی کرنی پڑ گئی، واضح رہے کہ یہ ڈربی نامی سمندری طوفان کی لہریں تھیں جسے کیٹیگری تھری کا طوفان قرار دیا گیا ہے۔

  • امریکا میں‌ طیارہ حادثے کا شکار، 11 کرتب باز ہلاک

    امریکا میں‌ طیارہ حادثے کا شکار، 11 کرتب باز ہلاک

    واشنگٹن : امریکا میں فضائی کرتب بازوں کو لے جانے والا طیارہ حادثے کا شکار ہوگیا جس کے نتیجے میں 11 افراد ہلاک ہوگئے۔

    عالمی میڈیا کے مطابق امریکی ریاست ہوائی میں فضائی کرتب بازوں کو لے جانے والے ہوائی جہاز میں اچانک آگ بھڑک اُٹھی اور دیکھتے ہی دیکھتے آگ نے پورے طیارے کو اپنی لپیٹ میں لے لیا جس کے بعد طیارہ ہچکولے کھاتے ہوئے زمین بوس ہوگیا۔

    طیارہ ہوائی کے ایک جزیرے پر گرا اور زمین پر گرتے ہی ملبے کا ڈھیر بن گیا، اس میں سوار تمام مسافر موقع پر ہی ہلاک ہوگئے جن کی لاشیں ناقابل شناخت ہوگئی ہیں۔ ہلاک ہونے والوں میں پائلٹ کے سوا تمام مسافر فضائی کرتب باز تھے۔

    چلی میں چھوٹا طیارہ گھر پر گِر کر تباہ، چھ افراد ہلاک

    خیال رہے کہ رواں برس اپریل میں امریکی شہر چلی میں چھوٹا طیارہ برقی تاروں سے ٹکرانے کے باعث ایک گھر پر گر کر تباہ ہوگیا تھا ، حادثے کے نتیجے میں چھ افراد ہلاک ہوئے تھے۔

    حادثے کا شکار ہونے والا چھوٹا طیارہ چلی کے دارالحکومت سین تیاگو کے نزدیکی علاقے کے ایئرپورٹ سے اڑا اور ٹیک آف کے کچھ دیر بعد ہی بجلی کی طیاروں سے ٹکرا کر ایک گھر پر گرگیا۔

    امریکا: مسافر بردار طیارہ حادثے کا شکار، 1 مسافر ہلاک، 7 زخمی

    یاد رہے کہ گزشتہ برس امریکی فضائی کمپنی کے مسافر بردار طیارے کی امریکی شہر فلاڈیلیفیا میں انجن پھٹنے کے باعث ہنگامی لینڈنگ ہوئی تھی جس کے نتیجے میں ایک مسافر خاتون ہلاک جبکہ سات مسافر زخمی ہوگئے تھے۔

  • ریچھ سےجان بچا کرشارک کےجبڑوں میں پھنسنےوالا بدقسمت نوجوان

    ریچھ سےجان بچا کرشارک کےجبڑوں میں پھنسنےوالا بدقسمت نوجوان

    ہوائی : امریکی ریاست ہوائی میں سرفنگ کے دوران نوجوان کو شارک نے اپنے خونخوار جبڑوں کا نشانہ بنایا جس کے نتیجے میں نوجوان زخمی ہوگیا۔

    تفصیلات کے مطابق ہوائی کے آئی لینڈ کائوائی کی سمندری حدود میں سرفنگ کرنے والا نوجوان اس وقت بال بال بچ گیا جب ایک خونخوار شارک نے اس پرحملہ کردیا۔ اس واقعے میں ڈیلن مک ویلیمس نامی نوجوان کی ٹانگ زخمی ہوگئی۔

    ڈیلن مک ویلیمس نے میڈیا سے بات کرتے ہوئے بتایا کہ سرفنگ کے دوران جب شارک مچھلی نے مجھ پرحملہ کیا تو میں شدید خوف زدہ ہوگیا۔

    انہوں نے کہا کہ وہ بہت خوش قسمت ہیں کہ وہ نا صرف شارک کا شکار بننے سے محفوظ رہے بلکہ سرفنگ بورڈ کے ساتھ تیر کر واپس ساحل تک پہنچنے میں بھی کامیاب رہے۔

    ڈیلن مک ویلیمس کا کہنا تھا کہ گزشتہ سال گرمیوں میں وہ کولوراڈو کے کیمپ میں بطور انسٹرکٹر کے فرائض انجام دے رہے تھے کہ اس دوران وہ ریچھ کا شکار بننے سے بال بال بچے تھے۔

    کولوراڈو سے تعلق رکھنے والے نوجوان کا کہنا تھا کہ گزشتہ سال انہیں سانپ نے کاٹ لیا تھا جس کے بعد وہ کچھ عرصہ بیمار رہے تھے۔

    بھارتی خاتون کو تیراکی مہم کے دوران قاتل شارک نے نگل لیا

    خیال رہے کہ گزشتہ سال 14 دسمبر کو کوسٹا ریکا میں 49 سالہ بھارتی خاتون کو ٹائیگر شارک اس وقت نشانہ بنایا تھا جب وہ گروپ کے 18 ممبران کے ہمراہ سمندر کی تہہ میں تیراکی کر رہی تھیں شارک نے خاتون کے جسم کا کچھ کھانے بعد کے لاش کو چھوڑ دیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔