تحریک انصاف کی رہنما شیریں مزاری نے کہا ہے کہ پوری قوم بلٹ پروف شیشوں کی اوٹ میں چھپے شیروں کودیکھ رہی ہے۔
ایک بیان میں شیریں مزاری نے کہا کہ ہزارہ کے عوام نے نوز شریف کو روانگی کا پیغام دیدیا ہےن لیگ کی جانب سے قومی خزانے سے عوام کو خریدنے کی کوشش ناکام ہوگئی۔
گورنر،ڈپٹی اسپیکر،وفاقی وزرا اورایم این ایز ملکر کر چند ہزارلوگ ہی اکٹھا کرسکے۔ انہوں نے کہا کہ تبدیلی کی ہوا پورے زورسے چل رہی ہے اورہرگزرتا دن حکمرانوں کے لئے مایوسی کا پیغام لائے گا۔
حویلیاں : وزیراعظم نوازشریف کاپٹرول کی قیمت میں نو روپےچھیاسٹھ پیسےکمی کااعلان،قوم بدتمیزی کاسبق سکھانےوالوں کودوہزاراٹھارہ کےالیکشن میں سزاد گی۔
تفصیلات کے مطابق حویلیاں میں ہزارہ موٹروے کے سنگ بنیاد کےبعد جلسےسےخطاب کرتے ہوئے وزیراعظم نوازشریف نے پیٹرول کی قیمت میں مزید نو روپے چھیاسٹھ پیسےکمی کا اعلان کردیا۔
کمی کے بعد پیٹرول کی قیمت دوہزار آٹھ کی سطح پر آجائے گی،نواز شریف نے کہا کہ دھرنے والوں نے معیشت کو تباہ کیا ہم معیشت کو بہتر بنا رہے ہیں۔
انہوں نے کہا کہ اب یہاں اپنے کئے گئے وعدے کے مطابق یہاں یونیورسٹی بھی قائم کی جائے گی،انہوں نے کہا کہ آئندہ ماہ کراچی تا لاہور موٹر وے کا افتتاح کیا جائے گا۔
انہوں نے کہا کہ دھرنوں میں نوجوانوں کو بد تمیزی کا سبق سکھایا جاتا ہے۔ آئندہ الیکشن میں قوم ان لوگوں کو مسترد کر دے گی ۔
ایبٹ آباد: وزیراعظم نوازشریف نے ہزارہ موٹرووے کا سنگِ بنیادرکھ دیا ہے۔
نوازشریف ایبٹ آباد پہنچ گئے جہاں انہوں نے حویلیاں کوپشاور سے ملانے کے لئے ہزارہ موٹرووے کا سنگِ بنیاد رکھا۔ موٹرووے ساٹھ کلومیٹرطویل ہوگی جبکہ اس پربتیس لاکھ روپے کی لاگت آئے گی۔
منصوبے پر پاک چین راہداری منصوبہ کے تحت کام جاری ہے۔ موٹروے بننے سے اسلام آباد سے حویلیاں تک کا سفر آدھے گھنٹے میں طے کیا جا سکےگا۔
اسلام آباد: ایک طرف ملک میں دھرنوں کی سیاست جاری ہے تو دوسری طرف وزیراعظم پاکستان میاں نوازشریف مختلف منصوبوں کا سنگ بنیاد رکھ رہے ہیں، وزیر اعظم آج ہزارہ موٹر وے منصوبے کا سنگ بنیاد رکھیں گے، جہاں وہ جلسہ عام سے خطاب بھی کریں گے۔
پاکستان کی سیاست کے رنگ ہی نرالے ہیں، ایک طرف پاکستان تحریک انصاف کے دھرنوں نے سیاست میں بے چینی پھیلائی ہوئی ہے تو دوسری طرف پاکستان کے وزیراعظم میاں محمد نوازشریف نومبر کا تقریبا پورا ہی مہینہ غیر ملکی دوروں میں گزارنے کے بعد اب مختلف ملکی منصوبوں کا سنگ بنیاد ر کھ رہے ہیں۔ وزیر اعظم نواز شریف آج ہزارہ موٹر وے منصوبے کا سنگ بنیاد رکھیں گے۔
ترجمان وزیراعظم ہاوس کے مطابق منصوبہ 18 ماہ میں مکمل ہو گا، افتتاحی تقریب حویلیاں ایبٹ آباد میں ہو گی۔ منصوبہ پر پاک چین راہداری منصوبہ کے تحت ہزارہ موٹروے پر کام جاری ہے۔ 60 کلو میٹر طویل 4 لین پر مشتمل ہزارہ موٹر وے پر 31 ارب روپے لاگت آئے گی، موٹر وے کی تعمیر سے اسلام آباد سے حویلیاں تک کا سفر 30 منٹ میں طے کیا جا سکے گا۔ موٹر وے کی تعمیر سے حویلیاں ڈرائی پورٹ منصوبے کی اہمیت بڑھ جائے گی۔