ARYNews.tv | Urdu – Har Lamha Bakhabar

Tag: HBL

  • شیرشاہ دھماکا: بینک عملے کے کتنے افراد متاثر ہوئے؟

    شیرشاہ دھماکا: بینک عملے کے کتنے افراد متاثر ہوئے؟

    کراچی: شہر قائد کے علاقے شیر شاہ میں دھماکے کے نتیجے میں بینک عملے کے 10 افراد متاثر ہوئے ہیں۔

    تفصیلات کے مطابق حبیب بینک لمیٹڈ کے ترجمان علی حبیب نے کہا ہے کہ پراچہ چوک عمارت دھماکے میں بینک کے دس افراد زخمی ہوئے ہیں۔

    انھوں نے بتایا اس عمارت میں بینک طویل عرصے قائم ہے، یہ جگہ کرائے پر لی گئی تھی، اور ہر ماہ کرائے کی ادائیگی کی جاتی ہے۔ ترجمان نے کہا کہ دس متاثرہ افراد میں کوئی خاتون شامل نہیں ہے، ابھی ہم مزید تفصیلات جمع کر رہے ہیں۔

    کراچی: شیر شاہ میں دھماکا، 14 افراد جاں بحق

    واضح رہے کہ آج کراچی میں شیرشاہ پراچہ چوک کے قریب دھماکا ہوا، جس سے عمارت کو شدید نقصان پہنچا، پولیس کے مطابق دھماکے میں 14 افراد جاں بحق، 12 زخمی ہوئے، متاثرہ عمارت دو منزلہ تھی اور نالے پر تعمیر کی گئی تھی، جس میں بینک اور دیگر دفاتر بھی موجود تھے۔

    شیرشاہ دھماکا: نالے میں گرنے والا کیمیکل کہاں سے آتا ہے؟

    ملبے کے نیچے لوگوں کے دبے ہونے کا خدشہ ہے، امدادی کارروائیاں جاری ہیں، جائے وقوعہ پر بھاری مشینری کی مدد سے ملبہ ہٹانے کا کام شروع کر دیا گیا ہے۔

    بی ڈی ایس حکام کا دھماکے کے بارے میں کہنا تھا کہ یہ نالے میں گیس بھر جانے کی وجہ سے ہوا، کے ایم سی کیماڑی حکام نے بتایا ہے کہ شیرشاہ نالے میں سائٹ ایریا کی فیکٹریوں کا کیمیکل آ کر گرتا ہے۔

  • دفاعی چیمپئن ہونےکا کوئی دباؤ نہیں، کپتان کراچی کنگز

    دفاعی چیمپئن ہونےکا کوئی دباؤ نہیں، کپتان کراچی کنگز

    دبئی: پی ایس ایل کی مشہور ومعروف ٹیم کراچی کنگز کے کپتان عماد وسیم نے ایونٹ میں شامل تمام ٹیموں کو فیورٹ قرار دے دیا ہے۔

    تفصیلات کے مطابق اپنے ویڈیو پیغام میں دفاعی چیمپئن کراچی کنگز کے کپتان عماد وسیم نے کہا کہ پی ایس ایل سکس کی تیاری مکمل ہے، ایونٹ میں ۔ تمام ٹیمیں برابر ہیں جو ٹیم صحیح وقت پر مومنٹم پکڑ لے گی، ایونٹ میں آگے جائے گی۔

    کراچی کنگز کی بیٹنگ آرڈر سے متعلق عماد وسیم نے کہا کہ شرجیل خان اوربابر اعظم ہی اننگز کا آغاز کریں گے، ہماری پہلی ترجیح پلےآف میں رسائی حاصل کرناہے۔

    کپتان کراچی کنگز کا کہنا تھا کہ دفاعی چیمپئن ہونےکا کوئی دباؤ نہیں ہے، ٹورنامنٹ میں بہترین کھیل پیش کرینگے اور اگلے راؤنڈ تک رسائی حاصل کرینگے۔

    واضح رہے کہ پی ایس ایل سکس کے بقیہ میچز کا آغاز آج سے ابوظبی میں ہورہا ہے، آج اسلام آباد یونائٹیڈ اور لاہور قلندرز آمنے سامنے ہونگے، دفاعی چیمپیئن کراچی کنگز کل ملتان سلطان سے مقابلہ کرے گی۔

  • ایچ بی ایل چین میں برانچ کھولنے والا پہلا پاکستانی بینک بن گیا

    ایچ بی ایل چین میں برانچ کھولنے والا پہلا پاکستانی بینک بن گیا

    کراچی : ایچ بی ایل چین کے دارالحکومت بیجنگ میں برانچ کھولنے اور صارفین کو خدمات فراہم کرنے والا پہلا پاکستانی بینک بن گیا۔

    تفصیلات کے مطابق ایچ بی ایل  کی چینی دارلحکومت بیجنگ میں برانچ کھولنے کی افتتاحی تقریب کا انعقاد کیا گیا ،  تقریب میں کلائنٹس، ریگولیٹرز اور ایچ بی ایل کے بین الاقوامی نیٹ ورک سے تعلق رکھنے والے سینئر ایگزیکٹیوز شریک ہوئے۔

    تقریب میں پاکستان سے، ڈپٹی گورنر، اسٹیٹ بینک آف پاکستان، جمیل احمد، چیئرمین ایچ بی ایل سلطان علی الانہ، ایچ بی ایل کے صدر اور چیف ایگزیکٹیو افسر محمد اورنگزیب سمیت ایچ بی ایل کے سینئر ایگزیکٹیوز اور کسٹمرز نے ورچوئل تقریب میں شرکت کی۔

    ایچ بی ایل بیجنگ میں بینک کے معزز کلائنٹس کو پروڈکٹس اور سروسز کی تمام تر سہولیات فراہم کرتا ہے۔

    ایچ بی ایل کا کہنا ہے کہ پاکستان اور چین کی حکومتوں سمیت ریگولیٹرز کا شکر گزار ہے ، جنھوں نے برانچ کھولنے کی اجازت دیتے ہوئے اپنے بھروسے اور اعتماد کا اظہار کیا۔

    ایچ بی ایل، پاکستان کا پہلا اور واحد بینک ہے، جس کی بیجنگ میں برانچ ہے، جبکہ جنوبی ایشیا سمیت مشرق وسطی اور شمالی افریقہ ریجن کے اُن تین بینکوں میں شامل ہے، جو چین میں مکمل آر ایم بی بزنس کی سہولت فراہم کرتے ہیں۔

    ایچ بی ایل کی چین میں موجودگی کی مدد سے بینک کو سی پیک اور بیلٹ اینڈ روڈ راہداری کے منصوبوں میں شامل سرکاری کمپنیوں اور نمایاں مالیاتی اداروں کے ساتھ کام کرنے کا موقع میسر آئے گا۔

    ایچ بی ایل کے لیے چین کی مارکیٹ کی اہمیت صرف چین اور سی پیک میں بزنس تک محدود نہیں، بلکہ ایچ بی ایل اپنے بین الاقوامی نیٹ ورک کے ذریعے مختلف ممالک میں چین کی کمپنیوں کی شمولیت کو مزید وسیع کرسکتا ہے۔

    ایچ بی ایل بیجنگ کے افتتاح پر تبصرہ کرتے ہوئے چیئرمین سلطان علی الانہ نے کہا کہ چین میں ایچ بی ایل کے سفر کا آغاز 2005ء میں ہوا تھا جب ہم نے بیجنگ میں اپنا نمائندہ دفتر قائم کیا تھا، بعد ازاں 2017ء میں ارومچی شہر میں برانچ آپریشنز کا آغاز ہوا اور آج ہم بیجنگ میں اپنے برانچ آپریشنز کا افتتاح کر رہے ہیں۔

    ان کا کہنا تھا کہ چین میں اپنی فرنچائز کی توسیع ہمارے لیے انتہائی فخر کا موقع ہے اور ہم مقامی تجارت میں تعاون کے لیے قائدانہ کردار ادا کرنے اور ایچ بی ایل کے بین الاقوامی نیٹ ورک کے ذریعے اپنے قابلِ احترام کسٹمرز کو خدمات فراہم کرنے کے لیے تیار ہیں۔

    برانچ کے افتتاح پر اظہارِ خیال کرتے ہوئے، ایچ بی ایل کے صدر اور چیف ایگزیکٹیو افسر محمد اورنگزیب نے کہا کہ چین ایچ بی ایل کے لیے دوسری ہوم مارکیٹ ہے اور ہم چین میں اپنے بزنس کو مزید وسیع کریں گے۔

    محمد اورنگزیب کا کہنا تھا کہ چین ایچ بی ایل کی بین الاقوامی حکمتِ عملی کا محور ہے، ہم برانچ لائسنس جاری کیے جانے پر ریگولیٹرز کے شکرگزار ہیں جنھوں نے مارکیٹ کے اعتبار سے صلاحیتوںکے فروغ اور کلائنٹس کو بہترین پروڈکٹ اور سروسز کی فراہمی کے لیے ایچ بی ایل جیسے مالیاتی اداروں کی حوصلہ افزائی میں انتہائی تعاون کیا ہے۔

    انھوں نے مزید کہا ایچ بی ایل پاکستان میں سی پیک سے متعلقہ فنانسنگ میں نمایاں کردار ادا کر رہا ہے اور چین میں بینک کی موجودگی کے باعث اب ہمارا ایک منفرد مقام ہے، جس کے ذریعے ہم بینک کے بین الاقوامی نیٹ ورک کے کلائنٹس کو براہِ راست چین میں موجود کاروباری سرگرمیوں کے ساتھ جوڑ سکتے ہیں۔

    واضح رہے کہ ایچ بی ایل بیجنگ اور ارومچی کے بعد، چین میں ایچ بی ایل کی دوسری اور مرکزی برانچ ہے، دونوں برانچوں میں فارن ایکسچینج اور آر ایم بی لائسنس کی سہولیات موجود ہیں جو کسٹمرز کی مختلف کرنسی کی ضروریات پوری کرسکتی ہیں۔

  • پی ایس ایل 4 :‌ عثمان شنواری کی شاندار باؤلنگ، گلیڈی ایٹرزکو ایک رن سے شکست

    پی ایس ایل 4 :‌ عثمان شنواری کی شاندار باؤلنگ، گلیڈی ایٹرزکو ایک رن سے شکست

    کراچی: پاکستان سپرلیگ سیزن فور کے 28ویں میچ میں کراچی کنگز نے کوئٹہ گلیڈی ایٹرز کو  ایک رن سے شکست دے دی ،191 رنز کے جواب میں کوئٹہ کی ٹیم سات وکٹوں کے نقصان پر 189رنز بنا سکی۔

    تفصیلات کے مطابق کراچی کے نیشنل اسٹیڈیم میں پی ایس ایل فور کے پانچویں مرحلے کا دوسرا اور لیگ کا 29واں میچ کراچی کنگز اور کوئٹہ گلیڈی ایٹرز کی ٹیموں کے مابین کھیلا گیا۔

    ٹاس

    کوئٹہ گلیڈی ایٹرز کی ٹیم کے کپتان سرفراز احمد نے ٹاس جیت کر پہلے فیلڈنگ کا فیصلہ کیا اور کراچی کنگز کو بیٹنگ کی دعوت دی۔

    ٹاس کے بعد گفتگو کرتے ہوئے کراچی کنگز کے کپتان عماد وسیم کا کہنا تھا کہ کوئٹہ گلیڈی ایٹرز کی ٹیم بہت اچھی ہے، ہم اچھا کھیلنے کی بھرپور کوشش کریں گے، ہوم گراؤنڈ پرکھیل کراچھالگےگا۔

    کوئٹہ گلیڈی ایٹرز کے کپتان سرفراز احمد کا کہنا تھا کہ نیشنل اسٹیڈیم میں شائقین کی بڑی تعداد موجودہے، اپنے ہوم گراؤنڈ اور شائقین کے سامنے کھیل کر اچھا لگے گا۔

    رمیز راجہ کے دلچسپ سوال کا جواب دیتے ہوئے سرفراز احمد کا کہنا تھا کہ ’کراچی کے خلاف کھیل کر زیادتی نہیں کررہا کیونکہ مجھے وہ لیتے ہی نہیں ہیں‘۔

    دونوں ٹیموں نے اسکواڈ میں تبدیلی کی، کوئٹہ گلیڈی ایٹرز نے اعظم خان کی جگہ انور علی کو ٹیم میں شامل کیا جبکہ سہیل خان اور بین ڈنک کی کراچی کنگز میں واپسی ہوئی۔

    اسکواڈ

    کراچی کنگز

    کوئٹہ گلیڈی ایٹرز

    ڈی جی رینجرز میجر جنرل محمد سعید کوئٹہ گلیڈی ایٹرز اور کراچی کنگز کا مقابلہ دیکھنے نیشنل اسٹیڈیم پہنچے۔

    کراچی کنگز اننگز

    سرفراز احمدکی دعوت پر کراچی کنگز نے بیٹنگ کا آغاز کیا تو بابر اعظم اور کولن منرو نے محتاط انداز سے بیٹنگ کی اور اسکور کو آگے بڑھایا، عماد الیون کی پہلی وکٹ 69 پر اس وقت گری جب کولن منرو فواد احمد کی گیند پر وکٹ کے پیچھے کیچ دے کر آؤٹ ہوئے۔ بعد ازاں لیونگ اسٹون 84پر پویلین روانہ ہوئے، بابر اعظم اور کولن انگرام نے جارحانہ کھیل کا مظاہرہ کیا اور اسکور کو آگے بڑھایا، محمد حسنین کے تیسرے اور اننگز کے پانچویں اوور میں کراچی کنگز کے دونوں اہم کھلاڑی بالترتیب 118 اور 125 کے مجموعی اسکور پر پویلین لوٹے۔

    بین ڈنک 18رنز بنا کر آؤٹ ہوئے تو افتخار احمد نے جارحانہ بیٹنگ کرتے ہوئے 18 گیندوں پر پانچ چوکوں اور 2 چھکوں کی مدد سے 44 رنز ناٹ آؤٹ اننگز کھیلی اور ٹیم کی پوزیشن مستحکم کی۔

    کراچی کنگز کے بابر اعظم56، افتخاراحمد44،کولن منرو 30رنز بنا کر نمایاں رہے بلے باز رہے جبکہ کولن انگرام اور بین ڈنک نے 18 رنز کی اننگز کھیلی۔ گلیڈی ایٹرز کے محمد حسنین نے 2، محمدنواز ، سہیل تنویر اور فواداحمدنے ایک ایک وکٹ حاصل کی۔

    گلیڈی ایٹرز بیٹنگ

    ہدف کے تعاقب میں کوئٹہ گلیڈی ایٹرز کو اچھی اوپننگ ملی، احمد شہزاد اور شین واٹس نے وکٹ کے چاروں طرف شارٹ کھیلتے ہوئے گیند کو باؤنڈری کے پار پھینکا۔ اننگز کے ساتویں اور اپنے پہلے اوور میں نوجوان باؤلر عمر خان نے شین واٹسن کو پویلین کی راہ دکھائی۔

    اننگز کے نویں اور اپنے دوسرے اوور میں عمر خان نے ایک اور کامیابی حاصل کی اور روسو کو اسٹمپ آؤٹ کروایا، یوں گلیڈی ایٹرز کی 85 کے مجموعی اسکور پر دوسری وکٹ گری۔

    کراچی کنگز کیخلاف کوئٹہ گلیڈی ایٹرز کی تیسری وکٹ 131رنز پر جبکہ چوتھی وکٹ 177رنزپرگری اور پانچویں وکٹ 187رنز پر گری، کوئٹہ گلیڈی ایٹرز کے احمد شہزاد شاندار بیٹنگ کرتے ہوئے99رنز پر کیچ آؤٹ ہوگئے۔

    کراچی کنگز کیخلاف کوئٹہ گلیڈی ایٹرز کی ساتویں وکٹ کپتان سرفراز احمد کی گری جو کوئی رن بنائے بغیر پہلی بال پر ہی کلین بولڈ ہوگئے،کراچی کنگز کے عثمان شنواری نے مسلسل دو گیندوں پر دو وکٹیں حاصل کیں۔

    عثمان شنواری نے بیسویں اوور میں صرف3رنز دے کر تین کھلاڑیوں کو پویلین سے باہر بھیج کر میچ کی بازی ہی پلٹ دی اور ٹیم کو فتح سے ہمکنار کروا دیا، انہوں نے آخری اوور میں احمد شہزاد کو 99 رنز پر آؤٹ کرکے سنچری سے محروم کیا جس کے بعد انور علی اور کپتان سرفراز احمد کو آؤٹ کیا۔

    کراچی کنگز نے کوئٹہ گلیڈی ایٹرز کو سنسنی خیزمرحلے کے بعد ایک رن سے شکست دے کر پی ایس ایل فور کے پلے آف مرحلے کے لئے کوالیفائی کرلیا۔

    عمرخان نے نپی تلی بولنگ سے تین وکٹیں حاصل کیں، جبکہ عثمان شنواری نے شاندار بولنگ کے باعث آخری اوور میں 3وکٹیں حاصل کیں، عثمان شنواری کو مین آف دی میچ قرار دیا گیا۔

    دوسری جانب وزیربلدیات سندھ سعید غنی نے نیشنل اسٹیڈیم پہنچ کر میڈیا سے گفتگو کرتے ہوئے کہا کہ ’انشاء اللہ آنے والے میچز کے انتظامات اور بھی بہتر ہوں گے، کراچی میں میچز سے کھلاڑیوں کا اعتماد بحال ہوا، کھلاڑیوں کے ساتھ پاکستان کرکٹ بورڈ اور ہم سب کی حوصلہ افزائی ہوئی‘۔

    اُن کا کہنا تھا کہ کراچی کے عوام جشن منا رہے ہیں، میچز کے  ساتھ کراچی کے ترقیاتی کاموں کو بھی تیز کیا، سندھ حکومت کراچی والوں کو ترقیاتی منصوبوں کے مزید تحفے دے گی۔

  • امریکا نے حبیب بینک پر بھاری جرمانہ عائد کردیا

    امریکا نے حبیب بینک پر بھاری جرمانہ عائد کردیا

    نیویارک : امریکی ڈیپارٹمنٹ آف فنانشل سروس نے حبیب بینک پر بھاری جرمانہ عائد کردیا جس پر بینک نے نیویارک برانچ بند کرنے کا فیصلہ کرلیا۔

    تفصیلات کے مطابق پاکستانی حکومت کے بعد پاکستانی بینک بھی امریکا کے زیرِ عتاب ہے، ایچ بی ایل کی نیویارک میں چھوٹی سے برانچ پر بڑا جرمانہ عائد کردیا گیا، امریکی محکمے نے ایچ بی ایل پر 62 کروڑ 96 لاکھ ڈالر کا جرمانہ عائد کیا ہے۔

    بینک کے اعلامیہ کے مطابق امریکی محکمہ برائے مالیاتی امور نے ایچ بی ایل کو 692 کروڑ 96 لاکھ ڈالر جرمانے کا نوٹس ارسال کیا ہے، نوٹس ملنے کے بعد ایچ بی ایل نے برانچ بند کرنے کا فیصلہ کیا ہے، فیصلے کا بینک  کے امریکا سے باہر کاروبار یا منافع پر اثر نہیں پڑے گا۔

    حبیب بینک کا کہنا ہے کہ کوششوں کے باوجود امریکی محکمے نے مؤقف نہیں سنا، امریکی محکمے کے تحفظات کو دور کرنے کی بھرپور کوشش کی لیکن ہماری کوششوں کو خاطر میں نہیں لایا گیا۔

    خیال رہے کہ دو سال پہلے امریکہ کی جانب سے حبیب بینک کی نیویارک برانچ پر مالی بے ضابطگیوں کا الزام عائد کیا تھا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس  وال پر شیئر کریں۔

  • حبیب بینک کےحکومتی حصص فروخت کرنےکی منظوری

    حبیب بینک کےحکومتی حصص فروخت کرنےکی منظوری

     کراچی : حبیب بینک کےحکومتی حصص صرف ایک سو اڑسٹھ روپےفی شئیر میں فروخت کرنےکی منظوری دیدی گئی ۔مارکیٹ میں حبیب بینک کے ایک شیئر کی قیمت اس سےکہیں زیادہ ہے۔

    تفصیلات کے مطابق تین روز تک کراچی اسٹاک مارکیٹس میں حبیب کےحصص کی فروخت کیلئےبک بلڈنگ کا عمل جاری رہا اورچیئرمین نجکاری کمیشن محمدزبیر نےہفتے کونیوز کانفرنس کرتےہوئےبتایاکہ حبیب بینک کے حصص کی فروخت کو ملکی و غیر ملکی سرمایہ کاروں کی بھرپور پزیرائی حاصل ہوئی۔ لیکن جس قیمت پر ایچ بی ایل کا شئیر بیچاگیا وہ توکچھ اور ہی کہانی سنا رہا ہے۔

    حکومت نےحبیب بینک میں اپنےبیالیس فیصد حصص بیچنے کا فیصلہ کیا۔۔جن کی تعداد 60 کروڑ 90 لاکھ شئیرز بنتی ہے۔ایچ بی ایل کا ایک شئیر 168روپےمیں فروخت کرنےکا فیصلہ کیاگیا۔

    وزیرخزانہ اسحاق ڈارکی زیرصدارت کابینہ کی نجکاری کمیٹی نے اس فیصلےکی منظوری دی۔۔168 روپےفی حصص کی یہ قیمت اسٹاک مارکیٹ میں حبیب بینک کی موجودہ قیمت سے 16روپےنیچے ہے۔

    جبکہ ملکی اسٹاک مارکیٹوں میں حبیب بینک کا شئیرگذشتہ دنوں 220 روپےتک بھی فروخت ہوتےدیکھاگیا۔اس کےعلاوہ اس ٹرانزیکشن سےقبل حکومت نے ایچ بی ایل کی فلور پرائس 166 روپےفی شیئر رکھی تھی۔

    جس سےصرف دو روپے اُوپر حبیب بینک کا شئیر فروخت کردیاگیا جو ڈیمانڈ سےزیادہ پیشکشیں ملنےکےحکومتی دعوی کےبرخلاف دکھائی دیتا ہے۔

    حبیب بینک کے60کروڑ90لاکھ شیئرز فروخت کئےجارہےہیں جس سےحکومت کو ایک ارب60کروڑڈالرکی رقم حاصل ہوگی۔یہ ملکی تاریخ کی سب سےبڑی نجکاری ٹرانزیکشن ہے۔

  • حکومت نے حبیب بینک کی نجکاری کی منظوری دے دی

    حکومت نے حبیب بینک کی نجکاری کی منظوری دے دی

    اسلام آباد : یونائٹیڈ بینک اورالائیڈ بینک کی نجکاری کے بعد حکومت نے حبیب بینک کی نجکاری کی منظوری دے دی۔ حکومت ایچ بی ایل کے ساڑھےاکتالیس فیصد شیئرز فروخت کرے گی۔

    وزیر خزانہ اسحاق ڈار کی زیر صدارت کابینہ کی نجکاری کمیٹی کےاجلاس میں حبیب بینک کے پچیس کروڑ شیئرز بک بلڈنگ کے ذریعے جب کہ پینتیس کروڑ تیرانوےلاکھ شیئرز بڑے سرمایہ کاروں کو گرین شو آپشن کے تحت فروخت کرنے کی منظوری دی گئی۔

    حبیب بینک کے شئیرز کی فروخت کے لئےکریڈٹ سیویز، ڈوئچے بینک، عارف حبیب اور ایلگزر سیکیورٹیز مالیاتی مشیر ہیں۔ اجلاس میں نیشنل پاور کنسٹرکشن کمپنی کی نجکاری کو فی الحال مؤخرکردیا ہے۔

  • حبیب بینک لمیٹڈ نےنئ انٹرنیٹ بینکنگ سروس کا آغاز کر دیا

    حبیب بینک لمیٹڈ نےنئ انٹرنیٹ بینکنگ سروس کا آغاز کر دیا

    کراچی:حبیب بینک لمیٹڈ نے اپنے کسٹمرز کیلئے نئی انٹر نیٹ بینکنگ سروس کا آغاز کردیا ہے،جس کی افتتاحی تقریب ڈالمن مال کلفٹن کراچی میں ہوئی جس کے مہمان خصوصی صدر اورسی ای او کے ڈار تھے۔

    افتتاحی تقریب سے خطاب میں پرپیڈ پیمنٹ سروسز گروپ کے سربراہ فائق صادق نے کہا کہ حبیب بینک لمیٹڈ اپنے سترلاکھ کسٹمرز کےساتھ پاکستان کا سب سے بڑا بینک ہے جواپنے کسٹمرز کیلئے نت نئی اور منفرد سہولتیں پیش کرنے میں ہمیشہ سب سے آگے رہا ہے،ایچ بی ایل انٹر نیٹ بینکنگ سروسز کا آغاز کسٹمرز کیلئےآسانی اور تیزی کےساتھ سرمائے کی منتقلی کو ممکن بنائیگا۔

    انہوں نے کہاکہ حبیب بینک کا عزم ہے کہ جذبات اور ترقی کے اس سفر میں اپنے کسٹمرز کی پندرہ سو شاخوں اور سولہ سو اے ٹی ایمز کے ساتھ بہتر ین سہولتیں پیش کرتے رہیں اور اپنی سروس بہتر بنائیں۔