ARYNews.tv | Urdu – Har Lamha Bakhabar

Tag: HBL PSL

  • پی ایس ایل 4: پہلا مرحلہ مکمل، گلیڈی ایٹرز سرفہرست، نئے باؤلرز کا جادو چل گیا

    پی ایس ایل 4: پہلا مرحلہ مکمل، گلیڈی ایٹرز سرفہرست، نئے باؤلرز کا جادو چل گیا

    دبئی: پاکستان سپرلیگ سیزن فور کا پہلا مرحلہ مکمل ہوگیا، پوائنٹس ٹیبل پر کوئٹہ گلیڈی ایٹرز سرفہرست ہے، دو روز آرام کے بعد اگلہ مرحلہ شارجہ میں شروع ہوگا۔

    تفصیلات کے مطابق پاکستان سپرلیگ کے چوتھے سیزن کا آغاز 14 فروری کو دبئی میں رنگا رنگ تقریب کے ساتھ ہوا جس کے بعد دفاعی چیمپئن اسلام آباد یونائیٹڈ اور لاہور قلندرز کے درمیان پہلا میچ کھیلا گیا۔

    افتتاحی میچ میں لاہور قلندرز کو شکست کا سامنا کرنا پڑا، بعد ازاں کراچی کنگز نے پہلے ہی میچ میں ملتان سلطانز کو سنسنی خیز مقابلے کے بعد 7 رنز سے شکست دے کر لیگ میں فاتحانہ آغاز کیا۔

    تیسرے میچ میں کوئٹہ گلیڈی ایئٹرز نے پشاور زلمی کو 6 وکٹوں سے باآسانی شکست دی، چوتھے میچ میں ملتان سلطانز نے اسلام آباد یونائیٹڈ کو 5 وکٹوں سے شکست دی، پانچویں میچ میں لاہور قلندرز نے کراچی کنگز جبکہ چھٹے میں کوئٹہ گلیڈی ایٹرز نے اسلام آباد یونائیٹڈ کو 7 وکٹوں سے شکست دی۔ ساتویں میچ میں پشاور زلمی نے لاہور قلندرز کو 7 وکٹوں سے باآسانی زیر کیا۔

    مزید پڑھیں: کراچی کنگز کا فاتحانہ آغاز، ملتان سلطانز کو 7 رنز سے شکست

    پی ایس ایل کے پہلے مرحلے کے 7 میچز کھیلے گئے جس میں چھکے چوکوں کی برسات ہوئی جبکہ کراچی کنگز نے لیگ میں سب سے بڑی شراکت داری کا اعزاز اپنے نام کیا۔

    پہلے مرحلے میں کراچی کنگز کے اوپنرز لائم لیونگ اسٹون اور بابر اعظم نے پی ایس ایل تاریخ کی سب سے بڑی 157 رنز کی شراکت داری قائم کی جبکہ شین واٹس اور عمر اکمل نے بھی جارحانہ بیٹنگ کا مظاہرہ کیا جبکہ ایمرجنگ کیٹگری میں منتخب ہونے والے باؤلرز نے عمدہ کھیل کا مظاہر کیا۔

    یہ بھی پڑھیں: لاہور قلندرز کے کپتان محمد حفیظ پی ایس ایل سے باہر، قیادت اے بی ڈویلئر کریں گے

    کراچی کنگز کے کم عمر باؤلر عُمر خان اور لاہور قلندرز کے حارث رؤف نے عمدہ کارکردگی کا مظاہرہ کیا جبکہ راحت علی باؤلرز کی فہرست میں سرفہرست رہے۔

    لاہور قلندرز نے اپنی روایتی کارکردگی دکھاتے ہوئے پہلے مرحلے میں کم ترین اسکور پر آؤٹ ہونے کا ایک بار پھر ریکارڈ بنایا۔

    پوائنٹس ٹیبل

    کوئٹہ گلیڈی ایٹرز چار پوائنٹس کے ساتھ سرفہرست جبکہ دوسرے پر پشاور زلمی جس کے 2 پوائنٹس، ملتان سلطانز نے ایک میچ جیت کر دو پوائنٹس حاصل کیے اسی طرح اسلام آباد یونائیٹڈ نے تین میچز کھیلے جن میں سے صرف ایک میں فتح حاصل کی اور 2 پوائنٹس حاصل کیے جبکہ کراچی کنگز 2 پوائنٹس کے ساتھ پانچویں اور لاہور قلندرز 2 پوائنٹس کے ساتھ چھٹے نمبر پر ہے۔

    یاد رہے کہ پہلے مرحلے میں اسلام آباد یونائیٹڈ اور لاہور قلندرز نے تین تین میچز کھیلے جبکہ بقیہ تمام ٹیموں نے 2 ، 2 میچز کھیلے۔

  • وسیم اکرم کے تجربے کا فائدہ ہوا، سلمان اقبال

    وسیم اکرم کے تجربے کا فائدہ ہوا، سلمان اقبال

    دبئی: کراچی کنگز کے مالک نے پی ایس ایل کے سیزن فور میں فاتحانہ آغاز پر مسرت کا اظہار کرتے ہوئے کہا ہے کہ ٹیم نے بہتر پرفارمنس دی، وسیم اکرم کے تجربے کا بہت فائدہ ہوا۔

    تفصیلات کے مطابق میچ کے بعد دبئی اسٹیڈیم کے باہر نمائندہ اے آر وائی سے گفتگو کرتے ہوئے سلمان اقبال کا کہنا تھا کہ ’بابر اعظم نے شاندار بیٹنگ کی اور پی ایس ایل تاریخ کی سب سے بڑی 157 رنز کی شراکت داری قائم کی البتہ آخری میں گیم تھوڑا سا آہستہ بھی ہوا‘ْ

    کراچی کنگز کے مالک کا کہنا تھا کہ ’وسیم اکرم دنیائے کرکٹ کا اہم سرمایہ ہیں، وہ عالمی سطح پر ایک اچھے کرکٹر کے طور پر مانے جاتے ہیں، ہمارے لیے یہ فخر کی بات ہے کہ وسیم اکرم ہمارے ساتھ ہیں‘۔

    اے آر وائی ڈیجیٹل کے سی ای او کا کہنا تھا کہ ’ہم گزشتہ تین سال سے وسیم اکرم کو کراچی کنگز میں لانے کی کوشش کررہے تھے بلآخر وہ اب ہماری ٹیم کا حصہ ہیں‘۔

    پی ایس ایل تھری میں اسلام آباد کی فتح پر اپنی ماہرانہ رائے پیش کرتے ہوئے کراچی کنگز کے مالک کا کہنا تھا کہ ‘اسلام آباد یونائیٹڈ کے پاس پچھلے سیزن میں اچھے ڈومیسٹک کھیلنے والے کھلاڑی تھے، اُن کے پاس تین سال سے ایسے کھلاڑی تھے جو ہمیشہ سے بہت مضبوط رہے اور وہی ٹیم کو فائنل تک لے کر جاتے ہیں‘۔

    سلمان اقبال کا کہنا تھا کہ ’ہم نے وسیم اکرم، راشد لطیف سے مشاورت میں فیصلہ کیا کہ ہمارے پاس ڈومیسٹک پلیئرز ہونے چاہیں، عمر خان کو بطور ایمرجنگ پلیئر منتخب کیا اور آج اُس نے شاندار کھیل کا مظاہرہ کیا‘۔ اُن کا مزید کہنا تھا کہ امسال ملکی و غیر ملکی کھلاڑیوں کا اچھا جوڑ بنایا، ہمارے پاس اب اچھے ڈومیسٹک کھیلنے والے کھلاڑی ہیں۔

  • پی ایس ایل 4 : کراچی کنگز کے مالک کی کینسر سے متاثرہ بچی سے ملاقات

    پی ایس ایل 4 : کراچی کنگز کے مالک کی کینسر سے متاثرہ بچی سے ملاقات

    دبئی: اے آر وائی ڈیجیٹل کے چیف ایگزیکٹیو آفیسر اور کراچی کنگز کے مالک سلمان اقبال نے میچ کے دوران کینسر سے متاثرہ ننھی بچی عائشہ نور سے ملاقات کی اور اُس کے بلند حوصلے کو سراہا۔

    تفصیلات کے مطابق پی ایس ایل کے چوتھے سیزن کا دوسرا میچ کراچی کنگز اور ملتان سلطانز کی ٹیموں کے درمیان کھیلا گیا جس میں عماد الیون نے شاندار کارکردگی کا مظاہرہ کرتے ہوئے مخالف ٹیم کو شکست دے کر لیگ میں فاتحانہ آغاز کیا۔ میچ کے دوران اسٹیڈیم میں ہزاروں شائقین موجود تھے جو سنسنی خیز مقابلے سے لطف اندوز بھی ہوئے۔

    کراچی کنگز کے مالک سلمان اقبال نے انڈس اسپتال میں زیر علاج کینسر سے متاثرہ ننھی بچی سے ملاقات کی جو اسٹیڈیم میں میچ دیکھنے کے لیے موجود تھی۔

    اے آر وائی ڈیجیٹل کے سی ای او نے بچی کے ساتھ تصویر بنوائی اور اُس کے بلند حوصلے کو سراہتے ہوئے اپنی تمام تر نیک خواہشات کا اظہار کیا۔

    علاوہ ازیں شوبز انڈسٹری کے نامور فنکار اور تحریک انصاف کے سینیٹر فیصل جاوید بھی کراچی کنگز کو سپورٹ کررہے تھے۔

    نامور اینکر اور اداکار فہد مصطفیٰ نے ہیلمٹ پہنا اور خوب ایکشن دکھائے جبکہ مزاحیہ اداکار احمد علی بٹ کی بھی ویڈیو بنوائی۔

    میچ کی تفصیل : کراچی کنگز کا فاتحانہ آغاز، ملتان سلطانز کو 7 رنز سے شکست

    دبئی میں موجود تحریک انصاف سینیٹر فیصل جاوید نے میچ سے قبل اہل کراچی اور کراچی کنگز کے لیے نیک خواہشات کا اظہار کیا۔ اُن کا کہنا تھا کہ ’کراچی میں جلسے کرنے میں بہت مزہ آیا، میری تمام تر نیک خواہشات کراچی کنگز کے ساتھ ہیں‘۔

  • پی ایس ایل 4: کراچی کنگز کے آفیشل گانے کی ویڈیو ریلیز

    پی ایس ایل 4: کراچی کنگز کے آفیشل گانے کی ویڈیو ریلیز

    دبئی: پاکستان سپر لیگ کی مقبول ترین اور سب سے بڑی ٹیم کراچی کنگز نے پی ایس ایل 4 کے آفیشل گانے کی ویڈیو ریلیز کردی۔

    تفصیلات کے مطابق اے آر وائی ڈیجیٹل کے چیف ایگزیکٹیو آفیسر سلمان اقبال کی زیر ملکیت پی ایس ایل کی مقبول ترین ٹیم کا آفیشل گانا معروف گلوکار شہزاد رائے نے گایا۔

    انرجی سے اور زبردست دھن پر ترتیب دیے جانے والے گانے کے ابتدائی بول ’کراچی کنگز لگا کے ونگز سب کو لے کر اڑ جائیں گے، یہ شہر بڑے دل والوں کا سب آپس میں جڑ جائیں گے‘ ہیں۔

    مزید پڑھیں: پی ایس ایل 4‌‌‌‌‌ دنیا کے سامنے پاکستان‌ کا‌ مثبت چہرہ پیش کرے گا: فن کاروں کی پریس کانفرنس

    کراچی کنگز کے صدر وسیم اکرم، اے آر وائی کے مختلف پروگراموں میں میزبانی کے فرائض انجام دینے والے فہد مصطفیٰ، فیصل قریشی جبکہ نامور صحافی اقرار الحسن اور وسیم بادامی کو بھی ویڈیو میں شامل کیا گیا جبکہ اس میں شائقین کرکٹ کے جذباتی انداز بھی دکھائے گئے ہیں۔

    کراچی کنگز کے کپتان اور کھلاڑیوں کو بھی ویڈیو کا حصہ بنایا گیا جبکہ نیا ناظم آباد اسٹیڈیم کو بھی ریکارڈنگ میں شامل کیا گیا۔ آفیشل گانے میں شہر قائد کی مکمل عکاسی کی گئی ہے کہ یہاں کے لوگ کس طرح محبت کرنے والے، رشتہ نبھانے والے اور مخالف کو دلیل سے خاموش کرانے والے ہیں۔

    گانے سے متعلق مزید معلومات

    آفیشل سانگ میں گلوکار شہزاد رائے نے آواز کا جادو جگایا جبکہ  کمپوزنگ نکاش حیدر نے کی، ویڈیو کی ہدایت کاری ذیشان ذیب جبکہ پرڈیوسر سید حامد حسین ہیں اور اس کا تصویر ریحان حیدر نے پیش کیا اور اے آر وائی فلم اور ٹی وی پروڈکشن ، شہزاد حسن نے اسے ایگزیکٹیو پروڈیوس کیا۔

    یہ بھی پڑھیں: کرکٹ کے دیوانوں کا انتظار ختم، کرکٹ شو ’ہر لمحہ پرجوش‘ کل سے شروع ہوگا

    پاکستان سپر لیگ کے چوتھے ایڈیشن کی افتتاحی تقریب چودہ فروری کو رات آٹھ بجے دبئی میں منعقد ہوگی، جس کے لیے ٹکٹیں فروخت لیے پیش کردی گئیں۔

  • پی ایس ایل 4 : ’ کراچی کو کرکٹ سٹی قرار دیا جائے گا ‘

    پی ایس ایل 4 : ’ کراچی کو کرکٹ سٹی قرار دیا جائے گا ‘

    کراچی: کمشنر کراچی افتخار شلوانی نے کہا ہے کہ پاکستان سپرلیگ کے دوران شہر قائد کو کرکٹ سٹی قرار دیا جائے گا جس کے تحت مختلف علاقوں میں بڑی اسکرینز نصب کی جائیں گی تاکہ شائقین کو بھرپور تفریح‌ فراہم کی جاسکے۔

    تفصیلات کے مطابق کراچی کنگز کے مالک اور اے آو وائی ڈیجیٹل کے سی ای او سلمان اقبال کی سیکریٹری داخلہ سندھ کبیر قاضی اور کمشنر کراچی افتخار شلوانی سے ملاقات ہوئی جس میں پاکستان سپرلیگ کی سیکیورٹی کے حوالے سے تفصیلی بات چیت کی گئی۔

    اے آر وائی ڈیجیٹل کے چیف ایگزیکٹو آفیسر اور کراچی کنگز کے مالک سلمان اقبال کا کہنا تھا کراچی کنگز شہر قائد کی نہیں بلکہ پورے ملک کی فیورٹ ٹیم بن گئی، پی ایس ایل فور میں ٹیم بہترین کھیل کا مظاہرہ کرے گی۔

    اس موقع پر سیکریٹری داخلہ سندھ کبیر قاضی نے یقین دہانی کرائی کہ حکومت غیر ملکی کھلاڑیوں کو فول پروف سیکیورٹی فراہم کرے گی جبکہ کھلاڑیوں کے اعزاز میں وزیر اعلی سندھ استقبالیہ بھی دیں گے۔

    مزید پڑھیں: پی سی بی نے پی ایس ایل کے کمنٹیٹر اور ماہرین کا اعلان کردیا

    کمشنر کراچی افتخار شلوانی کا کہنا تھا کہ ’پی ایس ایل کے دوران کراچی کو کرکٹ سٹی قرار دیا جائے گا، شہر کے مختلف علاقوں میں بڑی اسکرینز لگانے کا انتظام کیا جائے گا‘۔

    دوسری جانب ملٹی نیشنل کمپنی کانٹی نینٹل بسکٹس لمیٹڈ نے کراچی کنگز کے ساتھ معاہدہ طے کیا، جس کے تحت پی ایس ایل فور میں سی بی ایل کا معروف پروڈکٹ ٹک بسکٹ کراچی کنگز کا ٹائی ٹینیئم اسپانسر ہوگا۔

    اس موقع پر کراچی کنگز کے مالک سلمان اقبال کا کہنا تھا کہ ملٹی نیشنل کمپنی کی آمد سے پی ایس ایل ایک بڑا برانڈ بن جائے گا۔

    یاد رہے کہ پی ایس ایل فور کے چوتھے ایڈیشن کا آغاز 14 فروری سے ہوگا جو 17 مارچ تک جاری رہے گا، پاکستان سپر لیگ کے آغاز کا وقت جیسے جیسے قریب آرہا ہے شائقین کا جوش و جذبہ بڑھتا جارہا ہے۔

    یہ بھی پڑھیں: پی ایس ایل فور: پاکستان کرکٹ بورڈ نے آفیشلز کا اعلان کردیا

    پی ایس ایل فور کے میچز کا انعقاد ابو ظبی، شارجہ اور دبئی میں ہوگا جبکہ آخری 8 میچز پاکستان میں کھیلے جائیں گے جن میں 3 میچ لاہور اور 5 میچ کراچی میں ہوں گے۔

    لاہور میں ہونے والے میچز 9، 10 اور 12 مارچ جبکہ 7، 10، 13 اور 15مارچ کو میچز کراچی میں ہوں گے۔ پی ایس ایل فور کا فائنل 17 مارچ کو کراچی کے نیشنل اسٹیڈیم میں کھیلا جائے گا۔

    دوسری جانب سیاسی، شوبز سمیت معروف شخصیات نے کراچی کنگز کے لیے ایونٹ سے قبل نیک خواہشات کا اظہار کیا ہے، کراچی کنگز کی قیادت سیزن فور میں عماد وسیم کریں گے جبکہ امسال صدر کے فرائض کنگ آف سلطان وسیم اکرم انجام دیں گے۔

  • پی ایس ایل سیزن 4 کا آفیشل گانا ریلیز سے پہلے لیک

    پی ایس ایل سیزن 4 کا آفیشل گانا ریلیز سے پہلے لیک

    لاہور: پاکستان سپر لیگ سیزن 4 کا آفیشل گانا ریلیز سے پہلے ہی لیک ہوگیا۔

    تفصیلات کے مطابق پاکستان سپرلیگ کے سیزن 4 کا آفیشل گانا آج رات 8:55 پر ریلیز ہونا تھا مگر اُس سے پہلے ہی یہ لیک ہوگیا، چوتھے ایڈیشن کے آفیشل نغمہ نامور اداکار فواد خان کی آواز میں ریکارڈ کیا گیا اور وہی ویڈیو میں پرفارم بھی کرتے نظر آئیں گے۔

    پاکستان سپر لیگ کے پہلے تین سیزن میں نامور گلوکار علی ظفر نے آفیشل نغمے گائے تھے جسے شائقین کرکٹ اور میوزک سے دلچپسی رکھنے والے مداحوں نے بہت زیادہ پسند کیا تھا۔

    اطلاعات کے مطابق چوتھے ایڈیشن کے گانے کو ’یہ کھیل دیوانوں‘ کا  نام دیا گیا جبکہ اس کو شجاع حیدر نے تحریر کیا۔

    یاد رہے کہ فواد خان اداکاری سے قبل مشہورِ زمانہ پاپ میوزیکل بینڈ ’ای پی‘ میں اپنی آواز کا جادو جگاتے تھے۔

    پی ایس ایل کا پہلا سیزن

    پی ایس ایل 2016 کے پہلے ایڈیشن کا نغمہ گلوکار علی ظفر نے لکھا اور گایا جس نے کرکٹ سے لگاؤ رکھنے والوں کی جانب سے خوب پذیرائی ملی۔

    دوسرا ایڈیشن

    پی ایس ایل 2017 کے ایڈیشن میں بھی علی ظفر کی آواز میں نغمہ ریلیز کیا گیا جس کے بول تھے سیٹی بجے گی، کھیل سجے گا، تالی بجے گی اب کھیل جمے گا۔

    تیسرا ایڈیشن

    پی ایس ایل سیزن تھری کے لیے علی ظفر نے ہی نغمہ گایا جس کے بول تھے ’لو پھر آگئے جلوہ دکھانے، پھر ملے چلو ہم اس بہانے، یہ کھیل پھر جمے گا اور اسٹیج پھر سے سجے گا‘۔

    یاد رہے کہ پاکستان سپر لیگ سیزن فور کے شیڈول سامنے آگیا جس کے مطابق لیگ کا آغاز 14 فروری سے جبکہ فائنل 17 مارچ کو کراچی میں ہوگا۔

    مزید پڑھیں: پی ایس ایل فور، شائقین کے ساتھ ساتھ سیاست دان بھی بھرپور ایکشن کے منتظر

    یہ بھی پڑھیں: پی ایس ایل گورننگ کونسل کا چھٹا اجلاس، ایونٹ کو بلندیوں پر لے جانے پر اتفاق

    پی ایس ایل فور کے 4 میچز ابو ظبی میں ہوں گے جبکہ شارجہ اور دبئی میں بھی میچز ہوں گے۔ آخری 8 میچز پاکستان میں ہوں گے جن میں 3 میچ لاہور اور 5 میچ کراچی میں ہوں گے۔

    لاہور میں ہونے والے میچز 9، 10 اور 12 مارچ کو ہوں گے جبکہ 7، 10، 13 اور 15مارچ کو میچز کراچی میں ہوں گے۔ پی ایس ایل فور کا فائنل 17 مارچ کو کراچی کے نیشنل اسٹیڈیم میں کھیلا جائے گا۔

  • پی ایس ایل 2018: ملتان سلطانز اوراسلام آباد یونائیٹڈ کا ٹاکرا

    پی ایس ایل 2018: ملتان سلطانز اوراسلام آباد یونائیٹڈ کا ٹاکرا

    شارجہ : پاکستان سپرلیگ سیزن تھری میں آج ملتان سلطانز اور اسلام آباد یونائیٹد کی ٹیمیں ایکشن میں دکھائی دیں گی، میچ رات نو بجے کھیلا جائے گا۔

    تفصیلات کے مطابق پاکستان سپرلیگ کا 25 واں ٹاکرا ملتان سلطانز اور اسلام آباد یونائیٹڈ کے درمیان ہوگا، میچ پاکستانی وقت کے مطابق رات 9 بجے شروع ہوگا۔

    پوائنٹس ٹیبل پر اسلام آباد یونائیٹڈ 7میچز کھیل کر 10 پوائنٹس کے ساتھ دوسرے نمبر پر جبکہ ملتان سلطانز 9 میچز کھیل کر 9 پوائنٹس کے ساتھ چوتھے نمبر پر موجود ہے۔ ٹاپ فور میں جگہ برقرار رکھنے کے لیے ملتان سلطانز کوآج کا میچ جیتنا ہوگا۔

    ملتان سلطانز

    شعیب ملک ملتان سلطانز کے کپتان ہیں جبکہ دیگر کھلاڑیوں میں احمد شہزاد، کیرون پولارڈ، کمار سنگا کارا، صہیب مقصود اور ڈیرن براوو، ورلڈ کلاس اسپنر عمران طاہر ، پاکستانی فاسٹ بولرز محمد عباس، عمرگل، محمد عرفان، جنید خان اور سہیل تنویر شامل ہیں۔

    اسلام آباد یونائیٹڈ

    مصباح الحق اسلام آباد یونائیٹڈ کے کپتان ہیں جبکہ دیگر کھلاڑیوں میں آندرے رسل، سیموئل بدری، محمد سمیع، رومان رئیس، شاداب خان، افتخار احمد، عماد بٹ، آصف علی، جے پی ڈومنی، لیوک رانچی، فہیم اشرم، سیم بلنگز، ظفر گوہر، صاحبزادہ فرحان، حسین طلعت، ایلکس ہیلز، ڈیوڈ ولی، محمد حسن اور محمد حسنین شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل میچزکا مفت ٹکٹ نہیں ملے گا‘ نجم سیٹھی کا مفت مشورہ

    پی ایس ایل میچزکا مفت ٹکٹ نہیں ملے گا‘ نجم سیٹھی کا مفت مشورہ

    لاہور: چیئرمین پاکستان کرکٹ بورڈ نجم سیٹھی کا کہنا ہے کہ مجھ سے کوئی بھی فری ٹکٹ کا مطالبہ نہ کرے، پی ایس ایل میچز کا مفت ٹکٹ نہیں ملے گا۔

    تفصیلات کے مطابق سماجی رابطے کی ویب سائٹ ٹویٹر پر چیئرمین پی سی بی نجم سیٹھی نے اپنے پیغام میں دوست، خاندان، حکومتی ارکان، اعلیٰ حکام کو مخاطب کرتے ہوئے کہا کہ ٹکٹ آن لائن یا کراچی اورلاہور میں ٹی سی ایس کے سینٹرز سے خریدیں۔

    نجم سیٹھی نے کہا کہ فائنل کے ٹکٹس 15مارچ سے آن لائن دستیاب ہوں گے، براہ مہربانی مجھ سے کوئی بھی فری ٹکٹ کا مطالبہ نہ کرے۔

    پی ایس ایل تھری کا فائنل کراچی میں ہی ہوگا: نجم سیٹھی

    خیال رہے کہ رواں ہفتے 5 مارچ کو پاکستان کرکٹ بورڈ کے چیئرمین نجم سیٹھی کا کہنا تھا کہ غیر ملکی کھلاڑی پاکستان آنے پر مطمئن ہیں، پاکستان سپر لیگ کا فائنل کراچی میں ہی ہوگا۔

    واضح رہے کہ پاکستان سپر لیگ سیزن تھری کے فائنل میچ کے ٹکٹ کی دستیابی کا شائقین کرکٹ کو بے صبری سے انتظار ہیں، کم از کم ٹکٹ ایک ہزار روپے جبکہ مہنگا ٹکٹ بارہ ہزار تک کا ہوگا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پی ایس ایل فائنل: شاہراہ فیصل کےاطراف میں شادی ہالز، ہوٹل اوردفاتربند رہیں گے

    پی ایس ایل فائنل: شاہراہ فیصل کےاطراف میں شادی ہالز، ہوٹل اوردفاتربند رہیں گے

    کراچی : پاکستان سپرلیگ کے فائنل کے موقع پرکراچی میں شاہراہ فیصل اور کارساز روڈ کے اطراف میں تمام عمارتیں، شادی ہالز، ہوٹل، کاروباری مراکز اوردیگر دفاتربند رہیں گے۔

    تفصیلات کے مطابق پاکستان سپر لیگ کے فائنل کے موقع پر سیکیو رٹی انتظامات کے لیے پولیس نے ہدایت نامہ جاری کردیا۔ نیشنل اسٹیڈیم میں میچ کے موقع پر شاہراہ فیصل اور کارساز روڈ پرسیکیورٹی کے سخت انتظامات ہوں گے۔

    بہادرآباد پولیس اسٹیشن کی جانب سے جاری کردہ ہدایت نامے کے مطابق شاہراہ فیصل اور کارساز روڈ کے اطراف واقع تمام عمارتیں، شادی ہالز، ہوٹلزاور دفاتر 24 گھنٹے کے لیے 25 مارچ صبح 6 بجے سے 26 مارچ صبح 6 بجے تک بند رہیں گے۔

    پولیس کی جانب سے جاری ہدایت نامے کی خلاف ورزی کرنے کے خلاف سخت کارروائی کے بھی احکامات جاری کردیے گئے ہیں۔

    خیال رہے کہ گزشتہ روز کراچی میں صحافیوں سے گفتگو کرتے ہوئے پاکستان کرکٹ بورڈ کے چیئرمین نجم سیٹھی کا کہنا تھا کہ غیر ملکی کھلاڑی پاکستان آنے پرمطمئن ہیں، پاکستان سپر لیگ کا فائنل کراچی میں ہی ہوگا۔

    پی ایس ایل فائنل‘ کراچی میں فل ڈریس سیکیورٹی ریہرسل

    یاد رہے کہ گزشتہ ماہ 11 فروری کو کراچی میں پی ایس ایل فائنل کے سیکیورٹی انتظامات کی فل ڈریس ریہرسل کی گئی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پی ایس ایل تھری کا آفیشل گانا، نامور کرکٹرز کی پرفارمنس

    پی ایس ایل تھری کا آفیشل گانا، نامور کرکٹرز کی پرفارمنس

    کراچی: پاکستان سپر لیگ (پی ایس ایل) کے تیسرے ایڈیشن کا آفیشل نغمہ جاری کردیا گیا، جس میں گلوکار علی ظفر نے اپنی آواز کا جادو جگایا ہے۔

    تفصیلات کے مطابق پی ایس ایل کے تیسرے ایڈیشن کی تیاریاں زور و شور سے جاری ہیں، بڑے ایونٹ کی شروعات کے دن جیسے جیسے قریب آرہے ہیں شائقین کرکٹ کا جذبہ اُسی قدر بڑھتا نظر آرہاہے۔

    پی ایس ایل کا تیسرا ایڈیشن اس لیے بھی اہمیت کا حامل ہے کہ اس بار ایک ٹیم ملتان سلطان کا بھی اضافہ ہوا ہے، شائقین کرکٹ اپنی پسندیدہ ٹیم کراچی کنگز کے ستاروں کو ایکشن میں دیکھنے کے لیے بے تاب ہیں۔

    پاکستان سپر لیگ کے تیسرے ایڈیشن کا آفیشل نغمہ ریلیز کردیا گیا، جسے گلوکار علی ظفر نے خود تحریر، کمپوز اور گایا ہے جبکہ گانے کی ویڈیو ریکارڈنگ میں نامور کھلاڑیوں کو بھی شامل کیا گیاہے۔

    گانے میں کراچی کنگز کے صدر شاہد آفریدی ، رمیز راجہ، فخر زمان، شعیب ملک، احمد شہزاد سمیت دیگر کھلاڑیوں کو دکھایا گیا ہے جو علی ظفر کی گائیکی پر رقص کرتے نظر آرہے ہیں جبکہ کچھ کھلاڑی میوزیک کے آلات بجاتے بھی نظر آئے۔

    حالیہ دنوں علی ظفر نے تیسرے ایڈیشن کے لیے تیار کیے جانے والے نغمے پر تبصرہ کرتے ہوئے کہا تھا کہ ایسا گانا بنانا چاہتا ہوں جسے سُن کر شائقین خود بھی گانا شروع کردیں اور سب شریک ہوں۔

    پی ایس ایل کے تیسرے ایڈیشن کے لیے تیار کیے جانے والے گانے کو ’دل سے جان لگادے‘ کا ٹائٹل دیا گیا ہے۔ واضح رہے کہ پاکستان سپر لیگ کے پہلے ایڈیشن کا گانا ’اب کھیل کے دکھا‘ اور دوسرے ایڈیشن کا ’اب کھیل جمے گا‘ بہت مقبول ہوئے تھے۔

    ویڈیو دیکھیں

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔