Tag: #HBLPSL

زمبابوے کے ایک اور کھلاڑی پی ایس ایل 9 میں حصہ لینے کے لیے تیار ہیں۔

زمبابوین کرکٹر رچرڈ نگراوا پاکستان سپر لیگ (پی ایس ایل) کے جاری سیزن نو میں شامل ہونے کے لیے تیار ہیں۔

نگراوا لیگ میں شامل ہونے جا رہے ہیں اور ملتان سلطانز کے اسکواڈ میں اولی اسٹون کی جگہ لیں گے۔ اسٹون گزشتہ ماہ کمر میں انجری کے باعث پی ایس ایل 9 سے باہر ہو گئے تھے۔

نگراوا پی ایس ایل میں شرکت کرنے والے تیسرے زمبابوے کرکٹر ہوں گے۔

اس سے قبل لاہور قلندرز کی نمائندگی کرنے والے سکندر رضا اور کراچی کنگز کی جانب سے کھیلنے والے بلیسنگ مزاربانی سمیت دو دیگر کرکٹرز پہلے ہی پی ایس ایل کا حصہ ہیں۔

نگراوا کو حال ہی میں ختم ہونے والی بنگلہ دیش پریمیئر لیگ (بی پی ایل) میں شاندار کارکردگی کی بنیاد پر شامل کیا جا رہا ہے۔

کراچی کنگز کے بلے باز لوئس ڈپلوئے نے کہا ہے کہ پہلی بار پاکستان آیا ہوں یہاں کے لوگ کرکٹ سے بہت محبت کرتے ہیں۔

کراچی کنگز کی جانب سے پی ایس ایل میں ڈیبیو کرنے والے بلے باز نے بتایا کہ مکی آرتھر نے مجھے پی ایس ایل کے بارے میں کافی بتایا تھا نیٹ بولرز اور لوکل کھلاڑیوں کو دیکھ کر لگا یہاں بہت ٹیلنٹ ہے۔

اسلام آباد یونائیٹڈ کے خلاف میچ کے بعد پریس کانفرنس کرتے ہوئے ڈپلوئے نے کہا کہ ہم تینوں ڈیپارٹمٹ میں اچھا نہیں کھیلے جب کہ انہوں نے بیٹنگ اور بولنگ دونوں میں پاور پلے میں اچھا کھیلا۔

لوئس ڈپلوئے کا کہنا تھا کہ یہاں کنڈیشنز تھوڑی مختلف ہےلیکن میرا پلان وہی تھا کراچی کی پچ تھوڑی سلوتھی جس کی وجہ سےمشکل ہوئی کم ہدف ہونےکی وجہ سےان پر پریشر کم تھا۔

کراچی کنگز کی ٹیم گھر آگئی اور گھر میں اسے نہ صرف جیت کی توقعات زیادہ ہیں بلکہ کراچی والوں سے بھی امید ہے کہ وہ بڑی تعداد میں گراؤنڈ آ کر ٹیم کو سپورٹ کریں گے۔

کراچی کنگز ہوم گراؤنڈ پر کل اپنا پہلا کھیلے گی اور اپنی کچھار میں اسلام آباد یونائیٹڈ سمیت دوسری ٹیموں کا شکار کرے گی۔

کراچی کنگز کے اونز سلمان اقبال نے ٹوئیٹ کیا کہ اپنے شہر پہنچ گئے ہیں امید کرتا ہوں فینز کراچی کنگز کی ٹی شرٹ پہن کر اسٹیڈیم نیلا سمندر بنا دیں گے۔

 

View this post on Instagram

 

A post shared by Salman Iqbal ARY (@salman_ary)

کپتان شان مسعود کا کہنا ہے کہ تمام کھلاڑی کراچی میں کھیلنے کیلئے پُرجوش ہیں اچھی ٹیم وہ ہوتی ہے جو اپنی غلطیوں سے سیکھتی ہے اور ہماری ٹیم نے بہت کچھ سیکھا ہے اور سب نے پرفارم کیا ہے۔

انہوں نے کہا کہ مجھے اچھا آغاز مل رہا ہے لیکن میں اس کو آگے نہیں بڑھا پارہا، جب میری پرفارمنس آئے گی تو ٹیم کو اور بھی فائدہ ہوگا۔

فاسٹ بولر میرحمزہ کو امید ہے ٹیم کو فل سپورٹ ملے گی جب کہ سعد بیگ اور دیگر کھلاڑیوں کا اصرار ہے کہ شائیقن اسٹیڈیم بھر دیں۔

کراچی کنگز پی ایس ایل سیزن 9 کی پوائنٹس ٹیبل میں تین میچوں میں دو فتوحات کے ساتھ چوتھی پوزیشن پر موجود ہیں جبکہ کل بدھ کو کراچی کی نیشنل اسٹیڈیم میں کراچی کنگز اور اسلام آباد یونائیٹڈ کی ٹیمیں مدمقابل آئیں گی۔

پی ایس ایل9 کے ابتدائی پانچ میں میچوں میں مسلسل شکست کے باوجود لہور قلندرز پلے آف کے لیے کوالیفائی کیسے کر سکتی ہے؟

اپنی فارم تلاش کرنے کے لیے جدوجہد کرتے ہوئے دفاعی چیمپئن لاہور قلندرز کو جاری پاکستان سپر لیگ (پی ایس ایل) سیزن نو میں مسلسل شکستوں کا سامنا کرنا پڑا ہے۔

قلندرز لیگ میں اب تک اپنے پانچوں میچ ہار چکے ہیں مزید برآں، وہ فی الحال پوائنٹس ٹیبل کے سب سے نیچے ہیں۔

https://urdu.arynews.tv/psl-9-former-cricketers-talk-about-lq-defeats/

اپنے پلے آف کے خوابوں کو زندہ رکھنے کے لیے لاہور کو اپنے بقیہ پانچ میچوں میں فتوحات حاصل کرنا ہوں گی جس کا مقصد کل 10 پوائنٹس حاصل کرنا ہے۔

پچھلے پی ایس ایل سیزن میں، ایسی مثالیں موجود ہیں جب ٹیموں نے صرف 10 پوائنٹس کے ساتھ پلے آف میں جگہ حاصل کی تھی۔

قابل ذکر بات یہ ہے کہ پشاور زلمی نے یہ کامیابی 2023 میں حاصل کی تھی جبکہ کراچی کنگز نے 2021 اور 2019 میں، اور کوئٹہ گلیڈی ایٹرز نے 2018 میں یہ کارنامہ انجام دیا تھا۔

یہ بات قابل ذکر ہے کہ ان ٹیموں نے کوالیفائنگ ٹیموں میں کم از کم مطلوبہ پوائنٹس کے ساتھ پلے آف تک رسائی حاصل کی۔

قلندرز کا اگلا چیلنج ٹیبل ٹاپرز ملتان سلطانز کے خلاف ہے، جو منگل کو لاہور میں شیڈول ہے۔

واضح رہے کہ پی ایس ایل 9 کی پوائنٹس ٹیبل پر ملتان سلطانز 5 میں سے 4 میچز جیت کر سر فہرست ہے۔ کوئٹہ گلیڈیئٹر نے 6 پوائنٹ کے ساتھ دوسری، کراچی کنگز اور پشاور زلمی نے بالترتیب تیسری اور چوتھی پوزیشن سنبھال رکھی ہے۔ اسلام آباد یونائیٹڈ ایک فتح اور 2 پوائنٹ کے ساتھ پانچویں جب کہ لاہور قلندر بغیر کسی پوائنٹ کے سب سے آخر چھٹے نمبر پر ہے۔