ARYNews.tv | Urdu – Har Lamha Bakhabar

Tag: #HBLPSL6

  • پی ایس ایل 6، سپر فور کیلئے چوتھی ٹیم کا فیصلہ آج ہوگا

    پی ایس ایل 6، سپر فور کیلئے چوتھی ٹیم کا فیصلہ آج ہوگا

    ابوظبی : پاکستان سپر لیگ سیزن سکس میں اگلا راؤنڈ شروع ہونے جارہا ہے، کراچی کنگز کیلئے آج کا میچ آر یا پار کی حیثیت رکھتا ہے۔ پی ایس ایل سیزن سکس کے پلے آف مرحلے کی چوتھی ٹیم کا فیصلہ آج ہوگا۔

    اس حوالے سے ذرائع کا کہنا ہے کہ کراچی کنگز اور گلیڈی ایٹرز آج مدمقابل ہوں گے جبکہ دوسرا ٹاکرا اسلام آباد یونائیٹڈ اور ملتان سلطانز کے درمیان ہوگا، پہلا میچ شام6بجے ہوگا۔ دوسرا ٹاکرا اسلام آباد یونائیٹڈ اور ملتان سلطانز کے درمیان رات گیارہ بجے ہوگا۔

    یاد رہے کہ پاکستان سپر لیگ کے دھواں دھار مقابلے جاری ہیں، گزشتہ روز ملتان سلطانز نے لاہورقلندرزکو80رنزسے شکست دی تھی، 170رنز کے تعاقب میں قلندرز صرف89پر ڈھیر ہوگئی تھی۔ ملتان سلطانز کے شاہنواز دہانی4وکٹیں اڑا کر مین آف دی میچ کے حقدار قرار پائے۔

  • پی ایس ایل6: آج مزید دو میچز کھیلے جائیں گے

    پی ایس ایل6: آج مزید دو میچز کھیلے جائیں گے

    ابوظبی: پی ایس ایل سیزن سکس کے بقیہ میچز میں شائقین کرکٹ کو دلچسپ اور سنسنی خیز مقابلے دیکھنے کو مل رہے ہیں، آج لیگ میں مزید دو میچز کھیلے جائیں گے۔

    تفصیلات کے مطابق لاہور قلندرز اور کوئٹہ گلیڈی ایٹرز کی ٹیمیں شام چھ بجے آمنے سامنے ہوں گی جبکہ دفاعی چیمپئن کراچی کنگز کا مقابلہ پشاور زلمی سے ہوگا۔

    کوئٹہ گلیڈی ایٹرز کے لئے آج کا میچ انتہائی اہم ہے، سرفراز الیون کے پاس اب ہارنےکا آپشن نہیں ہے وہ سات میں سےصرف ایک میچ جیت سکے ہیں، آج کے میچ میں ناکامی انہیں ٹورنامنٹ سے باہر کردی گی۔

    دوسرے میچ میں دفاعی چیمپئن کراچی کنگز کامقابلہ پشاور زلمی سے ہوگا، ٹاپ تھری میں آنےکیلئےکراچی کنگز کو آج کا میچ جیتنا ہوگا، پی ایس ایل سیزن سکس میں کراچی کنگز نے پشاور زلمی کو ہرایا تھا، دونوں ٹیموں کا ہائی وولٹیج میچ رات گیارہ بجے شروع ہوگا۔

    ہیڈ ٹوہیڈ مقابلوں میں پشاور کو برتری حاصل ہے، دونوں ٹیموں کے درمیان تیرہ میچز کھیلے گئے، جن میں سے آٹھ زلمی کے نام رہے۔

    گذشتہ روز پی ایس ایل 6 کے 22ویں میچ میں اسلام آباد یونائیٹڈ نے کراچی کنگز کو 8 وکٹوں سے شکست دی تھی۔

    میچ کے بعد گفتگو کرتے ہوئے کراچی کنگز کے کپتان عماد وسیم کا کہنا تھا کہ کیچز چھوڑیں گے تو ایسا ہی نتیجہ سامنے آتا ہے، ہم نے فیلڈنگ میں غلطیاں کیں، ابھی ٹورنامنٹ ختم نہیں ہوا، اگلے تینوں میچ جیت کر پلے آف کیلئے کوالیفائی کریں گے۔

  • پے در پے شکست: کوئٹہ گلیڈی ایٹرز مینجمنٹ کا مداحوں کے لئے اہم پیغام

    پے در پے شکست: کوئٹہ گلیڈی ایٹرز مینجمنٹ کا مداحوں کے لئے اہم پیغام

    کراچی: پی ایس ایل سکس میں ناکامیوں کے بھنور میں گھری کوئٹہ گلیڈی ایٹرز کے مالک ندیم عمر نے مداحوں کے نام اہم پیغام جاری کردیا ہے۔

    تفصیلات کے مطابق اپنے ٹوئٹ میں کوئٹہ گلیڈی ایٹرز کے مالک ندیم عمر نے کہا کہ یہ سال ہمارے لئے اتنا اچھا نہیں رہا، شکست کی ذمہ داری قبول کرتے ہیں، ہم نے اس ٹورنامنٹ میں اچھی کرکٹ نہیں کھیلی، وعدہ کرتے ہیں اگلے دس سال بہترین کرکٹ کھیلیں گے۔

    ندیم عمر نے مداحوں سے ٹیم پر اعتماد رکھنے اور سپورٹ کرنے کی اپیل بھی کی۔

     

  • سرفراز الیون آج اسلام آباد یونائیٹڈ کے خلاف بقا کی جنگ لڑے گی

    سرفراز الیون آج اسلام آباد یونائیٹڈ کے خلاف بقا کی جنگ لڑے گی

    پاکستان سُپر لیگ میں آج سرفراز احمد کی کوئٹہ گلیڈی ایٹرز کا مقابلہ اسلام آباد یونائیٹڈ سے ہوگا۔

    تفصیلات کے مطابق ابوظبی کے گرم موسم میں پی ایس ایل کے بقیہ میچز کا میدان سجا ہوا ہے، اور بہترین مقابلے دیکھنے کو مل رہے ہیں۔

    آج کوئٹہ گلیڈی ایٹرز اور اسلام آباد یو نائیٹڈ کے درمیان اہم مقابلہ ہوگا، پاکستانی وقت کے مطابق میچ رات نو بجے شروع ہوگا، یہ میچ کوئٹہ گلیڈی ایٹرز کیلئے ڈو اور ڈائی ہوگا۔کراچی میں ہونے والے پی ایس ایل کے پہلے مرحلے میں کوئٹہ گلیڈی ایٹرز کی ٹیم پانچ میں سے اپنےچار میچ ہار چکی ہے، شکست کی صورت میں کوئٹہ گلیڈی ایٹرز مزید مشکلات کا شکار ہوجائے گی۔

    ایونٹ میں دونوں ٹیموں کے درمیان یہ دوسرامیچ ہے، اسلام آباد یونائیٹڈ نے پہلے میچ میں گلیڈی ایٹرز کو چھ وکٹوں سے شکست دی تھی، ہیڈ ٹوہیڈ مقابلوں میں گلیڈی ایٹرز کو برتری حاصل ہے، دونوں ٹیموں نے اب تک بارہ میچز کھیلے ہیں، جن میں سے کوئٹہ نے سات میں فتح سمیٹی جبکہ پانچ میں ناکامی کا منہ دیکھنا پڑا۔

    گذشتہ روز پی ایس ایل سکس میں دو میچز کا فیصلہ ہوا، پہلے میچ میں ملتان سلطانز نے دفاعی چیممپئن کراچی کنگز کو 12 رنز سے شکست دی جبکہ دوسرے میچ میں لاہور قلندرز نے پشاور زلمی کو 10 رنز سے شکست دیکر پوائنٹس ٹیبل پر اپنے پوزیشن کو مزید مستحکم کیا۔

  • "ویزا مسائل میں ہمارا کنٹرول نہیں تھا”

    "ویزا مسائل میں ہمارا کنٹرول نہیں تھا”

    کراچی: چیف ایگزیکٹیو پی سی بی وسیم خان کا کہنا ہے کہ کھلاڑیوں کے ویزا مسائل میں ہمارا کنٹرول نہیں تھا کچھ چیزیں ہمارے ہاتھ میں نہیں تھیں۔

    تفصیلات کے مطابق اے آر وائی نیوز کے پروگرام ” باخبر سویرا” میں خصوصی گفتگو کرتے ہوئے چیف ایگزیکٹیو پی سی بی وسیم خان نے پی ایس ایل سکس کے بقیہ میچز کے حوالے سے کی جانے والی کاوشوں پر کھل کر اظہار خیال کیا۔

    وسیم خان کا کہنا تھا کہ پی ایس ایل سکس کو مکمل کرانے کے لئے ہمارے سامنے بہت چیلنجز آئے، ہم نے محنت کرکے ان چیلنجز کا سامنا کیا اور کامیاب رہے، کیونکہ پی ایس ایل سکس کو مکمل کرانا پی سی بی اور اس ٹورنامنٹ کی ساکھ کے لئے بہت اہم تھا۔

    چیف ایگزیکٹیو پی سی بی وسیم خان کا کہنا تھا کہ کچھ چیزیں ہمارے ہاتھ میں نہیں تھیں، ویزا مسائل میں ہمارا کنٹرول نہیں تھا،جو چیزیں ہمارے ہاتھ میں تھیں ان کو احسن طریقے سے سرانجام دیا۔

    کوئٹہ گلیڈی ایٹرز کے کپتان سرفراز احمد کے ساتھ ہونے والے واقعات پر وسیم خان کا کہنا تھا کہ تمام معاملات پر سرفراز احمد کو آن بورڈ لئے رکھا اور صورت حال سے آگاہ کرتے رہے، سرفراز کا رویہ بھی بہت اچھا رہا۔

    چیف ایگزیکٹیو پی سی بی وسیم خان نے باخبر سویرا میں گفتگو کرتے ہوئے بتایا کہ پی ایس ایل سکس کے معاملات میں فرنچائزر کا رویہ بہت اچھا رہا، تمام معاملات پر فرنچائزر نے بورڈ کا ساتھ دیا اور ہم پی ایس ایل کے بقیہ میچز کرانے میں کامیاب رہے۔

    پی ایس ایل سیون کے حوالے سے چیف ایگزیکٹیو پی سی بی وسیم خان کا کہنا تھا کہ آیندہ پی ایس ایل کی تیاری سےمتعلق فرنچائزز سےبات کر رہے ہیں، پاکستان سمیت دو تین وینیوز قابل غور ہیں تاہم پوری کوشش ہوگی کہ پاکستان سپر لیگ کا آئندہ ایڈیشن پاکستان میں ہو، کیونکہ پی ایس ایل پاکستان میں ہوگاتو معیشت پر اچھے اثر پڑیں گے۔

  • پی ایس ایل 6: پہلے مرحلے میں دبئی پہنچنے والے کھلاڑیوں کا قرنطینہ ختم

    پی ایس ایل 6: پہلے مرحلے میں دبئی پہنچنے والے کھلاڑیوں کا قرنطینہ ختم

    دبئی: پی ایس ایل سکس کے بقیہ میچز کے لئے پہلے مرحلے میں ابوظبی پہنچنے والے کھلاڑیوں کو قرنطینہ سے آزادی مل گئی ہے۔

    تفصیلات کے مطابق ابوظبی میں کھلاڑی قرنطینہ سےباہر آگئے، شیخ زید اسٹیڈیم میں لاہور قلندرزاور اسلام آباد یونائیٹڈ کےکھلاڑیوں نے ٹریننگ کا آغاز کردیا ہے۔

    ستائیس مئی کو پہلےمرحلے میں کراچی اور لاہور سے ابوظبی پہنچنے کےبعد کھلاڑیوں اور آفیشلز نےسات روز کا قرنطینہ مکمل کیا۔

    دوسری جانب بھارتی کریو کا دبئی میں دس روز کا قرنطینہ جاری ہےجس کےباعث ایونٹ کا شیڈول تاخیر کا شکارہے، بھارتی کریو کے قرنطینہ کم کرنے سے متعلق پی سی بی اور ابوظبی کے محکمہ صحت میں مذاکرات جاری ہے، آج بریک تھرو کا امکان ہے۔

    ذرائع پی سی بی کا کہنا ہے کہ بھارتی کریو کا سات روز قرنطینہ کی درخواست منظورہوگئی تو آٹھ جون تک ایونٹ شروع ہونے کا امکان ہے۔

  • پی ایس ایل منسوخ کیوں کیا؟ سی ای او پی سی بی نے اہم وجہ بتا دی

    پی ایس ایل منسوخ کیوں کیا؟ سی ای او پی سی بی نے اہم وجہ بتا دی

    لاہور : پاکستان کرکٹ بورڈ (پی سی بی) کے چیف ایگزیکٹو وسیم خان نے کہا ہے کہ فرنچائز سے مشاورت کے بعد پی ایس ایل6 ملتوی کیا گیا ہے، ہمارا مقصد غیرملکی کھلاڑیوں کی بحفاظت واپسی ہے۔

    یہ بات انہوں نے لاہور میں پریس کانفرنس سے خطاب کرتے ہوئے کہی، انہوں نے کہا کہ کسی پر الزام تراشی یا بلیم گیم میں نہیں پڑنا چاہتے۔

    سی ای او پی سی بی نے کہا کہ ہمارے لئے مایوسی کی بات ہے جو کرنا چاہتے تھے وہ نہ کرسکے، ابھی ہمارامقصد کھلاڑیوں کو ان کے ملکوں میں بحفاظت واپس روانہ کرنا ہے۔

    انہوں نے کہا کہ نیشنل ٹی20، قائداعظم ٹرافی اور ون ڈے کپ کا کامیابی سے انعقاد کرایا لیکن بے حد افسوس ہوا کہ پاکستان سپر لیگ سیزن 6 کو ملتوی کرنا پڑا، فرنچائز سے مشاورت کے بعد پی ایس ایل6 ملتوی کیا ہے۔

    وسیم خان نے کہا کہ ہم پی ایس ایل کیلئے آگے موقع تلاش کریں گے اور اپنی غلطیوں سے سبق بھی سیکھیں گے، یہ بھی دیکھیں گے کہ ہم سے کہاں غلطی ہوئی، بائیو سیکیور ببل سے فائدہ اٹھانے کیلئے ڈسپلن لازمی ہے۔

    سی ای او پی سی بی کا مزید کہنا تھا کہ ہم دیگر تمام معاملات کی تحقیقات بھی کریں گے، پی ایس ایل میں باقی میچز کے امکانات کا جائزہ لیا جائے گا، آج کا دن پی سی بی میں شامل ہر ایک کیلئے مشکل تھا۔

    وسیم خان نے بتایا کہ سیزن کے آغاز میں ایس او پیز کے حوالے سے ایک چھوٹی سی غلطی ہوئی تھی لیکن بعد میں حالات ایسے ہوگئے تھے کہ بروقت اقدامات کرنا پڑے، کہاں اور کس مقام پر کوتاہی ہوئی تحقیقات کرنا ضروری ہے۔

    سی ای او پی سی بی نے اس بات پر خوشی کا اظہار کیا کہ شائقین کرکٹ نے اس مشکل گھڑی میں بھی پی سی بی کو مکمل سپورٹ کیا جو ہمارے لیے باعث اطمینان ہے۔

    انہوں نے کہا کہ قومی ٹیم کے کھلاڑی ملک کا نام روشن کرنے کیلئے بہت محنت کرتے ہیں، تمام فرنچائز نے پی ایس ایل پر کافی پیسہ خرچ کیا ہے اگر سب ایک پیج پر ہوں گے تب ہی کامیابیاں مل سکتی ہیں۔

    ان کا مزید کہنا تھا کہ مالی طور پر فرچائز سمیت سب کو ہی نقصان پہنچ رہا ہے، بورڈ آف گورنرز کی میٹنگ میں یہ معاملہ بھی زیر بحث لائیں گے۔

  • پاکستان سپر لیگ سیزن سکس ملتوی ہونےکا امکان

    پاکستان سپر لیگ سیزن سکس ملتوی ہونےکا امکان

    کراچی: عالمی وبا کرونا کے باعث پاکستان سپرلیگ سیزن سکس ملتوی ہونےکا امکان پیدا ہوگیا ہے۔

    ذرائع کے مطابق ملک میں ایک بار پھر کرونا کیسز بڑھنے لگے ہیں، جس کے باعث کراچی میں جاری پاکستان سپر لیگ سیزن 6 کے انعقاد پر سوالیہ نشان لگ گیا ہے۔

    کرونا کے بڑھتے کیسز کے باعث پی ایس ایل انتظامیہ اور ٹیم مالکان کا ہنگامی اجلاس جاری ہے، اجلاس میں کرونا کیسز بڑھنے کے بعد کی صورتحال پر تبادلہ خیال کیا جارہاہے، اس بات کا امکان پیدا ہوگیا ہے کہ پاکستان سپرلیگ سیزن سکس کو فوری طور پر ملتوی کیا جائے گا۔

    اطلاعات یہ بھی ہے کہ پی ایس ایل میں شامل ایک غیر ملکی کھلاڑی آج رات اپنے وطن واپس لوٹ جائیں گے، پی ایس ایل کے آغاز سے اب تک سات افراد کووڈ کا شکار ہوچکے ہیں۔کورونا کیسزدوسری جانب پی سی بی کی جانب سے کہا گیا تھا کہ پاکستان سُپر لیگ (پی ایس ایل) کے سیزن 6 میں شامل دو ٹیموں کے مزید تین کھلاڑیوں کے کرونا ٹیسٹ مثبت نکل آئے ہیں، علامات ظاہر ہونے پر گزشتہ روز دوپہر میں ان کھلاڑیوں کے کرونا ٹیسٹ کروائے گئے تھے، جس کے باعث ان کھلاڑیوں نے بدھ کے روز منعقدہ میچز میں شرکت نہیں کی تھی۔

    یہ بھی پڑھیں:  پی ایس ایل 6 : مزید 3 کھلاڑی کورونا کا شکار

    اس سے قبل پی ایس ایل 6 میں تین کھلاڑیوں اور ایک آفیشل میں کرونا کی تصدیق ہوئی تھی ، جس میں اسلام آباد یونائیٹڈ کے فواد احمد اور لوئس گریگری اور کوئٹہ گلیڈی ایٹرز کے ٹام بینٹن شامل تھے۔

    کرونا مثبت آنے کے بعد تینوں کھلاڑیوں اور کراچی کنگز کے فیلڈنگ کوچ کامران خان کو دس دن کے لیے فوری طور پر قرنطینہ کردیا گیا تھا۔

    یاد رہے اسلام آباد یونائیٹڈ کے آسٹریلوی اسپنر فواد احمد کرونا وائرس میں مبتلا ہوئے تھے جس کے بعد اسلام آباد یونائیٹڈ اور کوئٹہ گلیڈی ایٹرز کا میچ ایک روز کے لیے ملتوی کردیا گیا تھا۔

  • بابر اعظم اور محمد نبی نے کراچی کنگز کو کامیابی دلوادی، زلمی کو شکست

    بابر اعظم اور محمد نبی نے کراچی کنگز کو کامیابی دلوادی، زلمی کو شکست

    کراچی: پی ایس ایل 6 کے 13ویں میچ میں کراچی کنگز نے سنسنی خیز مقابلے کے بعد پشاور زلمی کو 6 وکٹوں سے شکست دے دی۔

    تفصیلات کے مطابق پی ایس ایل 6 کے 13ویں میچ میں کراچی کنگز نے پشاور زلمی کی جانب سے دیا جانے والا 189 رنز کا ہدف آخری اوور میں 4 وکٹوں کے نقصان پر حاصل کرلیا، بابر اعظم اور محمد نبی نے شاندار نصف سنچریاں اسکور کیں۔

    بابر اعظم نے ناقابل شکست 77رنز کی اننگز کھیلی اور محمد نبی 68 رنز بنا کر آؤٹ ہوئے۔

    محمد نبی اور بابر اعظم کے علاوہ کوئی کھھلاڑی خاطر خواہ کارکردگی نہ دکھا سکا، شرجیل خان بغیر کوئی رن بنائے پویلین لوٹ گئے، جو کلارک 17 رنز بناسکے، کولن انگرام بھی 3 رنز پر ہمت ہار گئے، ڈینئل کرسٹن 12 رنز بنا کر ناٹ آؤٹ رہے۔

    پشاور زلمی کی جانب سے ثاقب محمود نے دو کھلاڑیوں کو پویلین کی راہ دکھائی، محمد عمران اور محمد عرفان ایک، ایک وکٹ حاصل کرسکے۔

    اس سے قبل  پشاور زلمی نے کراچی کنگز کو جیت کیلئےایک سو نواسی رنز کا ہدف دیا تھا۔

    کراچی کنگز نے پاور پلے میں پشاور زلمی کے تین کھلاڑیوں کو آؤٹ کیا، تین کھلاڑی آوٹ ہونے کے بعد پشاور زلمی کے بوپارا اور ردرفورڈ نے ذمہ دارانہ بیٹنگ کا مظاہرہ کیا۔

    بوپارانے 57 رنز کی شاندار اننگز کھیلی جبکہ ردرفورڈ 32 گیندوں پر چھیالیس رنز بناکر آؤٹ ہوئے، اختتامی اوورز میں عماد بٹ نے سات گیندوں پر ستائیس رنز کی جارحانہ اننگز کھیلی۔

    کراچی کنگز کے عباس آفریدی اور محمد الیاس نے دو دو جبکہ ڈین کرسٹن نے ایک شکار کیا۔

    کراچی کنگز نے آج کے میچ کے لئے ٹیم میں ایک تبدیلی کی تھی، وقاص مقصود کی جگہ عباس آفریدی کو ٹیم میں شامل کیا گیا، دیگر کھلاڑیوں میں بابراعظم، شرجیل خان، کولن انگرام، جو کلارک، محمد نبی، ڈینیل کرسچن، محمد الیاس، محمد عامر اور ارشاد اقبال شامل تھے۔

    پشاور زلمی کی ٹیم میں تین تبدیلیاں کیں گئیں، کپتان وہاب ریاض کمر میں تکلیف کے باعث کراچی کنگز کے خلاف نہیں کھیل رہے ان کی جگہ شعیب ملک ٹیم کی قیادت کر رہے ہیں, دیگر  کھلاڑیوں میں کامران اکمل، ٹام کیڈمور کوہلر، حیدر علی، روی بوپارا، شرفین ردرفورڈ، عماد بٹ، عمید آصف، ثاقب محمود، محمد عرفان اور محمد عمران شامل تھے۔

    واضح رہے کہ پی ایس ایل سیزن سکس میں اب تک تمام ٹیمیں چار چار میچز کھیل چکی ہیں، پوائنٹس ٹیبل پر اس وقت پشاور زلمی پہلے، اسلام آباد یونائیٹڈ دوسرے، لاہور قلندرز تیسرے، کراچی کنگز چوتھے، ملتان سلطانز پانچویں اور کوئٹہ گلیڈی ایٹرز آخری نمبر پر موجود ہے۔

    اب تک کھیلے گئے چار میچز میں کوئٹہ گلیڈی ایٹرز کو شکست کا سامنا کرنا پڑا ہے، ملتان سلطان نے چار میں سے ایک میچ میں فتح حاصل کی ہے، کراچی کنگز نے اپنے چار میچز میں سے دو میں فتح سمیٹی جبکہ پشاور زلمی اس وقت پوائنٹس ٹیبل پر پہلے نمبر پر موجود ہے اس نے اپنے چار میں سے تین میچز میں فتح حاصل کی ہے۔

  • بابر اور کلارک نے کراچی کنگز کو کامیابی دلوادی، سلطانز کو 7 وکٹوں سے شکست

    بابر اور کلارک نے کراچی کنگز کو کامیابی دلوادی، سلطانز کو 7 وکٹوں سے شکست

    کراچی: پی ایس ایل 6 کے نویں میچ میں کراچی کنگز نے بابر اعظم اور جو کلارک کی شاندار اننگز کی بدولت ملتان سلطانزکو باآسانی 7 وکٹوں سے شکست دے دی، بابر اعظم کو میچ کا بہترین کھلاڑی قرار دیا گیا۔

    تفصیلات کے مطابق پی ایس ایل 6 کے نویں میچ میں کراچی کنگز نے ملتان سلطانز کی جانب سے دیا گیا 196 رنز کا ہدف 3 وکٹوں کے نقصان پر حاصل کرلیا، کراچی کنگز کی ایونٹ میں یہ دوسری کامیابی ہے۔

    بابر اعظم نے 90رنز کی ناقابل شکست اننگز کھیلی، جو کلارک نے 26 گیندوں پر 54 رنز کی برق رفتار اننگز کھیلی، شرجیل خان 27 رنز بنا کر نمایاں رہے۔

    کولن انگرام 6 رنز بنا کر سہیل خان کا نشانہ بنے، محمد نبی 13 رنز بنا کر ناٹ آؤٹ رہے۔

    ملتان سلطانز کی جانب سے شاہنواز دھانی نے 2 وکٹیں حاصل کیں، سہیل خان ایک وکٹ حاصل کرسکے۔

     اس سے قبل ملتان سلطانز نے وکٹ کیپر بلے باز محمد رضوان اور جیمز ونس کی شانداری بلے بازی کے باعث کراچی کنگز کو جیتنے کے لئے 196 رنز کا ہدف دیا تھا۔

    تفصیلات کے مطابق نیشنل اسٹیڈیم میں پی ایس ایل کے نویں میچ میں دلوں کے بادشاہ کراچی کنگز نے ٹاس جیت کر ملتان سلطانز کو بیٹنگ کی دعوت دی تھی۔

    سلطانز کے اوپنرز نے 4.2 اوورز میں 53 رنز بناکر ٹیم کو مضبوط آغاز فراہم کیا، 53 کے مجموعی اسکور پر کرس لین 32 رنز بناکر کراچی کنگز کے کپتان کا شکار بنے۔

    ملتان سلطانز کے وکٹ کیپر محمد رضوان نے ایک بار پھر عمدہ اننگز کھیلی اور ٹیم کے لئے 43 رنز بنائے، انہیں کراچی کنگز کے ارشد اقبال نے پویلین بھیجا، بعد ازاں صہیب مقصود اور جیمز ونس نے ٹیم کی کمان سبنھالی اور تیزی سے اسکور کرنے کا سلسلہ جاری رکھا۔

    جیمز وینس نے 29 بالز پر 45 رنز کی اننگز کھیلی، صہیب مقصود 34 رنز بناکر ناٹ آؤٹ رہے، ملتان سلطانز کے بوم بوم آفریدی ایک بار بڑا اسکور نہ کرسکے اور 3 رنز بناکر آؤٹ ہوئے۔

    ملتان سلطانز نے مقررہ 20 اوورز میں 6 وکٹوں کے نقصان پر 195 رنز بنائے۔

    کراچی کنگز کی جانب سے ارشد اقبال نے 2، کپتان عماد وسیم، محمد عامر ، وقاص مقصود اور ڈین کرسٹن نے ایک ایک وکٹ حاصل کی۔اس سے قبل دلوں کے بادشاہ کراچی کنگز نے ٹاس جیت کر ملتان سلطانز کو بیٹنگ کی دعوت دی تھی، ٹاس کے بعد گفتگو کرتے ہوئے کراچی کنگز کے کپتان عماد وسیم نے کہا کہ وکٹ بولنگ کے لئے اچھی لگ رہی ہے، اسی لئے ٹاس جیت کر پہلے بولنگ کا فیصلہ کیا ہے۔

    فائنل الیون میں تبدیلی سے متعلق عماد وسیم کا کہنا تھا کہ ٹیم میں کوئی تبدیلی نہیں کی گئی ہے، گذشتہ میچ کھیلنے والے اسکواڈ کو برقرار رکھا گیا ہے۔

    کراچی کنگزکو ملتان سلطانزپر واضح برتری حاصل ہے، دونوں ٹیموں کے درمیان پانچ میچز کھیلےگئے، کراچی کنگز نے چار میں کامیابی حاصل کی، ملتان صرف ایک میچ جیت سکا، کراچی کنگز آج ملتان سلطانز کو ہرانے میں کامیاب ہوگئی تو پوائنٹس ٹیبل پر سرفہرست ہوجائے گی۔

    دوسرے میچ میں پشاور زلمی اور اسلام آباد یونائیٹڈ مدمقابل ہوں گے، دونوں ٹیموں کے درمیان میچ شام سات بجے کھیلا جائے گا، گذشتہ روز ہونے والے میچ میں پشاور زلمی نے سنسنی خیز مقابلے کے بعد کوئٹہ گلیڈی ایٹرز کو 3 وکٹوں سے شکست دی تھی۔

    آج کے میچز کی خاص بات بچوں میں کینسر کے مرض سے آگاہی کی مناسبت سے نیشنل اسٹیڈیم کراچی میں گولڈن ربن ڈے منایا جائے گا، جہاں کینسر میں مبتلا دو بچوں کو اسلام آباد یونائیٹڈ، کراچی کنگز،ملتان سلطانز اور پشاور زلمی کی دستخط شدہ شرٹس بطور تحفہ دی جائیں گی۔