Tag: head stuck

بیجنگ : کمرے کی چھت پر چپکا ہوا بالوں کا گچھا دیکھ کر دیکھنے والے خوف میں مبتلا ہوگئے، حقیقت جان کر ان کی جان میں جان آئی۔

چین میں ایک لڑکی نے ایسی خوفناک حرکت کی کہ دیکھنے والے خوفزدہ رہ گئے کیونکہ ایسا منظر کسی ڈراؤنی فلم میں ہی دیکھا جاسکتا ہے۔

مذکورہ نوجوان چینی لڑکی نے اپنے والدین کو اس وقت پریشانی میں مبتلا کردیا جب انہوں نے اپنے گھر کی چھت پر بالوں کا گچھا لٹکا ہوا پایا یہ کسی ہارر مووی کا منظر تھا۔

ہوا کچھ یوں کہ جنوب مغربی چین کے صوبہ گوئی زو میں پڈنگ کاؤنٹی میں یہ لڑکی اپنے گھر کی بالائی منزل پر گئی جو کہ زیر تعمیر تھا۔

وہاں اس نے گھر کی پہلی منزل کے ایک کمرے میں سوراخ پایا یہ سوراخ ایک ایگزاسٹ فین کو نصب کرنےکیلئے کیا گیا تھا۔

لڑکی کو اندازہ نہیں تھا کہ پنکھا وہاں پہر نصب کیا جانا ہے اور اس نے اپنا سر اس کے اندر ڈالنے کا فیصلہ کیا جیسے ہی اس نے سوراخ سے نیچے جھانکنے کیلئےاپنا سر اس میں ڈالا تو اسے احساس ہوا کہ اس کا سر اس میں پھنس گیا ہے۔

والدین نے اپنی بیٹی کو بچانے کے لیے فوری طور پر فائر فائٹرز کو اطلاع دی، جب عملہ گھر پہنچا تو انہوں نے دیکھا کہ ایک "خوفناک” سر لمبے بالوں سے ڈھکا ہوا ہے جو چھت سے الٹا لٹکا ہوا ہے۔

فائر فائٹرز نے حقیقت جاننے کے بعد اس لڑکی کو نکالنے کے لیے کافی جتن کیے، لڑکی کے سر پر اچھی تیل لگا یا گیا تاکہ اسے سوراخ سے باہر نکالا جا سکے۔بعد ازاں لڑکی کے سر کو آزاد کرالیا گیا۔