ARYNews.tv | Urdu – Har Lamha Bakhabar

Tag: health minister

  • ایڈز کے خاتمے کے لیے مؤثر اقدامات کو یقینی بنا رہے ہیں: وزیر صحت

    ایڈز کے خاتمے کے لیے مؤثر اقدامات کو یقینی بنا رہے ہیں: وزیر صحت

    اسلام آباد: وفاقی وزیر صحت عبد القادر پٹیل کا کہنا ہے کہ وزارت صحت ایڈز کے خاتمے کے لیے مؤثر اقدامات کو یقینی بنا رہی ہے، موجودہ حکومت صحت کے شعبے پر خصوصی توجہ دے رہی ہے۔

    تفصیلات کے مطابق اقوام متحدہ کے ایڈز کنٹرول پروگرام کی کنٹری ڈائریکٹر کی وفاقی وزیر صحت عبد القادر پٹیل سے ملاقات ہوئی۔

    ملاقات میں صحت کے شعبے بالخصوص ایڈز کی موجودہ صورتحال اور اس کے خاتمے کے لیے درپیش چیلنجز پر تبادلہ خیال ہوا۔

    وزیر صحت عبد القادر پٹیل کا کہنا تھا کہ موجودہ حکومت صحت کے شعبے پر خصوصی توجہ دے رہی ہے، وزارت صحت ایڈز کے خاتمے کے لیے مؤثر اقدامات کو یقینی بنا رہی ہے۔

    انہوں نے کہا کہ ایڈز کے خاتمے کے لیے مربوط حکمت عملی کے تحت اقدامات کیے جا رہے ہیں، وفاق صوبائی حکومت کے ساتھ مل کر ایڈز کے خاتمے کے لیے سنجیدہ اقدامات کو یقینی بنا رہا ہے۔

    ملاقات میں پروگرام کی کنٹری ڈائریکٹر نے پاکستان میں ایڈز کے خاتمے کے لیے بھرپور تعاون کا یقین دلایا۔

  • اردن : اسپتال میں داخل 6 کورونا مریض دم گھٹنے سے ہلاک

    اردن : اسپتال میں داخل 6 کورونا مریض دم گھٹنے سے ہلاک

    عمان : اردن کے ایک اسپتال میں انتطامیہ کی غفلت سے6کورونا مریض دم گھٹنے کے باعث دم توڑ گئے، افسوسناک واقعے کے بعد وزیر صحت نے عہدے سے استعفیٰ دے دیا۔

    اردن کے سالٹ شہر کے ایک سرکاری ہسپتال میں آکسیجن کی معطلی کے باعث کورونا کے چھ مریض چل بسے، واقعے کے بعد اردن کے وزیر صحت نذیرعبیدات مستعفی ہوگئے۔

    سالٹ شہر میں نئے کھولے گئے اسپتال میں آئے دن مریضوں کی ہلاکتوں کے باعث عوام میں شدید غم وغصہ بڑھ رہا ہے۔

    سان ڈیاگو یونین ٹریبون نے خبر رساں ایجنسی کے حوالے سے بتایا ہے کہ وزیر صحت نے کہا ہے کہ وہ سالٹ پبلک ہسپتال میں ہونے والے واقعہ کی اخلاقی ذمہ داری قبول کرتے ہیں۔ جہاں آکسیجن کی معطلی کے باعث مریض ہلاک ہوئے ہیں۔

    حکومتی ترجمان نے کہا ہے کہ وزیر صحت نے وزیر اعظم کی ہدایت پر استعفیٰ دیا ہے۔ مذکورہ واقعے کے بعد اسپتال کے سربراہ بھی مستعفی ہوگئے ہیں۔

    یاد رہے کہ گزشتہ روز اسپتال کے انتہائی نگہداشت وارڈ میں آکسیجن کی فراہمی میں ایک گھنٹے تک معطلی رہی جس کے باعث چھ مریض ہلاک ہوئے تھے۔

    وزیر صحت نے ٹی وی پر بیان میں کہا کہ آکسیجن کی فراہمی ایک گھنٹے تک معطل رہی جس کے بعد اسپتال کو متبادل نظام پر منتقل کیا گیا تاہم اس وقت مریضوں کی موت ہو چکی تھی۔

    انہوں نے کہا کہ ہوسکتا ہے کہ مریضوں کی ہلاکت آکسیجن کی معطلی کا نتیجہ ہو، واقعہ کی تحقیقات کی جا رہی ہیں۔

    اردن کے شاہ عبداللہ نے اسپتال کا دورہ کیا اس موقع پر سیکیورٹی فورسز نے علاقے کا محاصرہ کیے رکھا۔ اردنی وزیراعظم کے حکم پر پراسیکیوٹر جنرل نے واقعہ کی تحقیقات کا آغازکردیا ہے۔

    وزیر اعظم نے عوام سے واقعہ کی شفاف اور جامع تحقیقات کا وعدہ کیا ہے۔ تحقیقات کے نتائج کو عوام کے سامنے لایا جائے گا۔

    روئٹرز کے مطابق آکسیجن کی فراہمی میں معطلی سے انتہائی نگہداشت، گائنی یونٹ اور کورونا وائرس کے مریض متاثر ہوئے تھے۔

    مقامی رپورٹس میں دعویٰ کیا گیا ہے کہ آکسیجن کی فراہمی میں معطلی فنی خرابی کا نتیجہ تھی تاہم کسی سرکاری ذرائع نے اس کی تصدیق نہیں کی ہے۔

  • عمان کا کرونا ویکسین کے حوالے سے بڑا فیصلہ

    عمان کا کرونا ویکسین کے حوالے سے بڑا فیصلہ

    مسقط : سلطنت عمان نئے کورونا وائرس کی روک تھام کیلئے بنائی گئی ویکسین کی سات لاکھ خوراکیں حاصل کرنے کا فیصلہ کیاہے۔

    یہ بات عمان کے وزیر صحت احمد احمد السیدی نے میڈیا کو گزشتہ روز بتائی، ان کا کہنا تھا کہ سلطنت عمان کوویڈ 19 ویکسین کی 700،000 خوراکیں حاصل کرنے کی کوشش کر رہی ہے۔

    عمان کی مقامی نیوز ایجنسی کو جاری کردہ ایک بیان میں آل سعیدی نے کہا کہ وزارت صحت اور عالمی اتحاد برائے ویکسین اور حفاظتی ٹیکوں کی نمائندگی کرنے والی تنظیم اور سلطنت کے مابین مستقل ہم آہنگی پائی جاتی ہے لہذا جیسے ہی کورونا وائرس ویکسین تیار ہوگی اس کی700،000خوراکیں وصول کی جاسکیں گی۔

    عمان کے وزیر صحت کا کہنا ہے کہ ویکسین کی حفاظتی اور تاثیر کی تصدیق کے بعد ہی ویکسین تک رسائی کو محفوظ بنانے کے لئے وزارت نے متعدد پہلوؤں پر مختلف کوششیں کی ہیں۔

    ان کا کہنا تھا کہ سلطنت عمان اس ویکسین سے متعلق تحقیق کی تیاری میں حصہ لینے کی کوشش کر رہی ہے ، جو اس بات کو یقینی بنائے گی کہ اس کی تیاری کے بعد ملک میں اس کی طلب میں اضافہ ہوگا۔

  • کرونا وائرس : سعودی وزیر صحت کا اہم پیغام

    کرونا وائرس : سعودی وزیر صحت کا اہم پیغام

    ریاض : سعودی عرب کے وزیر صحت ڈاکٹر توفیق الربیعہ نے کہا ہے کہ ابھی یہ فیصلہ نہیں کیا جاسکتا کہ کورونا وائرس کرونا وائرس سے بچاﺅ کیلیے کی جانے والی احتیاطی تدبیر کب ختم ہوں گی۔

    سعودی خبررساں ادارے کے مطابق وزیر صحت ڈاکٹر توفیق الربیعہ نے پریس کانفرنس سے خطاب کرتے ہوئے اس بات کی وضاحت کی ہے کہ اس بات کا تعین نہیں کیا جاسکتا کہ کورونا وائرس کی روک تھام کیلئے کیے گئے اقدامات اور احتیاطی تدابیر پر عمل درآمد کب ختم کیا جائے گا اور اس کی تاریخ کا تعین کرنا بہت مشکل ہے۔

    انہوں نے کہا کہ کورونا وائرس سے متعلق احتیاطی تدابیر کا مسلسل جائزہ لیا جارہا ہے جب ان کی ضرورت ختم ہوگی پہلی فرصت میں انہیں اٹھائے جانے کا اعلان کردیا جائے گا۔

    سعودی وزیر صحت نے بتایا کہ کورونا وائرس عالمی وبا ہے۔ اس کا خاتمہ کب ہوگا اس سلسلے میں توقعات سے کام نہیں لیا جاسکتا۔ ہمارا خیال ہے کہ یہ وائرس ان ممالک میں زیادہ پھیل رہا ہے جہاں اس سے بچاﺅ کی تدابیر نہیں کی گئیں۔

    انہوں نے مزید کہاکہ کورونا وائرس کی نگراں کمیٹی احتیاطی تدابیر کا انتہائی پابندی سے جائزہ لے رہی ہے، وہی طے کرے گی کہ احتیاطی تدابیر کب تک جاری رہیں گی اور کب انہیں اٹھایا جائے گا۔

  • کورونا وائرس : قطرمیں موجود تمام لوگوں کا ہر طرح سے خیال رکھا جارہا ہے، محمد بن حماد الثانی

    کورونا وائرس : قطرمیں موجود تمام لوگوں کا ہر طرح سے خیال رکھا جارہا ہے، محمد بن حماد الثانی

    قطر : وزیر صحت شیخ ڈاکٹر محمد بن حماد الثانی نے کہا ہے کہ کورونا وائرس کے حوالے سے ہر شہری کا خیال رکھا جارہا ہے چاہے وہ ملکی ہوں یا غیرملکی، گھبرانے کی ضرورت نہیں، سب کا خیال رکھیں گے۔

    یہ بات انہوں نے میڈیا سے گفتگو میں کہی۔ ڈاکٹر محمد بن حماد الثانی کا کہنا تھا کہ صحت کے حوالے سے ملک ان حالات کے لئے ہر طرح سے تیار ہے اور عوام کو کسی خوف و ہراس میں مبتلا ہونے کی ضرورت نہیں، میں آپ کو یقین دلانا چاہتا ہوں کہ کسی بھی حوالے سے گھبرانے کی ضرورت نہیں اور ہر چیز ترتیب میں ہے، یہ ملک آپ میں سے ہر ایک کے لئے ہے۔

    قطری ذرائع ابلاغ کئے مطابق ان کا مزید کہنا تھا کہ ہم ملک کے تمام لوگوں کا خیال کرتے ہیں چاہے وہ قطری ہوں یا غیر ملکی ہر شخص کو صحت کی نگہداشت کی خدمات یکساں طور پر مہیا کی جاتی ہیں۔

    انہوں نے بتایا کہ کورونا سے متاثرہ پہلے جن چار مریضوں کا علاج کیا گیا ان کا تعلق اردن ، فلپائن ، سوڈان اور ایران سے تھا جس سے صاف طاہر ہے کہ ہم تمام لوگوں کی دیکھ بھال کرتے ہیں۔ کورونا وائرس کے سلسلے میں حکومت نے بڑے پیمانے پر اہم اقدامات کیے ہیں۔

  • 35فیصد خواتین ڈاکٹر بننے کے بعد پیشے سے منسلک نہیں رہتیں، یاسمین راشد

    35فیصد خواتین ڈاکٹر بننے کے بعد پیشے سے منسلک نہیں رہتیں، یاسمین راشد

    لاہور : وزیرصحت پنجاب یاسمین راشد نے کہا ہے کہ35فیصد خواتین ڈاکٹر بننے کے بعد پیشے سے منسلک نہیں رہتیں، بچیوں کو ڈاکٹر اچھے رشتے کیلئے بنایا جاتا ہے۔

    ان خیالات کا اظہار انہوں نے اے آر وائی نیوز کے پروگرام سوال یہ ہے میں میزبان ماریہ میمن سے خصوصی گفتگو کرتے ہوئے کیا، یاسمین راشد نے کہا کہ ملک کے مختلف میڈیکل کالجز سے کامیاب ہونے والی35فیصد خواتین ڈاکٹرز اپنے فرائض انجام نہیں دے رہی ہیں۔

    وزیرصحت پنجاب نے کہا کہ میڈیکل کالج میں داخلہ لینے والی لڑکیوں کی تعداد زیادہ ہے،18سال مہنگی تعلیم حاصل کرنے کے بعد اپنے ہنر کا اظہار نہ کیا جائے تو غلط ہے۔

     یاسمین راشد کا مزید کہنا تھا کہ ایک تاثر یہ بھی ہے کہ بچیوں کو ڈاکٹر اچھے رشتے کیلئے بنایا جاتا ہے اور بد قسمتی سے شادی کے بعد بچیوں کو بطور ڈاکٹرز کردار ادا کرنے کا موقع نہیں دیا جاتا۔

    انہوں نے کہا کہ میڈیکل کے طالب علم کی پڑھائی پر30سے40لاکھ روپے خرچ آتا ہے، پرائیوٹ کالجز میں بھی لڑکوں کی نسبت لڑکیوں کی تعداد زیادہ ہے، اس کے علاوہ میڈیکل طالبعلم پر پرائیوٹ کالجز میں بھی سالانہ 10لاکھ روپے خرچ ہوتے ہیں۔

    ایک سوال کے جواب میں ان کا کہنا تھا کہ لیڈی ڈاکٹرز ٹیلی میڈسن کے ذریعے بھی اپنے ہنر کا مظاہرہ کر کے ملک و قوم کی خدمت کرسکتی ہیں، لیڈی ڈاکٹرز کیلئے ٹیلی میڈسن کو اہمیت دے رہے ہیں۔

    وزیرصحت نے کہا کہ سوچ میں تبدیلی کے لئے ہم سب کو شعور اجاگر کرنا ہوگا، آبادی کا51فیصد طبقہ ملکی ترقی کیلئے اپنا کردار ادا نہیں کرے گا تو معاشرے میں تبدیلی ناممکن ہے۔

  • عوام جعلی پروپیگنڈے اور افواہوں پر کان نہ دھریں: وزیرصحت کے پی

    عوام جعلی پروپیگنڈے اور افواہوں پر کان نہ دھریں: وزیرصحت کے پی

    پشاور: وزیر صحت کے پی، ہشام خان نے درخواست کی ہے کہ عوام  جعلی پروپیگنڈے اور افواہوں پر کان نہ دھریں.

    ان خیالات کا اظہار انھوں نے پشاور میں انسداد پولیو مہم سے متعلق خبروں‌ پر  ردعمل دیتے ہوئے کیا. انھوں نے کہا کہ الحمدللہ پشاور کے تمام بچے صحت مند ہیں.

    [bs-quote quote=”بچوں سے بھی خود ملاقات کی، ان کی طبیعت ٹھیک ہے” style=”style-8″ align=”left” author_name=”صوبائی وزیر صحت”][/bs-quote]

    وزیر  صحت کے پی ہشام خان نے کہا کہ رپورٹ آئی تھی، ایک دو اسکولوں میں بچوں کو ڈراپس کا ری ایکشن ہوا، متاثرہ بچوں کو اسپتال لایا گیا، والدین اور ڈاکٹرز سے بھی ملا.

    ہشام خان نے کہا کہ بچوں سے بھی خود ملاقات کی، ان کی طبیعت ٹھیک ہے، مساجدمیں اعلانات ہوئے کہ جن بچوں کوقطرے پلائے گئے ہیں، وہ اسپتال جائیں، ایسی کوئی بات نہیں، والدین بچوں کو اپنے گھروں میں رکھیں.

    وزیر صحت کے پی ہشام خان کا کہنا تھا کہ صبح سے لے کر اب تک کوئی ایسا واقعہ پیش نہیں آیا، نہ تو کسی بچے کو جان کا خطرہ ہے، نہ ہی کسی کی طبیعت خراب ہوئی.

    مزید پڑھیں: پشاور میں پولیو ویکسی نیشن سے بچوں کی طبیعت خراب

    وزیر صحت کے پی نے مزید کہا کہ پولیو سے بچاؤ کے قطرے معیاری ہیں، کچھ لوگ سیاسی رنگ دے رہے ہیں، پولیو سے بچاؤ کے قطرے کے ٹیسٹ کرائے، وہ بالکل ٹھیک ہیں.

    خیال رہے کہ بڈھ پیر ماشو خیل میں پولیو کے قطرے پینے سے 700 سے زائد بچوں کی طبعیت خراب ہونے کی اطلاعات موصول ہوئیں، جنھیں‌ اسپتال منتقل کردیا گیا، مشتعل افراد نے مرکز صحت نذر آتش کردیا۔

  • وزیرصحت کا تعلیمی اداروں کے قریب مشروبات کی فروخت پرپابندی کا فیصلہ

    وزیرصحت کا تعلیمی اداروں کے قریب مشروبات کی فروخت پرپابندی کا فیصلہ

    اسلام آباد : وزیرصحت نے تعلیمی اداروں کے قریب مشروبات کی فروخت پر پابندی کا فیصلہ کرلیا ، پابندی کامقصد بچوں کو ذیابطیس سمیت موزی امراض سے بچانا ہے۔

    تفصیلات کے مطابق وفاقی وزیرصحت عامرکیانی نے تعلیمی اداروں کے قریب مشروبات کی فروخت پر پابندی کا فیصلہ کرلیا اور صوبائی وزرائے تعلیم کے نام مراسلہ جاری کردیا ہے۔

    مراسلے میں عامرکیانی نے تعلیمی اداروں کے قریب مشروبات کی فروخت پر پابندی کی درخواست کی اور کہا 100 میٹر کی حدود تک مشروبات کی فروخت پر پابندی لگائی جائے، تعلیمی اداروں میں کینٹین پربھی مشروبات کی فروخت پرپابندی لگائی جائے۔

    مراسلے میں کہا گیا ہے کہ پابندی کامقصد بچوں کوذیابطیس سمیت موزی امراض سےبچاناہے، شوگر،فالج، کینسر،امراض قلب ملکی63فیصداموات کاسبب ہیں، ایس ڈی جیز کے اہداف حاصل کرنے کیلئے کم عمر اموات پر قابو پانا ہوگا۔

    وفاقی وزیرصحت کا کہنا ہے کہ امراض پر قابو پانے کیلئے متوازن غذا کا استعمال یقینی بنانا ہوگا، روزمرہ میں میٹھے،نمک کےاستعمال میں کمی لاناہوگی، زیر تعلیم بچوں میں مشروبات،سافٹ ڈرنکس کااستعمال زیادہ ہے۔

    مراسلے میں مزید کہا گیا کہ پاکستان میں 20سال سے کم 27.4ملین افراد ذیابطیس کا شکار ہیں، تحقیق کےمطابق بچوں کیلئے میٹھے کے استعمال کی یومیہ حد6 چمچ ہے، پنجاب، سندھ فوڈ اتھارٹی مشروبات کی فروخت پر پابندی عائد کرچکی ہے۔

    مزید پڑھیں : سندھ کے تعلیمی اداروں میں انرجی ڈرنکس کی فروخت پر پابندی

    یاد رہے دو روز قبل حکمہ تعلیم سندھ نے صوبے کے تمام سرکاری و نجی تعلیمی ادارے میں سافٹ و انرجی ڈرنکس اور اسنیکس کی فروخت پر پابندی عائد کرتے ہوئے نوٹی فکیشن جاری کردیا۔

    اسکول ، کالجز اور یونیورسٹی انتظامیہ کو ہدایت کی گئی ہے کہ وہ حفظانِ صحت کے اصولوں پر اترنے والی اشیاء کو فروخت کرنے کی اجازت دیں۔

    اس سے قبل پنجاب فوڈ اتھارٹی نے صوبے کے تمام تعلیمی میں سافٹ ڈرنک پر پابندی لگانے کا اعلان کردیا تھا ، جس کا اطلاق 14 اگست کے بعد سے ہوگیا۔

  • ہیپا ٹائیٹس ادویات کی خریداری میں گھپلوں کی تحقیقات ہوں گی، وزیر صحت عذرا پیچوہو

    ہیپا ٹائیٹس ادویات کی خریداری میں گھپلوں کی تحقیقات ہوں گی، وزیر صحت عذرا پیچوہو

    کراچی : وزیرصحت سندھ عذرا فضل پیچوہو نے کہا ہے کہ ادویات کی خریداری میں گھپلوں کی تحقیقات ہوں گی، صحت کے شعبے میں اصلاحات کریں گے، اب سفارش نہیں چلے گی۔

    ان خیالات کا اظہار انہوں نے کراچی میں پریس کانفرنس سے خطاب کرتے ہوئے کیا، انہوں نے کہا کہ سندھ میں ہیپا ٹائیٹس پروگرام اور ادویات کی خریداری میں گھپلوں کا نوٹس لے لیا گیا ہے۔

    پروگرام کو از سرنو دیکھنے کی ضرورت ہے۔ اس سے متعلق ٹیم بھی بنادی گئی ہے۔ وزیر صحت کا مزید کہنا تھا کہ صحت کی وزارت اہم ہے، اس کے مسائل بھی بہت پیچیدہ ہیں، اس لیے اصلاحات کا فیصلہ کیا گیا ہے۔

    صوبے بھرکے اسپتالوں میں بہتری لانے کی ضرورت ہے، ایم ایس، ڈی ایچ او، پروگرام منیجر کو ٹیسٹ لے کرتعینات کیا جائے گا، محکمہ صحت میں اب سفارش نہیں چلے گی۔

    لیڈی ہیلتھ ورکرز سے متعلق ان کا کہنا تھا کہ سندھ میں لیڈی ہیلتھ ورکرز کی کمی کا سامنا ہے اس لیے ورکرزکی جلد بھرتیاں شروع کر رہے ہیں، یہ بھرتیاں امیدواروں سے این ٹی ایس کے ذریعے امتحان لینے بعد کی جائیں گی۔

    عذرا فضل پیچوہو نے والدین سے اپیل کی کہ وہ اپنے پانچ سال سے عمر کے بچوں کو معذوری سے بچانے کیلئے پولیو ویکسین کے قطرے ضرور پلوائیں، پولیو ویکسینیٹرز اور لیڈی ہیلتھ ورکرز کی مکمل مانیٹرنگ کی جائے گی۔

  • زمبابوے کے صدر اور اتھوپیا کے وزیر اعظم کی ریلی میں دھماکہ، سینکڑوں افراد زخمی

    زمبابوے کے صدر اور اتھوپیا کے وزیر اعظم کی ریلی میں دھماکہ، سینکڑوں افراد زخمی

    ہرارے: زمبابوے کے صدر ایمرسن منانگاگوا اور اتھوپیا کے وزیر اعظم ابئی احمد کی ریلی میں دھماکے سے سینکڑوں افراد زخمی ہوگئے۔

    تفصیلات کے مطابق افریقی ممالک زمبابوے اور اتھوپیا دھماکوں سے گونج اٹھا، زمبابوے صدر اور اتھوپیئن وزیر اعظم کی ریلی میں دھماکے کی وجہ سے سو سے زائد افراد زندگی کی بازی ہار گئے۔

    غیر ملکی خبر رساں ادارے کا کہنا ہے کہ زمبابوے شہر بولا وایو میں ہونے والے دھماکے میں تقریباً پچھتر افراد زخمی ہوئے، حکمران جماعت کے ترجمان کے مطابق صدر ایمرسن منانگاگوا دھماکے میں محفوظ ہیں اور انہیں محفوظ مقام پر منتقل کر دیا گیا ہے، زمبابوے کے دوسرے سب سے بڑے شہر میں منعقدہ ریلی میں ہزاروں افراد شریک تھے۔

    زمبابوے میں تیس مئی کو عام انتخابات ہونے جارہے ہیں جس کے لیے حکمران جماعت کی جانب سے بھرپور مہم چلائی جارہی ہے اسی سلسلے میں صدر ایمرسن کی جانب سے ریلی نکالی گئی تھی۔

    دوسری جانب ایتھوپیا کے دارالحکومت ادیس آبابا میں وزیراعظم ابئی احمد کی ریلی میں دھماکہ ہوا جس کی وجہ سے بھگدڑ مچ جانے کے نتیجے میں تراسی افراد زخمی ہوگئے۔

    مقامی میڈیا کے مطابق دھماکہ دستی بم حملے کا تھا جبکہ حملے کا نشانہ اتھوپیئن وزیر اعظم ابئی احمد تھے لیکن وہ بال بال بچ گئے، قبل ازیں دھماکے میں ہلاکتوں سے متعلق قیاس آرائیاں کی جارہی تھی جو افواہیں نکلیں۔

    وزیر صحت عامر امان کا کہنا ہے کہ اس حملے کے نتیجے میں آٹھ افراد کی حالت انتہائی تشویش ناک ہے تاہم ان سمیت دیگر زخمیوں کو طبی امداد فراہم کی جارہی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔