ARYNews.tv | Urdu – Har Lamha Bakhabar

Tag: health workers

  • وفاقی اسپتالوں کے ہیلتھ ورکرز کو کورونا الاؤنس نہ ملنے پر اظہارِ تشویش

    وفاقی اسپتالوں کے ہیلتھ ورکرز کو کورونا الاؤنس نہ ملنے پر اظہارِ تشویش

    اسلام آباد: قومی اسمبلی کی قائمہ کمیٹی نے وفاقی اسپتالوں کے ہیلتھ ورکرز کو کورونا الاؤنس نہ ملنے پر اظہارِ تشویش کرتے ہوئے کہا پروفیسر سے سویپر تک سب کو کورونا الاؤنس ملنا چاہیے۔

    تفصیلات کے مطابق قومی اسمبلی کی قائمہ کمیٹی برائےقومی صحت کا اجلاس ہوا ، جس میں معاون خصوصی ڈاکٹر فیصل سلطان، پارلیمانی سیکرٹری نوشین حامد و حکام شریک ہوئے ، اجلاس میں وفاقی اسپتالوں کے ہیلتھ ورکرز کے کورونا الاؤنس کے معاملے پر غور کیا گیا۔

    کمیٹی کا وفاقی اسپتالوں کے ہیلتھ ورکرز کو کورونا الاؤنس نہ ملنےپراظہارتشویش کیا ، پارلیمانی سیکریٹری صحت نے بتایا کہ ہیلتھ ورکرزکو رسک الاؤنس مرحلہ وار دیا جا رہا ہے۔

    رکن کمیٹی مختار ملک کا کہنا تھا کہ کورونا میں ڈیوٹیاں کرنیوالے ہیلتھ ورکرز اور پی جی ڈاکٹرزکو پہلےمرحلے میں الاؤنس نہیں ملا جبکہ پروفیسرشہنازنصیر نے کہا کہ پروفیسر سے سویپر تک سب کو کورونا الاؤنس ملنا چاہیے۔

    پارلیمانی سیکریٹری صحت ڈاکٹر نوشین حامد نے کہا وفاقی اسپتالوں کے12ہزارہیلتھ ورکرزالاؤنس لسٹ میں شامل ہیں، گزشتہ سال کوروناوارڈز میں ہیلتھ ورکرزکورسک الاؤنس ملاتھا۔

    معاون خصوصی ڈاکٹر فیصل سلطان کا مزید کہنا تھا کہ کورونا الاؤنس آئی سی یو میں کام کرنیوالے ہیلتھ ورکر کا حق ہے۔

  • پاکستان میں فرنٹ لائن ہیلتھ ورکرز بڑی تعداد میں کورونا کا شکار ہونے لگے

    پاکستان میں فرنٹ لائن ہیلتھ ورکرز بڑی تعداد میں کورونا کا شکار ہونے لگے

    اسلام آباد : پاکستان میں کورونا کیسز میں اضافے کے ساتھ ہی 24 گھنٹوں میں مزید 22 ہیلتھ ورکرز کورونا کا شکار ہوگئے، جس کے بعد متاثرہ ہیلتھ ورکرز کی تعداد 17ہزار199 ہوگئی۔

    تفصیلات کے مطابق کورونا سے لڑنے والے فرنٹ لائن ہیلتھ ورکرز وائرس کے نشانے پر آگئے، 24 گھنٹے میں ملک میں 22 ہیلتھ ورکرز میں کوروناوائرس کی تصدیق ہوئی ، جس میں 14 ڈاکٹر،3 نرسز، 5 ہیلتھ ورکر شامل ہیں۔

    ذرائع کا کہنا ہے کہ ملک میں کورونا سے متاثرہ ہیلتھ ورکرز کی تعداد 17ہزار199ہوگئی ، جس میں 10ہزار312ڈاکٹرز، 2430 نرسز، 4457 کورونا سے متاثرہ میں شامل ہیں۔

    وزارت صحت کے ذرائع کا کہنا ہے کہ ملک میں تاحال 168 ہیلتھ ورکرز کورونا سے جاں بحق اور16529 ہیلتھ ورکرز کورونا سے صحت یاب ہوچکے ہیں، جبکہ 475 ہیلتھ ورکرز گھر اور 27 اسپتالوں میں زیرعلاج ہیں۔

    ذرائع کے مطابق کورونا سےمتاثرہ،جاں بحق بیشتر ہیلتھ ورکرز کا تعلق سندھ سے ہے، سندھ میں 6009 ہیلتھ ورکرز کورونا مثبت اور 60 جاں بحق ہو چکے ہیں۔

    اسی طرح پنجاب میں کورونا سے متاثر ہونے والے ہیلتھ ورکرز کی تعداد 3489، کے پی میں 4083، اسلام آباد میں 1584 ، گلگت میں 316 اور بلوچستان میں 864 ہے جبکہ آزادکشمیر میں 854 ہیلتھ ورکرز کورونا پازیٹو ہیں۔

    اموات کے حوالے سے پنجاب میں اب تک 29 ہیلتھ ورکرز ، کےپی میں 44 ہیلتھ ورکرز، گلگت میں3ہیلتھ ورکرز، بلوچستان میں 9 اور آزادکشمیر میں بھی 9ہیلتھ ورکرز جاں بحق ہوچکے ہیں۔

  • پاکستان میں فرنٹ لائن ہیلتھ ورکرز پر کورونا کے وار تیز ہونے لگے

    پاکستان میں فرنٹ لائن ہیلتھ ورکرز پر کورونا کے وار تیز ہونے لگے

    اسلام آباد: پاکستان میں 24 گھنٹے کے دوران مزید 35 ہیلتھ ورکرز کورونا کا شکار ہوگئے ، جس کے بعد ملک میں کورونا سےمتاثرہ ہیلتھ ورکرزکی تعداد 17ہزار 151 ہوگئی۔

    تفصیلات کے مطابق ملک میں فرنٹ لائن ہیلتھ ورکرزپرکورونا کےوارتیز ہوگئے ، ہیلتھ کیئرورکرزکےبارے میں این آئی ایچ کی رپورٹ وزارت قومی صحت کو ارسال کردی گئی ہے۔

    جس میں بتایا گیا ہے کہ 24 گھنٹے کے دوران ملک میں 35 ہیلتھ ورکرزمیں کورونا کی تصدیق ہوئی ، جن میں سے 20ڈاکٹرز،2نرسز،13ہیلتھ اسٹاف شامل ہیں، جس کے بعد ملک میں کورونا سےمتاثرہ ہیلتھ ورکرزکی تعداد17151ہوگئی ہے۔

    ذرائع وزارت صحت کا کہنا ہے کہ 10ہزار 812 ڈاکٹرز، 2 ہزار 425نرسز اور 4 ہزار 445ہیلتھ اسٹاف کورونا پازیٹو ہیں جبکہ 168ہیلتھ ورکرزکورونا سےانتقال کرچکے ہیں۔

    وزارت صحت کے مطابق 458ہیلتھ ورکرزگھر اور 29اسپتالوں میں زیرعلاج ہے جبکہ مجموعی طور پر 16 ہزار 496ہیلتھ ورکرزکوروناسےصحتیاب ہوچکے ہیں۔

    ذرائع کا کہنا ہے کہ متاثرہ اورانتقال کرنیوالےبیشتر ہیلتھ ورکرزکاتعلق سندھ سےہے، سندھ میں اب تک 6 ہزار 004ہیلتھ ورکرزپازیٹو اور 60 انتقال کرچکے ہیں۔

    ذرائع نے بتایا کہ پنجاب میں3489 ہیلتھ ورکرز پازیٹو اور 29 کا انتقال ، کے پی میں4 ہزار 062 ہیلتھ ورکرز پازیٹو اور 44 کا انتقال ، اسلام آباد میں1584ہیلتھ ورکرز پازیٹو،14 انتقال کرچکے ہیں۔

    اسی طرح گلگت بلتستان 309 ہیلتھ ورکرز میں کورونا کی تصدیق اور 3 کا انتقال ، بلوچستان میں 860 ہیلتھ ورکرز میں کورونا کی تصدیق اور 9 کا انتقال ہوا جبکہ آزاد کشمیر میں843ہیلتھ ورکرز پازیٹو اور 9انتقال کرچکے ہیں۔

  • کورونا کی چوتھی لہر، پاکستان میں متاثرہ ہیلتھ ورکرز کی تعداد 17 ہزار سے تجاوز کرگئی

    کورونا کی چوتھی لہر، پاکستان میں متاثرہ ہیلتھ ورکرز کی تعداد 17 ہزار سے تجاوز کرگئی

    اسلام آباد : کورونا کی چوتھی لہر میں شدت کے ساتھ ہی بڑی تعداد میں فرنٹ لائن ہیلتھ ورکرز کورونا کا شکار ہونے لگے ، ایک دن میں 15 ہ۔یلتھ کیئر ورکرز میں کورونا کی تصدیق ہوئی۔

    تفصیلات کے مطابق پاکستان میں فرنٹ لائن ہیلتھ ورکرز کورونا کے نشانے پر آگئے ،ذرائع وزارت صحت کا کہنا ہے کہ 24 گھنٹے میں ملک میں 15 ہیلتھ کیئر ورکرز میں کورونا کی تصدیق ہوئی ، جس میں 10 ڈاکٹر، 1 نرس، 4 ہیلتھ اسٹاف شامل ہیں‌۔

    ذرائع کا کہنا تھا کہ ملک میں کورونا سے متاثرہ ہیلتھ ورکرز کی تعداد 17 ہزار 010 ہو گئی، جس میں سے 10187ڈاکٹرز، 2410 نرسز، 4413 ہیلتھ اسٹاف کورونا پازیٹو ہیں۔

    ذرائع نے بتایا کہ ملک میں تاحال 166 ہیلتھ ورکرز کورونا سے جاں بحق ہو چکے ہیں جبکہ 425ہیلتھ ورکرز گھر، 30 اسپتالوں میں زیرعلاج ہیں اور16 ہزار 389 ہیلتھ ورکرز کورونا سے صحتیاب ہو چکے ہیں۔

    وزارت صحت کا کہنا تھا کہ کورونا سے متاثرہ، جاں بحق بیشتر ہیلتھ ورکرز کا تعلق سندھ سے ہے، اب تک سندھ میں 5979 ہیلتھ ورکرز پازیٹو اور 58 جاں بحق ہوئے ہیں۔

    پنجاب میں کورونا سے متاثرہ ہیلتھ ورکرز کی تعداد 3489 ، کے پی میں 4015، گلگت بلتستان میں 297 ، بلوچستان میں 858، اسلام آباد میں 1560 اور آزادکشمیر میں 812 ہوگئی ہے۔

    ذرائع کا کہنا تھا کہ اموات کے حوالے سے پنجاب میں اب تک 29 ہیلتھ ورکرز ، کے پی میں 44 ، اسلام آباد میں 14 ، گلگت بلتستان میں 3 ، بلوچستان میں 9 اور آزاد کشمیر میں بھی 9 ہیلتھ ورکرز جاں بحق ہوئے ہیں۔

  • اسلام آباد کے تمام ہیلتھ ورکرز کو کورونا الاؤنس ملے گا، ڈاکٹر فیصل کی یقین دہانی

    اسلام آباد کے تمام ہیلتھ ورکرز کو کورونا الاؤنس ملے گا، ڈاکٹر فیصل کی یقین دہانی

    اسلام آباد : معاون خصوصی ڈاکٹرفیصل سلطان نے محکمہ صحت کے احتجاجی ملازمین کو کورونا الاؤنس کا مطالبہ جلد منظور کرنے کی یقین دہانی کرادی۔

    تفصیلات کے مطابق معاون خصوصی ڈاکٹرفیصل سلطان اور پارلیمانی سیکرٹری ڈاکٹرنوشین حامد نے پولی کلینک اسپتال کا دورہ کیا ، جہاں ڈاکٹرفیصل سلطان کی سربراہ پولی کلینک ڈاکٹرشاہدحنیف سے ملاقات ہوئی۔

    ڈاکٹرفیصل سلطان پولی کلینک میں احتجاجی ملازمین کے کیمپ پہنچے اور کوروناالاؤنس کامطالبہ جلد منظورکرنے کی یقین دہانی کرائی۔

    اس موقع پر معاون خصوصی نے کہا کہ وزارت قومی صحت کوروناالاؤنس پرکام کر رہی ہے، اسلام آباد کے تمام ہیلتھ ورکرز کو کورونا الاؤنس ملے گا۔

    کورونارسک الاؤنس تمام ہیلتھ ورکرزکاحق ہے، ہیلتھ ورکرز نےکوروناکےدوران جانوں کےنذرانےپیش کیے، حکومت، قوم ہیلتھ ورکرز کی قربانیوں کوسلام پیش کرتی ہے۔

  • مزید 11 ہیلتھ ورکرز میں کرونا وائرس کی تشخیص

    مزید 11 ہیلتھ ورکرز میں کرونا وائرس کی تشخیص

    اسلام آباد: گزشتہ 24 گھنٹے کے دوران ملک میں 11 مزید ہیلتھ ورکرز میں کرونا وائرس کی تشخیص ہوئی، اب تک 16 ہزار 671 ہیلتھ ورکرز کووڈ 19 کا شکار ہوچکے ہیں۔

    تفصیلات کے مطابق گزشتہ 24 گھنٹے کے دوران ملک میں 11 ہیلتھ ورکرز میں کرونا وائرس کی تشخیص ہوئی، 24 گھنٹے میں 6 ڈاکٹر اور 5 اسپتال ملازمین کرونا وائرس میں مبتلا ہوگئے۔

    ذرائع کا کہنا ہے کہ ملک میں کرونا وائرس سے متاثرہ ہیلتھ ورکرز کی تعداد 16 ہزار 671 ہوگئی، 9 ہزار 966 ڈاکٹر، 2 ہزار 374 نرسز اور 4 ہزار 331 عملے دیگر افراد کرونا وائرس سے متاثر ہوچکے ہیں۔

    ذرائع وزارت صحت کا کہنا ہے کہ ملک میں تاحال 164 ہیلتھ ورکرز کرونا وائرس سے جاں بحق ہو چکے ہیں، 306 ہیلتھ ورکرز گھروں اور 15 اسپتالوں میں زیر علاج ہیں۔ 16 ہزار 186 ہیلتھ ورکرز کرونا وائرس سے صحت یاب ہو چکے ہیں۔

    ذرائع کے مطابق کرونا وائرس سے متاثرہ اور جاں بحق بیشتر ہیلتھ ورکرز کا تعلق سندھ سے ہے، سندھ میں 5 ہزار 865 ہیلتھ ورکرز متاثر اور57 جاں بحق ہو چکے ہیں۔

    پنجاب میں 3 ہزار 477 ہیلتھ ورکرز متاثر اور 29 جاں بحق، پختونخواہ میں 3 ہزار 963 ہیلتھ ورکرز متاثر اور 44 جاں بحق اور اسلام آباد میں 15 سو 22 ہیلتھ ورکرز متاثر اور 13 جاں بحق ہو چکے ہیں۔

    اسی طرح گلگت بلتستان میں 250 ہیلتھ ورکرز متاثر اور 3 جاں بحق، بلوچستان میں 843 ہیلتھ ورکرز متاثر اور 9 جاں بحق، جبکہ آزاد کشمیر میں 751 ہیلتھ ورکرز متاثر اور 9 جاں بحق ہو چکے ہیں۔

  • پاکستان میں کورونا سے متاثرہ ہیلتھ ورکرز کی تعداد 16 ہزار 500 سے تجاوز کرگئی

    پاکستان میں کورونا سے متاثرہ ہیلتھ ورکرز کی تعداد 16 ہزار 500 سے تجاوز کرگئی

    اسلام آباد : ملک میں کورونا سے متاثرہ ہیلتھ ورکرز کی تعداد16 ہزار 501 تک پہنچ گئی جبکہ تاحال 162 ہیلتھ ورکرزکورونا سے انتقال کرچکے ہیں۔

    ‌‌تفصیلات کے مطابق کوروناوائرس کے ملک بھر میں ہیلتھ کیئر ورکرز پر وار جاری ہے ، ذرائع وزارت صحت کا کہنا ہے کہ ملک میں کوروناسےمتاثرہ ہیلتھ ورکرزکی تعداد16501 تک پہنچ گئی ہے، جس میں 9 ہزار 856 ڈاکٹرز ، 2 ہزار 353 نرسز اور 4292 ہزار 292 ہیلتھ اسٹاف کورونا پازیٹو ہیں۔

    ذرائع کا کہنا تھا کہ ملک میں تاحال 162 ہیلتھ ورکرزکورونا سےانتقال کرچکےہیں اور 316ہیلتھ ورکرز گھر، 16اسپتالوں میں زیرعلاج ہیں جبکہ ملک میں 16007 ہیلتھ ورکرز کورونا سےصحتیاب ہو چکے ہیں۔

    وزارت صحت نے بتایا کہ کورونا سے متاثرہ اور انتقال کرنیوالے بیشتر ہیلتھ ورکرز کا تعلق سندھ سےہے، سندھ میں 5810 ہیلتھ ورکرز پازیٹو اور 56 انتقال کرگئے جبکہ پنجاب میں متاثرہ ہیلتھ ورکرز کی تعداد 3477 اور 29 انتقال کرچکے ہیں۔

    ذرائع کے مطابق کے پی میں 3935 ہیلتھ ورکرز پازیٹو، 43 کا انتقال اور اسلام آباد میں 1501 ہیلتھ ورکرز پازیٹو، 13 کا انتقال ہوا جبکہ گلگت بلتستان میں متاثرہ ہیلتھ ورکرز کی تعداد 230 اور 3 انتقال کرچکے ہیں۔

    ذرائع وزارت صحت نے کہا ہے کہ بلوچستان میں 822 ہیلتھ ورکرز پازیٹو، 9 اموات اور آزادکشمیر میں 726 ہیلتھ ورکرز پازیٹو اور 9 کا انتقال ہوا۔

  • ملک میں کورونا سے متاثرہ ہیلتھ ورکرز کی تعداد16 ہزار سے تجاوزکر گئی

    ملک میں کورونا سے متاثرہ ہیلتھ ورکرز کی تعداد16 ہزار سے تجاوزکر گئی

    اسلام آباد: ملک میں کوروناسےمتاثرہ ہیلتھ ورکرزکی تعداد16 ہزار سےتجاوزکر گئی، مجموعی طور پر 9 ہزار 555ڈاکٹرز،2 ہزار 296نرسز اور 4 ہزار 154 ہیلتھ اسٹاف میں کورونا کا شکار ہوئے۔

    تفصیلات کے مطابق کوروناوائرس کے ملک میں ہیلتھ کیئرورکرز پر وار کے جاری ہے، ملک میں کوروناسےمتاثرہ ہیلتھ ورکرز کی تعداد 16 ہزار سے تجاوزکر گئی ، جس میں 9 ہزار 555ڈاکٹرز،2 ہزار 296نرسز اور 4 ہزار 154 ہیلتھ اسٹاف میں کورونا کی تصدیق ہوئی۔

    ذرائع وزارت صحت کا کہنا ہے کہ ملک میں تاحال 153 ہیلتھ ورکرز کورونا سے انتقال کرچکے ہیں جبکہ 564 ہیلتھ ورکرز گھروں، 22 اسپتالوں میں زیرعلاج ہیں اور ملک میں15 ہزار 266 ہیلتھ کیئر ورکرز کورونا سے صحتیاب ہوچکے ہیں۔

    ذرائع کے مطابق کورونا سے متاثرہ اور انتقال کرنیوالے بیشتر ہیلتھ ورکرز کا تعلق سندھ سے ہے ، سندھ میں5689 ہیلتھ ورکرز پازیٹو اور 53 انتقال کرچکے ہیں، صوبے میں پازیٹو آنے والوں میں 3362 ڈاکٹرز، 1098 نرسز، 1229 ہیلتھ اسٹاف شامل ہیں۔

    اعدادو شمار میں بتایا گیا کہ پنجاب میں3377ہیلتھ ورکرزپازیٹو ہوئے ، جس میں 2020 ڈاکٹرز ، 493 نرسز، 864 ہیلتھ اسٹاف شامل ہیں جبکہ 28 انتقال کر چکے ہیں، اسی طرح کےپی میں3832 ہیلتھ ورکرزپازیٹو اور 40 کا انتقال ہوا، کے پی میں1788 ڈاکٹرز،527 نرسز،1517 ہیلتھ اسٹاف پازیٹو آئے۔

    اسی طرح اسلام آباد میں 1444 ہیلتھ ورکرز میں  1270ڈاکٹرز،68 نرسز، 106 ہیلتھ اسٹاف پازیٹو آئے اور 11  انتقال کرچکے ہیں جبکہ گلگت بلتستان میں222 ہیلتھ ورکرز کورونا کا شکار ہوئے 3 انتقال کرچکےہیں، جس میں  125 ڈاکٹرز، 2 نرسز، 95 ہیلتھ اسٹاف شامل ہیں۔

    ذرائع کے مطابق بلوچستان میں751 ہیلتھ ورکرز پازیٹو آئے اور 9 انتقال کرگئے ، صوبے میں  593 ڈاکٹرز،49  نرسز، 109 ہیلتھ اسٹاف کورونا کا شکار  ہوئے ، اسی طرح آزاد کشمیر  میں 690 ہیلتھ ورکرز کورونا کا شکار ہوئے ، جن میں 397 ڈاکٹرز، 59 نرسز اور 234 ہیلتھ اسٹاف شامل ہیں جبکہ 9 انتقال کر چکے ہیں۔

  • سندھ میں 979 فرنٹ لائن ورکروں کو کورونا ویکسین لگا دی گئی

    سندھ میں 979 فرنٹ لائن ورکروں کو کورونا ویکسین لگا دی گئی

    کراچی: سندھ میں 979 فرنٹ لائن ورکروں کو کورونا ویکسین لگادی گئی ، جن میں جناح اسپتال، قطر اسپتال، سندھ گورنمنٹ اسپتال نیو کراچی اور لیاقت آباد اسپتال کے فرنٹ لائن ورکرز شامل ہیں۔

    تفصیلات کے مطابق محکمہ صحت حکومت سندھ نے کورونا ویکسین لگوانے والے فرنٹ لائن ورکر کا ڈیٹا جاری کردیا، جس میں بتایا گیا ہے کہ گذشتہ 24گھنٹوں کے دوران 979 فرنٹ لائن ورکروں کو ویکسینیشن فراہم کی جا چکی ہے۔

    کراچی میں خالق دینا ہال میں اب تک 108،جناح اسپتال میں34فرنٹ لائن ورکر ، ڈاو یونیورسٹی اوجھا کیمپس میں102، قطر اسپتال میں 75فرنٹ لائن ورکر کو ویکسین فراہم کی گئی۔

    سندھ گورنمنٹ اسپتال نیو کراچی میں14 ،لیاقت آباد اسپتال میں113فرنٹ لائن ورکر، چلڈرن اسپتال میں36،سندھ گورنمنٹ اسپتال کورنگی میں37فرنٹ لائن ورکر کو ویکسین لگائی گئی۔

    کراچی:اربن ہیلتھ یونٹ تھڈو نالو ملیر میں145فرنٹ لائن ورکروں ، لیاقت یونیورسٹی آف میڈیکل اینڈ ہیلتھ سائنسز کے129فرنٹ لائن ورکرز اور شہید بے نظیر آباد کے ایم سی ایچ سینٹر میں186فرنٹ لائن ورکر کو ویکسین فراہم کی گئی۔

    گذشتہ روز وزیر اعلیٰ سندھ مراد علی شاہ نے کورونا ویکسی نیشن کاآغازکیا تھا ، اس موقع پرمرادعلی شاہ نے کہا تھا کہ چین ہمیشہ سے پاکستان کا دیریہ تعلق رہا ہے ، چین پہلا ملک ہے جس نے ہماری کوروناویکسین کیلئے مدد کی اور حکومت پاکستان کو 5لاکھ ویکسین تحفہ میں دی۔

    ان کا کہنا تھا کہ کورونا ویکسین کا معاملہ سنجیدہ ہے یہ کوئی مذاق نہیں ہے ، وفاق کی جانب سےہمیں کل ویکسین فراہم کی گئی ہیں ،کوروناکی 83 ہزار ویکسین سندھ پہنچی ہیں، کراچی،حیدرآبادسمیت دیگرشہروں میں ویکسین سینٹربنائے ہیں۔

  • کورونا کی دوسری لہر : اسلام آباد میں فرنٹ لائن ہیلتھ ورکرز وائرس کے نشانے پر

    کورونا کی دوسری لہر : اسلام آباد میں فرنٹ لائن ہیلتھ ورکرز وائرس کے نشانے پر

    اسلام آباد : کورونا سے لڑنے والے فرنٹ لائن ہیلتھ ورکرز وائرس کے نشانے پر آگئے، پمزاسپتال کے 97ہیلتھ ورکرز میں کورونا کی تصدیق ہوگئی۔

    تفصیلات کے مطابق کوروناکی دوسری لہرمیں پمزاسپتال کے ہیلتھ ورکرزکی بڑی تعداد متاثر ہورہی ہے ، پمز اسپتال کے 97 ہیلتھ ورکرز کورونا پازیٹو ہوچکے ہیں، جن میں 75ڈاکٹر،12نرس،10غیرطبی عملہ شامل ہیں۔

    پمزاسپتال ذرائع کا کہنا ہے کہ کورونا میں مبتلا51 ڈاکٹرززیرتربیت ہیں جبکہ کوروناپازیٹوہونے والوں میں24میڈیکل آفیسرز بھی شامل ہیں۔

    ذرائع کے مطابق چلڈرن اسپتال کے13ڈاکٹرز، 2 نرسزکوروناپازیٹو ہوچکے ہیں جبکہ کارڈیک سینٹر میں 5، شعبہ زچہ بچہ کی 5 ڈاکٹرز ، وارڈز میں تعینات 12 نرسز میں کورونا کی تصدیق ہوگئی۔

    یاد رہے پاکستان میں کورونا کی دوسری لہر شدت اختیار کرنے لگی، ملک میں کورونا سے اموات کی تعداد 7 ہزار کے قریب پہنچ گئی جبکہ 1502 نئے کیسز رپورٹ رپورٹ ہوئے اور 20 افراد انتقال کرگئے۔

    خیال رہے کورونا کی دوسری لہر کے پیش نظر ملک بھر میں احتیاطی تدابیر کے دوسرے مرحلے کا آج سے نفاذ ہوگا، جو 31 جنوری 2021 تک رہے گا ، جس میں ملک بھرمیں کورونا ایس اوپیز پر سختی سے عملدرآمد یقینی بنایاجائے گا۔

    احتیاطی تدابیر کے دوسرے مرحلےکا نفاذ کوروناکےحساس شہروں میں ہوگا، جس میں کراچی، لاہور،اسلام آباد، راولپنڈی، ملتان حیدرآباد اور دیگر شامل ہیں