رمضان المبارک میں سحر و افطار کی غذا کے معاملے میں ذرا سی احتیاط انسان کو صحت مند رکھنے میں مددگار ثابت ہوتی ہے،
ماہرین صحت کہتے ہیں کہ اس ماہ مقدس میں لذت اور ذائقے سے بھرپور پکوانوں سے ضرور لطف اندوز ہوں مگر احتیاط لازم ہے تاکہ بیماریوں سے محفوظ رہا جاسکے۔
اس حوالے سے غیر ملکی خبر رساں ادارے العربیہ ڈاٹ نیٹ کی جانب سے مصنوعی ذہانت کی معروف ایپلی کیشن چیٹ جی پی ٹی سے ماہ رمضان میں خوراک کے استعمال اور بہترین غذائی نظام سے متعلق سوال کیا گیا۔
جس کے جواب میں چیٹ جی پی ٹی نے بتایا کہ ماہ رمضان کے دوران سحر و افطار میں ایسی خوراک پر توجہ مرکوز کرنا اہم ہے جو جسم کو توانائی، نمی اور بھرپور غذائیت فراہم کرے تاکہ روزے کے دوران انسان کو سہارا مل سکے۔
ماہ رمضان میں سحر و افطار کی خوراک سے متعلق بعض ہدایات مندرجہ ذیل سطور میں بیان کی جا رہی ہیں۔
سحری میں کیا کھایا جائے؟
سحری کو ایک متوازن خوراک ہونا چاہیے تاکہ انسانی جسم دن بھر چست رہے۔ ایسی غذاؤں کا انتخاب کریں جو توانائی فراہم کرے اور جسم کے اندر نمی برقرار رکھے تا کہ پیاس کے مسائل سے دوچار نہ ہونا پڑے۔ سحری کی غذاؤں میں کمپلیکسڈ کاربوہائیڈریٹس، پروٹین، صحت بخش چکنائی، ریشہ اور پانی و مشروبات شامل کریں۔
سحری کا دسترخوان:
اناج کا دلیہ جس کے ساتھ خشک میوہ جات ، بیج اور توت، گندم کی روٹی کے ساتھ ایواکاڈو اور ابلا ہوا انڈا، ایک گلاس پانی لیموں یا پودینے کے ساتھ ہو تو زیادہ بہتر ہے۔
ڈی ہائیڈریشن سے بچنے کا سادہ اور اچھا طریقہ سحری کے دوران مناسب مقدار میں پانی پینا ہے،اب یہ مقدار کتنی ہو، اس کے بارے میں فیصلہ آپ کو خود کرنا ہوگا مگر بہت زیادہ یا بہت کم نہ ہو۔
افطاری کا اہتمام
روزے میں پورا دن گزارنے کے بعد یہ بہت اہم ہے کہ ایسا افطار کیا جائے جو توانائی کی تجدید کرے اور جسم کو پھر سے پانی فراہم کرے۔ اس لیے افطار میں کھجور، پانی و مشروبات، سبزیوں، پروٹین، کاربوہائیڈریٹس اور صحت بخش چکنائی کا استعمال کیا جائے۔
افطاری میں پر تلی ہوئی اشیاء سے پرہیز کرنا چاہیے، اس سے وزن بڑھنے کا اندیشہ ہوتا ہے۔
افطاری کی اشیاء
کھجور اور ایک گلاس پانی سے روزہ کھولیں، کم تیل میں پکائی گئی مرغی کا شوربہ یا دال اور مکس سلاد جس پر زیتون کا تیل چھڑکا گیا ہو، براؤن رائس کے ساتھ بھنی ہوئی سبزیاں شمل کریں۔
افطار اور سحری کے درمیان رات میں کیا کھایا جائے
غذائی ماہرین کہتے ہیں کہ افطاری کے چند گھنٹے بعد کچھ ہلکا پھلکا کھا لیا جائے تاہم اس بات کا خیال رکھنا چاہیے کہ وہ چیز ہلکی اور صحت بخش ہو جس میں میٹھے یا چکنائی کی بہتات نہ ہو اس موقع پر خشک میوہ جات، بیج، پھل، یونانی دہی اور قدرتی جوس لیے جا سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
