Tag: Heavy fog

  • پنجاب میں شدید دھند: موٹر وے بند کردی گئی

    پنجاب میں شدید دھند: موٹر وے بند کردی گئی

    لاہور: پنجاب کے مختلف علاقوں میں شدید دھند کے باعث موٹر وے کو متعدد مقامات پر بند کردیا گیا، موٹر وے پولیس نے عوام سے حفاظتی تدابیر اختیار کرنے کی ہدایت کی ہے۔

    اے آر وائی نیوز کے مطابق ترجمان موٹر وے پولیس نے بتایا کہ موٹروے ایم 4 شور کوٹ سے ملتان تک جبکہ موٹروے ایم 5 ملتان سے روہڑی تک دھند کے باعث بند کردی گئی ہے۔

    اس کے علاوہ موٹروے ایم ون پشاور سے برہان تک شدید دھند کے باعث بند کردی گئی ہے۔

    ترجمان موٹروے پولیس کی طرف سے جاری بیان کے مطابق موٹروے بند کرنے کا مقصد حادثات سے بچاؤ اور موٹروے استعمال کرنے والوں کے جان و مال کا تحفظ ہے، شہریوں سے درخواست ہے کہ دھند کہ اوقات میں غیر ضروری سفر سے گریز کریں۔

    اپنا سفر دن کی روشنی میں مکمل کر کے دھند کے آغاز سے پہلے اپنے منزل مقصود تک پہنچ جائیں – گاڑیوں میں فوگ لائٹس کا استعمال کریں، تیز رفتاری سے گریز کریں اور اگلی گاڑی سے مناسب فاصلہ معمول سے زیادہ رکھیں۔

    پی آئی اے کا طیاروں کے حوالے سے بڑا فیصلہ

    ترجمان موٹروے پولیس نے کہا کہ سفر شروع کرنے سے پہلے موٹروے پولیس ہیلپ لائن یا نیشنل ہائی ویز اینڈ موٹروے پولیس کے آفیشل سوشل میڈیا اکاؤنٹ سے بھی تازہ ترین معلومات ضرور حاصل کر لیں۔

  • شدید دھند : لاہور ائیرپورٹ بند، 15 پروازیں منسوخ

    شدید دھند : لاہور ائیرپورٹ بند، 15 پروازیں منسوخ

    لاہور: شدید دھند کے باعث لاہور ائیرپورٹ کا رن وے گزشتہ رات سے بند کردیا گیا ہے جس کے باعث 15 پروازیں منسوخ کردی گئیں جبکہ متعدد کے شیڈول میں تبدیلی کی گئی ہے۔

    ذرائع کے مطابق صبح کےاوقات میں لاہور ائیرپورٹ کے رن وے پر حد نگاہ 1500 میٹر تھی جس کے باعث ایئرپورٹ پر15پروازیں منسوخ،10 کے اوقات کار تبدیل اور 9 تاخیر کا شکار ہیں۔

    شیڈول کے مطابق لاہور سے شارجہ جانے والی پرواز پی اے 412 منسوخ، لاہور سے دبئی جانے والی پرواز پی کے 203 منسوخ، لاہور سے اسکردو جانے والی پرواز پی کے453 منسوخ کردی گئی ہے۔

    شدید دھند کے باعث لاہور سے کراچی جانے والی پرواز پی کے 303 منسوخ، لاہور سے گلگت جانے والی پرواز پی کے 609 منسوخ کردی گئی۔ اس کے علاوہ لاہور سے مسقط جانے والی پرواز پی کے229 کو منسوخ کردیا گیا ہے۔

    دھند کے باعث متعدد پروازوں کا شیڈول تبدیل کر دیا گیا ہے، ذرائع کے مطابق شیڈول تبدیل کی گئی فلائٹوں کے مسافروں کو پیشگی اطلاع دی جا رہی ہے اور مسافروں کو ہدایت کی گئی ہے کہ گھر سے نکلنے سے پہلے انکوائری سے رجوع کریں۔

  • لاہورایئرپورٹ پر شدید دھند، فلائٹ آپریشن متاثر

    لاہورایئرپورٹ پر شدید دھند، فلائٹ آپریشن متاثر

    لاہور: پنجاب کے دارالحکومت لاہور کے علامہ اقبال انٹرنیشنل ایئرپورٹ پر شدید دھند کے باعث متعدد پروازیں منسوخ اور تاخیر کا شکار ہوگئیں، حدنگاہ20میٹررہ گئی۔

    تفصیلات کے مطابق لاہور کے علامہ اقبال انٹرنیشنل ایئرپورٹ پر شدید دھند کے باعث پروازوں کا شیڈول شدید متاثر ہوگیا، ائیرپورٹ رن وے پر حد نگاہ 20 میٹر تک رہ گئی۔

    اس حوالے سے ایئرپورٹ ذرائع کا کہنا ہے کہ اندرون و بیرون ملک12پروازوں کی آمد اور روانگی متاثر ہوئی ہے، ایئرپورٹ سے ایک پرواز کی روانگی منسوخ جبکہ5پروازوں کی روانگی تاخیر کا شکار ہوئی۔

    اس کے علاوہ لاہور ایئرپورٹ آنے والی6پروازوں کی آمد میں تاخیر ہوئی ہے، محکمہ موسمیات کا کہنا ہے کہ ایئرپورٹ اور اس کے اطراف حدنگاہ20میٹر تک رہ گئی۔