ARYNews.tv | Urdu – Har Lamha Bakhabar

Tag: held kashmir

  • پلوامامیں نہتے کشمیریوں کی شہادت مقبوضہ کشمیر میں جبر وظلم کی یاددہانی ہے ، وزیر خزانہ

    پلوامامیں نہتے کشمیریوں کی شہادت مقبوضہ کشمیر میں جبر وظلم کی یاددہانی ہے ، وزیر خزانہ

    اسلام آباد : وزیرخزانہ اسدعمر نے کشمیریوں کے قتل عام کی مذمت کرتے ہوئے کہا وقت آگیا ہے بھارت کشمیریوں کوان کا حق خودارادیت دے، پلواما میں نہتے کشمیریوں کا قتل بھارتی فورسز کے مظالم کی یاد دلاتا ہے۔

    تفصیلا ت کے مطابق وزیرخزانہ اسدعمر نے سماجی رابطے کی ویب سائٹ ٹویٹر پر کشمیریوں کےقتل عام کی مذمت کرتے ہوئے اپنے پیغام میں کہا پلوامامیں نہتے کشمیریوں کی شہادت مقبوضہ کشمیر میں جبر وظلم کی یاددہانی ہے، وقت آگیا ہے بھارت کشمیریوں کوان کا حق خودارادیت دے۔

    واضح رہے کہ بھارتی فوج نے ضلع پلوامہ میں آپریشن کے نام پر بربریت کا مظاہرہ کرتے ہوئے گیارہ کشمیری نوجوانوں کو شہید کردیا تھا۔

    حریت قیادت کی کال پروادی میں سوگ اور ہڑتال ہے، تعلیمی ادارے، کاروباری مراکزبند ہیں اورٹرانسپورٹ معطل ہے جبکہ انٹرنیٹ اورموبائل سروس بھی بند کردی گئی ہے، کٹھ پتلی انتظامیہ نے مختلف علاقوں میں غیرعلانیہ کرفیولگا دیا۔

    مزید پڑھیں : پاکستان کی مقبوضہ کشمیر میں معصوم شہریوں‌ کی شہادت کی مذمت

    حریت رہنماؤں نے عالمی برادری سے بھارتی مظالم کا نوٹس لینے کا مطالبہ کیا ہے۔

    وزیر خارجہ شاہ محمود قریشی کا بھی کہنا تھا کہ مقبوضہ کشمیر میں بھارت کی بربریت جاری ہے، دنیا بھر میں پاکستانی سفارت خانوں کو ہدایت جاری کی ہے کہ مقبوضہ کشمیر میں بھارتی بربریت کو اجاگر کریں،دنیا کی ترجیحات میں کشمیر نہیں ہے لیکن دنیا اتنی بے حس اور لاتعلق نہیں ہوسکتی۔

  • بھارت کی ریاستی دہشتگردی، آزادی کی جدوجہد کرنے والے سرکردہ کشمیریوں کی ہٹ لسٹ تیار

    بھارت کی ریاستی دہشتگردی، آزادی کی جدوجہد کرنے والے سرکردہ کشمیریوں کی ہٹ لسٹ تیار

    سری نگر : بھارتی فورسز نے نہتے کشمیریوں کیخلاف خطرناک آپریشن آل آؤٹ ٹوئنٹی تیار کرلیا ہے، منصوبے کے تحت آزادی کی جدوجہد کرنے والے سرکردہ کشمیریوں کی ٹارگٹ کلنگ کی جائے گی جبکہ جنازوں کے جلوسوں پر بھی کارروائی کی ہوگی۔

    تفصیلات مطابق بھارت نے نہتے کشمیریوں پر ظلم ڈھانے کا ایک اور مکروہ منصوبہ تیار کرلیا، بھارتی فورسز کے آپریشن آل آؤٹ ٹوئنٹی پلان کے تحت آزادی کی جدوجہد کرنے والے سر کردہ کشمیریوں کی ٹارگٹ کلنگ کی جائے گی اور آپریشن میں قتل افراد کی لاشیں ورثا کو نہیں دی جائیں گی۔

    بھارتی فورسز کی جانب سے کشمیر کی آزادی کی جدوجہد میں سرکردہ کارکنان کی ہٹ لسٹ بنائی ہے، جس میں سرگرم 21 کشمیریوں کو شامل کیا گیا ہے۔

    منصوبہ میں جنازے کے جلوسوں کو بھی نہ بخشنے کا فیصلہ کیا گیا ہے جب کہ وادی میں جلوس اور جنازوں پر پابندی ہوگی۔

    بھارت حال ہی میں مقبوضہ کشمیر میں انتہائی تربیت یافتہ کمانڈوز اور اسنائپرز تعینات کرچکا ہے۔

    مزید پڑھیں : مقبوضہ کشمیرمیں بھارتی فوج کی فائرنگ‘ 5 کشمیری نوجوان شہید

    دوسری جانب بھارتی فورسزکی جانب سے کشمیری نوجوانوں کے قتل عام میں تیزی آگئی ہے، گزشتہ روزبھارتی فورسزکی فائرنگ سے پانچ کشمیری نوجوان شہید ہوئے، شہیدوں کے جنازوں میں ہزاروں افراد نے شرکت کی۔

    شہدا میں داؤد صوفی، ماجد ڈار، محمد اشرف،عادل میر اور یوسف راٹھور شامل ہیں۔

    کشمیری نوجوانوں کی شہادت پر مقبوضہ وادی میں مکمل ہڑتال جاری ہے، احتجاج اور جھڑپوں میں بھارتی فورسز کی جانب سے مظاہرین پرشاٹ گن پیلٹ اور آنسو گیس کا استعمال کیا گیا، جس کے نتیجے میں 20 افراد زخمی ہوگئے جبکہ انٹرنیٹ سروس بھی معطل ہے۔

    یاد رہے کہ رواں سال 2 اپریل کو مقبوضہ کشمیر میں قابض بھارتی فورسز نے سرچ آپریشن کے نام پر فائرنگ کرکے 20 کشمیری نوجوانوں کو شہید جبکہ 300 سے زائد افراد کو زخمی کردیا تھا۔

    واضح رہے کہ مقبوضہ کشمیر میں جولائی 2016 میں حریت رہنما مظفروانی کی شہادت کے بعد سے وادی میں بھارتی فورسز کی جانب سے کارروائیوں میں تیزی آئی ہے اور اس دوران درجنوں کشمیری نوجوان بھارتی فورسز کی فائرنگ سے شہید ہوچکے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مقبوضہ کشمیردنیا میں دوزخ کی تصویرپیش کررہا ہے ،شہبازشریف

    مقبوضہ کشمیردنیا میں دوزخ کی تصویرپیش کررہا ہے ،شہبازشریف

    لاہور : وزیراعلیٰ پنجاب شہباز شریف کا کہنا ہے کہ مقبوضہ کشمیردنیا میں دوزخ کی تصویرپیش کررہا ہے ،کشمیرجل رہاہےدنیا کب تک اس طرف توجہ نہیں دے گی، خاموش رہنے کی قیمت بھاری قیمت چکانامشکل ہے۔

    تفصیلات کے مطابق وزیراعلیٰ پنجاب شہباز شریف نے سماجی رابطے کی ویب سائٹ ٹوئٹر پر مقبوضہ کشمیر میں بھارتی جارحیت کی مذمت کرتے ہوئے کہا کہ
    قابض بھارتی فورسزکے مظالم نےانسانیت کوشرما دیا،شہبازمقبوضہ وادی کشمیر بھارتی مظالم کیخلاف سراپا احتجاج ہے، کشمیرجل رہا ہے دنیا کب تک اس طرف توجہ نہیں دے گی۔

    شہباز شریف کا کہنا تھا کہ وقت آگیا ہے عالمی برادری کشمیریوں پربھارتی مظالم کیخلاف جاگے، کیا بھارت بنیادی حقوق کے لئے قربانیاں دینے والوں کو دباتا رہے گا؟ خاموش رہنے کی قیمت بھاری قیمت چکانا مشکل ہے۔

    یاد رہے کہ ضلع شوپیاں کے علاقے بڈگام میں سرچ آپریشن کے دوران دس کشمیریوں کو شہید کردیا جبکہ گزشتہ 24 گھنٹوں کے دوران شہید افراد کی تعداد چودہ ہوگئی ہے، شہید ہونے والے افراد میں پروفیسر ڈاکٹر محمد رفیق بٹ، صدام احمد پدر، بلال احمد مہند، عادل ملک اور توصیف احمد شیخ شامل ہیں۔

    دس کشمیریوں کی شہادت کے بعد مقبوضہ کشمیرمیں مکمل ہڑتال ہے، تعلیمی ادارے بند،سڑکیں ویران اورکاروباری مراکز پرتالے ہیں۔مختلف علاقوں میں غیراعلانیہ کرفیو ہے۔موبائل اورانڑنیٹ سروس بھی معطل ہے۔

    کشمیریوں کی شہادت کے بعد علاقے میں کشیدگی بڑھ گئی، کشمیریوں کو احتجاج سے روکنے کیلئے قابض فورسز نے مظاہرین پر آنسو گیس کی شیلنگ کی اور پیلٹ گن کا استعما ل کیا جس سے متعدد افراد زخمی ہوگئے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بلاول بھٹو کا مقبوضہ کشمیر میں کیمیائی اسلحے،پیلٹ گنزکی تحقیقات کا مطالبہ

    بلاول بھٹو کا مقبوضہ کشمیر میں کیمیائی اسلحے،پیلٹ گنزکی تحقیقات کا مطالبہ

    کراچی : چیئرمین پیپلز پارٹی بلاول بھٹو نے مقبوضہ کشمیر میں کیمیائی اسلحے اور پیلٹ گنز کی تحقیقات کامطالبہ کرتے ہوئے کہا کہ شہیدبھٹو اور شہید بی بی کی طرح کشمیر کاز کیلئے ہماراعزم اٹل ہے، پیپلزپارٹی کی تیسری نسل کشمیریوں کی اخلاقی وسفارتی حمایت جاری رکھے گی۔

    تفصیلات کے مطابق پیپلز پارٹی کے چیئرمین بلاول بھٹو نے یوم یکجہتی کشمیر کے موقع پر مطالبہ کیا ہے کہ اقوام متحدہ کیمیائی اسلحہ،پیلٹ گنز کے استعمال کی تحقیقات کرے، مقبوضہ کشمیرکےعوام بھارتی فوج کے بدترین مظالم کا شکار ہیں۔

    بلاول بھٹو کا کہنا تھا کہ مودی کی کشمیر ایشو کو بالائے طاق رکھنے کی سازش ناکام بنائیں گے، کشمیرمیں انسانی حقوق کی بدترین خلاف ورزیوں کواجاگرکرینگے، شہید بھٹو اور شہید بی بی کی طرح کشمیر کاز کیلئے ہمارا عزم اٹل ہے۔

    مزید پڑھیں : ملک کو نواز، عمران کے رحم و کرم پر نہیں چھوڑ سکتے: بلاول بھٹو

    چیئرمین پی پی نے کہا کہ شہید بی بی نےخراج عقیدت پیش کرنے کیلئے5 فروری کویوم کشمیر قراردیا، شہید بی بی نےہی پہلی بارپارلیمان کی کشمیر کمیٹی قائم کی، عام انتخابات کے بعد اقتدار میں آکر کشمیر کمیٹی کوسرگرم ،فعال بنائیں گے، پیپلزپارٹی کی تیسری نسل کشمیریوں کی اخلاقی وسفارتی حمایت جاری رکھے گی۔

    انکا مزید کہنا تھا کہ کشمیری حق خودارادیت کیلئے 70سال سے جدوجہدجاری رکھے ہوئے ہیں، کشمیریوں نے جدوجہد کے دوران ہزاروں قربانیاں دی ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • بھارت نےمقبوضہ کشمیر میں کالےقوانین نافذ کررکھےہیں،مشال ملک

    بھارت نےمقبوضہ کشمیر میں کالےقوانین نافذ کررکھےہیں،مشال ملک

    اسلام آباد:حریت رہنما یاسین ملک کی اہلیہ مشال ملک کا کہنا ہے کہ بھارت نےمقبوضہ کشمیر میں کالےقوانین نافذ کررکھےہیں،مقبوضہ کشمیر میں کوئی فرد آزاد فضا میں سانس نہیں لے سکتا، کشمیر سے متعلق دلوں کے احساسات کو بیان کرنا ہو گا۔

    تفصیلات کے مطابق حریت رہنما یاسین ملک کی اہلیہ مشال ملک نے اسلام آباد ماڈل کالج برائے خواتین میں تقریب سے خطاب کرتے ہوئے کہا کہ بھارت نےمقبوضہ کشمیر میں کالے قوانین نافذ کررکھےہیں، اس قانون کے تحت وہ کسی کو کبھی بھی مار سکتے ہیں یا تشدد کر سکتے ہیں اور ان سے پوچھا نہیں جا سکتا۔

    مشال ملک کا کہنا تھا کہ بھارتی فوج خواتین کو بدترین تشدد کا نشانہ بنا رہی ہے، معصوم بچوں کو بھی تشدد کا نشانہ بنایا جا رہا ہے مقبوضہ کشمیر میں جگہ جگہ بھارتی فوج کے کیمپس قائم ہیں، مقبوضہ کشمیر میں کوئی فرد آزاد فضا میں سانس نہیں لے سکتا۔

    مزید پڑھیں : کشمیر کبھی بھی بھارت کا حصہ نہيں رہا،مشال ملک

    یاسین ملک کی اہلیہ نے کہا کہ کشمیر سے متعلق دلوں کے احساسات کو بیان کرنا ہوگا۔

    انکا کہنا تھا کہ کشمیری بچوں کے بھی خواب ہیں کہ وہ بھی آزادی کیساتھ رہیں اور علم حاصل کریں تاہم کشمیری بچیوں کو اسکول جانے میں بہت مشکلات ہیں۔

    یاد رہے چند روز قبل مشال ملک نے کہا تھا کہ آزادی کی جنگ کےدوران ہزاروں کشمیریوں نےجانیں دیں، کشمیری بچیاں8لاکھ بھارتی فوجیوں کا مقابلہ کررہی ہیں، آزادی کے لیے نوجوانوں کا کردار سب سے اہم ہے۔

    مشال ملک کا کہنا تھا کہ نہتے کشمیریوں نے ہار ماننے سے انکار کیا ہے، کشمیر کبھی بھی بھارت کاحصہ نہيں رہا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کشمیر اور پاکستان کے گہرے رشتے کو کوئی جدا نہیں کر سکتا، مشعال ملک

    کشمیر اور پاکستان کے گہرے رشتے کو کوئی جدا نہیں کر سکتا، مشعال ملک

    اسلام آباد : حریت رہنماء یاسین ملک کی اہلیہ مشعال ملک نے کہا ہے کہ کشمیر پاکستان کی دفاعی لائن ہے، کشمیر اور پاکستان کے گہرے رشتے کو کوئی جدا نہیں کر سکتا۔

    اسلام آباد کے ماڈل کالج برائے طالبات میں کشمیریوں کے ساتھ اظہار یکجہتی کیلئے منعقدہ تقریب سے خطاب میں مشعال ملک کا کہنا تھا کہ مقبوضہ کشمیر میں نوجوان لڑکیاں آزادی کیلئے جنگ لڑرہی ہیں جبکہ کشمیری حق خودارادیت کے حصول کیلئے قربانیاں دے رہیں ہیں، پوری قوم کو مل کر کشمیریوں کا ساتھ دینا ہوگا۔

    مشعال ملک کا کہنا تھا کہ ہندوستان کا مقصد صرف کشمیریوں کی بربادی ہے، مقبوضہ کشمیر میں بھارتی مظالم بند نہ ہوئے تو پاکستان کی طرف بہنے والے دریاؤں میں پانی کی جگہ خون بہے گا۔

    انھوں نے کہا کہ مودی کی پاکستان کے ساتھ نفرت کی جھلک مقبوضہ کشمیر میں نظر آتی ہے، ہندوستان سی پیک سمیت دیگر منصوبوں کے خلاف ساز ش کر رہا ہے۔

    انکا مزید کہنا تھا کہ نوجوانوں کی قیادت میں چلنے والی تحریک آزادی کشمیر میں طلباء فعال کردار ادا کر رہے ہیں، معصوم کشمیری بچیوں کو پیلٹ گنز سے معذور کیا جا رہا ہے، طالبات کشمیریوں پر بھارتی مظالم سے متعلق اقوام متحدہ کوخطوط لکھیں۔

    مزید پڑھیں : اقوام متحدہ روہنگیا مسلمانوں، کشمیریوں اور فلسطینیوں پر مظالم فوری بند کرائے، مشال ملک

    اس سے قبل مشعال ملک نے مقبوضہ کشمیر، فلسطین اور برما میں انسانیت سوز مظالم پر اظہار تشویش کرتے ہوئے اقوام متحدہ نے روہنگیا مسلمانوں، فلسطینیوں اور کشمیریوں پر مظالم فوری بند کرانے کا مطالبہ کیا تھا ۔

    خط میں کہا گیا تھا کہ مقبوضہ کشمیر کے رہنے والوں سے بنیادی حقوق چھین لئے گئے ہیں، یواین مقبوضہ کشمیر میں جاری انسانیت سوز مظالم کانوٹس لے ، 3 سال سے میری اور بیٹی کی یاسین ملک سے ملاقات نہیں ہو ئی ، بھارتی ہائی کمیشن شوہر کے پاس جانے کیلئے ویزہ جاری نہیں کررہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • یوم شہدائے کشمیر، آزادیِ کشمیر کی تاریخ کا ناقابلِ فراموش دن

    یوم شہدائے کشمیر، آزادیِ کشمیر کی تاریخ کا ناقابلِ فراموش دن

    سری نگر : مقبوضہ کشمیر سمیت دنیا بھر میں مقیم کشمیری آج یوم شہدائے کشمیر عقیدت واحترام اور اس عزم کی تجدید کے ساتھ منا رہے ہیں کہ تحریک آزادی کشمیر کی تکمیل تک جدوجہد جاری ر کھی جائیگی۔

    آزادیِ کشمیر کی تاریخ میں 13 جولائی 1931 ایسا ناقابلِ فراموش تاریخی دن ہے، جسے کبھی بھلایا نہیں جاسکتا، آج سے چھیاسی سال قبل برطانوی اور ڈوگرا سامراج کی باہمی مسلم دشمن نفرت انگیز ملی بھگت سے جموں و کشمیرمیں ابھرنے والی ‘اولین تحریکِ آزادی’ کو دبایا اور کشمیر کے جانثاروں پراندھا دھند فائرنگ کرکے22 کشمیری نوجوانوں کو موقع پر ہی شہید کردیا گیا۔

    یہی وہ دن تھا جب شہیدوں کے خون سے تحریک حریت کشمیر کا باقاعدہ آغاز ہوا تھا۔

    تیرہ جولائی 1931 کو سینٹرل جیل کشمیر میں کشمیری قوم کے مرد مجاہد عبدالقدیر خان پر قائم کردہ مقدمے کی سماعت ہونا تھی، اس موقع پر ملزم سے اخوت اور یکجہتی کے مظاہرے کے لیے ہزاروں افراد جیل کے احاطے کے باہر جمع ہوگئی اس دوران نماز ظہر کا وقت آگیا مگر مظاہرین کو نماز ادا کرنے کی اجازت نہ ملی، ایسے میں ایک شخص اذان دینے کے لئے کھڑا ہوگیا مگر ڈوگرہ مہاراجہ کے سپاہی نے اس شخص کو گولی مار کے شہید کر دیا۔

    اس کے بعد دوسرا مرد مجاہد اذان کے لئے کھڑا ہوا، اسے بھی گولی مار کر شہید کردیا گیا، پھر تیسرا ، چوتھا اور کرتے کرتے اذان کی تکمیل تک 22 بے گناہ مسلمانوں کو مہاراجہ کے سپاہیوں نے شہید کر دیا جبکہ بے شمار مسلمانوں کو گرفتار کیا گیا۔

    اس سفاکانہ واقعہ نے کشمیریوں کے دلوں میں حریت پسندی کے جذبے کو جنم دے دیا، قیامِ پاکستان کے بعد بھارت نے کشمیر کے ایک بڑے حصے پر جبرا قبضہ کرکے معاہدوں اور دستاویزات کی دھجیاں اڑا دیں اور کشمیر کی عوام کو ظلم و ستم کے شعلوں میں دھکیل دیا۔

    اہل کشمیر ہر سال 13 جولائی کو اسی واقعہ کی یاد تازہ کرتے ہیں اور اسے یوم شہدا کے طور پر مناتے ہیں۔

    دوسری جانب بھارتی فوج نے مقبوضہ وادی میں احتجاجی ریلیوں کو روکنے کے لئے پہلے سے عائد پابندیاں مزید سخت کر دی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • بڈگام میں بھارتی فوج نے3کشمیریوں کو شہید کردیا

    بڈگام میں بھارتی فوج نے3کشمیریوں کو شہید کردیا

    سری نگر : مقبوضہ کشمیرمیں بھارت کی ریاستی دہشتگردی عروج پر ہے، بڈگام میں بھارتی فورسزنے فائرنگ کرکے تین کشمیریوں کو شہید کردیا جبکہ سرچ آپریشن کے دوران متعدد نوجوانوں کو گرفتار کیا گیا۔

    تفصیلات کے مطابق بھارت کے غاصبانہ قبضے سے آزادی کے لئے کشمیریوں کیجانب سے جانوں کا نذرانہ پیش کرنے کا سلسلہ جاری ہے، بھارتی فورسز کی جانب سے نہتے کشمیریوں کیخلاف طاقت کا اندھا دھند استعمال کیا جارہا ہے۔

    سرچ آپریشن کے بہانے متعدد کشمیری نوجوانوں کو گرفتار کرلیا گیا، مختلف علاقوں کی ناکہ بندی کرکے چادر اور چار دیواری کا تقدس پامال کیا جا رہا ہے۔

    مقبوضہ وادی میں انٹرنیٹ اورموبائل سروس بدستور بند ہے، مختلف علاقوں میں بھارتی مظالم کے خلاف احتجاج جاری ہے، بھارتی مظالم کے خلاف اور شہدا سے اظہار یکجہتی کے لئے حریت رہنماؤں کی اپیل پر کل مقبوضہ وادی میں مکمل ہڑتال ہوگی۔

    یاد رہے کہ  مقبوضہ کشمیر میں نوجوان حریت لیڈر برہان وانی کی برسی کے روز سے نئے سرے شروع ہونے والی بھارتی فورسز کی ظالمانہ کارروائیاں تاحال جاری ہیں۔ گذشتہ روز نوگام کے علاقے میں بھارتی فوج نے 3 کشمیریوں کو شہید کردیا تھا۔

    بھارتی فوج نے سری نگر کے پنتھا چوک پر مظاہرین پر آنسو گیس کی بدترین شیلنگ کی جس سے دو خواتین سمیت متعدد افراد زخمی ہو گئے بھارتی تشدد کے خلاف ہونے والے مظاہرے میں شریک افراد نے جموں سری نگر ہائی وے بند کر دی تھی۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

  • مقبوضہ وادی میں تیسرے روز بھی شٹر ڈاؤن ہڑتال

    مقبوضہ وادی میں تیسرے روز بھی شٹر ڈاؤن ہڑتال

    سری نگر : بھارتی جارحیت کے خلاف مقبوضہ کشمیر میں آج بھی ہڑتال ہے، تمام کاروباری مراکز، دکانیں اور تعلیمی ادارے بند رہیں گے۔

    بھارتی جارحیت اور سبزار احمد بھٹ کی شہادت پر مقبوضہ وادی میں تیسرے روز بھی شٹر ڈاون ہڑتال ہے، اسکول اور تجارتی مراکز بند ۔۔شاہراہیں ویران ہیں۔

    شہید حریت رہنما سبزار احمد کو خراج عقیدت پیش کرنے کے لیے آج ترال تک مارچ کیا جائے گا، بھارتی فورسز نے ریلی روکنے کیلئے علاقوں میں کرفیو نافذ کردیا ۔

    ڈائریکٹر ہیومن رائٹس واچ نے بھارتی آرمی چیف کے بیان کی مذمت کرتے ہوئے کہا کہ کشمیری شخص کو ڈھال بنانے والے بھارتی میجر کی حمایت کر کے بھارتی آرمی چیف نے مجرمانہ لیڈر شپ کامظاہرہ کیا ہے۔

    خیال رہے کہ بھارتی آرمی چیف نے کشمیری شخص کوجیپ سے باندھ کر انسانی ڈھال بنانے کے عمل کو جدید حکمت عملی کہا تھا۔

    یاد رہے کہ برہان وانی کے ساتھی کی شہادت پر حریت رہنماوں نے دو روز تک ہڑتال جاری رکھنے کا اعلان کیا تھا۔

    مزید پڑھیں : مقبوضہ کشمیرمیں بھارتی فوج نے11کشمیری نوجوانوں کو شہید کردیا

    بھارتی فورسزنے ہفتے کے روز برہان وانی کے ساتھی سبزر احمد بٹ سمیت گیارہ کشمیری نوجوان شہید کئے تھے، پلوامہ کے علاقے ترال میں برہان وانی کےقریبی ساتھی کمانڈر سبزار بھٹ نے دو ساتھیوں سمیت جام شادت نوش کیا۔سبزار بھٹ کی شہادت پر ہنگامے پھوٹ پڑے، اس کی اطلاع پورے کشمیر میں جنگل میں آگ کی طرح پھیل گئی اور پورا کشمیر سراپا احتجاج بن گیا۔

    ترال میں حریت رہنما کی جائے شہادت پر ہزاروں کشمیریوں نے مظاہرہ کیا، رام پور اور اڑی میں بھارتی فوج نے آٹھ حریت پسند شہید کیے ۔شہادتوں کے بعد لوگ سڑکوں پرآگئے،قابض فوجیوں نے مظاہرین پر پیلٹ گن سے فائر کیے۔ جس سے متعدد کشمیری زخمی ہوگئے تھے۔

    واضح رہے کہ گزشتہ سال برہان وانی کی ہلاکت کے بعد کشمیر میں وسیع پیمانے پر عوامی تحریک شروع ہوئی جسے دبانے کی بھارتی فوج کی بزدلانہ کارروائیوں میں کم از کم سو افراد مارے جا چکے ہیں جبکہ ہزاروں گولیوں اور چھروں سے زخمی ہوگئے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • بی جے پی رہنما اوراداکارپریش راول کا ارون دھتی رائے کو جیپ سے باندھنے کا مشورہ

    بی جے پی رہنما اوراداکارپریش راول کا ارون دھتی رائے کو جیپ سے باندھنے کا مشورہ

    نئی دہلی : مقبوضہ کشمیرکے عوام پربھارتی مظالم کے خلاف آوازاٹھانا بھارت میں جرم بن گیا، بی جے پی رہنما اور اداکارپریش راول نے عالمی شہرت یافتہ رائٹرارون دھتی رائے کو جیپ سے باندھنے کا مشورہ دے دیا۔

    کشمیریوں کے حق میں بولنا بھارت کی عالمی شہرت یافتہ ادیبہ، فلم ساز اور کالم نگار ارون دھتی رائے کو مہنگا پڑ گیا، بی جے پی کے رکن پارلیمنٹ اور اداکار پریش روال نے انتہا پسندی کی تمام حدیں پار کرلیں اور ارون دھتی پر برس پڑے۔

    پریش راول کا کہنا تھا کہ مقبوضہ کشمیر میں کشمیری نوجوان کو نہیں بلکہ ارون دھتی رائے کو جیپ سے باندھنا چاہئیے تھا۔

    یاد رہے کہ سری نگر کے دورے کے دوران ارون دھتی رائے نے کشمیریوں پربھارتی فوج کے مظالم کی مذمت کرتے ہوئے اسے انسانی حقوق کی خلاف ورزی قراردییتے ہوئے کہا تھا کہ مقبوضہ وادی میں بھارتی فوج سات لاکھ سے بڑھاکر70 لاکھ کردی جائے لیکن بھارت اپنے مقاصد حاصل نہیں کرسکتا، طاقت سے کشمیریوں کی جدوجہد دبائی نہیں جاسکتی۔

    انہوں نے بھارتی حکومت کو تنقید کا نشانہ بناتے ہوئے کہا ایسی حکومت رحم کے قابل ہے جو اپنے مصنفین کو دل کی بات کہنے سے روکتی ہے، مظالم کے خلاف آواز اٹھانے والوں کو جیلوں میں ڈالتی ہے لیکن قتل عام کرنے والے، کرپٹ، خواتین کو زیادتی کا نشانہ بنانے والے اور دوسرے مجرم آزاد گھوم رہے ہوتے ہیں۔

    واضح رہے کہ اپریل میں مقبوضہ کشمیر میں بھارتی فوج نے کشمیری نوجوان کو جیپ سے باندھ کر گھنٹوں سڑکوں پر گھمایا تھا اور یہ اعلان کیا تھا کہ پتھر مارنے والوں کا انجام بھی یہی ہو گا۔

    جس کے بعد دنیا بھر میں ویڈیو انٹرنیٹ پر وائرل ہونے پر بھارتی حکومت اور فوج کو سخت تنقید کا سامنا تھا اور واقعے میں ملوث فوجیوں کے خلاف مقدمہ دائر کرنے کا مطالبہ بھی کیا گیا تھا۔

    خیال رہے کہ مقبوضہ کشمیر میں گزشتہ سال 8 جولائی کونوجوان حریت پسند رہنمابرہان وانی کو بھارتی فورسز نے دوساتھیوں سمیت ماوارائےعدالت قتل کیا تھا، جس کے بعد سے اب تک 100 افراد شہید اور 15 ہزار سے زائد زخمی ہو چکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔