Tag: heroin

  • استنبول جانے والی پرواز پر مسافر سے 420 گرام ہیروئن برآمد

    استنبول جانے والی پرواز پر مسافر سے 420 گرام ہیروئن برآمد

    اسلام آباد: ایئرپورٹس سیکیورٹی فورس نے استنبول جانے والی ایک پرواز پر مسافر سے 420 گرام ہیروئن برآمد کر لی۔

    تفصیلات کے مطابق اے ایس ایف عملے نے اسلام آباد ایئرپورٹ پر ایک کارروائی کے دوران استنبول جانے والی پرواز پر ایک مسافر سے 420 گرام ہیروئن برآمد کر لی۔

    مسافر ایلچکیو سباسٹین نے ہیروئن بیگ کی تہ میں مہارت سے چھپا رکھی تھی، تاہم اے ایس ایف کے عملے نے سامان کی تلاشی کے دوران منشیات برآمد کر کے اسمگلنگ کی کوششں ناکام بنا دی۔

    ترجمان اے ایس ایف کے مطابق ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا ہے، اے این ایف نے مسافر کے پیٹ میں بھی منشیات سے بھرے کیپسول موجود ہونے کا انکشاف کیا۔

  • رائل نیوی کی بحرہندمیں کارروائی، بھارتی کشتی سے اربوں روپے کی ہیروئن ،منشیات برآمد

    رائل نیوی کی بحرہندمیں کارروائی، بھارتی کشتی سے اربوں روپے کی ہیروئن ،منشیات برآمد

    بھارت منشیات کے بین الاقوامی دھندے کا گڑھ بن گیا، رائل نیوی نے بحرہند میں کارروائی کرتے ہوئے بھارتی کشتی سے اربوں روپے کی ہیروئن برآمد کرلی۔

    برطانوی اخبار کے مطابق رائل نیوی نے بحرہند میں کارروائی کرتے ہوئے بھارتی کشتی کو تحویل میں لے کر 455 کلوگرام بھنگ اور266کلو گرام ہیروئن برآمد کرلیں۔

    بحر ہند میں رائل نیوی کی ٹیم نے بھارتی فشنگ بوٹ کی تقریباً60 گھنٹے تک تلاشی لی اور ٹرالرز کے فریزر میں 3 ٹن برف کے نیچے چھپائی گئی 8 ارب77کروڑ روپے مالیت سے زائد کی منشیات برآمد کرلی اور کشتی پر سوار بھارتی مچھیروں کو گرفتار کر کے تفتیش کیلئے متعلقہ اداروں کے حوالے کر دیا گیا ہے۔

    برآمد کی گئی منشیات کی قیمت عالمی منڈی میں ساڑھے6 کروڑ پاونڈ یعنی 8ارب 77کروڑ روپے مالیت سے زائد ہے۔

    سیلرز اور رائل میرینز نے برآمد ہونے ہیروئن کو تلف کردیا ہے۔

    جہاز کے کمانڈر آئن فیزی کا کہنا ہے کہ منشیات کی اتنی بڑی مقدارکا پکڑا جانا منشیات کے ڈیلروں ہی نہیں دہشت گرد تنظیموں کے لیے بھی بڑا دھچکا ہے کیونکہ منشیات کے کاروبار کے ذریعے ہی دہشت گرد تنظیموں کو فنڈزفراہم کیے جاتے ہیں۔

    انھوں نے کہا کہ بورڈنگ ٹیم کی پیشہ ورانہ مہارت پر فخر ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔