ARYNews.tv | Urdu – Har Lamha Bakhabar

Tag: Hezbollah

  • نیتن یاہو حزب اللہ کے سامنے گھٹنے ٹیکنے پر مجبور، جنگ بندی پر راضی

    نیتن یاہو حزب اللہ کے سامنے گھٹنے ٹیکنے پر مجبور، جنگ بندی پر راضی

    یروشلم : اسرائیلی وزیراعظم نیتن یاہو نے اعلان کیا ہے کہ انہوں نے لبنان میں حزب اللہ کے ساتھ جنگ بندی پر اتفاق کیا ہے۔

    الجزیرہ کی رپورٹ کے مطابق نیتن یاہو کا کہنا ہے کہ جنگ بندی کے معاہدے کا مسودہ کل کابینہ کی منظوری کے لیے بھیجا جائے گا۔

    رپورٹ کے مطابق اسرائیلی وزیر اعظم نیتن یاہو نے لبنان میں سیز فائر معاہدے کی منظوری دے دی اسرائیلی وزیر اعظم کے ترجمان نے کہا ہے کہ کابینہ میں منگل کو لبنان کے ساتھ جنگ بندی کے معاہدے پر باقاعدہ ووٹنگ ہوگی۔

     اسرائیلی افواج نے لبنان کے دارالحکومت پر مزید فضائی حملے کیے، جن میں گزشتہ 24 گھنٹوں کے دوران کم از کم 31 افراد شہید ہوچکے ہیں۔ اس کے جواب میں حزب اللہ نے بھی اسرائیل پر راکٹ حملے دوبارہ شروع کردیے ہیں۔

    دوسری جانب غزہ کی پٹی میں اسرائیلی افواج نے شمالی علاقے میں تین حملوں کے دوران 11 فلسطینیوں کو شہید کردیا۔

    فلسطین میں ہونے والی شدید بارش اور سیلابی صورتحال نے بے گھر فلسطینیوں کی حالت کو مزید ابتر کر دیا ہے، جو عارضی خیموں میں پناہ لیے ہوئے ہیں۔

    غزہ میں اسرائیل کی جانب سے جاری نسل کشی کے نتیجے میں 7 اکتوبر 2023 سے اب تک کم از کم 44,249 فلسطینی شہید اور 104,746 زخمی ہو چکے ہیں۔

    7 اکتوبر کو حماس کے حملے میں اسرائیل میں کم از کم 1,139 افراد ہلاک اور 200 سے زائد یرغمال بنائے گئے تھے۔

    مزید پڑھیں : نیتن یاہو کی مشکلات میں اضافہ، جی سیون ممالک نے بڑا اعلان کردیا

    لبنان میں، غزہ پر جنگ کے آغاز سے اب تک اسرائیلی حملوں کے نتیجے میں کم از کم 3,768 افراد شہید اور 15,699 زخمی ہو چکے ہیں۔

  • حزب اللہ نے اہم پہاڑی محاذ سے اسرائیلی ٹینکوں کو بھاگنے پر مجبور کر دیا، 6 تباہ

    حزب اللہ نے اہم پہاڑی محاذ سے اسرائیلی ٹینکوں کو بھاگنے پر مجبور کر دیا، 6 تباہ

    بیروت: لبنان کی تنظیم حزب اللہ نے البیضا کے اہم پہاڑی محاذ سے اسرائیلی ٹینکوں کو بھاگنے پر مجبور کر دیا، حملے میں 6 ٹینک تباہ کر دیے۔

    الجزیرہ کے مطابق حزب اللہ نے ٹینک شکن میزائلوں کی بوچھاڑ سے نشانہ بنا کر اسرائیل کے ٹینکوں اور فوجیوں کو جنوبی لبنان کے البیضا علاقے میں ایک اسٹریٹجک پہاڑی کی چوٹی کی پوزیشن سے پیچھے ہٹنے پر مجبور کر دیا۔

    حزب اللہ نے ایک بیان میں بتایا کہ اس نے لبنان کے جنوب میں اپنے حملے میں 6 اسرائیلی مرکاوا ٹینک تباہ کر دیے، جن میں سے 5 اسٹریٹجک ساحلی علاقے البیضا میں نشانہ بنائے گئے، جہاں سے بعد ازاں اسرائیلی فوجی اہم پہاڑی مقام سے بھاگ گئے۔

    دوسری طرف اسرائیل نے حزب اللہ کے فوجی ہیڈکوارٹرز پر متعدد حملوں کا دعویٰ کیا ہے، اسرائیلی فوج نے اعلان کیا کہ اس نے گزشتہ شام بیروت کے علاقے دحیہ میں ’’12 فوجی ہیڈکوارٹرز‘‘ پر حملہ کیا، X پر جاری بیان میں کہا گیا کہ اہداف میں حزب اللہ کا انٹیلی جنس ہیڈکوارٹر اور اس کا ساحلی میزائل یونٹ بھی شامل ہے۔

    لبنانی فوج کا کہنا ہے کہ جنگ میں عدم شرکت کے باوجود جنوب مغرب میں واقع قصبے العمیریہ میں ایک اڈے پر اسرائیلی حملے میں اس کا ایک فوجی جاں بحق اور 18 دیگر زخمی ہو گئے۔ اسرائیل اور حزب اللہ کے درمیان جنگ کے آغاز سے لے کر اب تک اسرائیلی فوج کے حملوں میں 40 سے زیادہ لبنانی فوجی ہلاک ہو چکے ہیں۔

    اسرائیل کو جواب : تل ابیب پر درجنوں راکٹ حملے

    اسرائیلی حملوں کے جواب میں حزب اللہ کی جانب سے بھی اسرائیل کے اندر راکٹ فائر کیے جا رہے ہیں، وسطی اسرائیل میں اس وقت ایک بہت بڑا دھماکا سنا گیا جب حزب اللہ نے 340 ڈرون اور راکٹ لانچ کیے، حزب اللہ نے بیان میں کہا کہ ’’بیروت کے قلب میں ایک دھچکا تل ابیب میں ایک دھچکے کے برابر ہے۔‘‘

  • اسرائیل کو جواب : حزب اللہ کے تل ابیب پر درجنوں راکٹ حملے

    اسرائیل کو جواب : حزب اللہ کے تل ابیب پر درجنوں راکٹ حملے

    بیروت : لبنان کی مزاحمتی تنظیم حزب اللہ کی جانب سے اسرائیلی علاقے پر راکٹوں کی برسات کردی، فیلڈ میں بھی اسرائیلی افواج کے ساتھ جھڑپیں جاری ہیں۔

    غیر ملکی خبر رساں ادارے رائٹرز کی رپورٹ کے مطابق حزب اللہ نے بیروت پر اسرائیلی فضائی حملے کے جواب میں راکٹ حملے میں اسرائیل کے دارالحکومت تل ابیب کے قریب ایک ہدف کو نشانہ بنانے کا دعویٰ کیا ہے۔

    رپورٹ کے مطابق حزب اللہ کے راکٹ حملے تل ابیب اور نہاریہ کے قریب اسرائیلی افواج کے نقصان کا سبب بنے۔ ہفتے کے روز بیروت میں اسرائیلی فضائی حملے میں 20 افراد ہلاک ہوگئے تھے۔

    لبنان کی مزاحمتی تنظیم حزب اللہ نے اتوار کے روز اسرائیل پر بھاری راکٹوں سے حملہ کیا، اسرائیلی میڈیا کے مطابق تل ابیب کے قریب ایک عمارت کو نشانہ بنایا گیا۔

    یہ حملے ایک دن قبل بیروت میں طاقتور اسرائیلی فضائی حملے کے نتیجے میں کم از کم 20 افراد کی ہلاکت کے جواب میں کیے گئے۔

    اسرائیل نے بیروت کے حزب اللہ کے زیر کنٹرول جنوبی علاقوں پر بھی حملے کیے ہیں، جہاں گزشتہ دو ہفتوں سے بمباری میں شدت دیکھی جارہی ہے۔ اس دوران امریکہ کی جانب سے جنگ بندی مذاکرات میں پیش رفت کے اشارے بھی سامنے آئے ہیں۔

    دوسری جانب حزب اللہ نے جو پہلے ہی اس بات کا اعلان کرچکی تھی کہ وہ بیروت پر حملوں کا جواب تل ابیب کو نشانہ بنا کر دے گی، کہا ہے کہ اس نے تل ابیب اور اس کے قریبی فوجی مراکز پر دو میزائل داغے ہیں جو درست نشانوں پر لگے۔

    اسرائیلی میڈیا نے ان مقامات پر کسی نقصان کی اطلاع نہیں دی، لیکن براڈ کاسٹر کان نے تل ابیب کے مشرق میں پتہ تیکوا میں ایک اپارٹمنٹ کو نقصان پہنچانے والی راکٹ فائر کی فوٹیج دکھائی۔ ایم ڈی اے نے جلتی ہوئی کاروں کی ویڈیو بھی نشر کی۔

    اتوار کو حزب اللہ نے اسرائیل پر 170 راکٹ فائر کیے، جس میں اسرائیلی فوج کے مطابق زیادہ تر کو روکا گیا لیکن راکٹ کے ٹکڑوں سے کم از کم چار افراد زخمی ہوئے۔

    مزید پڑھیں : غزہ میں 38 فلسطینی اور مسجد شہید، بیروت میں   20 شہید

    رائٹرز کو موصولہ ویڈیو میں شمالی اسرائیلی شہر نہاریہ میں ایک میزائل کو ایک عمارت کی چھت پر گرتے اور دھماکے کرتے ہوئے دکھایا گیا۔

  • حزب اللہ کا اسرائیل کے عسکری ٹھکانوں پر کامیاب حملے کا دعویٰ

    حزب اللہ کا اسرائیل کے عسکری ٹھکانوں پر کامیاب حملے کا دعویٰ

    حزب اللہ کی جانب سے یہ اعلان سامنے آیا ہے کہ اس نے 3 فوجی اڈوں، صفد شہر اور اسرائیل کے شمال میں دو بستیوں کو میزائلوں اور ڈرونز سے کامیابی سے ٹارگٹ کیا ہے۔

    بین الاقوامی خبر رساں ادارے کی رپورٹ کے مطابق حزب اللہ کا کہنا ہے کہ ہائفہ شہر کے شمال مغرب میں لبنان کی سرحد سے تقریباً 35 کلومیٹر کے فاصلے پر واقع اسرائیلی فوج کے استیلا مارس بحری اڈے اور اسرائیلی فضائیہ کے ہائفہ ٹیکنیکل بیس کو متعدد میزائلوں سے کامیابی سے ٹارگٹ کیا ہے۔

    رپورٹس کے مطابق عقہ شہر کے شمال میں واقع شیراگا ملٹری بیس اور گولانی بریگیڈ کے کمانڈ سینٹر کو بھی میزائلوں اور کامی کاز ڈراونزسے ٹارگٹ کیا گیا ہے۔

    شمالی اسرائیل میں واقع شہر صفد اور دو بستیوں کو متعدد میزائلوں سے ٹارگٹ کیا گیا جبکہ مقبوضہ گولان کی پہاڑیوں میں اسرائیلی فوج کے دو مقامات کو ہدف بنایا گیا۔

    بیان میں کہا گیا ہے کہ حزب اللہ کے ارکان کی اسرائیلی فوجیوں کے ساتھ لبنان کے جنوب میں واقع سیبن قصبے میں شدید جھڑپیں بھی ہوئی ہیں۔

    رپورٹس کے مطابق لبنان کے جنوب میں واقع قصبوں خیام اور شیما میں اسرائیلی فوج کے دو ”مرکاوا” قسم کے ٹینکوں کو میزائلوں سے ٹارگٹ کیا گیا، جس سے اسرائیلی فوجی ہلاک اور زخمی ہوئے اور اسرائیلی جنگی طیاروں کو چیلنج کرتے ہوئے انہیں لبنان کی فضائی حدود چھوڑنے پر مجبور کیا گیا۔

    واضح رہے گزشتہ روز اسرائیلی فضائیہ نے لبنان کے مشرق میں واقع بعلبیک کے مختلف علاقوں پر بمباری کی تھی، جس کے نتیجے میں 47 افراد شہید جبکہ 22 زخمی ہوگئے تھے۔

    سوشل میڈیا پلیٹ فارم ایکس پر بعلبیک-ہرمل کے گورنر بشیر حضر نے بتایا کہ اسرائیلی فوج نے بعلبیک کے کئی علاقوں پر بمباری کی ان حملوں میں 47 افراد شہید جبکہ 22 شدید زخمی ہوگئے۔

    عالمی ایٹمی توانائی ایجنسی نے ایران مخالف قرارداد منظور کرلی

    اُن کا کہنا تھا کہ اسرائیلی بمباری کے نتیجے میں لاپتہ افراد کی تلاش کے لیے ملبے تلے تلاش اور بچاؤ کی کوششیں جاری ہیں۔

  • معروف اسرائیلی مؤرخ زئيو ايرلچ حزب اللہ کی چال میں پھنس کر ہلاک

    معروف اسرائیلی مؤرخ زئيو ايرلچ حزب اللہ کی چال میں پھنس کر ہلاک

    بیروت: معروف اسرائیلی محقق، مؤرخ اور جغرافیہ دان زئيو ايرلچ حزب اللہ کے حملے میں ہلاک ہو گیا۔

    اسرائیلی فوج کی جانب سے بدھ کے روز جاری بیان کے مطابق بین الاقوامی سطح پر معروف اسرائیلی مؤرخ 71 سالہ زئيو ايرلچ ’’آپریشنل آرڈرز کی خلاف ورزی‘‘ کرتے ہوئے جنوبی لبنان میں حزب اللہ حملے میں ہلاک ہو گئے۔

    رپورٹس کے مطابق اسرائیلی مؤرخ سرحد سے 5 سے 6 کلو میٹر دور جنوبی لبنان میں موجود تھے، اس علاقے کو کلیئر کرنے کی کارروائی کے دوران میں وہاں چھپے ہوئے حزب اللہ جنگجوؤں نے اچانک راکٹ داغ دیے، جس مؤرخ سمیت کئی فوجی موقع پر ہی ہلاک ہو گئے، اسرائیلی فوج کے مطابق فوجی وردی میں ملبوس ہتھیار اور حفاظتی سامان سے لیس ایرلچ علاقے میں بطور شہری موجود تھے۔

    تاہم تحقیقات میں معلوم ہوا ہے کہ اسرائیلی مؤرخ کا اس علاقے میں داخل ہونا ’آپریشنل آرڈرز کی خلاف ورزی‘ تھا، جہاں حزب اللہ نے اسرائیلی فوجیوں کے لیے جال بچھایا تھا جس کا شکار ہو کر اسرائیلی فوجی علاقے میں گھس گئے تھے۔

    انٹرنیٹ پر دستیاب معلومات کے مطابق زئیو ایرلچ نے بطور محقق ’ارض اسرائیل‘ کے بارے میں متعدد تحقیقی مقالے تحریر کیے، انھوں نے صہیونی مذہبی اداروں میں تعلیم حاصل کی تھی، مقبوضہ بیت المقدس میں واقع عبرانی یونیورسٹی سے گریجویشن کے بعد امریکی ٹورو یونیورسٹی کالج سے ’اسرائیلی قوم کی تاریخ‘ میں دوسرا گریجویشن مکمل کیا۔ ایرلچ نے ماضی میں بھی اسرائیلی فوج میں بطور انفنٹری افسر خدمات بھی انجام دیں۔

    اسرائیل کے حملے میں لبنان کی شدید زخمی فٹبالر کو ادویات سے بے ہوش کرنا پڑا

    واضح رہے کہ بدھ کے روز اسرائیلی فوج نے جنوبی لبنان میں لڑائی کے دوران اپنے 3 فوجیوں کی ہلاکت کا اعلان کیا تھا، اسرائیلی حملے کے آغاز کے بعد سے لبنان میں لرائی میں ہلاک ہونے والے اسرائیلی فوجیوں کی تعداد 52 ہو گئی ہے۔ جب کہ اکتوبر 2023 کے بعد سے اب تک لبنان میں اسرائیلی حملوں میں مجموعی طور پر 3558 لبنانی مارے جا چکے ہیں اور 15123 زخمی ہو چکے ہیں۔

  • حزب اللہ کے اسرائیلی فوج پر حملے

    حزب اللہ کے اسرائیلی فوج پر حملے

    تل ابیب : حزب اللہ نے شمالی اسرائیل میں متعدد فوجی اڈوں کو ڈرون سے نشانہ بنانے کا دعویٰ کیا ہے، تاہم اسرائیلی حکام کی جانب سے حملوں کو ناکام بنانے کا جوابی دعویٰ کیا گیا ہے۔

    لبنان کی مزاحمتی تنظیم حزب اللہ اور اسرائیلی فوج کے درمیان جھڑپوں کا سلسلہ جاری ہے اس حوالے سے حزب اللہ کی جانب سے اسرائیل پر ڈرون حملے بھی کیے گئے۔

    غیر ملکی خبر رساں ادارے الجزیرہ کی رپورٹ کے مطابق حزب اللہ کا کہنا ہے کہ اس نے آج شام حیفہ اور کارمل کے علاقے میں کئی فوجی ٹھکانوں پر بمباری کی۔

    اس میں حیفا ٹیکنیکل، حائفہ نیول، سٹیلا مارس اور تیرا کارمل کے اڈے شامل ہیں، حزب اللہ ترجمان نے ایک بیان میں کہا کہ اس نے پہلی بار نیشر بیس کو بھی نشانہ بنایا، جس میں حیفہ کے جنوب مشرق میں ایک گیس اسٹیشن بھی شامل ہے۔

    دوسری جانب اسرائیلی میڈیا کے مطابق حزب اللہ کی جانب سے داغے جانے والے ڈرونز میں سے ایک ڈرون اسرائیلی شہر نہاریا کی ایک عمارت سے ٹکرا گیا جس کے نتیجے میں عمارت کی بالکونی کو معمولی نقصان پہنچا۔

    اسرائیلی حکام کا کہنا ہے کہ حزب اللہ نے اسرائیلی شہر جلیلی پر 20 راکٹ داغے، جن میں سے کچھ کو ناکام بنادیا گیا۔

    حزب اللہ کے حملوں کے باعث اسرائیلی شہر حیفہ سمیت دیگر مقامات پر خطرے کے سائرن گونجنے لگے اور ان مقامات پر موجود اسرائیلی شہری خوف و ہراس کا شکار ہوگئے اور فوری طور پر مختلف جگہوں پر بنائے گئے زیر زمین بنکرز میں چھپ گئے۔

     

  • اسرائیل کے فوجی مرکز پر حزب اللہ کا ڈرون حملہ

    اسرائیل کے فوجی مرکز پر حزب اللہ کا ڈرون حملہ

    لبنان کی مزاحمتی تنظیم حزب اللہ نے دعویٰ کیا ہے کہ اس نے حیفا میں اسرائیل کے فوجی مرکز کو اپنے ڈرون حملوں کا نشانہ بنایا ہے۔

    خبر رساں ادارے العربیہ کی رپورٹ کے مطابق حزب اللہ گروپ نے کہا ہے کہ اس نے بدھ کے روز بندرگاہی شہر حیفا میں اسرائیلی فوجی مرکز پر ڈرون حملہ کیا ہے۔

    ایک بیان میں حزب اللہ ترجمان کا کہنا تھا کہ حزب اللہ کے مزاحمت کاروں نے صبح سات بج کر 45منٹ پر حملہ آور ڈرونز کے اسکواڈرن کے ساتھ "جنوبی حیفا میں ایک مرکز پر” فضائی حملہ کیا۔

    ایسے وقت میں جب لبنان میں جنگ روکنے کے لیے کوششیں جاری ہیں، اسرائیل اور حزب اللہ کے درمیان لڑائی کا سلسلہ بدستورجاری ہے۔

    اسرائیل نے جنوبی لبنان میں درجنوں سرحدی دیہات پر شدید حملے کیے جس کے جواب میں حزب اللہ نے بدھ کے روز اسرائیل کی جانب میزائل داغے۔

    العربیہ کے مطابق لبنان کی جانب سے زمین سے زمین تک مار کرنے والے میزائلوں کے داغے جانے کے بعد اسرائیل کے کئی علاقوں میں خطرے کے سائرن بجائے گئے۔

    دوسری جانب اسرائیل نے لبنان کی جانب سے ہونے والے ڈرونز حملوں کو ناکارہ بنانے کا دعویٰ کرتے ہوئے کہا ہے کہ اس نے پانچ میں سے دو ڈرون کو مار گرایا ہے۔

    العربیہ کی رپورٹ کے مطابق اس کے نامہ نگار نے اطلاع دی ہے کہ 5 میں سے تین ڈرون شمالی اسرائیل میں داخل ہوئے اور اہداف کو نشانہ بنایا۔

    یہ بھی بتایا گیا ہے کہ تل ابیب کے شمال میں واقع خضیرہ میں ایک ڈرون دھماکہ ہوا تھا، دوسرے ڈرون کو فضا میں تباہ کردیا گیا، العربیہ کے مطابق ایک ڈرون نے خلیج حیفا میں ایک فوجی ہدف کو نشانہ بنایا۔

    علاوہ ازیں العربیہ کی رپورٹ کے مطابق اسرائیلی فوج نے مشرقی لبنان کے شہر بعلبیک میں رہائشی علاقوں کو نشانہ بنایا ہے۔ دوسری جانب حزب اللہ نے اسرائیل میں سعسع کے مقام کو نشانہ بنایا۔

    واضح رہے کہ گزشتہ دو ہفتوں کے دوران لبنان اسرائیل سرحد پر محاذ آرائی میں مزید اضافہ ہوا ہے تاہم حزب اللہ نے تصدیق کی ہے کہ اسرائیلی فورسز نے سرحد پر واقع کسی گاؤں پر بھی مکمل کنٹرول حاصل نہیں کیا ہے۔

  • حزب اللہ کی اسرائیلی دارالحکومت تل ابیب پر بمباری، شہر میں‌ ایمرجنسی نافذ

    حزب اللہ کی اسرائیلی دارالحکومت تل ابیب پر بمباری، شہر میں‌ ایمرجنسی نافذ

    تل ابیب: حزب اللہ کی جانب سے اسرائیلی دارالحکومت تل ابیب پر شدید بمباری کی گئی ہے، جس کے بعد شہر میں‌ ایمرجنسی نافذ کر دی گئی ہے۔

    روئٹرز کے مطابق لبنان کی حزب اللہ نے منگل کو ایک بیان میں‌ کہا کہ اس نے تل ابیب کے مضافات میں نیریت کے علاقے پر میزائلوں سے بمباری کی ہے، اور اسرائیلی کمیونٹی کو نشانہ بنایا گیا۔

    اسرائیلی میڈیا کے مطابق حزب اللہ کے راکٹ حملوں سے اسرائیلی دارالحکومت تل ابیب گونج اٹھا، شہر بھر میں سائرن بجا دیے گئے، اور اسرائیلی فورسز نے تل ابیب میں ایمرجنسی نافذ کر دی۔

    حملوں سے خوف زدہ ہو کر تل ابیب میں بین گوریون ایئرپورٹ پر فلائٹ آپریشن روک دیا گیا، لاکھوں لوگ پناہ گاہوں میں چھپ گئے، جب کہ حملوں کے فوراً بعد رات کو نابلس میں داخل ہونے والی ایک بس کو مقبرے میں رات بھر پناہ لینی پڑی، جسے اسرائیلی فورسز نے صبح وہاں سے بہ حفاظت نکالا۔

    ایران کے لئے جاسوسی، 7 اسرائیلی شہری گرفتار

    واضح رہے کہ آئی ڈی ایف نے گزشتہ 24 گھنٹوں میں لبنان اور غزہ میں 230 سے ​​زیادہ اہداف کو نشانہ بنایا، جن میں لبنان کے اندر حزب اللہ کے تین فضائی یونٹس کے ہیڈکوارٹرز بھی شامل ہیں، اسرائیلی فورسز کا دعویٰ ہے کہ ان حملوں میں تقریباً 15 حزب اللہ جنگجو مارے گئے ہیں۔

    خیال رہے کہ امریکی وزیر خارجہ مشرق وسطی کے دورے پر آج اسرائیل پہنچ رہے ہیں۔

  • اسرائیلی فوج کا حزب اللہ کے 3 کمانڈروں کو مارنے کا دعویٰ

    اسرائیلی فوج کا حزب اللہ کے 3 کمانڈروں کو مارنے کا دعویٰ

    اسرائیلی فوج نے حزب اللہ کے تین کمانڈروں کو ہلاک کرنے کا دعویٰ کیا ہے۔

    الجزیرہ کے مطابق اسرائیلی فوج نے ایک بیان میں کہا ہے کہ اس کے لڑاکا طیاروں نے بیروت میں حزب اللہ کے 3 کمانڈروں کو ہلاک کر دیا ہے۔

    اسرائیلی فوج کے دعوے کے مطابق شہید ہونے والوں میں گروپ کی جنوبی کمان کی ایک سینئر شخصیت الحاج عباس سلامہ، مواصلات کے ماہر ردجہ عباس آواچے اور اسٹریٹجک ہتھیاروں کی تیاری کے ذمہ دار احمد علی حسین شامل ہیں۔

    آمدہ اطلاعات سے یہ واضح نہیں ہو سکا ہے کہ آیا یہ تینوں کمانڈر جنوبی بیروت میں حزب اللہ کے انٹیلی جنس ہیڈکوارٹر پر کیے گئے حملوں میں مارے گئے ہیں، یا الگ الگ کارروائیوں میں، تاہم حزب اللہ نے اس دعوے سے متعلق فوری طور پر کوئی تبصرہ نہیں کیا ہے۔

    لبنان کی سرکاری خبر رساں ایجنسی نے بتایا ہے کہ آج اتوار کے اوائل میں 2 اسرائیلی حملوں میں بیروت کے جنوبی مضافات میں ہرات ہریک علاقے کو نشانہ بنایا گیا تھا، جس میں بہمن اسپتال کے قریب ایک رہائشی عمارت پر بمباری کی گئی تھی۔

    اس سے قبل اسرائیلی فوج نے ایک بیان جاری کیا تھا جس میں اس نے دعویٰ کیا تھا کہ اس نے حزب اللہ کے انٹیلی جنس کمانڈ سینٹر اور گروپ کے جنگی ساز و سامان کے متعدد گوداموں کو نشانہ بنا کر تباہ کر دیا ہے۔

    کیا یحییٰ سنوار کے ساتھ اقوام متحدہ کا کوئی اہلکار بھی ہلاک ہوا تھا؟

    دوسری طرف خبر رساں ایجنسی روئٹرز نے بتایا ہے کہ اسرائیل نے لبنان کے 4 مضافاتی علاقوں کے شہریوں کو انخلا کا حکم دیا ہے، کہ وہ اپنے گھروں سے کم از کم 500 میٹر دور چلے جائیں، تاہم ابھی انخلا جاری ہی تھا کہ حملے شروع کر دیے گئے۔ الجزیرہ سے بات کرنے والے ماہرین کا کہنا ہے کہ اسرائیل کی اس حکمت عملی کا مقصد آبادی میں خوف و ہراس پھیلانا ہے تاکہ وہ حزب اللہ کی حمایت نہ کریں۔

  • حزب اللہ کا اسرائیلی فوجی اڈے پر جوابی ڈرون حملہ

    حزب اللہ کا اسرائیلی فوجی اڈے پر جوابی ڈرون حملہ

    حیفا : لبنانی مزاحمتی گروپ حزب اللہ نے اسرائیلی فوجی اڈے پر گزشتہ روز ڈرون حملہ کیا ہے یہ حملہ گزشتہ روز اسرائیل کی جانب سے کی جانے والے بمباری کے بعد کیا گیا ہے۔

    غیر ملکی خبر رساں ادارے کی رپورٹ کے مطابق یہ ڈرون حملہ حیفا کے شمال میں نزد قائم اسرائیلی فوجی اڈے پر کیا گیا ہے تاہم کسی قسم کے نقصان کی اطلاعات تاحال سامنے نہیں آئی ہیں۔

    یاد رہے کہ حزب اللہ کی جانب سے یہ حملہ وسطی بیروت پر اسرائیلی فوج کی جمعرات کو کی گئی بدترین بمباری کے ایک روز بعد کیا گیا ہے۔

    حزب اللہ کے جاری کردہ بیان کے مطابق یہ ڈرون حملہ اسرائیلی ایئر ڈیفنس کمانڈ بیس پر کیا گیا ہے۔ یہ ان اسرائیلی حملوں کا جواب تھا جو اسرائیل نے لبنانی شہروں ، قصبوں اور دیہات پر کیے تھے۔

    مزید پڑھیں : ہماری اولین ترجیح اسرائیل کو شکست فاش دینا ہے، حزب اللہ

    اسرائیل کی جانب سے وحشیانہ بمباری کے باوجود لبنان کی مزاحمتی تنظیم حزب اللہ نے اس عزم کا اظہار کیا ہے کہ اس کی اولین ترجیح دشمن کو شکست فاش دینا ہے۔

    رپورٹ کے مطابق حزب اللہ میڈیا ونگ کے سربراہ محمد عفیف نے بیروت میں میں اسرائیلی حملے میں تباہ شدہ عمارت میں پریس کانفرنس کی۔

    محمد عفیف نے اسرائیل کو للکارتے ہوئے کہا کہ تل ابیب تو ابھی صرف شروعات ہے، اسرائیل نے ابھی کچھ دیکھا ہی نہیں ہے۔