Tag: Hockey Champions Trophy

بریڈا: چیمپئنز ٹرافی ہاکی ٹورنامنٹ میں آسٹریلیا نے پاکستان کو ایک کے مقابلے میں دو گول سے شکست دے دی۔

تفصیلات کے مطابق قومی ہاکی ٹیم پر چھائے شکست کے بادل نہ چھٹ سکے، گرین شرٹس کو آسٹریلیا نے 2-1 سے شکست دے دی۔۔

ہالینڈ کے شہر بریڈا میں کھیلے جانے والے میچ کے 9 ویں منٹ میں اعجاز احمد نے گول اسکور کرکے قومی ٹیم کو برتری دلائی، 3 منٹ بعد ہی آسٹریلیا کی جانب سے ٹرینٹ نے نے گول داغ کر مقابلہ ایک، ایک سے برابر کردیا۔

میچ کے دوسرے اور تیسرے کوارٹر میں کوئی ٹیم گول کرنے میں کامیاب نہ ہوسکی، چوتھے کوارٹر میں بلیک گوروز نے فیصلہ کن گول کرتے ہوئے ٹیم کو فتح سے ہمکنار کروایا۔

یاد رہے کہ چیمپئنز ٹرافی کے پہلے میچ میں پاکستان کو روایتی حریف بھارت نے 4-0 سے شکست دی تھی، قومی ٹیم اپنا اگلا میچ منگل کو ہالینڈ کے خلاف کھیلے گی۔

 دوسرے میچ میں بھارت نے ارجنٹینا  کو دو کے مقابلے میں ایک گول سے شکست دے دی، بھارت کی جانب سے ہرمن پریت سنگھ اور مندیپ سنگھ نے گول اسکور کیے۔

خیال رہے کہ بھارت کے ہاتھوں ہاکی چیمپئنز ٹرافی میں پاکستان ہاکی ٹیم کی مایوس کن کارکردگی اور بدترین شکست پر سابق اولمپئنز جنید خواجہ برس پڑے تھے۔

ان کا کہنا تھا کہ غیر ملکی کوچز لگانے کےنتائج سامنے آنے لگے ہیں، غیر ملکی کوچ کےباوجود ٹیم میں نمایاں تبدیلی نظر نہیں آئی، انہوں نے کہا کہ ہاکی فیڈریشن درست فیصلےکرنےمیں ناکام ہوگئی ہے، ایک ماہ ہالینڈ میں رہنے کے باوجود بھارت سے شکست پر دکھ ہوا، بھارت جیسی کمزور ٹیم سے پاکستان میچ جیت سکتا تھا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔