Tag: Hollywood

دنیا بھر میں کروڑوں فلمی شائقین ایسے بھی ہیں جو صرف ہارر یعنی ڈراؤنی فلمیں دیکھنا پسند کرتے ہیں، یہی وجہ ہے کہ ہر سال ایسی متعدد فلموں کو ریلیز کیا جاتا ہے۔

ان میں بہت کم فلمیں ایسی ہوتی ہیں جو سالوں بعد بھی لوگوں کے ذہنوں میں رہتی ہیں جنہیں دیکھ کر شائقین کے جسم میں خوف کی لہر دوڑ جاتی ہے۔

گزشتہ چند دہائیوں کے دوران ریلیز کی جانے والی ہالی وڈ کی ڈراؤنی فلموں میں کچھ فلمیں ایسی ہیں جنہوں نے لوگوں کے ذہنوں پر گہرا اثر چھوڑا ہے، ان فلموں نے بے خواب راتوں، خوف اور بے چینی کو جنم دیا۔

زیر نظر مضمون میں فلمی ماہرین کے مشوروں کی روشنی میں آپ کے لیے پانچ بہترین ہارر فلموں کی فہرست مرتب کی ہے! اگر آپ اسٹڈی فائنڈز کی اس فہرست سے اتفاق نہیں کرتے تو کوئی بات نہیں! ہمیں کمنٹس میں آپ کی سفارشات پڑھ کر خوشی محسوس ہوگی۔

1: "دی ایکسورسسٹ” (1973)

فہرست میں پہلے نمبر پر ہے 1973 کی شاہکار فلم “The Exorcist””دی ایکسورسسٹ”۔ اسے ہارر فلموں کی تاریخ میں سب سے خوفناک فلم قرار دیا جاتا ہے اور یہ کئی دہائیوں سے اس صنف کے فلم سازوں کے لیے ایک مشعل راہ رہی ہے۔

اس فلم کی خوفناکیت آج کے معیار کے مطابق چاہے کتنی ہی کم ہو، لیکن اس نے ایسی داستانوں کی بنیاد رکھی جنہوں نے بعد میں آنے والے ہارر فلموں کو نئی جہت اور شکل دی۔

اس فلم کو طویل عرصے سے اب تک کی سب سے خوفناک فلم اور اب تک کی سب سے بڑی ہارر کلاسک فلموں میں سے ایک سمجھا جاتا ہے۔

2: "سائیکو” (1960)

فہرست میں دوسرے نمبر پر ہے الفریڈ ہچکاک کی کلاسک فلم "سائیکو” ‘Psycho’s’۔ اس فلم کی کہانی ایک سیکریٹری کے گرد گھومتی ہے جو چوری کر کے ایک سنسان موٹل میں پناہ لیتی ہے۔ "سائیکو” کو آج بھی ہارر فلموں کا ایک اہم سنگ میل سمجھا جاتا ہے، اور اس نے سلیشر صنف کی بنیاد رکھی۔

3: "دی شائننگ” (1980)

تیسرے نمبر پر فلم ہے "دی شائننگ” ‘The Shining’۔ اس فلم میں اسٹینلے کبریک کی ہدایت کاری اور جیک نکلسن کی لازوال اداکاری نے اسے ایک کلاسک بنا دیا ہے۔ اگرچہ مصنف اسٹیفن کنگ نے اس فلم کو ناپسند کیا لیکن یہ فلم اپنے منفرد اسلُوب اور خوفناک کہانی کے باعث آج بھی دل دہلا دینے والی سمجھی جاتی ہے۔

سال 1980 میں ریلیز ہونے والی دی شائننگ وہ فلم ہے جو چار دہائیوں بعد بھی لوگوں کو یاد ہے اور اسے ہر دور کی بہترین ہارر فلموں میں سے ایک قرار دیا جاتا ہے۔

4: "ہالووین” (1978)

چوتھے نمبر پر فلم ہے "ہالووین” halloween ۔جان کارپنٹر کی اس فلم نے ہالووین کو ہارر صنف کا مرکز بنادیا اور مائیکل مائرز کو ایک مشہور قاتل بنا دیا۔ وہ فلم جس نے جیمی لی کرٹس کو شہرت کی بلندیوں تک پہنچایا۔

اگرچہ فلم نے ابتدائی طور پر زیادہ منافع حاصل نہیں کیا، تاہم بہت کم فلمیں ایسی ہیں جو اس کے خوفناک لیکن بہترین انداز کے لحاظ سے قریب ہیں۔

5: "دی ٹیکساس چینسا ماساکر” (1974)

پانچویں نمبر پر ہے "دی ٹیکساس چینسا ماساکر” "The Texas Chainsaw Massacre”۔ یہ فلم ہارر کے بجائے خالص وحشت کو بیان کرتی ہے، جہاں پانچ نوجوانوں کو ایسی تباہی کا سامنا کرنا پڑتا ہے جسے دیکھ کر آج بھی دل کانپ اٹھتے ہیں۔

یہ تھیں وہ پانچ ہارر فلمیں جنہوں نے ہارر صنف کو ہمیشہ کے لیے بدل دیا!