لاس اینجلس : ہالی ووڈ اداکارہ انجلینا جولی نے کہا ہے کہ بریڈ پٹ کیساتھ شادی کرنا اور پھر اسے نبھانا کوئی آسان کام نہیں ہے ۔
لاس اینجلس میں میڈیا سے گفتگو میں انہوں نے کہا کہ شادی کو برقرار رکھنا اور پھر بچوں کو بھی پالنا سخت محنت طلب کام ہے، انہوں نے کہا کہ وہ اور بریڈ دونوں ہی اپنی فیملی کے ہر شخص کو خوش رکھنے کیلئے بھرپور کوشش کر رہے ہیں۔
انہوں نے کہا کہ شادی کے بعد اس بات کو یقینی بنانا پڑتا ہے کہ آپ کا کام آپ کی گھریلو ذمہ داریوں کے آڑے نہیں آئے گا۔
ہالی وڈ اداکارہ انجلینا جولی کو چکن پوکس نے گھیر لیا، اداکارہ فلم اَن بروکن کے پریمیئر میں شرکت نہیں کر سکیں گی۔
فلمساز اور ادکارہ انجلینا جولی کا کہنا ہے کہ انہیں چکن پوکس ہو گیا ہے جس کی وجہ سے وہ دوسری جنگ عظیم پر بننے والی فلم ان بروکن کی تشہیری تقریبات کا حصہ نہیں بنیں گی۔ انتالیس سالہ اداکارہ کی ہدایتکاری میں بننے والی فلم ان بروکن پچیس دسمبر کو سینما گھروں کی زینت بنے گی۔
ممبئی: بالی ووڈ اداکارہ کرینہ کپور نے فلمساز آنند لال رائے کی کامیڈی فلم میں کام کرنے کی حامی بھرلی ہے۔
فلم میں کرینہ کا کردار کسی فلم کے ہیرو سے کم نہیں ہے، فلم کی کہانی کرینہ کے گرد گھومے گی، فلم کے ہدایتکار آنند لال ہوں گے جبکہ فلم کی عکس بندی جنوری 2015 میں لکھنئو میں شروع ہوگی۔
کرینہ ان دنوں سلمان خان کے ساتھ ایک اور فلم کی نئی دہلی میں عکس بندی میں مصروف ہے۔
ہالی وڈ: شوخ و چنچل اداکارہ کیٹ بلانشے کو سڈنی یونیورسٹی نے ڈاکٹریٹ کی اعزازی ڈگری عطا کردی ہے۔
ہالی وڈ کی کئی مشہور فلموں میں لازوال اداکاری کے جوہر دکھا کر آسکر کا ایوارڈ حاصل کرنے والی کیٹ بلانشے نے ایک اور اعزاز اپنے نام کرلیا ہے، سڈنی یونیورسٹی نے تھیٹر، فلم اور انسانی حقوق کے لئے ان کی خدمات کا اعتراف کرتے ہوئے انھیں اعزازی ڈگری سے نوازا۔
دوسری جانب دنیا کے ساٹھ سے زائد ممالک میں اپنے ملبوسات کی دھوم مچانے والی مشہورفیشن ڈیزائنر وکٹوریا بیکھم اپنے جدید ڈیزائنز کے کپڑے فروخت کرنے لندن جا پہنچیں ہیں۔
ساٹھ سےزائد ممالک میں پانچ سو اسٹورز کھولنے کے بعد وکٹوریا نے اپنے ملبوسات کی فروخت کے لئے لندن کومنتخب کرلیا ہے۔
ہالی ووڈ اسٹارزجیسیکا چیسٹین اورسیلینا گومزنےشرکت کرکےاٹلی میں ہونے والے فلم فیسٹیول کی رونق بڑھا دی۔
اٹلی میں بارہواں گلوبل فلم اینڈ میوزک فیسٹیول جاری ہے، دنیا بھر سے فلمی صنعت سے جڑے ستارے اس فیسٹیول میں شریک ہیں۔
فلم فیسٹیول میں شرکت کے لئے ہالی ووڈ کے ستارے بھی پہنچے ہیں جن میں جیسیکا چیسٹین، سیلینا گومز اور چیوٹل اجیوفر شامل ہیں،جیسیکا اور چیوٹل کوبہترین اداکارہ اور اداکار کے لئے نامزد کیا گیا ہے۔
جیسیکا کی فلم دی ڈس اپیئر آف الینور ریگبائے بھی فیسٹیول میں نمائش کے لئے پیش کی جا رہی ہے۔
