Tag: hollywood film

برفانی بھالو فلم کی تشہیری کیلئے دھوم مچانے شنگھائی پہنچ گیا

شنگھائی: دنیا بھر میں دھوم مچانے کے بعد برفانی بھالو فلم کی تشہیری کیلئے شنگھائی پہنچ گیا، چین میں فلم پیڈنگٹن کے پریئمیر میں پرنس ولیم کی آمد نے چار چاند لگا دئیے۔

چین کے شہر شنگھائی میں ننھے بھالو نے اپنی شراتوں سے دھوم مچادی، بھالو کے گرد گھومتی فلم کا رنگارنگ پریئمیر سجا تو پرنس ولیم کی آمد نے رونق بڑھادی۔

پرنس ولیم ننھے بھالو سے مل کر خوب لطدف اندوز ہوئے، شہزادہ ولیم تین روزہ دورے پر چین میں موجود ہیں۔

ریڈ کارپٹ پر فلم ستاروں نے بھی جلوے بکھیرے۔

فلم کی کہانی پیرو کی معروف کامک بک پیڈنگٹن سے لی گئی ہے، جو ایک بھالو کے گرد گھومتی ہے، یہ بھالو اپنی معصوم شرارتوں سے لوگوں کو محظوظ کرتا ہے۔

مارچ 4, 2015
کامیڈی فلم گیٹ ہارڈ کا نیا ٹریلر ریلیز کردیا گیا

ہالی ووڈ: دو دوستوں کی دلچسپ کہانی پر مبنی کامیڈی فلم گیٹ ہارڈ کا نیا ٹریلر ریلیز کردیا گیا ہے۔

ول فیرل اور کیوین ہارٹ بڑے پردے پر دھوم مچانے آرہے ہیں، دو دوستوں کی منفرد کہانی پر مبنی فلم گیٹ ہارڈ کے کامیڈی سے بھرپور ٹریلر نے شائقین کو خوش کردیا۔

فلم کی کہانی ایک ایسے بزنس مین کے گرد گھومتی ہے، جو فراڈ کے الزام میں جیل چلا جاتا ہے پھر جیل سے باہر آنے کیلئے سیاہ فام شخص سے مدد مانگتا ہے، جو بعد میں بہترین دوست بن جاتا ہے ، دونوں دوست مل کر خوب دھوم مچاتے ہیں۔

طنز و مزاح سے بھرپور یہ فلم رواں سال چھبیس مارچ کو نمائش کیلئے پیش کی جائے گی۔

مارچ 3, 2015
لاس اینجلس: فلم سنڈریلا کے ستاروں سے جگمگا اٹھا

لاس انجلس میں چھایا سنڈ ریلا کا جادو، جہاں فلم کی تشہیر کیلئے فلم کی کاسٹ پہنچی تو پرستاروں کا ہجوم لگ گیا۔

کہانیوں سے نکل کر سنڈریلا لاس انجلس پہنچ گئی، سنڈریلا کی شاندارانٹری نےسب کو حیران کیا، فینٹسی فلم سنڈریلا کے ورلڈ پریمیئر کے موقع پر اپنے پسندیدہ ستاروں کی ایک جھلک دیکھنے کیلئے مداحوں کی بڑی تعداد بے تاب نظر آئی۔

فلم کی کہانی ایلا نامی لڑکی کے گرد گھومتی ہے جس کی ماں اور سوتیلی بہنیں اس پر ظلم کے پہاڑ توڑ دیتی ہیں۔

اچانک اس کی ملاقات ہوتی ہے مہربان پری سے جو ایلا کی دنیا بدل دیتی ہے، ڈرامہ اور فینٹسی سے بھرپور فلم تیرہ مارچ کو سنیما گھروں میں دھوم مچائے گی۔

مارچ 2, 2015
خوف و دہشت سے بھرپور فلم دی لازارس ایفکیٹ کا ٹریلر جاری

ہالی ووڈ: خوف اوردہشت سے بھرپور فلموں کے شائقین تیار ہو جائیں، ہالی وڈ کی نئی فلم دی لازارز ایفیکٹ کا نیا ٹریلر جاری کر دیا گیا ہے۔

فلم ساز ڈیوڈ گلب کی ہدایت کاری میں بننے والی فلم کی کہانی نوجوان ڈاکٹروں کے گرد گھومتی ہے، جو موت کا علاج تو تلاش کر لیتے ہیں لیکن زندہ ہونے والے انسانوں میں کچھ بری طاقتیں بھی آ جاتی ہیں۔

تمام ڈاکٹرز موت کو شکست دینا تو سیکھ لیتے ہیں لیکن ایک حادثے میں مر جانے والی ساتھی ڈاکٹر کو زندہ کر کے مشکل میں پھنس جاتے ہیں۔

ڈاکٹرز ایک ساتھی کو زندہ کرتے ہیں تاہم اس میں کچھ غیر فطری طاقتیں بھی آ جاتی ہیں، جو لوگوں کے لئے مشکل کا سبب بن جاتی ہیں۔

دہشت انگیز مناظر سے بھرپور فلم یکم مارچ سے سینما گھروں میں تہلکہ مچائے گی۔

فروری 28, 2015
ٹرمینیٹرکی اگلی فلم ٹرمینیٹر جینیسیز کا نیا ٹریلر ریلیز

ہالی ووڈ: مشہورِ زمانہ ہالی وڈ سائنس فکشن ایکشن فلم سیریز ٹرمینیٹرکی اگلی فلم ٹرمینیٹر جینیسیز کا نیا ٹریلر منظرِعام پر آگیا ہے۔

سائنس فکشن فلم ٹرمینیٹر جینیسیز میں ایک بار پھر سے آرنلڈ شوارزنیگر طاقتور روبوٹک مشین کے کردار میں جلوہ گر ہورہے ہیں، ہدایت کار ایلن ٹیلر کی اس فلم کی کہانی گزشتہ فلموں کی طرح عظیم مشن انجام دیتے جدید روبوٹس کے گِرد گھوم رہی ہے۔

جو اپنا ٹاسک مکمل کرتے ہوئے بڑے سے بڑا خطرہ مول لے لینے سے بھی گریزنہیں کرتے۔

ایک سو ستر ملین ڈالر لاگت سے مکمل ہونیوالی ایکشن اور ایڈونچر سے بھرپور یہ سائنس فکشن فلم یکم جولائی کو سنیما گھروں میں نمائش کیلئے پیش کی جائے گی۔

فروری 26, 2015
اسٹار وارز ایک بار پھر سینما گھروں میں تہلکہ مچانے کو تیار

ہالی وڈ : اسٹار وارز نامی فلم سیریز ایک بار پھر سینما گھروں میں تہلکہ مچانے کو تیار ہے۔

دیوہیکل اُڑن طشتریاں، دیوقامت روبوٹس کا مقابلہ اسٹار وارز سے ہوگا پھر ہوگا، اسٹار وارز کے نئے حصے "دی فورس اویکنز” کے نئے ٹریلر نے فلم بینوں کو خوش کردیا۔

فلم میں "اسٹار وارز: چھٹی سیریز، ریٹرن آف دی جیڈآئی” کے واقعات کے بعد سے کہانی کا آغاز کیا جائے گا۔

سال دو ہزار پانچ کے بعد سے یہ اسٹار وارز سیریز کے سلسلے میں بننے والی پہلی فلم ہے، فلم میں نئے کرداروں کیساتھ آسکر ایوارڈ یافتہ اداکار بھی جلوہ گر ہونگے ۔

اس فلم میں نئے اداکار ڈیزی رڈلی اور جان بوئیگا پرانے اداکاروں مارک ہیمل، ہیریسن فورڈ اور کیری فشر کے ساتھ کام کریں گے، اس فلم کی عکس بندی لندن سے کچھ فاصلے پر پائن وڈ اسٹوڈیوز میں کی گئی ہے، دی فورس اویکنز” کے ہدایت کار جے جے ایبریمز ہیں۔

مار دھاڑ سے بھرپور فلم رواں سال اٹھارہ دسمبر کو ریلیز کی جائیگی۔

فروری 25, 2015
ایکشن سے بھرپور ہالی ووڈ فلم بگ گیم کا نیا ٹریلرجاری

امریکی صدر کی زندگی پر مبنی فلم بگ گیم کا نیا ٹریلر ریلیز کردیا گیا ہے۔

ہالی ووڈ کی ایکشن سے بھرپور فلم بگ گیم کا نیا ٹریلر مداحوں کے دلوں پر راج کرنے آگیا ہے، فلم کی کہانی امریکی صدر کے قتل کی سازش پر مبنی ہے۔

امریکی صدر کا طیارہ جنگل میں گر جاتا ہے جہاں ایک تیرہ سا لہ لڑکا امریکی صدر کو قاتلوں سے بچاتا ہے، فلم میں امریکی صدر کا کردار سیموئل ایل جیکسن ادا کر رہے ہیں۔

ایکشن سے بھرپور یہ فلم آٹھ مئی کو برطانیہ میں ریلیز کر دی جائے گی۔

فروری 20, 2015
ہالی ووڈ ہارر فلم کرمسن پیک کا ٹریلر جاری

ہالی ووڈ: خوف اور دہشت سے بھرپور ہالی ووڈ فلم کرمسن پیک کا نیا ٹریلر جاری کر دیا گیا ہے۔

گلیرموڈیل کی ہدایتکاری میں بننے والی فلم کرمسن پیک کی کہانی انیسوں صدی میں شمالی انگلینڈ سے تعلق رکھنے والی ایک مصنفہ ایڈیتھ کشنگ کی ہے، جسے اچانک پتہ چلتا ہے کہ اسکا شوہر سر تھامس شارپ انسان نہیں بلکہ کسی اور دنیا سے تعلق رکھتا ہے۔

خوف اور دہشت کے مناظر سے بھرپور یہ فلم کرمسن پیک سولہ اکتوبر کو امریکی سینما گھروں کی زینت بنے گی۔

فروری 19, 2015
انجیلینا جولی نے اداکاری کو الودع کہہ دیا

کراچی: (ویب ڈیسک) ہالی ووڈ اداکارہ انجیلینا جولی نے فلمی دنیا پر راج کر نے کے بعد اداکاری کو الوداع کہہ دیا ہے۔

انجلینا جولی کا کہنا تھا کہ ذاتی وجوہات کی بنا پر اداکاری کو الودع کہہ رہی ہوں لیکن انڈسٹری سے میرا رشتہ ختم نہیں ہوا کیوں اب میں خود اداکاری لوگوں سے اداکاری کرواؤں گی جس کے لئے فلموں کی ہدایت کاری کرنے کا فیصلہ کیا ہے۔

انچیلینا کا کہنا تھا کہ میری اپنی تمام توجہ اب ہدایتکاری اور سوشل کاموں میں طرف ہوگی۔

انچیلینا نے کہا کہ 2007 میں جب والد کا انتقال ہوا تو اس وقت ہی اداکاری چھوڑنے کا فیصلہ کرلیا تھا تاہم اس میں کچھ وقت لگ گیا، والدہ مجھے اداکار بنانا چاہتی تھی جس میں وہ کامیاب رہیں۔

فروری 17, 2015
ایکشن ،کامیڈی سے بھرپور فلم ہاٹ پرسوٹ کے پہلے ٹریلرکی دھوم

ہالی ووڈ: نئی ایکشن اور کامیڈی سے بھر پور فلم ہاٹ پرسوٹ کے پہلے ٹریلر نے دھوم مچادی۔

کامیڈی سے بھرپور فلم ہاٹ پرسوٹ میں خاتون پولیس افسر منشیات فروشوں کے خلاف سرگرم ہے، اس میں وہ ایک ڈرگ ڈیلر کی بیوی کی مدد حاصل کرتی ہے۔

خاتون پولیس افسر ایک بڑی ڈیل ہونے سے روکنے میں کامیاب ہوتی ہے یا نہیں یہ تو فلم دیکھ کر ہی پتہ چلے گا۔

فلم کی کاسٹ میں صوفیہ ورگر، ریس ویٹر، مائیکل موسے اور جوڈی لیئین شامل ہیں، ایکشن، ایڈونچر اور تھرل سے بھر پور فلم میں ہلے پھلکے طنزو مزاح کا تڑکہ بھی لگا ہوا ہے۔

فلم آٹھ مئی کو سینما گھروں کی زینت بنا دی جائے گی۔

فروری 17, 2015