ہالی وڈ: کی نئی فلم ایلوہا کا نیا ٹریلر ریلیز کردیا ہے۔
ہالی وڈ کی ڈرامہ اور سنسنی سے بھرپور فلم ایلوہا کا ٹریلر ریلیز کردیا گیا ہے، فلم کی کہانی ایک فوجی کانٹریکٹر کے گرد گھومتی ہے، جو اپنا دل ایک فلائیٹ افسر خاتون پر ہار بیٹھتا ہے، محبت کی خاطر اسے اپنی نوکری سے ہاتھ دھونا پڑتا ہے۔
فلم کے مرکزی کرداروں میں ہالی وڈ کے صف اول کے اداکار ایما اسٹون اور بریڈلی کوپر نظر آئیں گے ۔
ایکشن، سسپینس اور رومانس کے تڑکے سے بھرپور فلم انتیس مئی کو ریلیز ہو گی۔
ہالی ووڈ: فلم اسپنج آوٹ آف واٹر نے باکس آفس پر امریکن اسنائپر کو پیچھے چھوڑ دیا۔
ہالی ووڈ اینی میٹڈ فلم اسپنج آوٹ آف واٹر پہلے ہفتے ہی نمبر ون پوزیشن پر آگئی، فلم امریکی اسنائپر کا کئی ہفتوں کا راج برقرار رہ نہ سکا، بچوں میں مقبول ہونے کارٹون کیریکٹر اسپنج باکس پانی سے نکل کر انسانوں کی دنیا میں آگئے اورآتے ہی چھا گئے۔
ہالی ووڈ اینیمیٹڈ فلم نے پہلے ہفتے ہی باکس آفس پر پہلی پوزیشن حاصل کر لی، فلم نے پہلے چار دنوں میں چھپن ملین ڈالر سے زائد کا بز نس کرلیا ہے۔
فلم دیکھنے والوں کی اب بھی سینما گھروں میں لائن لگی ہے، فلم اسپنج بوب کا سیکوئل ہے،فلم اسپنج آوٴٹ آف واٹر کی کہانی میں اسپنج بوب اور اس کے دوستوں کی شرارتیں شامل ہیں۔
فلم اسپنج آوٴٹ آف واٹر نے آسکرکیلئے نامزد فلم اور باکس آفس پر تین ہفتوں سے کامیاب رہنے والی فلم امریکن اسنائپر کو پیچھے چھوڑدیا۔
ہالی ووڈ: برفانی بھالو کی زندگی کے گرد گھومتی فلم ٹیڈ ٹو کے نئے ٹریلر نے شائقین کا دل جیت لیا ہے۔
برفانی بھالو ایک بار پھر بڑے پردے پر دھوم مچانے آرہا ہے، برفانی بھالو کی مستیوں سے بھرپور فلم ٹیڈ ٹو کا نیا ٹریلیر ریلیز کردیا گیا ہے۔
فلم کی کہانی شہر میں آیا ٹیڈ کے گرد گھومتی ہے، جو ا نسانی دوست ٹیمی کی نئی زندگی کا آغاز کرتا ہے لیکن ٹیڈ کی مشکلیں کم ہونے کا نام ہی نہیں لیتی، خود کو جیتا جاگتا فرد ثابت کرنے کی جنگ، ٹیڈ کو عدالت تک لے جاتی ہے، فلم میں مارک ولبرگ کے ہمراہ لیام نیسن اور امانڈا بھی جلوہ گر ہوگی۔
ہسنتی کھلکھلاتی فلم چھبیس جون کو بڑے پرد ے پر ریلیز کی جائیگی۔
ہالی ووڈ: تھرلر فلم کٹ بینک کا نیا ٹریلر تہلکہ مچانے آگیا ہے۔
ہالی ووڈ فلم کٹ بینک کا نیا ٹریلر مداحوں کے دلوں پر راج کر رہا ہے۔ اس فلم میں ایڈونچر کے بے شمار رنگ دیکھنے کو ملیں گے، فلم کی کہانی حالات سے مایوس نوجوان کی کہانی پر مبنی ہے۔
نوجوان اپنی زندگی کو بدلنے کے لئے اپنا گھر بار چھوڑ دیتا ہے اور پھر کئی واقعات پیش آتے ہیں، جو اس کی زندگی کو بدل دیتے ہیں، تھرل سے بھرپور فلم کئی فلم فیسٹیولز میں پیش کی جاچکی ہے۔
فلم کٹ بینک تیس مارچ کو آئس لینڈ جبکہ تین اپریل کو امریکی سینما گھروں میں نمائش کیلئے پیش کی جائے گی۔
ہالی وڈ : بلاک بسٹرہالی وڈ سائنس فکشن ایڈونچر فلم ڈائی ورجنٹ کے سیکیوئل ” اِنسرجنٹ” کا نیا ر ٹریلر ریلیز کر دیا گیا ہے۔
غیر معمولی صلاحیت کی مالک نوجوان لڑکی اکیلے ہی دشمنوں کا سامنا کرے گی، لوگوں کو ظلم و ستم سے بچانے نوجوان لڑکی آرہی ہے، جو مار دھاڑ سے سنیما گھروں میں ہل چل مچائی گی۔
ہالی وڈ فلم ” اِنسرجنٹ” کے نئے ٹریلر نے شائقین پر اپنا سحر طاری کردیا۔ فلم معروف امریکی مصنفہ ویرونکا روتھ کے ناول سے ماخوذ ہے۔
جس کے مطابق ایک لڑکی مختلف گروہوں میں شامل ہونے کی بجائے اپنی جان خطرے میں ڈال کر مظلوم لوگوں کی مدد کرتی نظر آتی ہے۔
غیر معمولی صلاحیتوں کی مالک اس لڑکی کا کردار گزشتہ فلم کی طرح اس بار بھی مشہور ہالی وڈ اداکارہ شائیلین ووڈلی نبھا رہی ہیں، جنکے علاوہ تھیوجیمز، زوئے کریوٹز، کیٹ وِنلسیلٹ، نومی واٹس، میگی کیو اور اینزل ایلگورٹ اپنے سابقہ کردار میں جلوۂ گر ہونگے۔
سنسنی خیز فلم بیس مارچ کو سنیما گھروں میں دھوم مچائیگی۔
ہالی وڈ: ایکشن فلموں کے شائقین کیلئے خوشخبری ہے کہ فنٹاسٹک فور سنیما گھروں میں دھوم مچانے کیلئے آرہی ہے۔
ایکشن اور تھرل کا تڑکا لئے فنٹاسٹک فور آرہے ہیں، جو اپنے ایکشن سے سب کو حیران کرینگے، ہالی ووڈ فلم فنٹاسٹک فور کا پہلا ٹریلرریلیز کردیا گیا ہے۔
فلم فنٹاسٹک فور مارول کامک بک کی کہانی فنٹاسٹک فور سے ماخوذ ہے جبکہ فلم فنٹاسٹک فور سیریز کا تیسرا حصہ ہے۔
فلم کی کہانی چار افراد پر مشتمل ہے، جو دوسرے سیارے سے آئے دشمنوں سے دنیا کو تباہی سے بچائیں گے، ایکشن سے بھرپور فلم فنٹاسٹک فور رواں سال سات اگست کو سینما گھروں کی زینت بنے گی۔
لندن : امریکی رہنماء مارٹن لوتھر کنگ جونیئر کی زندگی پر بننے والی ہالی ووڈ فلم سیلما کا رنگارنگ پریمیئر لندن میں سجا۔
نسل پرستی کیخلاف جدوجہد کرنے والے مارٹن لوتھرکنگ جونیئر کے گرد گھومتی ہے، ہالی ووڈ کی نئی فلم سیلما کے پریمیئر میں فلم کی کاسٹ نے شرکت کرکے چار چاند لگا دئیے۔
لندن میں ہونے والے پریمیئر کے موقع پر مداحوں کی بڑی تعداد اپنے پسندیدہ اداکروں کی ایک جھلک دیکھنے کیلئے بے تاب نظر آئی۔
فلم کی کہانی فلم انیس سو ساٹھ میں انسانی حقوق اور نسل پرستی کیخلاف اٹھنے والی تحریک پر بنائی گئی ہے، فلم میں مارٹن لوتھر کنگ جونیئر کے کردار کو بھی خاص اہمیت دی گئی ہے۔
فلم سیلما امریکا بھر کے سنیما میں دھوم مچانے کے بعد برطانیہ میں فروری میں تہلکا مچائی گی۔
برلن : ہالی ووڈ فلم مورٹ ڈیکائی کا رنگارنگ ورلڈ پریمیئر منعقد ہوا، جس میں فلمی ستاروں کی شرکت لوگوں کی توجہ کا مرکز بنی رہی۔
جرمنی کے دارالحکومت برلن میں ایکشن اور کامیڈی سے بھرپور ہالی ووڈ فلم مورٹ ڈیکائی کی پریمیئر تقریب نے رنگ بکھیرے، ایونٹ میں اداکار جونی ڈپ اور پاوٴل بیٹنی نے ریڈ کارپٹ پر واک کرکے شرکاء کو محظوظ کیا۔
فلم کی کہانی مشہور ناول مورٹ ڈیکائی سے ماخوذ ہے، جس میں مرکزی کردار جونی ڈپ نے نبھایا ہے۔
فلم کی کہانی چوری کی ہوئی پینٹنگ پر مبنی ہے، جس کی تلاش میں آرٹ ڈیلر پنٹنگ کے اندر چھپے بینک اکاوٴنٹ کے حصول کیلئے تگ ودو کرتا ہے، فلم میں پاوٴل بیٹنی نے اپنی اداکاری کے بہترین جوہر دکھائے ہیں، فلم رواں ہفتے سینما گھروں میں تہلکہ مچائے گی۔
ہالی ووڈ: نامور اداکار بریڈلے کوپر کی ایکشن سے بھرپور فلم امریکن اسنائپر امریکی باکس پر کامیابی حاصل کیے ہوئے ہے۔
حقیقی کہانی سے ماخوذ ہالی ووڈ فلم امریکن اسنائیپر کی کہانی ایک ایسےامریکی فوجی کے گرد گھومتی ہے، جو سروس کے دوران ایک سو پچاس سے زائد افرادکو اپنی اسنائیپر گن سے نشانہ بنا چکے ہیں۔
فلم سولہ جنوری کو امریکی سنیما گھروں میں پیش کی گئی اور شائقین میں بے پناہ مقبولیت کے ساتھ بزنس کرتے ہوئے باکس آفس پر پہلے نمبر پر ہے۔
ٹیڈی بیئر پربننے والی فلم پیڈنگٹن سترہ ملین ڈالر کا بزنس کرتے ہوئے باکس آفس پر اپنی جگہ بنائے ہوئے ہے۔
بچوں کے دلچسپ کردار ٹیڈی بئیر کی کہانی کو بچوں میں بے پناہ سراہا جارہا ہے۔
لاس انجیلس: ہالی وڈ کی نئی ایکشن اور تھرلر فلم ٹیکن تھری نے سب کو ہیچھے چھوڑتے ہوئے باکس آفس پر قبضہ جمالیا ہے۔
ہالی وڈ کی نئی فلم ٹیکن تھری نے ریلیز ہوتے ہی سینما گھروں میں دھوم مچا دی ہے، ایکشن اور سنسنی خیزی سے بھرپور فلم ٹیکن تھری کے تیسرے سیکول میں اداکار لیئم نیسن نے جوہر دکھائے ہیں۔ فلم بینوں اور مداحوں نے بھی لیئم نیسن کی اداکاری کو خوب سراہا ہے۔
امریکہ اور کینیڈا میں ٹیکن تھری کے تیسرے پاٹ نے کامیابی کے جھنڈے گاڑھتے ہوئے سب کو پیچھے چھوڑ دیا ہے۔ چار کروڑ چالیس لاکھ کے ٹکٹ فروخت ہونے کے بعد ٹیکن تھری باکس آفس پرراج کررہی ہے۔
امریکہ کے ماضی کا احاطہ کرتی فلم سیلما دوسرے اور اینٹو ڈا ووڈز تیسرے نمبر پر قبضہ جمائے ہوئے ہیں۔