ہالی ووڈ: سچے واقعات پر مبنی تھرل سے بھرپور ہالی ووڈ فلم ’’ان دی ہارٹ آف دی سی ‘‘ کا نیا ٹریلر جاری کر دیا گیا ہے۔
ران ہاورڈ کی ہدایت کاری میں بننے والی اس فلم کی کہانی مچھلیوں کے شکار کے لئے سمندر میں جانے والی ایسکس نامی ایک کشتی کے گرد گھومتی ہے، جو ایک بڑی وہیل مچھلی کے حملے کا شکار ہو جاتی ہے، تھرل سے بھرپور فلم میں اپنی اداکاری کے جوہر دکھانے والوں میں کرس ہیمس ورتھ، بنجمن واکر، سیلین مرفی ، ٹام ہالینڈ اور مائیکل فیئر شامل ہیں۔
فلم آئندہ برس پندرہ مارچ کو نمائش کے لئے پیش کر دی جائے گی۔
برطانیہ : معروف طبیعات دان کی حقیقی زندگی پر مبنی نئی ڈرامہ فلم دی تھیوری آف ایوری تھنگ کا رنگارنگ پریمئیر لندن میں سجا۔
ہالی ووڈ کی نئی ڈرامہ سے بھرپور فلم تھیوری آف ایوری تھنگ کی کاسٹ فلم کی تشہیری کیلئے لندن پہنچی، جہاں مداحوں کی بڑی تعداد اپنے پسندیدہ ستاروں کی جھلک دیکھنے کیلئے موجود تھی، فلم کی کہانی مشہور برطانوی ماہر طبیعات اسٹیفن ولیم ہاکنگ کی حقیقی زندگی کے گرد گھومتی ہے، جو اپنی ہم جماعت لڑکی کے عشق میں مبتلا ہوجاتا ہے۔
فلم میں اسٹیفن ولیم کا کردار ایڈی ریڈ میین نے نبھایا ہے، ڈرامہ اور ٹریجیڈی سے بھرپور فلم برطانیہ میں یکم جنوری کو ریلیز کی جائیگی۔
نیو یارک : ہالی ووڈ فلم ان ٹو دی ووڈز کا پریمیئر جاری کر دیا گیا ہے۔
ہالی ووڈ فلم ان ٹو دی ووڈز کا نیویار ک میں پریمیئر ہوا، جس میں فلم کی کاسٹ نے خوب رنگ جمایا، فلم کی کاسٹ میں ہالی ووڈ سپر اسٹار میرل اسٹریپ، جانی ڈیپ، ایملی بلنٹ اور اینا کینڈرک شامل ہیں، فلم میں منفی کردار ادا کرنے والی میرل اسٹریپ کا کہنا تھا کہ فلم کی موسیقی شاندار ہے، موسیقی کے زریعے کرداروں کو سمجھنے میں مدد ملے گی۔
ان ٹو دی ووڈز میں سینڈریلا کا کردار ادا کرنے والی اینا کینڈرک کا کہنا تھا کہ یہ کردار ان کے لئے منفرد تھا، ان ٹو دی ووڈز کرسمس کے موقع پر 25 دسمبر کو ریلیز کی جائے گی۔
ہالی ووڈ: مار دھاڑ سے بھرپور ٹیکن سیریز کی تھرلر فلم ٹیکن تھری کے نئے ٹریلر فلمی شائقین کو اپنی طرف متوجہ کرلیا ہے۔
ہالی ووڈ کی سپر ہٹ سریز ٹیکن کی تیسری فلم ٹیکن تھری سنیما گھروں میں دھوم مچانے آرہی ہے، مار دھارڑ سے بھرپور فلم کے ٹریلر نے شائقین کے دل جیت لئے، فلم کی کہانی سابق سرکاری افسرکے گرد گھومتی ہے، جسے سازش کے تحت قتل کی واردات میں بری طرح پھنسا دیا جاتا ہے۔
فلم میں اپنی اداکاری کے جوہر دکھانے والوں میں لیام نیسن، فارسٹ وائٹیکر، فیمک جینسن اور میگی گریس سمیت دیگر فنکار شامل ہیں، ایکشن اور ڈرامہ سے بھرپور فلم آئندہ سال جنوری میں ریلیز کی جائیگی۔
لاس اينجلس :ہالی ووڈ ایڈونچر فلم وائلڈ کا لاس اينجلس ميں رنگا رنگ پریمیئر سجا، جسمیں فلم کی منظر کشی بہترین انداز سے کی گئی ہے۔
ہالی ووڈ کی ایڈونچر سے بھرپور فلم کا پرئمیر کچھ الگ انداز میں ہوا، رنگا رنگ ایونٹ میں فلم کی منظر کشی کو بہترین انداز میں پیش گیا، درختوں سے سجے براؤن کارپٹ پر فلم کی کاسٹ پہنچی تو مداحوں نے اُنکا پر تپاک استقبال کیا۔
فلم وائلڈ کی کہانی ایک ایسی لڑکی کے گرد گھومتی ہے، جو گھریلو مسائل سے پریشان ہوکر لمبے سفر پر نکل جاتی ہے، گھریلو مسائل پر بننے والی فلم پانچ دسمبر کو نمائش کیلئے پیش ہوگی۔
سڈنی: آسٹریلیا میں ہالی ووڈ کی ایکشن اور سنسنی سے بھرپور فلم اَن بروکن کی تشہیری محفل سج گئی ہے، تقریب سڈنی میں ہوئی جس میں ہدایتکارہ انجیلینا جولی نے فلم کے بارے میں آگاہ کیا۔
ہالی ووڈ کی ایکشن اور سنسنی خیز فلم کی تشہیر کیلئے سڈنی میں رنگا رنگ تقریب کا اہتمام ہوا، جس میں انجلینا جولی نے فلم کی خصوصیات اور انفرادیت پر اپنے تاثرات کا اظہار کیا، بائیوگرافیکل فلم ان بروکن لوئس زیمپرینی نامی امریکی اولمپک رنر کی حقیقی زندگی پر بنائی گئی ہے۔
جسے جاپانی فوج جنگی قیدی بنا لیتی ہے، فلم میں اولمپک رنر سے قیدی بننے تک کے سفرکو خوبصورتی کے ساتھ عکس بند کیا گیا ہے ،ایکشن سے بھرپور یہ فلم پچیس دسمبر کو امریکی سینما گھروں کی زینت بنے گی۔
ہالی ووڈ :تصوراتی دنیا سے نکل کر سنڈریلا بڑے پردے پر سب کا دل جیتنے آرہی ہے۔
اب ڈرامہ اور رومانس کا تڑکا لئے سنڈریلا سنیما گھروں میں راج کرنے آرہی ہے، والٹ ڈزنی کے تحت بننے والی فلم سنڈریلا کے پہلے ٹریلر نے شائقین پر اپنا سحر طاری کردیا ہے، سوتیلی ماں کی سختیاں اور بہنوں کے ظلم سہنے والی سنڈریلا فلم میں اپنے روائتی انداز میں نظر آئیگی۔
آسکر ایوارڈ یافتہ اداکارہ کیٹ بلانشیٹ فلم سنڈریلا کی سوتیلی ماں کے کردار میں نظر آئیں گی ، کلاسیکل کہانی اگلے برس تیرہ مارچ کو نمائش کے لئے پیش کی جائے گی۔
لاس انجلس: ہالی ووڈ سیریز ہنگر گیمز کے تیسرے پارٹ ہنگر گیمز موکنگ جے کی تشہير ی زور و شور سے جاری ہے، لاس اینجلس میں فلم رنکارنگ پرئمیر سجایا گیا ،جسمیں فلم کی کاسٹ نے شرکت کر کے رونق بڑھا دی۔
ہالی وڈ کی ایکشن گرل جنیفر لارنس آج کل اپنی نئی فلم ہنگر گیمز موکنگ جے پارٹ ون کی تشہیری میں مصروف ہیں، اسی سلسلے میں جنیفر لارنس فلم کی کاسٹ کے ساتھ لاس انجلس پہنچی، جہاں فلم کا رنگارنگ پرئمیر سجا۔
تقریب میں مداحوں کی بڑی تعداد اپنے من پسندیدہ ستاروں کی ایک جلھک دیکھنے کیلئے بے تاب نظر آئی، فلم کی کہانی چوہترہویں سالانہ ہنگر گیمز جیتنے والی کیٹ نس ایورڈین پربنائی گئی ہے، جنیفر لارنس کی فلم اکیس نومبر سے سنیما گھروں پر راج کرے گی۔
ہالی ووڈ: جادوئی کمالات سے بھرپورہالی وڈ فلم”سیونتھ سن“ کے نئے ٹریلر نے شائقین کو اپنے سہر میں جکڑ لیا، فلم اگلے سال سنیما گھروں میں دھوم مچائے گی۔
ہالی ووڈ فلم سیونتھ سن میں قدیم دور کی کہانی کو جدید ٹیکنالوجی کے ذریعے فلمایا گیا ہے، فلم میں خوفناک ڈریگنز تیز دھار تلواروں کیساتھ اسکرین پر جلوہ گر ہو رہے ہیں، فلم میں دلیر سپہ سالار کے روپ میں جیف بریجز، جولین مور سے ٹکرا رہے ہیں۔
جولین مور خوفناک چڑیل کے روپ میں ان کی ریاست کیلئے خطرہ بنی ہوئی ہیں، ایکشن اور ایڈونچر سے بھرپور اگلے سال فلم چھ فروری کو بڑے پردے پر دھوم مچائے گی۔
ہالی ووڈ: دوسری جنگ عظیم کے سچے واقعات پر مبنی برٹش ڈرامہ فلم دی امیٹیشن گیم کا نیا ٹریلر ریلیز کردیا گیا ہے
ایکشن اور سنسنی سے بھرپور فلم کی کہانی دوسری جنگ عظیم کے اہم کردار اور بابائے کمپیوٹر سائنس کا اعزاز حاصل کرنے والے سائنسدان ایلن ماتھیسن کے گرد گھومتی ہے، جنہوں نے نازی پارٹی کے خلاف بننے والے اتحاد کو فنی مدد فراہم کی ۔نورا گراس مین کی پروڈکشن میں بننے والی فلم کی تشہیری کیلئے سات ملین ڈالر خرچ کئے گئے ہیں ۔
ایکشن سے بھرپور فلم اکیس نومبر کو سنیما گھروں میں نمائش کیلئے پیش کی جائے گی۔