ہالی ووڈ: رمانوی داستان پر مبنی فلم ففٹی شیڈز آف گرے کا نیا ٹریلر جاری کردیا گیا ہے۔
ففٹی شیڈز آف گرے معروف برطانوی مصنف ایل جیمز کے ناول سے ماخوذ ہے، سیم ٹیلر ووڈ کی ہدایت کاری میں بننے والی فلم میں ڈکوٹا جونسن اورجیمی ڈارنن اداکاری کے جوہر دکھا رہے ہیں، فلم میں بزنس ٹائیکون اور کالج طالبہ کی محبت بھری داستان پیش کی گئی ہے۔
کالج گرل اپنی محبت کو پانے کیلئے کیا کیا جتن کرتی ہے۔ اسے دیکھنے کیلئے فلم بینوں کو اگلے سال چودہ فروری یعنی محبت کے عالمی دن تک انتظار کرنا ہو گا۔
کرائم کے خاتمے کیلئے پر عزم نوجوان کے گرد گھومتی سائنس فکشن تھرل فلم” پری ڈیسٹی نیشن ” کا نیا ٹریلر ریلیز کردیا گیا۔
ایکشن، تھرل اور سنسنی پھیلاتے ٹریول ایجنٹ کے گرد گھومتی فلم پری ڈیسٹی نیشن کے نئے ٹریلر نے شائقین کو اپنی گرفت میں لے لیا ۔ امریکی رائٹررابرٹ اے مینیلن کے مشہور ناول سے ماخوذ فلم کی کہانی ایک ایسے ذہین اور غیر معمولی صلاحیتوں کے مالک ایجنٹ کے گِرد گھوم رہی ہے جو دنیا میں جرم اور ظالموں کا راج ختم کرنے کیلئے ٹائم مشین استعمال کرتا ہے ۔اس سے وہ پرانے زمانے میں پہنچ جاتا ہے اور بے پناہ مشکلات کا شکار ہو جاتا ہے۔ ما ئیکل اسپیریگ اور پیٹر اسپیریگ کی ہدایتکاری میں بننے والی فلم آٓئندہ سال جنوری میں ریلیز کی جائیگی۔
ہالی وڈ کی نئی ایڈونچر سے بھرپو رانیمٹڈ فلم دی منینز کے رنگا رنگ ٹریلر نے شائقین کے دل جیت لئیے۔
کیون،اسٹورٹ کی فلم منینز کی کہانی رنگا رنگ دنیا سے شہر کی دنیا میں آنے والے ننھے مینینز کے گردگھومتی ہے، جن کو تلاش ہے نئے ماسٹر کی ۔اپنے ماسٹر کی کھوج کیلئے سامنا کرتے ہیں ہر خطرے کا ۔۔تھرل اور ایڈونچر کرتے یہ منینز نیویارک پہنچ جاتے ہیں، مشکل اور پریشانی کا سامنا کرتے یہ منینز کیا اپنی منزل پانے میں کامیاب ہونگے یا نہیں، یہ دیکھنے کیلئےآپ کو جون تک کا انتظار کرنا پڑے گا ۔
ہالی ووڈ : سنسی خیز مناظر سے بھرپورعالمی شہرت یافتہ ہالی وڈ فلم دی گیمبلر کے ٹریلر نے پھر دھوم مچادی۔
جوئے کی دنیا پر راج کرنے والے شخص کے گرد گھومتی ہالی وڈ کی نئی ڈرامہ سے بھرپور فلم دی گیمبلر کے ٹریلر نے شائقین کے دل جیت لئے، فلم انیس سو چوہتر میں بننے والی فکلم کا ریمیک ہے۔
جسمیں مرکزی کردار ہالی وڈ کے صف اول کے اداکار مارک وال برگ نبھا رہے ہیں۔
فلم کی کہانی ایک ایسے پروفیسر کی ہے، جس کو جوئے کی عادت لے ڈوبتی ہے، جوئے کے نشے میں پروفیسر کروڑوں ڈالرز کا قرض دار ہوجاتا ہے اور جان بچانے کیلئے نئے حربے استعمال کرتا ہے ۔
ڈرامہ اور سنسنی سے بھرپور فلم انیس دسمبر کو سنیما گھروں میں ریلیز کی جائیگی۔
ہالی ووڈ: سائنس فکشن فلم دی ہنگر گیمز موکنگ جے پارٹ ون میں جنیفرلارنس ایک بار پھر دھوم مچانے کیلئے تیار ہیں، فلم کے نئے ٹریلر نے مداحوں کے دل جیت لیے۔
ہالی ووڈ سائنس فکشن ایڈوانچر فلم دی ہنگر گیمز سیریز کا تیسرا پارٹ فلم باکس آفس پر تہلکہ مچانے کیلئے تیار ہے، جسمیں جنیفر لارنس ایک بار پھر دشمنوں پر وار کریں گی۔
ایڈوینچرسے بھرپور فلم کی کہانی چوہترویں سالانہ ہنگر گیمزجیتنے والی کیٹ نس ایورڈین کے گرد گھومتی ہے۔
جو دنیا میں امن وامان قائم کرنے کے لیے خطرناک لوگوں سے بھڑ جاتی ہے، فلم میں جنیفر لارنس سمیت جوش ہچر سن ،اور لائم ہیمزو رتھ اہم کرداروں میں نظر آئیں گے۔
ایکشن اور ایڈونچر سے بھرپور فلم اکیس نومبر کو سنیما گھروں میں ریلیز کی جائیگی۔
لندن میں ہالی وڈ کی فلم فوکس کیچرکے پریمیئر شو میں شرکت کرتے ہوئےفلمی ستاروں نے اپنے تاثرات پیش کیے، فوکس کیچر ریسلنگ کی دنیا کے دونامور بھائیوں کی سچی کہانی پر مبنی ہے۔
فلم میں ہالی وڈ کے مشہور اداکاروں چینگ تاتم، سٹیوکارل اور اداکارہ سینا ملر نے نمایاں کردارادا کیا ہے جبکہ فلم کی ڈائریکشن کے فرائض بینٹ ملرنے ادا کیے ہیں۔
فوکس کیچر کے ٹریلر پرعوام کی جانب مثبت تاثرات پیش کیےگئے ہیں جبکہ فلم ایک ماہ بعد سینما گھروں میں نمائش کے لیے پیش کی جائے گی۔
ہالی ووڈ: انسانی حلیہ میں چھپے خونخوار بھیڑیے پر مبنی نئی ہارر فلم وولوز کے ٹریلر نے شائقین کو خوفزدہ کر دیا ہے۔
نوجوان لڑکے کے بھیس میں چھپا خطرناک بھیڑیا بڑے پردے پر سب کا دل دہلانے آرہا ہے، ہالی وڈ کی نئی ہارر فلم وولوز کے ٹریلر نے شائقین پر اپنا سحر طاری کردیا ہے۔
فلم کی کہانی ایک ایسے پُر اسرار نوجوان کے گِرد گھومتی ہے، جو درحقیقت انسانی حلیہ میں ایک خونخواربھیڑیا ہوتا ہے اور اپنے قبیلے کے لوگوں پر سچائی آشکار ہوجانے کے بعد قتل کئے جانے کے خوف میں ادھر ادھر بھٹکتا رہتا ہے ۔
دل دہلا دینے والے مناظر سے بھر پور فلم چودہ نومبر کو امریکی سنیما گھروں میں نمائش کیلئے پیش کی جائیگی۔
ہالی ووڈ: صفِ اول کی ہالی وڈ اداکارہ نکول کڈمین اور اداکار کولن فرتھ کی تھرل سے بھرپور نئی مسٹری فلم بی فور آئی گو ٹو سلیپ کا نیا ٹریلر ریلیز کر دیا گیا ہے۔
سنسنی خیز مناظر سے بھرپور فلم معروف انگلش رائٹر ایس جے واٹسن کے مشہور ناول سے ماخوذ ہے، فلم کی کہانی ماضی میں تکلیف دہ حادثے کا شکار ایسی خاتون پر مبنی ہے، جو صدمے کے باعث سب کچھ بھول جاتی ہے اور خطرناک نفسیاتی کیفیت کی شکار ہو جاتی ہے۔
فلم کے اہم کرداروں میں نکول کڈمین اور کولن فرتھ کے علاوہ مارک اسٹرونگ، اینی میری ڈف اور چارلی گارڈنر شامل ہیں، سنسنی خیز مناظر کی عکاسی کرتی فلم اکتیس اکتوبر کو امریکا میں ریلیز کی جائیگی۔
ہالی ووڈ: ایکشن سے بھرپور تھرلر فلم امریکن اسنائیپر کا ٹریلر ریلیز کردیا گیا ہے۔
رونگٹے کھڑے کر دینے والی حقیقی کہانی سے ماخوذ ہالی ووڈ فلم امریکن اسنائیپر کی کہانی ایک ایسے امریکی فوجی کے گرد گھومتی ہے۔
جس نے اپنی سروس کے دوران ایک سو پچاس سے زائد افراد کو اپنی اسنائیپرگن سے نشانہ بنایا، فلم میں ہالی وڈ اسٹار بریڈلی کو پر امریکی فوجی تاریخ میں سب سے زیادہ مہلک اسنائیپر سمجھے جانے والے شخص کا کردار اد اکر رہے ہیں۔
فلم دسمبر میں سینما گھروں کی زینت بنے گی۔
ہالی وڈ: ایڈونچر سے بھرپور نئی تھری ڈی اینیمیٹڈ فلم ’’دی باکس ٹرولز ‘‘ نمائش کے لئے پیش کر دی گئی ہے۔
ڈرامہ ایڈونچر فلم 26ستمبر کو امریکہ میں سنیما گھروں کی زینت بننے کو تیار ہے، ہالی وڈ کی ایڈونچر سے بھرپور نئی تھری ڈی اینیمیٹڈ فلم "دی باکس ٹرولز "کے کلپس جاری کر دئیے گئے ہیں۔
گراہم اینابیل اور اینتھونی استٹچی کی مشترکہ ہدایت کاری میں بننے والی اس فلم کی کہانی ایک ایسے یتیم لڑکے کے گِرد گھومتی ہے، جس نے زیرِ زمین ایک غار میں اپنے انوکھے دوست بنا رکھے ہیں اور وہ دوست کوئی اور نہیں بلکہ ڈبوں میں رہنے والے دیو مالائی کردار ہیں۔