آج کل کے بچے ہر کھانے میں پیزا کی ہی فرمائش کرتے ہیں اور اگر گھر میں بنا ہوا کھانا پسند نہ آئے تو امی سے نت نئی فرمائشیں کی جاتی ہیں۔
کیا ہی اچھا ہو کہ امی بازار سے مہنگا پیزا آرڈر کرنے کے بجائے گھر میں ہی پیزا بنالیں اور وہ بھی بغیر اوون کے۔
جی ہاں !! اے آر وائی ڈیجیٹل کے پروگرام گڈ مارننگ پاکستان میں شوبز انڈسٹری کی معروف اور سینئر اداکارہ ندا ممتاز نے گھر میں پیزا بنانے کی آسان اور کم خرچ ترکیب بتائی جو یقیناً خواتین کو پسند بھی آئے گی۔
انہوں نے بتایا کہ بچوں کیلئے صبح کے ناشتے میں رات کی بچی ہوئی روٹی کو پیزا کی ڈو کی جگہ استعمال کیا جاسکتا ہے، روٹی کو فرائینگ پین میں رکھ کر اس کے اوپر فریج میں رکھی ہوئی ابلی چکن اور انڈے پھنیٹ کر ڈال دیں۔
اس کے ساتھ تھوڑا سا دودھ، چیز، شملہ مرچ، ٹماٹر اور حسب ذائقہ نمک مرچ ڈال کر اسے تیار کرلیں اور صبح کے ناشتے میں رکھیں، بچے یہ چیزیں بہت شوق سے کھاتے ہیں۔
