سرمہ آنکھوں کی بینائی کو بہتر بنانے، انہیں صاف رکھنے اور انفیکشن سے بچانے کے ساتھ ساتھ پلکوں اور بھنوؤں کی مضبوطی اور بالوں کی نشونما میں مددگار ہوسکتا ہے۔
سرمے کا پتھر، جسے عربی میں «اثمد» کہتے ہیں، ایک قدرتی طور پر پایا جانے والا سیاہ مائل سرخی رنگ کا چمکدار پتھر ہے جسے پیس کر آنکھوں کے لیے سرمہ بنایا جاتا ہے۔
سرمہ کا پتھر بینائی کو بہتر بنانے، آنکھوں کی صفائی کرنے اور انہیں مختلف بیماریوں سے بچانے کے لیے استعمال ہوتا ہے۔ پاکستان میں یہ پتھر باجوڑ ، چترال اور کوہستان کے علاقوں میں پایا جاتا ہے۔
یہ آنکھوں کے اعصاب کو تقویت دیتا ہے، زکام کے دوران آنکھوں سے بہنے والا پانی سرمہ سے خشک ہو جاتا ہے اور آنکھوں کی سرخی جاتی رہتی ہے، آگ سے جلے ہوئے زخموں پر سرمہ چکنائی میں حل کرکے لگانا از حد مفید ہے۔
مندرجہ ذیل سطور میں سرمے کی مدد سے بالوں کیلیے خاص تِل کا تیل بنانے کا طریقہ بیان کیا جارہا ہے جس کو استعمال کرنے سے بالوں کی نشونما اور خوبصورتی میں اضافہ ہوگا۔
تِل اور سرمے کا تیل بنانے کا طریقہ
اس کو تیار کرنے کیلیے آدھا چمچ سرمہ میں 25 ملی گرام تل کا تیل اس میں شامل کرلیں۔ اس جو جب بھی استعمال کرنا چاہیں اسے اچھی طرح ہلا لیں تاکہ نیچے بیٹھا ہوا سرمہ اوپر آجائے۔
اس کے علاوہ بال چر یا گنج پن میں مبتلا افراد کیلیے یہ تیل بہترین دوا ہے اس کو استعمال کرنے کا طریقہ یہ ہے کہ اس کے چند قطرے متاثرہ جگہ پراچھے سے لگائیں اور لہسن کے جوے کو آدھا کاٹ کر اس پر ربنگ کریں۔ یہ عمل چارچھ دن تک کریں وہاں بال اگنا شروع ہوجائیں گے۔
ہاد رہے کہ سرمہ پلکوں کو مضبوط بنانے اور بالوں کی نشوونما میں بھی معاون ثابت ہو سکتا ہے۔ تاہم، ہمیشہ خالص اور معیاری سرمہ استعمال کرنا چاہیے۔ جعلی یا کیمیکل والے سرمے سے پرہیز کرنا چاہیے کیونکہ یہ آنکھوں کو نقصان پہنچا سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
