بالوں کی قبل از سفیدی کا مسئلہ اکثر لوگوں کو درپیش ہوتا ہے جس کی مختلف وجوہات ہوتی ہیں، لیکن ایسی بات نہیں کہ اس مسئلے کا حل موجود نہ ہو۔
ویسے تو گوشت، دودھ یا اس سے بنی مصنوعات اور انڈوں (انڈوں کی زردی) سے اس مشکل کا حل ممکن ہے لیکن کچھ ایسے نسخے بھی ہیں جسے استعمال کرکے ان بالوں کو اپنی قدرت رنگت پر لایا جاسکتا ہے۔
اے آر وائی ڈیجیٹل کے پروگرام گڈ مارننگ پاکستان میں ڈاکٹر ام راحیل نے سفید بالوں کو کالا کرنے کیلئے بہت آسان اور کم قیمت نسخہ بیان کیا ہے۔
انہوں نے بتایا کہ ایک گلاس پانی میں چار پانچ سکاکائی کی چار یا پانچ پھلیاں 5سے 7آم کے پتے ڈال لیں، آدھی کیری کا چھلکا، ایک چمچ فالسے کا پلپ اور ایک چمچ چائے کی پتی بھی شامل کرلیں۔
اس کے بعد ان سب چیزوں کو اتنا پکائیں کہ ان کا عرق نکل آئے اور اور پانی بھی آدھا کپ رہ جائے، اس کے بعد اس میں ایک چھوٹی شیشی کلونجی کا تیل ڈال لیں۔
اس کو بھی اچھی طرح گرم کرنے کے بعد اسے چھان لیں اور ایک بوتل میں بھرلیں، ایک چمچ تیل میں ایک چمچ پانی ملا کر اس تیل کو بالوں میں ہفتے میں تین بار باقاعدگی سے لگائیں، یہ تیل رات کے وقت لگائیں اور صبح نہا لیں۔
ماہرین کے مطابق بالوں کی قبل از سفیدی کی عام ترین وجوہات میں جسم میں وٹامن بی 12 کی کمی کے ساتھ ساتھ جسم میں فولک ایسڈ کی بھی کمی ہوتی ہے جس کے باعث بال جوانی میں ہی سفید ہونے لگتے ہیں۔
ہر انسان کی زندگی میں ایک ایسا وقت بھی آتا ہے جب اس کی قریب یا دور کی نظر کمزور ہوجاتی ہے، جس کا علاج یا تدارک فوری نہ کیا جائے یا اس میں احتیاط نہ برتی جائے تو وہ معاملہ سنگین صورتحال بھی اختیار کرسکتا ہے۔
نظر کی کمزوری کے بہت سے اسباب ہیں جو بینائی کی خرابی سمیت مختلف بیماریوں کا باعث بن سکتے ہیں لہٰذا ان پر فوری قابو پایا جاسکتا ہے۔
اے آر وائی ڈیجیٹل کے پروگرام گڈ مارننگ پاکستان میں ڈاکٹر عیسیٰ نے نظر کی کمزوری کے اسباب اور اس کے علاج کے حوالے سے ایک اہم نسخہ ناظرین کو بتایا جس پر عمل کرنے سے چند ماہ میں نظر کی کمزوری کی شکایت دور ہوسکتی ہے۔
ڈاکٹر عیسیٰ نے کہا کہ ایک چھٹانک سونف کو ہاون دستے میں اچھی طرح کُوٹ لیں، یاد رہے کہ ہاون دستہ لکڑی کا یا پتھر کا ہونا چاہیے لوہے یا اسٹیل کا نہ ہو، سونف کو کوٹنے کے بعد چھان لیں اور باریک سفوف کو نکال لیں۔
اس کے بعد اس سفوف میں پسے ہوئے کابلی چنے کا سفوف بھی ہم وزن شامل کرلیں اور حسب ذائقہ مصری بھی ڈال لیں، اب اس پاؤڈر کو بچوں کیلیے آدھا چمچ اور بڑوں کیلئے ایک چائے کا چمچ دودھ میں ڈال کر صبح شام پلائیں۔
انہوں نے کہا ایک سے دو ماہ میں اس کا بہترین رزلٹ سامنے آجائے گا، اگر اس کے کھانے سے آپ سے سر میں درد شروع ہوجائے تو پریشان نہ ہوں کیونکہ اس کا مطلب ہے آنکھوں کی بینائی بہتر ہورہی ہے لہٰذا چشمے کا نمبر چیک کرائیں۔
انہوں نے بتایا کہ نظر کی کمزوری موروثی بھی ہوسکتی ہے اس کے علاوہ جو بچے اپنا زیادہ وقت کمپیوٹر کے آگے گزارتے ہیں یا موبائل فون کا زیادہ استعمال کرتے ہیں تو اس کا برا اثر ان کی آنکھوں پر پڑتا ہے اور جن کی نظر پہلے سے کمزور ہو تو ان کے چشمے کا نمبر بڑھ جاتا ہے۔
زیتون کا پھل نہ صرف صحت کو برقرار رکھتا ہے بلکہ کا اس کا ذائقہ بھی نہایت خوشگوار ہوتا ہے اور اگر اس کا تیل استعمال کیا جائے تو اس کے بھی بہت سے طبی فوائد ہیں۔
اس حوالے سے اے آر وائی ڈیجیٹل کے پروگرام شان رمضان میں ہربلسٹ سید غالب آغا نے زیتون اور اس کے تیل کے فوائد پر تفصیلی گفتگو کی اور مختلف نسخے بھی بیان کیے۔
انہوں نے کہا کہ زیتون کے درخت کی ہر چیز جس میں اس کے پتے پھل پھول یا اس کی لکڑی ہو سب کارآمد ہے، اس کے 8 یا دس پتوں کو پانی میں ابال کر قہوے کی طرح پیا جائے تو ٹائپ ٹو ذیابیطس کیلئے بے حد مفید ہے۔
اس کے علاوہ یہ کولیسٹرول اور بلڈ پریشر کو کنٹرول کرتا ہے اور امراض قلب کے مریضوں کیلیے بھی فائدہ مند ہے۔
سید غالب آغا نے بتایا کہ اگر 5 یا 6 پتوں کے ساتھ ایک ٹکڑا دار چینی کا ملائیں اور اسے ابال کر پینے سے وائرل انفیکشن نہیں ہوگا، بڑوں کے ساتھ بچوں کو بھی لازمی پلانا چاہیے۔
ماہرین طب کے مطابق ایک چمچ زیتون کے تیل میں ایک سو انیس کیلوریز، چودہ گرام فیٹ، دو گرام وٹامن ای اور آٹھ مائیکرو گرام وٹامن کے پایا جاتا ہے، زیتون کے تیل میں پوٹاشیم بھی پائی جاتی ہے جو صحت کو برقرار رکھنے کے لیے ضروری ہوتی ہے۔
چہرے کا فیشل کروانا اب ضروری ہوتا جارہا ہے، اس کے ذریعے ہماری جلد چمکدار اور دلکش ہوجاتی ہے۔ فیشل دراصل جِلد کو نرم کرنے کا ایک سادہ سائنسی طریقہ ہے، جو جِلد کو تروتازہ کرنے کے ساتھ چہرے کو مناسب چکناہٹ کے ساتھ تازہ اور ٹھنڈا رکھتا ہے۔
میک اپ کرنے سے پہلے جلد کی صفائی ضروری ہے اور وہ صفائی آپ کو فیشل سے حاصل ہو سکتی ہے۔ اب مسئلہ یہ ہے کہ بہترین سستا اور آسان فیشل کیسے کیا جاسکتا ہے۔
جی ہاں!! اب فیشل کرنا کوئی مشکل یا مہنگا عمل نہیں ہے آپ ایک خاص سبزی جو تقریباً ہر گھر میں موجود ہوتی ہے اس کے ذریعے بہترین فیشل کرسکتی ہیں۔
اکثر موسم کی سختی یا نامناسب ماحول کی وجہ سے چہرے کی رنگت مانند پڑجاتی ہے ایسے میں مہنگی کریموں کے بجائے گھریلو اجزاء زیادہ کار آمد ثابت ہوتے ہیں ان ہی میں آلو کا رس بھی شامل ہے جو رنگت نکھارنے میں اپنی مثال آپ ہے۔
آلو دنیا میں سب سے زیادہ شوق سے کھائی جانے والی ایک زبردست سبزی ہے جو غذائیت فراہم کرنے کے ساتھ چہرے کی جلد کو نکھارنے میں بھی اہم کردار ادا کرتی ہے۔
آنکھوں کے سیاہ حلقوں سے لے کر سیاہ دھبوں تک، آلو آپ کی جلد کی تقریباً تمام ہی پریشانیوں کو حل کرنے کی صلاحیت رکھتا ہے۔
آلو کا رس چہرے کو ایک حیرت انگیز دلکشی فراہم کرتا ہے اس میں متعدد غذائی اجزا پائے جاتے ہیں جو آپ کی جلد کی مجموعی صحت کو بہتر بنانے میں مدد دیتے ہیں۔
آلو کے رس میں آئرن، وٹامن سی، پوٹاشیم، وٹامن بی، کیلشیم، کاپر، فاسفورس اور فائٹونیوٹرینٹس موجود ہوتے ہیں۔ آپ اسے میش کریں، پیس کر لگائیں یا اس کا رس استعمال کریں یہ ہر طرح سے آپ کی جلد کو بہتر بنانے میں کسی جادو کی طرح کام کرتا ہے۔
چہرے کے لیے آلو کے رس کے فوائد
آلو کا رس دھوپ سے خراب ہونے والی جلد کو ٹھیک کرتا ہے، آلو میں پولی فینول نامی مرکب پائے جاتے ہیں جو جلد کو سورج کے نقصان سے بچانے میں مدد دیتے ہیں، آلو زنک سے بھرپور ہوتا ہے جو جلد کی مرمت کرنے کے ساتھ سوزش کو دور کرتا ہے۔
آلو کا رس رنگت کو نکھارنے میں مدد کرتا ہے۔ آلو میں آئرن کی کثیر مقدار پائی جاتی ہے جو جلد کی رنگت کو صحت مند بناکر اس کی چمک کو بحال رکھتی ہے۔
آلو کا رس داغ دھبوں کو دور کرتا ہے، آلو کے رس کو چہرے پر لگانے سے مہاسوں سے لڑنے میں مدد ملتی ہے۔
آلو آپ کی جلد کو اندر سے نمی اور ہائیڈریٹ کرتا ہے، یہ جلد کی صحت کو بہتر بناکر اسے چمکدار بناتا ہے۔
چہرے کے پگمنٹیشن کے لیے
آلو اور لیموں دونوں وٹامن سی سے بھرپور ہوتے ہیں جو کسی بھی قسم کے داغوں کو دور کرنی صلاحیت رکھتے ہیں۔
اجزاء:
1 کھانے کا چمچ لیموں کا رس
1 کھانے کا چمچ آلو کا رس
1 کھانے کا چمچ عرق گلاب
ترکیب:
ان تمام اجزاء کو اچھی طرح مکس کریں۔ پھر چہرہ دھونے کے بعد کسی اسپرے یا روئی سے جلد پر لگائیں۔اسے 5 سے 10 منٹ تک لگا رہنے دیں اور پھر ٹھنڈے پانی سے چہرہ دھو لیں۔اس کے بعد ٹونر اور موئسچرائزر کا استعمال کریں۔
چہرے کی لٹکی ہوئی جلد کی شکایات صرف بڑی عمر کے افراد میں ہی نہیں بلکہ نوجوان لڑکے اور لڑکیاں بھی اس پریشانی میں مبتلا ہیں۔
چہرے کی ڈھیلی اور ڈھلکی ہوئی جلد دیکھنے میں بھی بدنما لگتی ہے جس کا شخصیت پر بھی منفی اثر پڑتا ہے، اگر آپ بھی اس سے پریشان ہیں تو فکر کی کوئی بات نہیں کیونکہ گھربیٹھے آسان نسخے سے جلد کو جوان اور صحت مند بناسکتے ہیں۔
اس حوالے سے ماہر امراض جلد ڈاکٹر فیصل سید نے ایک پروگرام میں گفتگو کرتے ہوئے بتایا کہ اس مسئلے سے چھٹکارا پانے کیلئے ایک گھریلو نسخہ انتہائی کارآمد ہے جس سے آپ کی اسکن ٹائٹ اور خوبصورت ہوجائے گی۔
انہوں نے بتایا کہ اس کیلئے تین چیزوں کی ضروت ہے، لیموں کے چھلکے، السی کے بیج اور گوند کتیرا، نسخہ تیار کرنے کیلئے لیموں کے چھلکوں کو پیس کر اس کا پیسٹ بنالیں اس کئے بعد السی کے بیجوں کو ایک برتن میں پانی ڈال کر پکالیں اور جب وہ ایک جیل کی شکل میں ہوجائے تو اسے اتار کر چھان لیں۔ اس کے بعد گوند کتیرا کا پاؤڈر پیس لیں۔
انہوں نے بتایا کہ آدھا چمچ گوند کتیرا کا پاؤڈر، ایک سے ڈیڑھ چمچ السی کا جیل اور ایک چمچ لیموں کے چھلکوں کا پیسٹ ملا کر 10 سے 15 منٹ کیلئے چھوڑ دیں۔ اور اگر یہ زیادہ گاڑھا ہوجائے تو اس میں عرق گلاب یا تھوڑا سا پانی شامل کرلیں۔
اس کو لگاتے ہوئے یاد رکھیں کہ چہرے پر اس طرح لگائیں کہ ہاتھ نیچے سے اوپر کی طرف جائے اور گردن پر بھی لازمی لگائیں، اس کو لگانے کے بعد بغیر تکیے کے آدھا گھنٹے کیلئے سیدھا لیٹ جائیں اور اس دوران نہ ہنسیں اور نہ ہی کسی سے کوئی بات کریں اور کمرے کا درجہ حرارت نارمل ہو پنکھا بھی بند رہے۔
یاد رکھیں لیموں کا شمار دنیا کے مفید ترین پھلوں میں ہوتا ہے جس میں وٹامن سی کی خاصی مقدار ہوتی ہے جبکہ یہ بھی کولاجن بڑھاوا دینے والے مادوں کو توڑ کر جلد کو جوان بناتا ہے جب کہ لیموں جھریوں کے خاتمہ کے لیے بھی کارآمد ہے۔
دیسی گھی کے نام پر بڑی جعل سازیاں سامنے آتی رہتی ہیں کیونکہ مذکورہ گھی کی تیاری میں بہت محنت اور وقت درکار ہوتا ہے، تاہم اب یہی مشکل آسان ہوگئی۔
ویسے تو ہماری دیہات میں رہنے والی خواتین بہت مہارت کے ساتھ دیسی گھی کی تیاری کا کام بڑی مہارت سے سرانجام دیتی ہیں لیکن شہری خواتین کی بڑی تعداد کو یہ کام خاصا مشکل لگتا ہے۔
آج ہم آپ کیلئے گھر میں آسان اور کم وقت میں دیسی گھی بنانے کا طریقہ طؤبیانب کررہے ہیں جس کیلئے کسی قسم کی مشقت کا بھی کوئی امکان نہیں کیونکہ یہ گھی ہم پریشر ککر کی مدد سے تیار کریں گے اور بھی صرف دس منٹ میں۔
گھر پر گھی بنانے کے اس عمل میں بالائی جمع کر کے چولہے پر چڑھا کر گھنٹوں انتظار کے بعد اسے چھلنی سے چھاننا ایک مشکل کام لگتا ہے کیونکہ یہ خاصا وقت طلب بھی ہے۔
گھر پر بنایا گیا گھی خالص اور صحت بخش ہوتا ہے اس لیے سالہا سال سے چلتی روایات کو تبدیل کرنے کا سوچے بنا سگھڑ خواتین اسے خود ہی تیار کرتی ہیں۔
حال ہی میں سوشل میڈیا پر 28 ملین کے ساتھ وائرل ہونے والی ایک ویڈیو نے خواتین کی اس مشکل کو آسان کر دیا ہے جسے ’گھی پریشر ککر میں بھی بن سکتا ہے‘ کے عنوان سے شئیر کیا گیا ہے ۔ تو اب 10 منٹ میں آپ بھی گھی باآسانی بنا سکتی ہیں۔
اس کے لیے سب سے پہلے ککر میں بالائی ڈال کر تھوڑا سا پانی شامل کرکے اسے ڈھک دیں جب پریشر ککر کی ایک سیٹی بج جائے تو ڈھکن ہٹا کر اس میں بیکنگ سوڈا ڈال کر تھوڑی دیر کے لیے جوش دے دیں۔ تھوڑا ٹھنڈا ہونے پھر چھلنی میں سے چھان لیں، مزیدار گھی تیار ہے۔
اگر آپ جوڑوں کی تکلیف میں مبتلا ہیں تو آپ اکیلے نہیں بلکہ لوگوں کی ایک بہت بڑی تعداد اس سے نبرد آزما ہے، دراصل 40 سال کی عمر کے بعد اس قسم کی شکایات کا سلسلہ شروع پوجاتا ہے۔
درحقیقت عمر بڑھنے کے ساتھ ہڈیاں بھی کمزور ہونے لگتی ہیں جس کے باعث جوڑوں کا درد لوگوں کو اپنا شکار بنالیتا ہے تاہم اس میں کمی لانا یا بچنا اتنا بھی مشکل کام نہیں۔
اب پریشانی کی کوئی بات نہیں, کہنی اور ٹانگوں کے جوڑوں کے درد سے نجات کیلئے ڈاکٹر بلقیس شیخ نے ایک نہایت آسان اور آزمودہ نسخہ بنا کر دکھایا جس کے استعمال سے آپ جوڑوں کے درد کو باآسانی ختم کرسکیں گے۔
اے آر وائی ڈئیجیٹل کے پروگرام گڈ مارننگ پاکستان میں انہوں نے یہ طریقہ بیانب کرتے ہوئے بتایا کہ اس نسخے ’کھوئے کے لیپ‘ کی تیاری کیلیے ہمیں سرسوں کا تیل، ہلدی ، انڈہ اور کھوئے کی ضروت ہوگی۔
دوچمچ نیم گرم سرسوں کے تیل میں دو چمچ ہلدی ملا کر اسے چولہے سے اتار دیں اور ایک انڈہ ملا کر اسے اچھی طرح مکس کرکے اس کا پیسٹ بنالیں۔ اس کے بعد اتنا کھویا لیں جتنا درد والے جوڑ کے چاروں طرف بھر کر لگ جائے۔
کھوئے کو ایک کپڑے پر ڈال کر پھیلا دیں اور گرم گرم لیپ کو کھوئے پر ڈال دیں، اور متاثرہ جگہ پر کپڑے کو دو گھنٹے کیلئے باندھ دیں۔ اور اگلے دن وہی کھویا استعمال ہوسکتا ہے صرف پرانا لیپ ہٹا کر اس پر دوبارہ لیپ لگا دیں۔
اکثر خواتین جو ہیل کی سینڈلز پہنتی ہیں ان کی ایڑیوں میں درد ہونا ایک عام سی بات ہے، اس کے علاوہ عمر رسیدہ افراد سمیت کسی گہری چوٹ کے نتیجے میں بھی ایڑیوں کا درد چین سے بیٹھنے نہیں دیتا۔
خواتین کے اونچی ہیل کے جوتے بظاہر تو ہر دور کا فیشن ہیں لیکن یہ سینڈلز خواتین کو شدید تکلیف میں بھی مبتلا کردیتی ہیں جس میں ایڑیوں کا درد سرفہرست ہے۔
اے آر وائی ڈیجیٹل کے پروگرام گڈ مارننگ پاکستان میں معروف ہربلسٹ ڈاکٹر بلقیس شیخ نے ایڑی یا پیر کے درد کے علاج کیلئے ایک انتہائی کارآمد اور آزمودہ نسخہ بنانے کا طریقہ بتایا۔
جس کو استعمال کرنے سے ایڑی کا درد فوری اور جادوئی انداز سے رفع ہوجائے گا اور آپ کو سکون اور راحت کا احساس ہوگا۔
انہوں نے بتایا کہ یہ نسخہ میں اپنی ساس کو بنا کر دیتی ہوں جس سے ان کو بہت افاقہ ہوتا ہے، اس کے بنانے کا طریقہ یہ ہے کہ دو چمچ سرسوں کا تیل فرائی پین میں ڈال کر ہلکی آنچ پر رکھ دیں اور اس میں ایک چمچ پورا بھر کر ہلدی ڈال دیں۔
اس کے بعد جب یہ نیم گرم ہوجائے تو اس میں ایک انڈا ڈال کر چولہے سے ہٹالیں تاکہ انڈا پکنے نہ پائے اور اس کو اچھی طرح پھینٹ کر پیسٹ بنالیں اور درد کی جگہ پر لیپ کرلیں کچھ دیر میں درد غائب ہوجائے گا۔
واضح رہے کہ ایڑی میں درد ہونا پیروں کا سب سے عام مسئلہ ہے، یہ درد ایڑی کے اندر یا اس کے پیچھے ہوتا ہے جہاں پنڈلی سے ایڑی تک آنے والا طاقتور پٹھا ایڑی کی ہڈی سے جڑتا ہے، کئی بار یہ درد ایڑی کے سائیڈ میں بھی محسوس ہوتا ہے۔
ہمارے پیر میں 26 ہڈیاں، 33 جوڑ اور 100 سے زائد پٹھے ہوتے ہیں اور ایڑی پیر کی سب سے بڑی ہڈی ہے۔ اگر آپ ایڑیوں کو بہت زیادہ استعمال کریں یا اس کو چوٹ لگ جائے تو پھر درد ہو سکتا ہے جس کی شدت معمولی سے لے کر بدترین ہو سکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
اب آپ اپنے گھر میں اورنج کا عمدہ اور لذت سے بھر پور نفیس ترین جیم تیار کرسکتی ہیں، جس کیلئے کسی لمبی چوڑی تیاری کی ضرورت نہیں۔
موسم سرما میں نارنگی بازاروں میں باآسانی اور مناسب قیمت پر دستیاب ہے، نارنگیاں وٹامن سی سے بھرپور ایک انتہائی صحت بخش پھل ہے جس میں ایسے اجزاء پائے جاتے ہیں جو آپ کی مجموعی صحت کو بہتر بنانے میں اہم کردار ادا کرتے ہیں۔
نارنگی کا شمار ان پھلوں میں ہوتا ہے جس کے رس کو نہ صرف کئی طرح پکوانوں اور سلاد میں استعمال کیاجاتا ہے بلکہ اس کا چھلکا بھی جلد کی حفاظت میں کسی نعمت سے کم نہیں۔
اس کے چھلکوں سے کشید کیا جانے والے عرق سے وٹامن سی سیرم تیار کیا جاتا ہے جو جلد کے تمام مسائل کا بہتر حل پیش کرتا ہے۔ یہی وجہ ہے کہ اس کے رس سے لے کر اس کے چھلکے تک سب کچھ ہی بے مثال ہے۔
اس پھل سے تیار کیے جانے والا جیم صحت بخش ہونے کے ساتھ بے حد مزیدار بھی ہوتا ہے آج ہم آپ کیلئے نارنگی سے نہایت آسان جیم بنانے کا طریقہ پیش کررہے ہیں۔
اس جیم کو تیار کرنے کے لیے جو اجزاء درکار ہیں ان میں 8 عدد نارنگیاں اور 400 گرام چینی شامل ہیں۔
ترکیب
سب سے پہلے 6 نارگیوں کی رس نکال لیں اب ایک پین میں یہ رس شامل کریں اور چینی بھی شامل کر کے دھیمی آنچ پر پکائیں جب یہ گاڑھا ہوجائے تو اس میں بقیہ دو نارنگیوں کو چھیل کر بیج نکال لیں۔
اب اس کو گودا چھوٹا چھوٹا کر کے جیم میں شامل کریں کچھ دیر پکانے کے بعد ٹھنڈا ہونے کے لیے رکھ دیں پھر اسے کسی جار میں محفوظ کر لیں لیجئے مزیدار جیم تیار ہے ناشتے میں بریڈ پر لگا کھائیں اور سرد موسم میں ناشتے کا لطف اٹھائیں۔
اگر آپ اپنے بالوں کے جلدی سفید ہونے کی وجہ سے پریشان ہیں تو بے فکر ہوجائیں کیونکہ بالوں کو سیاہ کرنے کا ایک بہترین نسخہ پیش خدمت ہے۔
اکثر لوگوں کا خیال ہوتا ہے کہ اگر بال سفید ہوجائیں تو پھر وہ سیاہ نہیں ہوسکتے اور اس مقصد کیلئے لوگ مختلف طرح کے ہیئر کلرز استعمال کرتے ہیں لیکن اب ایسا ہرگز نہیں ہے۔
اے آر وائی ڈیجیٹل کے پروگرام گڈ مارننگ پاکستان میں معروف ہربلسٹ ڈاکٹر بتول اشرف نے سفید بالوں کو دوبارہ کالا کرنے کا بہترین نسخہ بتایا جو آسان بھی ہے اور کم خرچ بھی۔
انہوں نے بتایا کہ درمیانے سائز کے آلو کے چھلکے کو پکا کر اس کا پانی چھان کر نکال لیں اس میں ایک چٹکی نمک شامل کریں۔ اس کے بعد ایک چمچ سیب کا سرکہ، ایک چمچ زنک سیرپ، اور دو چمچ ایلو ویرا کا جوس۔
اس کو لگانے کا طریقہ یہ ہے کہ بالوں کو اچھی طرح شیمپو سے دھونے کے بعد بالوں کے اوپر لگائیں اور چھوڑ دیں یہ عمل بڑوں کیلئے روزانہ اور بچوں کیلئے ہفتے مین تین بار کرنا ہے اس دوران بالوں کو بالکل بھی رنگنا آپ کے بال چند ہفتوں میں قدرتی طور پر کالے سیاہ ہوجائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
