Tag: Home Remedy

پتے میں پتھری سے متعلق شکایات عام ہوتی جارہی ہیں، تمام مریضوں کو اس کی تکلیف یا ان میں علامات ظاہر نہیں ہوتیں کہ جس سے اس کی موجودگی کا اندازہ ہو سکے۔

بہت سے ایسے لوگ بھی ہیں جن کو علامات ظاہر ہوئے بغیر شدید درد ہوتا ہے لیکن اس تشخیص نہیں ہوپاتی۔ بیشتر حکماء پتھری کے علاج کیلیے لیموں کا استعمال کرتے ہیں۔

لیموں میں دیگر پھلوں اور سبزیوں کی نسبت سیٹراٹ کی مقدار بہت زیادہ ہوتی ہے جو پتھری کی روک تھام کے ساتھ ساتھ جگر اور مثانے کو صاف رکھتی ہے۔

اس کے علاوہ کیلشیم کے اجزاء سے بھرپور لیموں کا پانی آنتوں کو صاف رکھنے اور خوراک کی نالی کی کارکردگی بہتر بنانے میں مدد دیتا ہے۔

اس حوالے سے اے آر وائی زندگی کے پروگرام سلام زندگی میں حکیم شاہ نذیر نے لیموں کی افادیت اور اس کے ذریعے پتے کی پتھری کے علاج کا طریقہ بیان کیا۔

انہوں نے بتایا کہ لیموں میں بےشمار فوائد ہیں یہ وٹامن سی کا خزانہ ہے اور اس کا چھلکا جگر کو مضبوط اور طاقتور بنانے اور یرقان کیلیے بہت اچھا ہے۔

پتے کی پتھری کا علاج طریقہ بتاتے ہوئے انہوں نے کہا کہ ایک کپ پانی میں ایک لیموں نچوڑ کر اس میں دو چمچ زیتون کا تیل مکس کرکے صبح نہار منہ پی لیں، اس نسخے کو 45 روز تک استعمال کریں پتے کی پتھری آہستہ آہستہ گھل جائے گی۔

انہوں نے بتایا کہ اس نسخے کو میں نے بہت سے مریضوں کو دیا جس سے ان کو بہت فائدہ ہوا، ان لوگوں کو پتہ نکالنے کی بھی ضرورت نہیں پڑی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔

بالوں کو صحت مند اور خوبصورت دیکھنا سب ہی کی خواہش ہوتی ہے، سفید بال انسان کی شخصیت میں ایک واضح تبدیلی لاتے ہیں، تاہم قبل از وقت بالوں میں سفیدی کا ظاہر ہونا بہت عام ہوتا ہے جو یقیناً بالکل اچھا نہیں لگتا۔

سفید بالوں کو سیاہ کرنے کیلئے کیمیکل سے بھر پور بازاری مصنوعات کے استعمال سے ہر ممکن بچنا چاہئے کیونکہ کیمیکل سے بھرپور ادویات اور نہ صرف بالوں بلکہ جلد کو بھی نقصان پہنچاتی ہیں۔

اس کا آسان اور سستا حل آپ کے گھر میں ہی موجود ہے، بالوں کو سیاہ کرنے والا یہ مجرب نسخہ ایک نجی ٹی وی کے پروگرام میں ڈاکٹر بلقیس نے بتایا۔

اس نسخے کو تیار کرنے کیلئے آپ کو صرف چند چیزیں درکار ہیں، پیاز کا چھلکا، آملہ، سکاکائی ، ثابت کتھے کی ڈلی، چائے کی پتی اور کافی۔

اسے بنانے کا طریقہ یہ ہے کہ سکاکائی اور پیاز کے چھلکے ایک لیٹر پانی میں اچھی طرح پکائیں جب وہ ایک کپ رہ جائیں تو اسے چھان کر نکال لیں اس کے بعد اس میں تھوڑی سی چائے کی پتی اور کافی ملالیں۔

نہانے سے پہلے اس تیل کی کچھ مقدار سے سر کی مالش معمول بنالیں۔ بالوں کو سفید بنانے کے عمل سے ممکنہ تحفظ فراہم کرسکتا ہے جبکہ اس سے بال مضبوط بھی ہوتے ہیں۔

اس پانی کو روزانہ اپنے بالوں میں لگائیں کچھ ہفتوں میں آپ کو نظر آئے گا کہ آپ کے سفید بال رفتہ رفتہ کالے ہوتے رہیں گے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔