بہت سے لوگ اپنا وزن یا موٹاپا کم کرنے کے لیے مختلف طریقے استعمال کرتے ہیں، وزن میں اضافہ تو کسی کو بھی پسند نہیں ہوتا بالخصوص اگر پیٹ باہر نکلنا شروع ہوجائے۔
جسمانی وزن میں کمی کے لیے لوگ ڈائٹنگ کرتے ہیں، ورزشوں کے پروگرام کا حصہ بنتے ہیں یا ایسے ہی دیگر طریقوں کو اپناتے ہیں۔ موٹاپے کے شکار افراد میں مرد و خواتین تو ہیں ہی اب نوعمر بچے بھی شامل ہوگئے ہیں۔
ایسے میں ایک ایسا طریقہ بھی موجود ہے جس سے جسمانی وزن میں کمی لانا ممکن ہے اور کچھ خاص کرنا بھی نہیں پڑتا۔ یہ طریقہ بتایا ہے ڈاکٹر ام راحیل نے جس پر عمل کرکے چند دنوں میں وزن میں دس کلو تک کمی لائی جاسکتی ہے۔
ایک نجی نیوز ویب سائٹ سے گفتگو کرتے ہوئے انہوں نے بتایا کہ اس گھریلو سنخے سے بہت کم وقت کم میں آپ اپنا وزن کم کرسکتے ہیں دس کلو چٹکیوں کی بات ہے۔
اجزاء :
ایک لیٹر پانی، ایک انچ دار چینی کا ٹکڑا۔ میتھی دانہ آدھا چمچ، ادرک ایک انچ کے دو ٹکڑے، لیموں ایک عدد چھلکے سمیٹ گول کاٹ کر۔
نسخہ بنانے کی ترکیب :
ڈاکٹر ام راحیل نے بتایا کہ ان تمام اجزاء کو پانی میں ڈال کر رات بھر کیلئے ایک جگ میں رکھ دیں اور ذائقے کیلیے اس میں تھوڑا سا شہد بھی ملا سکتے ہیں۔
یاد رہے کہ یہ پانی صبح نہار منہ اور دن بھر تھوڑا تھوڑا پی کر پورے دن میں ختم کرنا ہے، اس بات کا بھی خیال رہے کہ پانی کو فریج میں نہیں رکھنا۔ یہ پانی 13 سال کی عمر سے بڑے تمام افراد استعمال کرسکتے ہیں تاہم حاملہ خواتین یہ پانی نہ پیئیں۔
انہوں نے کہا کہ کھانے کی ٹائمنگ کا خاص خیال رکھیں رات کا کھانا مغرب تک لازمی کھالیں، کھانے کے بعد ٹھنڈا پانی بالکل نہیں پینا بلکہ نیم گرم پانی پیئں اور بعد میں ہلکی پھلکی واک کرنا بہت زیادہ ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
