Tag: honey trap

کراچی: ایس ایس پی گھوٹکی کی حکمت علی سے 43 شہری ہنی ٹریپ ہو کر ڈاکوؤں کے چنگل میں جانے سے بچ گئے۔

تفصیلات کے مطابق ایس ایس پی گھوٹکی نے چالیس سے زیادہ شہریوں کو ہنی ٹریب کے ذریعے کچے کے ڈاکوؤں کے ہاتھوں اغوا ہونے سے بچا لیا، رپورٹ کے مطابق ان شہریوں کو گزشتہ 46 دنوں میں ہنی ٹریپ ہونے سے بچایا گیا۔

ایس ایس پی سمیع اللہ سومرو کے مطابق مذکورہ شہریوں کا تعلق پاکستان کے مختلف شہروں سے تھا، جنھیں 21 اکتوبر سے 6 دسمبر تک بچایا گیا، تمام شہری ہنی ٹریپ ہو کر اغوا کاروں کے چنگل میں جا رہے تھے، تاہم ڈیجیٹل طریقے سے کچے کے ڈاکوؤں پر نظر رکھے جانے کے سبب ان وارداتوں کو ناکام بنایا گیا۔

ایس ایس پی نے بتایا کہ شہریوں کو شادی، ٹریکٹر، نوکری، سستی گاڑی کا لالچ دیا گیا تھا، کسی کو فون کر کے تو کسی کو ہوٹل میں پہنچ کر اغوا ہونے سے بچایا گیا، ان میں سے متعدد افراد کچے کے بند تک پہنچ چکے تھے جنھیں بروقت روکا گیا، ہنی ٹریپ کے شکار افراد کو بتایا گیا کہ وہ کچے کے ڈاکوؤں کے چنگل میں جا رہے ہیں۔

بارات میں فائرنگ سے ہلاکت، دولہے اور اس کے والد کے خلاف مقدمہ درج

سمیع اللہ سومرو کے مطابق ان شہریوں کا تعلق کراچی، حیدر آباد، خیرپور اور سوات بحرین سے ہے، خیرپور میرس، میانوالی، ملتان، مٹھی، نوکوٹ سے جانے والے بھی بچا لیے گئے، ان میں مظفر گڑھ، لاہور، گھوٹکی، ڈیرہ اسماعیل خان، گجر خان، راولپنڈی، رحیم یار خان، چکوال، ٹنڈو جان محمد، بونیر، اور ڈی جی خان، اٹک سے جانے والے شہری بھی شامل تھے۔

کچے کے علاقے کے بعد ساہیوال میں بھی ہنی ٹریپ کا کیس سامنے آگیا جس میں پولیس کانسٹیبل ہی ملوث نکلا ہے۔

تفصیلات کے مطابق کچے کے علاقے کے بعد ساہیوال میں بھی ہنی ٹریپ کا کیس سامنے آگیا، ہنی ٹرپ کیس میں پولیس کانسٹیبل کے خلاف مقدمہ درج کرلیا گیا۔

ایف آئی آر کے متن کے مطابق ساہیوال میں ماہم نامی لڑکی نے ارشد کو کال کر کے رینٹ پر گاڑی منگوائی، کالج چوک کے قریب دوسری گاڑی نے ان کی گاڑی کو روکا، پولیس کانسٹیبل رانا اکمل اور رانا ضیا نے اسلحہ کے زور پر کار مالک کو پچھلی سیٹ پربٹھایا۔

ایف آئی آر کے مطابق پولیس کانسٹیبل اور ساتھی نے کار کے مالک سے 3 لاکھ روپے کا مطالبہ کیا، پیسے نہ دینے پر پولیس کانسٹیبل نے ارشد کے اے ٹی ایم سے 43 ہزار روپے نکالے۔

ارشد نے مزید بتایا کہ کانسٹیبل نے دھمکی دی اگر کسی کو بتایا تو منشیات کے کیس میں بند کروادوں گا، ڈی پی او نے اس واقعے کا نوٹس لیا جس کے بعد پولیس نے مقدمہ درج کر کے لڑکی اور کانسٹیبل کو گرفتار کر لیا گیا۔